Sunday, December 28, 2008

Privacy Policy

Itvalam respects the privacy of the visitors!
What information do we collect?
Hello, visitor! We collect information from you when you register on our site or subscribe to our newsletter. When ordering or registering on our site, as appropriate, you may be asked to enter your: name or e-mail address. You may, however, visit our site anonymously.
What do we use your information for?
Any of the information we collect from you may be used in the following way
-To improve our website
(we continually strive to improve our website offerings based on the
 information and feedback we receive from you)
Do we disclose any information to outside parties?
We do not sell, trade, or otherwise, transfer to outside parties your personally identifiable information. This does not include trusted third parties who assist us in operating our website, conducting our business, or servicing you, so long as those parties agree to keep this information confidential. We may also release your information when we believe release is appropriate to comply with the law, enforce our site policies, or protect ours or others rights, property, or safety. However, non-personally identifiable visitor informationmay be provided to other parties for marketing, advertising, or other uses.
Third party links
Occasionally, at our discretion, we may include or offer third party products or services on our website. These third party sites have separate and independent privacy policies. We, therefore, have no responsibility or liability for the content and activities of these linked sites. Nonetheless, we seek to protect the integrity of our site and welcome any feedback about these sites.
Online Privacy Policy Only
This online privacy policy applies only to information collected through our website and not to information collected offline.
Your Consent
By using our site, you consent to our websites privacy policy.
Changes to our Privacy Policy
If we decide to change our privacy policy, we will post those changes on this page.
Contacting Us
If there are any questions regarding this privacy policy you may contact us using the information below.

Imthiyas Anoof
anooof@gmail.com

Blu-ray Disc

வந்தாச்சு ப்ளூ-ரே டிஸ்க்!

கணினிகளில் டேட்டாவைப் பதிய வென ப்லொப்பி டிஸ்க், சீடி, டீவிடி, பென் ட்ரைவ் எனப் பல ஊடகங்கள் (Removable Media) உள்ளன. முதன் முதலில் காந்தப் புலனைப் பயன்படுத்தி சேமிக்கக் கூடிய எட்டு அங்குள அள்விலான பெரிய ப்லொப்பி டிஸ்க் அறிமுகமாகியது. அப்போது சுமார் 80 கிலோபைட் அளவுடைய டேட்டாவையே அவற்றில் பதிய முடிந்தது . பின்னர் 5 ¼ அங்குள அளவில் 360 கேபீ அளவான டேட்டாவைப் பதிக்கக் கூடிய ப்லொப்பி டிஸ்குகள் அறிமுகமாகின. அதன் பின்னர் 3 ½ அங்குள அளவுடைய கைக்கடக்கமான 1.44 மெகாபைட் அளவில் டேட்டாவைப் பதியக் கூடிய ப்லொப்பிகள் பாவனைக்கு வந்தன. அதற்கடுத்து 200 எம்பீ அளவில் டேட்டாவை பதிக்கக் கூடிய சிப் டிஸ்க் (Zip Disk) அறிமுகமானது. எனினும் இவை எதுவும் அதிக கொள்ளவு கொண்ட பைல்களை சேமிக்கக் கூடியதாய், எமது தேவையை நிவர்த்தி செய்வதாய் இருக்கவில்லை.

அதன் பிறகு ஒளிக் கதிர் கொண்டு சேமிக்கக் கூடிய கொம்பேக்ட் டிஸ்க் எனும் சீடிக்கள் அறிமுகமாயின. சிடிக்கள மக்களிடம் அதிக வரவேற்பைப் பெற்றதோடு 700 எம்பி அளவிலான டேட்டாவையும் பதிக்கக் கூடியதாயிருந்தது. சுமார் 500 ப்லொப்பி டிஸ்கில் பதிக்கக் கூடிய டேட்டாவை ஒரே சிடியில் பதிக்க முடிந்தது. அதன் பின்னர் தொழில் நுட்பத்தில் ஏற்பட்ட வளர்ச்சியில் சீடிக்களின் இடத்தை டீவிடிக்கள் கைப்பற்றின. டீவிடி என்பது சீடிக்களை ஒத்திருந்தது. எனினும் சீடியை விட அதிக டேட்டாவை டீவிடிகளில் பதிய முடிந்தது. டீவிடிக்களில் பதியப்படும் வீடியோ காட்சிகள் அதிக தரம் வாய்ந்ததாகவும் ஒரு லேயர் கொண்ட டீவிடியில் 4.7 கிகாபைட் வரையிலான டேட்டாவையும் பதிய முடிகிறது. அதாவது ஐந்து சீடிக்களில் பதியக் கூடிய டேட்டாவை ஒரே டீவிடியில் பதிந்து விடலாம். ஒரே டீவிடியில் மூன்று அல்லது நான்கு திரைப்படங்கள் வருவது நீங்கள் அறிந்த விடயமே. .

ஒளிக்கதிர் கொண்டு த்கவல் பதியும் ஊடகங்களான சீடி, டீவிடி தொழில் நுட்பத்தையடுத்து தற்போது அறிமுகமாகியுள்ளதே பீடி (BD) எனும் ப்ளூ-ரே டிஸ்க் (Blu-ray Disc) ஆகும். இது வரை பிரபலாமாகியிருந்த டீவிடியின் இடத்தைக் கைப்பற்ற ஆரம்பித்திருக்கிறது இந்த ப்ளூ-ரே டிஸ்க். ப்ளூ-ரே டிஸ்க் உயர் தரத்திலான வீடியோ மற்றும் ஓடியோவைப் பதிய மட்டுமன்றி சீடி,டீவிடிக்களை விட பன்மடங்கு டேட்டாவையும் பதியக் கூடியவாறு உருவாக்கப்பட்டுள்ளன.

(High Definition ) ஹை டெபினிசன் எனும் உயர் தரத்திலான வீடியோ காட்சியைப் பதியக் கூடியவறு இந்த ப்ளூ-ரே டிஸ்க் உருவாக்கப் பட்டுள்ளது, ஹை டெபினிசன் எனும் உயர் தரத்திலான ஒரு திரைப் படத்தை ஒரே டீவிடியில் பதிய முடியாது. அதற்கு டீவிடியை விடவும் அதிக கொள்ளளவு கொண்ட ஒரு சேமிக்கும் ஊடகம் அவசியம். அதற்குத் தீர்வாக வந்ததே இந்த ப்ளூ-ரே டிஸ்க்.

ஹை டெபினிசன் எனும் அதி உயர் தரத்திலான வீடியோ மற்றும் ஓடியோவைப் பதியவும் (Write) , மீளப்பதிதல் (Re-write) , படித்தல் (Read) போன்ற செயற்பாட்டுக்கு, அதிக கொள்ளளவுடைய ஒரு ஊடகத்தை உருவாக்கும் நோக்கில் உலகின் இலத்திரனியல் சாதனங்களை தாயாரிக்கும் பல முன்னணி நிறுவனங்கள் ஒன்று சேர்ந்து Blu-ray Disc Association (BDA) எனும் அமைப்பைத் தோற்றுவித்து ப்ளூ-ரே போமட்டை உருவாக்கின.

ஒரு லேயர் கொண்ட ஒரு பக்கத்தில் மட்டும் பதியக் கூடிய ஒரு ப்ளூ-ரே டிஸ்கில் 25 கிகாபைட் டேட்டாவை பதிய முடியும். இது சாதாரண ஒரு சீடி கொள்ளும் டேட்டாவை விட சுமார் 40 மடங்கு அதிகமானது. அத்தோடு இரட்டை லேயர் கொண்ட ப்ளூ-ரே டிஸ்கில் 50 கிகாபைட் அளவில் டேட்டாவைப் பதியலாம்.

ஹை டெபினிசன் போமட்டில் இரட்டை லேயர் கொண்ட பீடியில் 9 மணி நேரம் ஓடக் கூடிய வீடியோவையும்., சாதாரண (standard) போமட்டில் பதிவதானால் சுமார் 23 மணி நேரம் ஓடக் கூடிய வீடியோ படங்களையும் பதிந்து விடலாம்.

உருவத்தில் சீடி மற்றும் டீவிடிக்களின் அளவினை ஒத்ததாகவே ப்ளூ-ரே டிஸ்கும் காணப்படுகின்றது. அது மட்டுமன்றி கையாளப்பபடும் தொழில் நுட்பமும் ஒத்ததாகவே உள்ளது. சீடி மற்றும் டீவிடியை விட ப்ளூ-ரே டீஸ்கில் காணப்படும் அடிப்படை வேறுபாடு யாதெனில் அதில் டேட்டாவை பதியவும் படிக்கவும் பயன் படுத்தப்படும் லேசர் கதிராகும். சீடி, டீவிடி என்பவற்றில் சிவப்பு நிறத்திலான லேசர் கதிர்கள் பயன்படுத்தப்படும் அதேவேளை ப்ளூ-ரே டிஸ்கில் நீல நிற லேசர் கதிர்கள் பயன் படுத்தப்படுகின்றன. நீல் நிற லேசர் கதிர்கள் குறுகிய அலை (wavelength) நீளத்தைக் கொண்டவை. (450 Nanometer) சிவப்பு நிற லேசர் கதிர்கள் 650 நெனோ மீட்டர் அலை நீளம் கொண்டவை.. நீல நிற லேசர் கதிர்களால் சிறு பரப்பிலும் ஊடுறுவ முடியும். . இதன் காரணமாகவே அவற்றில் அதிக டேட்டாவை பதிய முடிகிறது.

நீல நிறக் லேசர் கதிர்கள் பயன்படுத்துவதனாலேயே ப்ளூ-ரே டிஸ்க் எனும் பெயரை இடந்த டிஸ்க் பெறுகிறது. அதாவது ப்ளூ (blue-நீலம்) என்பது பயன்படுத்தப்படும் லேசர் கதிரின் நிறத்தையும் ரே (ray) என்பது ஒளிக் கதிர் என்பதையும் குறித்து நிற்கிறது. எனினும் இங்கு blue எனும் வார்த்தையிலுள்ள "e" எழுத்து கை விடப்பட்டுள்ளது.

டொஸீபா நிறுவனமும் ஹை டெபினிசன் வீடியா பதிவுக்கென HD-DVD எனும் டிஸ்கை ப்ளூ-ரே டிஸ்கிற்குப் போட்டியாக அறிமுகப்படுத்தியது. எனினும் ப்ளூ-ரே டிஸ்கின் கொள்ளளவை விட குறைந்ததாகவே அவை காணப்பட்டன. என்வே டொஸீபா நிறுவனம் போட்டியிலிருந்து விலகிக் கொண்டதோடு HD-DVD யை தயாரிப்பதையும் நிறுத்திக் கொண்டது.

இந்த ப்ளூ-ரே டிஸ்கை வழமையான சீடி அல்லது டீவிடி ப்லேயர் மூலம் இயக்க முடியாது. இதனை ப்ளூ-ரே டிஸ்க் ப்லேயர் கொண்டு மட்டுமே இயக்கலாம். எனினும் ப்ளூ-ரே டிஸ்க் ப்லேயர் கொண்டு சீடி மற்றும் டீவிடிக்களை இயக்க முடியும். இதனை ஆங்கிலத்தில் (Backward Compatibility) எனப்படுகிறது.

தற்போது சீடி ரொம், டீவிடி ரொம்மிற்குப் பதிலாக கணினிகளில் இந்த ப்ளூ-ரே டிஸ்க் ரொம் இணைந்து வர ஆரம்பித்துள்ளது. சீடி, டீவிடி போன்றே பீடியிலும் BD -R, BD-RE, BD-ROM என மூன்று வகைகளுள்ளன. இவற்றில் ஹை டெபினிசன் வீடியா மட்டு மன்றி டேட்டாவையும் பதியலாம். கணிணியில் ப்ளூ-ரே டிஸ்குடன் ஒத்திசையக் கூடிய மென்பொருள்களாக Roxio- Easy Media Creator, Click to Disc, InterVideo WinDVD-BD என்பவற்றைக் குறிப்பிடலாம்.

அடுத்த தலை முறையினர் சீடி, டீவிடிக்குப் பதிலாக இந்த ப்ளூ-ரே டிஸ்கையே பயன்படுத்தப் போகின்றனர். இந்த ப்ளூ-ரே டிஸ்குடன் தொழில் நுட்ப வளர்ச்சி நின்று போகுமா? இல்லவேயில்லை. புற ஊதாக் கதிர் (Ultra Violet Rays) கொண்டு பதியக் கூடிய 500 ஜிபீ கொள்ளளவுடைய டிஸ்கைத் தயாரிக்கும் முயற்சியில் பயனியர் எனும் நிறுவனம் இப்போதே முயன்று வருகிறது…

உள்ளூர் சந்தையில் ப்ளூ-ரே டிஸ்க் கிடைக்குமா என அறிந்து கொள்ள தலை நகரில் பிரபலமான ஒரு கணினி விற்பனை நிலையத்தைத் தொலைபேசியில் தொடர்பு கொண்டேன். ப்ளூ-ரே டிஸ்க் என்றால் என்ன என்பதைப் புரிந்து கொள்ளாத அங்கிருந்த விற்பனையாளரிடமிருந்து சற்று நேர அமைதிக்குப் பின்னர் இவ்வாறு பதில் வந்தது. “ஐயா, இது வீடியோ ஷொப் அல்ல. இது கம்பியூட்டர் ஷொப்.” ஒரு வேளை ப்ளூ என்ற வார்த்தைக்கு அவர் வேறு அர்த்தம் கொடுத்தாரோ என்னவோ.

- அனூப் -

Sunday, December 14, 2008

Networking Questons


கணினி வலையமைப்பு / இணையம் கேள்வி பதில்

1) இரண்டு அல்லது இரண்டுக்கு மேற்பட்ட கணினிகளின் இணைப்பை .............. எனப்படும்.
2) ஒரு வலையமைப்பில் ஏனைய கணினிகளுக்குச் சேவை வழங்கும் கணினி ............. எனப்படும்.
3) ஒரு கணினி வலையமைபில் அல்லது இணையத்தில் செய்திகளைப் பரிமாறிக் கொள்ளும் முறையை ............. எனப்படும்.
4) சேர்வர் கணினி இல்லாத வலையமைப்பு ............. எனப்படும்.
5) ஏனையோர் அணுகும் வகையில் ஒரு சேர்வரில் பைல்கள் சேமிக்கப்பட்டிருப்பின் அது ஒரு ............. எனப்ப்படும்.
6) ............... என்பது ஒரு கட்டடம் அல்லது ஒரு சிறு பிரதேசத்திற்கு மட்டுப்படுத்தப்பட்ட கணினி வலையமைப்பாகும்.
7) ஒரு வலையமைப்பில் டேட்டா ........... வடிவில் பயணிக்கிறது.
8) வலையமைப்பில் டேட்டாவைப் பகிர்ந்தளிக்க ............. அல்லது ............. பயன்படுத்தப்படும்.
9) டிஜிட்டல் சிக்னலை எனலொக் ஆகவும் எனலொக் சிக்னலை டிஜிட்டல் ஆகவும் மாற்றும் கருவி ………………
10) மோடம் (modem) எனும் சொல் ............. எனும் இரு ஆங்கில் வார்த்தைகளிலிருந்து உருவானது. .
11) ஒரு மோடமின் வேகம் ..............இல் அளவிடப்படுகிறது.
12) ஒரு வலையமைப்பில் ஒரு கணினியில் இருந்து மற்றுமொரு கணினுக்கு பைல் ஒன்றை அனுப்புவதை ............. எனப்படும்.
13) ஒரே மாதிரியான இரு உள்ளக வலையமைப்புகளை ஒன்றோடொன்று இணைக்க ............. எனும் சாதனம் அவசியம்.
14) ஒரு உள்ளக வலையமப்பில் கேபல் போடும் விதத்தை ............. எனப்படும்.
15) ஸ்டார், பஸ், ரிங், மற்றும் மெஸ் என்பன ................எனப்படும்
16) தொலைவிலுள்ள ஒரு கணினியிலிருந்து ஒரு பைலை நமது கணினிக்குப் பெற்றுக் கொள்வதை ............. எனப்படும்.
17) ஒரு நகரத்திற்கு மட்டும் மட்டுப்படுத்தப்பட்ட ஒரு கணினி வலையமைப்பை ............. எனப்படும்.
18) ஒரு வலையமைப்பில் உள்ள ஒவ்வொரு கணினியும் ........... என்பதைக் கொண்டிருக்கும்.
19) பைபர் ஒப்டிக் கேபல் (Fiber Optic Cable) ............. டேட்டாவைக் கடத்துகின்றது
20) ஒரு peer-to-peer network இல் ஒவ்வொரு கணினியும் ஒரு ............. ஆகவும் ............. ஆகவும் இயங்கும்.
21) ........................... என்பது வலையமைப்புக்களின் வலையமைப்பு எனப்படுகிறது. .
22) இணையம் உலகின் மிகப்பெரிய ................... ஆகும்.
23) இணையம் ஆரம்பத்தில் ............. எனும் பெயர் கொண்டு அழைக்கப்பட்டது.
24) இனணயத்தில் அல்லது ஒரு கணினி வலையமைப்பில் இருக்கும் ஒவ்வொரு கணினியும் ............. எனும் பெயர் கொண்ட ஒரு இலக்கத்தைக் கொண்டிருக்கும்.
25) தொலைபேசிக் கேபல் மற்றும் மோடம் உபயோகித்து இணையத்தில் இணைவதை ............ இணைப்பு எனப்படும்.
26) உலகலாவிய வலையமைப்பு (WWW), மின்னஞ்சல் என்பன ................ கிடைக்கும் சேவைகளாகும்.
27) .com, .net, org என்பன ............. என்பதற்கு உதாரணமாகும்.
28) இணையத்தில் ............. பயன்படுத்துவதால் வெவ்வேறு வகையான கணினிகளுக்கிடையே தகவல் பரிமாற்றம் செய்யக் கூடியதாயுள்ளது.
29) ............. என்பது ஒரு (Web Browser) இணைய உலாவியாகும்.
30) இமெயில் அனுப்ப பெற ஒரு ............. இருத்தல் அவசியம். .
31) இணையம் வழியே பைல் பரிமாற்றம் செய்ய உதவும் இணைய சேவை ............. எனப்படும்.
32) Kbps என்பது ............. என்பதன் சுருக்கமாகும்.
33) அதி வேக இணைய இணைப்பை ............. எனப்படும்.
34) இணையம் வழியே வர்த்தகத்திலீடுபடுவதை ............. எனப்படும்.
35) வெப் பிரவுஸர் எனும் இணைய உலாவியை திறந்ததும் வரும் முதல் பக்கம் ............. எனப்படும்.
36) Alta Vista, Google என்பன . ............. ஆகும்.
37) இமெயில் ............., ............. என இரு வகைப்படும்.
38) Outlook Express என்பது ............. என்பதற்கு உதாரணம்
39) ஒன்றோடொன்று இணைந்த ஏதோ ஒரு விடயம் சார்ந்த வெப் பக்கங்களை ............. எனப்படும்.
40) ஒரு இணைய தளத்தின் முதற் பக்கம் ............. எனப்படுகிறது.
41) ஒரு இமெயிலுடன் சேர்த்து அனுப்பப்படும் ஒரு பைலை ............. எனப்படும்.
42) யாஹூ நிறுவனத்தில் (www.yahoo.com) இல் நீங்கள் ஒரு இமெயில் கணக்கு உங்கள் பெயரில் வைத்திருப்பின் உமது இமெயில் முகவரி ............. என இருக்கும்.
43) ஒரு ஹைபர்டெக்ஸ்ட் ஆவணத்தில் ஒரு பக்கத்திலிருந்து மற்றுமொரு பக்கத்திற்கு அல்லது அதே பக்கத்தில் வேறொரு பகுதிக்கான இணைப்பை ............. எனப்படும்.
44) வின்டோஸ¤டன் இணைந்து வரும் இணைய உலாவி ............
45) ............ என்பது இணையதளங்களை வடிவமைக்கப் பயன்படுத்தப்படும் ஒரு மொழி.
46) ஒரு இணையதள முகவரியை URL எனும் மூன்றெழுத்துக்களாலும் குறிக்கப்படும். URL என்பதன் விரிவு………………
47) ..................... என்பது ஒரு வலையமைப்பில் அல்லது இணையத்தில் பிறரின் ஊடுறுவலைத் தடுக்க உதவும் வன்பொருள் அல்லது மென்பொருளாகும்.
48) ............. என்பது இணைய சேவை வழங்கும் நிறுவனத்தைக் குறிக்கிறது.


விடைகள்:

1. வலையமைப்பு அல்லது வலைப்பின்னல் (Network )
2. சேர்வர் ( Server)
3. மின்னஞ்சல் ( E-Mail )
4. Peer-to-Peer
5. பைல் சேர்வர் (File Server)
6. Local area Network
7. பெக்கட் (Packet)
8. ஹப் (hub) , ஸ்விச்(switch)
9. மோடம் (modem)
10. Modulation, Demodulation
11. Kbps
12. பதிவேற்றம் (Uploading)
13. ப்ரிட்ஜ் (Bridge)
14. டோபலஜி.(topology)
15. Topology
16. பதிவிறக்கம் (downloading)
17. Metropolitan Area Network
18. Network Interface Card
19. ஒளி வடிவில்
20. சேர்வர் (server) / க்ளையண்ட (client)
21. இணையம்
22. பரந்த வலையமைப்பு (Wide Area Network)
23. ARPANET
24. IP Address
25. Dial Up
26. இணையத்தில்
27. Top Level Domain
28. TCP/IP எனும் ப்ரொட்டகோல் (Protocol)
29. இண்டர்னெட் எக்ஸ்ப்லோரர்
30. இமெயில் முகவரி
31. File Transfer Protocol
32. Kilo bits per second
33. Broadband
34. E-commerce
35. Home Page
36. தேடற்பொறிகள் (Search Engines)
37. Web mail / POP mail
38. இமெயில் க்ளையண்ட்
39. இணைய தளம் (web site)
40. இல்லப் பக்கம் (Home Page)
41. இமெயில் இணைப்பு (attachment)
42. dilshan@yahoo.com
43. ஹைபலிங்க் (hyperlink)
44. Internet Explorer
45. HTML
46. Uniform Resource Locater
47. பயர்வோல் (Firewall)
48. ISP (Internet Service Provider)

Monday, December 08, 2008

Google Chrome has arrived

வந்தாச்சு  கூகிள் க்ரோம்

தொன்னூறாம் ஆண்டுகளின் இறுதியில் நெட்ஸ்கேப் நெவிகேட்டர், இண்டர்னெட் எக்ஸ்ப்லோரர் ஆகிய இரண்டு வெப் பிரவுஸர்களுக்குமிடையில் இருந்த பிரவுசர் யுத்தத்தில் (Browser War) இண்டர்னெட் எக்ஸ்ப்லோரர் வெற்றி பெற்று நெவிகேட்டர் காணாமல் போனது. பின்னர் இந்த யுத்தத்தில் சபாரி, ஒபெரா, மொஸில்லா பயர்பொக்ஸ் என்பன இது வரை காலமும் ஈடுபட்டு வந்தன. தற்போது இந்தப் போட்டியில் புதிதாக இணைந்துள்ளது கூகில் நிறுவனத்தின் க்ரோம் (Chrome) எனும் இணைய உலாவி. கடந்த செப்டம்பர் மாதம் 2 ஆம் திகதி குரோமின் சோதனைப் (Beta Version) பதிப்பை அறிமுகப் படுத்தியது கூகில் நிறுவனம். கூகில் நீறுவனம் வழங்கும் ஏனைய சேவைகள் போன்றே குரோம் வெப் பிரவுஸரின் செயல்திறனும் ஏனைய வெப் பிரவுஸர்களுக்குச் சவால் விடும் வகையில் இருப்பது ஒரு சிறப்பாகும்.

க்ரோம் வெப் பிரவுஸர் மொஸில்லா பயபொக்ஸ் போல் ஒரு ஓப்பன் சோர்ஸ் மென்பொருளாகும். பயபொக்ஸ் போன்றே இதற்கும் எவரும் (Add-On) எட்-ஓன் உருவாக்கிப் போடலாம். க்ரோம் பிரவுஸர் தற்போது விண்டோஸ் எக்ஸ்பி மற்றும் விஸ்டா இயங்கு தளங்களுக்காக மட்டுமே உருவாக்கப்பட்டுள்ளது. மேக் மற்றும் லினக்ஸ் இயங்கு தளம் உபயோகிப்போர் இன்னும் சிறிது காலம் க்ரோமின் வருகைக்காகக் காத்திருக்க வேண்டியிருக்கும்.

க்ரோம் வெப் பிரவுசர் வித்தியாசமான அதேவேளை எளிமையான் ஒரு இடை முகப்பைக் கொண்டுள்ளது க்ரோம். திரையின் அதிகமான பகுதி நாம் பார்வையிடும் இணைய தளத்திற்காகவே ஒதுக்கப்பட்டுள்ளது. திரையை ஆக்கிரமிக்கும் வண்ணம் நீளமான மெனு பாரோ டூல் பாரோ க்ரோமில் இல்லை.

மொஸில்லா பயர்பொக்ஸில் போல் இதிலும் டேப்ட் பிரவுஸிங் (Tabbed Browsing) எனும் வசதி இருப்பதனால் ஒரே நேரத்தில பல இணைய தளங்களைப் பார்வையிட முடிவதோடு ஒவ்வொரு டேபும் தனித்து இயங்குமாறும் உருவாக்கப்பட்டுள்ளது. ஏனைய பிரவுசர்களில் இவ்வாறு ஒரே நேரத்தில் பல தளங்களை அணுகும் போது ஒரு டேப் சரிவர இயங்க மறுத்தால் பிரவுஸரையே மூட வேண்டியிருக்கும். எனினும் க்ரோமில் அந்த குறிப்பிட்ட டேபை மட்டும் மூடி விட்டாலே போதும். தவிர பிரவுசர் முடங்கிப் போகாது என கூகில் உறுதியளிக்கிறது

விண்டோஸில் இருப்பது போன்ற டாஸ்க் மேனேஜர் குரோமிலும் இருக்கிறது. இதன் மூலம் ஒரே நேரத்தில் பல தளங்களைப் பார்வையிடுகையில் எந்த தளம் அதிக நினைவகத்தைப் பயன்படுத்துகிறது, எந்த தளம் அதிக தகவலிறக்கம் செய்கிறது போன்ற விவரங்களை அறிந்து கொள்ள் முடிவதோடு கணினிக்குப் பாதிப்பை உண்டாக்கும் தளத்தினை வராமல் தடுக்கவும் முடியும்..

ஏனைய பிரவுசர்களில் போன்று இங்கு ஹோம் பேஜ் என எதுவும் கிடையாது. வெப் பிரவுசரை திறக்கும்போதே இறுதியாகப் பார்த்த ஒன்பது இணைய தளங்களைச் சிறிய அளவில் காண்பிக்கிறது. அதிலிருந்து நாம் விரும்பும் தளத்தை தெரிவு செய்து முதலில் வர வைக்கலாம்.

மற்ற வெப் பிரவுசர்களில் போலன்றி இணைய முகவரி டைப் செய்யவும் தேடற் சொற்களை டைப் செய்யவும் வெவ்வேறு கட்டங்கள் இல்லை. இணைய முகவரி டைப் செய்யும் இடத்திலேயே தேடற் சொற்களையும் டைப் செய்து தேடலை மேற்கொள்ளலாம்.. இதற்கு Omnibox எனப் பெயரிடப்பட்டுள்ளது. கூகில். இணைய முகவரி வடிவத்திலில்லாத எதனை டைப் செய்தாலும் அது ஒரு தேடற் சொல் என உணர்ந்து தேடலை ஆரம்பிக்கிறது. அத்தோடு தேடலின் போது தேடற் சொல்லை ஒவ்வொரு எழுத்தாக டைப் செய்யும்போதே அதற்குப் பொருத்தமான சொற்களை எமக்குக் காட்டிவிடும் (auto complete) எனும் வசதியுமுள்ளது.

குரோமில் நாம் பார்வையிடும் இணைய தளங்களின் பெயர்கள், தேடற் சொற்கள் மற்றும் தேடும் தகவல்களை மற்றவர்கள் அறியா வண்ணம் பிரவுஸிங் செய்யும் வசதியுமுள்ளது. அதற்கென இங்கு நீங்கள் தேடும் தகவல்கள் கணினியில் சேமிக்கப்படா வண்ணம் பிரவுஸிங் செய்யலாம். ஒரே நேரத்தில் பொதுவான விண்டோ மற்றும் தனிப்பட்ட விண்டோ என திறந்து பணியாற்றலாம். ஒரே கணினியைப் பல பேர் உபயோகிக்கும் சூழலில் அல்லது பிரவுஸிங் செண்டர் போன்ற இணைய மையங்களில் இணைய தளங்களைப் பர்வையிடுவோருக்கு இந்த வசதி பெரிதும் உதவும்.

இவை போன்ற பல வசதிகளைக் கொண்டுள்ளது கூகிலின் க்ரோம். தற்போது பாவனையிலுள்ள வெப் பிரவுசர்களை விட பாதுகாப்பு, வேகம் மற்றும் ஸ்திரத்தனமை என்பவற்றில் மேம்பட்டதாக உருவாக்கப்பட் டுள்ளது க்ரோம் வெப் பிரவுஸர். 8.43 எம்.பீ பைல் அளவு கொண்ட க்ரோம் தற்போது 42 மொழிகளில் கிடைக்கிறது இந்த இணைய உலாவியை http://www.google.com/chrome எனும் இணணய் தளத்திலிருந்து இலவசமாக டவுன்லோட் செய்து கொள்ளலாம்.

- அனூப் -

Tuesday, November 25, 2008

A useful Windows tip


உபயோகமான  ஒரு விண்டோஸ் டிப்

ஒரு போல்டரைத் திறந்த நிலையிலேயே கணினியின் இயக்கத்தை நிறுத்தி விடுகிறீர்கள். கணினியை மறுபடியும் இயக்கியதும் அந்த போல்டரை நீங்களாகத் திறக்காமலேயே தானாக்வே அந்த போல்டரை திறந்த நிலையில் வர வைக்கலாம். விண்டோஸ் எக்ஸ்பீயில் இயல்பு நிலையில் இந்த வசதி நீக்கப்படிருக்கும். இந்த வசதியைப் பெற பின்வரும் வழி முறையைக் கையாளலாம்.

ஏதேனும் ஒரு போல்டரைத் திறந்து கொள்ளுங்கள். அங்கு Tools மெனுவில் Folder Options தெரிவு செய்யுங்க்ள். அப்போது தோன்றும் டயலொக் பொக்ஸில் View டேபின் கீழ் Advanced settings பகுதியின் கீழ் Restore previous folder windows at logon என்பதைத் தெரிவு செய்து ஓகே செய்யுங்கள்.. அவ்வளவு தான். இனி ஒரு போல்டரைத் திறந்த நிலையிலேயே கணினியை ரீஸ்டார்ட் செய்து பாருங்ககள். கணினி மறு படி இயங்கியதும் அந்த போல்டர் திறந்த நிலையிலேயே வரக் காணலாம்.
- அனூப் -

What is File Extension ?


File Extension என்றால் என்ன?

கணினியிலிருக்கும் ஒவ்வொரு பைலும் ஒன்று முதல் ஐந்து வரையிலான எழுத்துக்களைக் கொண்ட ஒரு சொல்லை பைல் பெயரின் இறுதியில் இணைத்துக் கொண்டிருப்பதை நீங்கள் பார்த்திருக்கலாம்.. இதனையே பைல் எக்ஸ்டென்ஸன் எனப்படுகிறது. உதாரணமாக .doc, .ppt, .jpg, .txt, .mp3, .avi என ஏராளமான எக்ஸ்டென்சன் கொண்ட பைல் வகைகள் உள்ளன. இந்த பைல் எக்ஸ்டென்சன் மூலம் இது என்ன வகையான பைல் என்பதைக் கண்டறியலாம்.. பைல் பெயரும், எக்ஸ்டென்சனும் ஒரு புள்ளி (dot) கொண்டு பிரிக்கப்படும். இந்த பைல் எக்ஸ்டென்ஸன் இயங்குதளமான ஒபரேடிங் சிஸ்டம் மற்றும் பயனருக்கு அது எந்த வகையான பைல், அதனை எந்த மென்பொருள் கொண்டு திறக்க வேண்டும் என்பதை உணர்த்தி விடுகிறது.

தற்போது ஆயிரத்துக்கும் மேற்பட்ட மென்பொருள்கள் பாவனையி ளுள்ளன. இவை ஒவ்வொன்றும் தனக்கேயுரிய பைல் எக்ஸ்டென்சனைக் கொண்டிருக்கும். இவை அனைத்தையும் அறிந்திருப்பது என்பது சாத்தியமான விடயமல்ல. எனினும் பொதுவாகப் பாவனையிலுள்ள மென் பொருள்களின் பைல் எக்ஸ்டென்சனை நினைவில் வைத்திருக்க முடியும். அடிக்கடி பயன்படுத்தும் மென்பொருள்களின் பைல் எக்ஸ்டென்சனை அறிந்து வைத்திருப்பது அந்த பைல்களை இனங்காண வசதியாயிருக்கும். .doc, .jpg, .txt என்பன பொதுவாகப் பாவனையிலுள்ளவை. ஒரு பைல் எக்ஸ்டென்சனை உங்களால் அறிது கொள்ள முடியாத போது இணைய தேடலில் மூலம் அதே பைல் எக்ஸ்டென்சனுக்குரிய மென்பொருளை அறிந்து கொள்ளலாம்.

விண்டோஸ் எக்ஸ்பீயில் இயல்பு நிலையில் பைல் எக்ஸ்டென்சன் எப்போதும் மறைக்கப்பட்டேயிருக்கும். ஒரு பைல் பெயருடன் அதன் எக்ஸ்டெண்டஸனையும் காண்பிக்குமாறு செய்வது நல்லது. கணினியைத் தாக்கக்ககூடிய வைரஸ் போன்றவை .exe பைலுடன் சேர்ந்து வர வாய்ப்புள்ளது. இந்த வகை பைல்கள் இரட்டை எக்ஸ்டென்சன் கொண்டிருக்கும். பைல் எக்ஸ்டென்சன் மறைந்திருக்கும்போது எவ்வகை யான பைலைக் கையாளுகிறோம் என்பதை நாம் அறிய மாட்டோம். இவ்வாறான பைல்களைத் திறக்கும்போது வைரஸ் போன்ற நச்சு நிரல்கள் கணினியைத் தாக்கலாம்.

அதேவேளை பைல் எக்ஸ்டென்ஸன் மறைக்கப் படாதபோதும் சில பிரச்சினைகள் வரலாம். அதாவது ஒரு பைல் பெயரை மாற்றும் போன்று அதற்குரிய எக்ஸ்டென்சனையும் வழங்க வேண்டியிருக்கும். அவ்வாறு வழங்காவிட்டால் அந்த பைலை மறுபடியும் உபயோகிக்க முடியாமல் போக வாய்ப்புள்ளது. எனினும் பைல் எக்ஸ்டென்சன் மறைக்கப்பட்ட நிலையில் பைல் பெயரை மாற்றும்போது அதன் எக்ஸ்டென்சனை வழங்க வேண்டியதில்லை.

சில ப்ரோக்ரம், மாற்றிய பைல் எக்ஸ்டென்சனை அறிந்து அந்த பைலைத் திறக்கும். எனினும் அனைத்து மென்பொருள்களும் அவ்வாறு திறக்கும் என எதிர் பார்க்க முடியாது. ஆகவே ஒரு பைல் எக்ஸ்டென்சனை மாற்றும் போது அதிக கவனம் தேவை. அத்தோடு நீங்கள் அடிகடி பயன்படுத்தும் மென்பொருள்களுக்குரிய பைல் எக்சஸ்டென்சன் பற்றியும் அறிந்து வைத்திருத்தல் நல்லது.

இமேஜ் பைல் வகைகளான .jpg, .gif, .bmp போன்றவற்றை நீங்கள் அறிந்திருக்கலாம். இந்த பைல் போமட்டுகளை வேறு எந்த மென் பொருள் துணையின்றி ஒரு போமட்டிலிருfது இன்னொரு போமட்டிற்கு விண்டோஸிலேயே இல்குவாக மாற்றிக் கொள்ளலாம். அதாவாது ஒரு .jpg பைலை .gif ஆகவோ .bmp ஆகவோ மாற்ற வேண்டுமானால் அதன் பைல் எக்ட்ஸ்டென்சனை மாற்றி விட்டாலே போதும்.

விண்டோஸ் எக்ஸ்பீயில் பைல் எக்ஸ்டென்சனைத் தோன்றச் செய்ய பின்வரும் வழி முறையைக் கையாளுங்கள். முதலில் Start - All Programs - Accessories ஊடாகச் சென்று windows Explorer தெரிவு செய்யுங்கள். (அல்லது ஏதேனுமொரு போல்டரைத் திறந்து கொள்ளுங்கள்) அந்த விண்டோவில் Tools மெனுவில் Folder Options தெரிவு செய்யுங்கள். அப்போது தோன்றும் டயலொக் பொக்ஸில் View டேபின் கீழ் Hide Extension for known file types என்பது தெரிவு நிலையில் இருந்தால் அதனை நீக்கி விட்டு ஓகே க்ளிக் செய்யுங்கள். இப்போது ஒவ்வொரு பைலையும் அதன் எக்ஸ்டென்சனுடன் பார்க்கலாம்.

- அனூப் -

Tuesday, November 18, 2008

What is IP Address?

IP Address என்றால் என்ன?


ஒரு கணினி வலையமைப்பில் அல்லது இணையத்தில் இணைத்திருக்கும் ஒவ்வொரு கணினியும் ஒரு இலக்கத்தைக் கொண்டிருக்கும். அந்த இலக்கத்தை வைத்தே ஒவ்வொரு கணினியும் இனங் காணப்படுகின்றன இதனையே ( IP Address ) ஐபி முகவரி எனப்படுகிறது. இங்கு IP என்பது Internet protocol எனபதைக் குறிக்கிறது.

அந்த இலக்கம் ஒரு வலையமைப்பில் அந்த குறிப்பிட்ட ஒரு கணினியை மட்டுமே குறித்து நிற்கும். இன்னொரு கணினிக்கு அதே இலக்கம் வழங்கப் படமாட்டது.. இதனை ஆங்கிலத்தில்; uniqueness எனப்படுகிறது.


இணையத்தில் இணையும் ஒவ்வொரு முறையும் எமது கணினிக்கு இந்த ஐபி முகவரியை இணைய சேவை வழங்கும் நிறுவனம் வழங்குகிறது.. இது ஒரு தற்காலிகமான ஐபி முகவரியே. அடுத்த முறை இணையத்தில் இணையும் போது வேறொரு ஐபி முகவரியே நமக்குக் கிடைக்கும், இதனை டைனமிக் ஐபி முகவரி (Dynamic) எனப்படும். அதேவேளை இணையத்தில் நிரந்தரமாக இணைந்துள்ள சேர்வர் கணினிகள் ஒரு நிலையான (Static) ஐபி முகவரியைக் கொண்டிருக்கும்.

ஒரு ஐபி முகவரி 216.27.61.137 எனும் வடிவத்தில் இருக்கும். இது நான்கு பகுதிகளைக் கொண்டிருக்கும். ஒரு புள்ளி கொண்டு இந்த நான்கு பகுதிகளும் பிரிக்கப்படிருக்கும். ஒவ்வொரு பகுதியும் 0 முதல் 255 வரையிலான ஒரு இலக்கமாக இருக்கும். ஐபி முகவரிகள் நமது வசதிக்காக தசம் எண்களினாலேயே குறிக்கப்படுவது வழக்கம். எனினும் கணினி இந்த இலக்கங்களை பைனரி வடிவத்திலேயே புரிந்து கொள்கிறது, மேலுள்ள ஐபி முகவரி 11011000.00011011.00111101.10001001 எனும் பைனரி வடிவைப் பெறும். ஐபி முகவரியிலுள்ளா இந்த நான்கு பிரிவுகளையும் ஒரு ஒக்டட் (Octets) எனப்படும். பைனரி எண் வடிவில் ஒவ்வொரு இலக்கமும் 8 இடங்களைக் கொண்டிருப்பதால் இவ்வாறு அழைக்கப்படுகின்றன. இவ்வாறு ஒவ்வொரு எட்டு இலக்கங்களினதும் கூட்டுத் தொகையாக 32 எனும் இலக்கம் கிடைக்கிறது. இதனாலேயே ஐபி முகவரிகள் 32 பிட் எண் எனக் கருதப்படுகின்றன. 

இந்த ஒவ்வொரு எட்டு இலக்கமும் 0 அல்லது 1 எனும் இரு வேறு நிலைகளைக் கொண்டிருக்க முடியுமாதலால் எட்டு இலக்கங்கள் கொண்ட ஒவ்வொரு ஒக்டட் கொண்டும் 28 = 256 வெவ்வேறான சேர்மானங்களை உருவாக்கலாம். எனவே ஒவ்வொரு ஒக்டட்டும் 0 முதல் 255 வரையிலான இலக்கங்களைக் கொண்டிருக்க முடியும். இவ்வாறு நான்கு ஒக்டட் சேரும்போது 232 அல்லது 4,294,967,296 வெவ்வேறான் சேர்மானங்களை அல்லது இலக்கங்களைக் உருவாக்கலாம். அதாவாது இந்த முறையினை உபயோகித்து உலகிலுள்ள 4.3 பில்லியன் கணினிகளுக்கு வெவ்வேறான ஐபி முகவரிகளை வழங்கி விடலாம்..


க்ளையனட் / சேவர் என்ன வேறுபாடு

இணையத்தில் இனைந்துள்ள ஒவ்வொரு கணினியையும் சேர்வர் / க்ளையண்ட் என இரு வகைப்படுத்தலாம். இணையத்தில் இணைந்துள்ள ஏனைய கணினிகளுக்கு சேவை வழங்கும் கணினிகளை சேர்வர் (Server) எனப்படுகிறது. இவற்றுள் வெப் சேர்வர் (web server) , மெயில் சேர்வர் (mail server) எனப் பல வகையுண்டு. அவ்வாறே இந்த சேர்வர்களிலிருந்து சேவைகளைப் பெற்றுக் கொள்ளும் கணினிகளை க்ளையண்ட் ( Client) எனப்படுகிறது.

.உதாரணமாக இணையத்தில் இணைந்து யாஹூ இணைய தளத்தைப் பார்வையிட விரும்புகிறீர்கள். அப்போது நீங்கள் யாஹூ நிறுவனத்தின இணைய தளம் சேமிக்கப்பட்டிருக்கும் சேர்வரையே அணுகுகிறீர்கள். அந்த சேர்வரே உங்களுக்கான சேவையை வழங்குகிறது. சேவையைப் பெற்றுக் கொள்ளும் உங்கள் கணினியை க்ளையண்ட் எனப்படுகிறது, இங்கு சில கணினிகள் சேர்வராகவோ க்ளையண்டாகவோ தொழில் படவும் வாய்ப்புள்ளது. ஒரு சேர்வர் இணையத்தில் ஒன்று அல்லது ஒன்றுக்கு மேற்பட்ட சேவைகளையும் வ்ழங்கலாம். சேர்வரில் இயங்கும் மென்பொருள் வெப் சேர்வராக, மெயில் சேர்வராக (Mail Server) , எப்டிபி (FTP Server) சேர்வராக இயங்கலாம்.

ஐபி முகவரிகள் எண்களால் ஆனது. அது தசம எண்ணாகவோ அல்லது பைனரி இலக்கமாகவோ இருப்பினும் எண்களை நம்மால் நினைவில் வைத்திருப்பது இலகுவான விடயமல்ல.  இதனைக் கருத்தில் கொண்டே ஐபி முகவரிக்குப் பதிலாக சொற்களைப் பயன்படுத்தும் முறை அறிமுகமானது. இதனை டொமேன் நேம் சிஸ்டம் (Domain Name System) எனப்படும். இதற்காக டொமேன் நேம் சேர்வர் பயன்படுத்தப்படுகிறது. இந்த டொமேன் நேம் சேர்வர்கள் ஐபி முகவரிகளையும் அதற்குரிய டொமேன் பெயர்களையும் கொண்ட ஒரு தரவுத் தளத்தைப் பேணி வருகிறது.

வெப் பிரவுஸரில் நீங்கள் ஒரு இணைய தள முகவரியை டைப் செய்யும்போது வெப் பிரவுசர் இந்த டொமேன் நேம் சேர்வரையே முதலில் அணுகுகின்றன. அந்த இணைய தள முகவரிக்குரிய ஐபி முகவரியைக் கண்டறியும் டொமேன் நேம் சேர்வர் அதனை வெப் பிரவுஸருக்குத் தெரியப்படுத்துகிறது. இங்கு சரியான ஐபி முகவரியைப் பெற்றுக் கொள்வதற்குப் பல டொமேன் நேம் சேர்வர்களின் பங்களிப்பு இருக்கும். ஒரு இணைய தளத்துக்குரிய ஐபி முகவரியை நீங்கள் அறிந்திருந்தால் அதன் மூலமும் ஒரு இணைய தளத்தைப் பார்வையிட முடியும்.

ஐபி முகவரியை எவ்வாறு அறிந்து கொள்வது?

விண்டோஸ் இயங்கு தளத்தில் ஸ்டாட் மெனுவில் Run தெரிவு செய்ய வரும் ரன் பொக்ஸில் cmd என டைப் செய்து ஓகே செய்யுங்கள். அப்போது தோன்றும் விண்டோவில் ipconfig என டைப் செய்து எண்டர் கீயை அழுத்த உங்கள் கணினியின் ஐபி முகவரியைக் காணலாம். ஒரு வலையமைப்பில் அல்லது இணையத்தில் இணைந்திருந்தால் மட்டுமே ஐபி முகவரியைக் காணலாம் எனபதையும் நினைவில் கொள்ளுங்கள்.


- அனூப் -

Monday, November 10, 2008

What are Cookies?


Cookies  என்றால் என்ன?


கேள்விகள் பல கொண்ட ஒரு இணையதளத்தைப் பார்வையிடுகிறீர்கள். முதல் வினா முதல் பக்கத்திலும் இரண்டாவது மூன்றாவது வினாக்கள் அடுத்தடுத்த பக்கங்களிலுமுள்ளதாக வைத்துக் கொள்வோம். இரண்டாவது பக்கதிற்குச் செல்லும்போது முதல் பக்கத்தில் இருந்த கேள்விக்கான விடையைத் தெரிவு செய்தவரே இரண்டாம் பக்கத்தை தற்போது பார்வையிடுகிறார் என்பதை அந்த இணைய தளம் சேமிக்கப்பட்டுள்ள வெப் செர்வர் அறிந்து கொள்கிறது. இவ்வாறு பல இணைய பக்கங்களிலுள்ள கேள்விகளுக்கு பதிலளித்த பின்னர் கடைசியாக அனைத்து விடைகளுக்குமான புள்ளிகளை மொத்தமாக சொல்லி விடுகிறது அந்த இணைய தளம். இது எவ்வாறு சாத்தியம்?

மேற் சொன்ன செயற்பாட்டின் போது வெப் சேர்வருக்கு உதவுகிறது நமது கணினியில் சேமிக்கப்பட்டிருக்கும் ஒரு சின்னஞ் சிறிய டெக்ஸ்ட் பைல். இதனையே குக்கீ எனப்படுகிறது.

சில இணைய தளங்களைப் பார்வையிடும்போது அந்த வெப் சேர்வர் ஒரு குக்கீ பைலை உமது கணினியின் ஹாட் டிஸ்கில் சேமித்து விடுகிறது. இதன் மூலம் அந்த குக்கீ பைலுக்குரிய நபர் நீங்கள் தான் என்பதை சேர்வர் நினைவில் கொள்ளும். இங்கு குக்கீ பைல் ஒரு அடையாள அட்டை போல் செயல்படுகிறது. மீண்டும் ஒவ்வொரு முறையும் ஒரு குறிப்பிட்ட தளத்தைப் பார்வையிடும்போது உங்கள் வெப் பிரவுசர் அந்த குக்கீயை சேர்வருக்கு அனுப்பி விடுகிறது. இதன் மூலம் வெப் செர்வர் அந்த இணைய தளத்தில் நுளைந்திருப்பது முன்னர் வந்து போகும் நபர்தான் என்பதை உறுதிப் படுத்திக் கொள்வதோடு அந்த இணைய தளத்தில் எந்த ஒரு பக்கத்தைப் பார்வையிட்டுக் கொண்டிருந்தாலும் உங்களை சேர்வர் இனம் காணும்

முன்னர் பார்வையிட்ட ஒரு இணைய தளத்தை மறுபடியும் பார்வையிடும்போது குக்கீஸ் நமக்கு உதவுகின்றன. உதாரணமாக ஒரு பயனர் பெயரை குக்கீ பைலாக நமது கணினியில் சேமித்தவுடன் அந்த பயனருக்குரிய பாஸ்வர்ட், இமெயில் முகவரி, தற்போதைய தேர்வுகள் போன்ற வேறு விவரங்களை சேர்வரில் உள்ள தரவுத் தளத்தில் பதியப்பட்டு விடும்.. அந்த குக்கீயில் பதியப்பட்ட பயனர் பெயரைக் கொண்டு அவரின் பாஸ்வர்டை மறுபடியும் டைப் செய்யாமலேயே அவர் பற்றிய விவரங்கள அறிந்து கொள்கிறது, இதன் மூலம் ஒரு குறிப்பிட்ட இணைய தளத்திற்குள் ஒருவரின் செயற்பாட்டை அறிந்து கொள்ளவும் நேரத்தை சேமிக்கவும் முடியுமாயுள்ளது.
அவ்வாறே இணையம் மூலம் பொருட்களைக் கொள்வனவு செய்யும் போதும் (online shopping) அந்த தளங்கள் உங்களைப் பற்றிய விவரங்களை குக்கீஸில் போட்டு விடுகிறது. இதன் மூலம் அந்த தளங்களை மறுபடியும் பார்வையிடும்போது உங்கள் பெயர் விவரங்களை மறுபடியும் வழங்க வேண்டிய அவசியம் ஏற்படாது.

குக்கீஸ் இணையத்தில் உங்கள் செயற்பாட்டை அவதானிக்கவே உருவாக்கப்படுகின்றன.. ஒரு குக்கீயை உருவாக்கும்போது அவ்விணைய தளத்தின் பெயரும் அந்த குக்கீயில் பதிவாகிவிடும். . அதன் மூலம் அந்த குக்கீயைத் திறந்து பார்க்க அவ்விணைய தளத்திற்கு மட்டுமே அனுமதியளிக்கப்படும். ஏனைய் தளங்களால் அந்த குக்கீயைப் பார்வையிட முடியாது.

சில இணைய தளங்கள் வியாபார நோக்கம் கொண்ட நிறுவனங்களுடன் கூட்டுச் சேர்ந்ந்து அவர்களின் குக்கீகளை நமது கணினியில் சேமித்து விடும். இவை மூன்றாம் தரப்பு குக்கீ (Third party cookies) எனப்படும். இதன் மூலம் அவ்வியாபார நோககம் கொண்ட நிறுவனங்கள் தங்கள் குக்கீகளை பயன்படுத்துவோரின் இணைய் செயற்பாட்டை அவதானிப்பதோடு அவர்களை இணையத்தில் பின் தொடர்ந்து கொண்டேயிருக்கும். . அதாவது நீங்கள் எவ்வாறான இணைய பயனர், உங்கள் விருப்பு என்ன, எவ்வகையான பொருட்களை இணையத்தின் வ்ழியே கொள்வனவு செய்கிறீர்கள போன்ற விவரங்களைப் பெற்றுக் கொள்ளும்.

எடுத்துக் காட்டாக ஒரு இணைய தளத்திலிருந்து ஒரு டிஜிட்டல் கேமராவை வாங்கி விடுகிறீர்கள். அப்போது குக்கீயைப் பகிர்ந்து கொள்ளும் வேறு நிறுவன இணைய தளங்களும் கேமரா போன்ற வேறு இலத்திரனியல் சாதனங்களை உங்களுக்கு விற்பனை செய்ய முயலும்.

ஒரு இணைய தளத்தில் இமெயில் முகவரியை வழங்கும் போது அதன் சக நிறுவனங்களும் அதனை அறிந்து கொண்டு நீங்கள் கேட்காமலேயே உங்களுக்கு வேண்டாத குப்பை அஞ்சல்களையெல்லாம் உங்களுக்கு அனுப்பி விடும். உங்களைப் பற்றி இவர்கள எப்படி அறிந்து கொண்டார்கள் என்பதை நீங்கள் அறிய மாட்டீர்கள்.

குக்கீஸ் என்பவை மிகச் சிறிய டெக்ஸ்ட் பைல்களே. இவை .txt எனும் பைல் நீட்டிப்பைக் கொண்டிருக்கும். அது ஹாட் டிஸ்கில் சேமிக்கப்பட் டிருக்கும். விண்டோஸில் குக்கீ பைல்கள் c - சீ ட்ரைவில் Documents and Settings போல்டரில் உள்ள பயனர் கணக்கிற்குரிய Cookies போல்டரில் சேமிக்கப்பட்டிருக்கும்.

எனினும் இவற்றால் கணினிக்கு எந்த வித பாதிப்பம் ஏற்படாது. இவை வெறும் டெக்ஸ்ட் பைல்களேயன்றி .இதன் மூலம் வைரஸை கணினியில் பரவச் செய்திட முடியாது. நீங்கள் ஒரு இணைய தளத்தில் வழங்கிய தகவல்களை அந்த இணைய தளம் மூன்றாம் தரப்பினருடன் பகிர்ந்து கொள்ளாதவரை குக்கீஸால் எந்த வித பாதிப்பும் இல்லை.

இணைய தளங்கள் உங்களைப் பற்றிய விவரங்களை நினைவில் வைத்திருக்க குக்கீஸ் உதவுவதால், உங்கள் கணினியை உபயோகிக்கும் வேறொரு நபரால் நீங்கள் ஏற்கனவே பார்வையிட்ட இணைய தளங்களைப் பர்வையிட வழி கிடைத்து விடுகிறது.

குக்கீஸ் மேல் உங்களுக்கு நம்பிக்கையில்லையானால் அதனை அனுமதிக்காது விடலாம் அல்லது குக்கீஸ் எனும் வசதியை வெப் பிரவுசரிலிருந்து முடக்கி விடலாம். எனினும் இவ்வாறு செய்வதால் வேறு சில வசதிகளைப் பெற முடியாது போய்விடும். சிலர் தங்கள் கணினியில் பதிவாகியிருக்கும் குக்கீஸை அவ்வவப்போது அழித்து விடுவதும் உண்டு. இவ்வாறு அழிப்பது சில வேளை சிக்கலை ஏற்படுத்தவும் கூடும். ஏனெனில் சில தளங்கள் குக்கீஸ் இல்லாது தமது தளத்தை அணுக விடாது..

அனேகமான வெப் பிரவுசர்களில் குக்கீஸைக் கட்டுப் படுத்துவத்ற்கன வசதியுள்ளது., இதன் மூலம் குறிப்பிட்ட சில பாதுகாப்பான இணைய தளங்களிலிருந்து மட்டும் குக்கீஸை அனுமதிக்கலாம்.

இன்டர்நெட் எக்ஸ்புளோரரில் குக்கீகளை எவ்வாறு தடுப்பது?

இன்டர்நெட் எக்ஸ்புளோரரின் Tools மெனுவில் Internet Options தெரிவு செய்யுங்கள். அங்கு Privacy டேபின் கீழ் ஸ்லைடர் கொண்டு குக்கீ அளவினைக் கட்டுப்படுத்தலாம். Block All Cookies, High, Medium High, Medium, Low, Accept All cookies என ஆறு தெரிவுகள் இருக்கும். (Block All Cookies) தெரிவு செய்வதால் அனைத்து குக்கீகளையும் தடுக்க முடியும்.. இத்தகைய செயலமைப்பால், எந்தவொரு இணைய தளமும் கணிணிக்குள், குக்கீகளை உட்புகுத்தி சேமிக்க இயலாது. அனைத்து குக்கீகளையும் தடுத்தால், மிகுதியான இணைய தளங்களை பார்வையிடுவதை தடுக்க நேரிடும்.. அடுத்த இரண்டு நிலைப்பாடுகளான, உயர்வு (High), மிதமான உயர்வு (Medium High), ஆகியவை மிக்க பொருத்தமானவையாகும். மேலும் ஒரு குறிப்பிட்ட தளத்திற்கான குக்கீயை மட்டும் தடுக்கவும் இயலும்.

பழைய குக்கீகளை நீக்கல்

முன்பு ஹாட்டிஸ்கில் சேமிக்கப்பட்ட குக்கீகளை அகற்றும் வரை அவற்றைப் படிக்க இயலும். அனைத்து குக்கீகளையும் அகற்றுவதற்கு, இன்டர்நெட் எக்ஸ்புளோரரின் Tools மெனுவில், Internet Options தேர்ந்தெடுக்கவும். General டேபின் கீழ் Temporary Internet Files பகுதியில், Delete Cookies என்பதை தேர்ந்தெடுத்து ஓகே சொல்லி விடுங்கள்.

-அனூப்-

Monday, November 03, 2008

What is Macro ?


Macro என்றால் என்ன?



ஒரு ஹோட்டலுக்கு தினமும் போகிறீர்கள். ஒரு பீஸா,  இரண்டு ரோல்ஸ், ஒரு டீ என்று ஒவ்வொரு நாளும் தவறாமல் அதே ஹோட்டலில் ஓடர் செய்து சாப்பிடுகிறீர்கள். ஒரு நாள் உங்களைப் பார்த்ததுமே ஹோட்டல் சர்வர், “வழக்கம் போல் தானே ஐயா?” எனக் கேட்கிறார். “ஆம்” என்று நீங்கள் தலையசைக்க சர்வர் செயற்படுத்துவது ஒரு மேக்ரோ ஆணைத் தொடரை. பீஸா, ரோல்ஸ், டீ என்பதற்குப் பதிலாக ஒரு தலையசைப்பின் மூலம் மூன்றையும் ஓடர் செய்கிறீர்கள் அல்லவா?  இது தான் மேக்ரோ.

மேலே நீங்கள் படித்தது மேக்ரோ என்பதற்கு மறைந்த எழுத்தாளர் சுஜாதா சொன்ன விளக்கம்.

கணினியில் ஒரே செயலை திரும்பத் திரும்ப செய்கிறீர்கள். அவ்வாறு செய்வது சோர்வை உண்டாக்குவதோடு நேரத்தையும் சக்தியையும் கூட வீணாக்குகிறது. இவ்வாறான சந்தர்ப்பத்தில் நமக்கு உதவுகிறது மேக்ரோ எனும் வசதி. மேக்ரோவைப் பயன்படுத்துவதன் மூலம் எமது வேலையை இலகுவாக்க முடிவதோடு மன மகிழ்ச்சியையும் தருகிறது..

திரும்பத் திரும்பச் செய்யப்படும் செயற்பாடுகள் எதுவாயிருந்தாலும் அனைத்தையும் மேக்ரோ கொண்டு இலகுவாகச் செய்யலாம். கணினியில் நாம் ஒரே வேலையைப் பல முறை திரும்பத் திரும்பச் செய்கிறோம்.இந்த மேக்ரோ மூலம் நீண்ட மற்றும் சலிப்பை உண்டாக்கும் வேலைகளை ஒரே க்ளிக்கின் மூலம் செய்து முடிக்கலாம்.

விண்டோஸ் இயங்கு தளத்திற்கான பயன்பாட்டு மென்பொருள்களில் மேக்ரோ அதிகம் பாவனையிலுள்ளது. எம்.எஸ்.வர்ட், எக்ஸல், பவர்பொயிண்ட் போன்ற பல எப்லிகேசன் மென்பொருள்களில் மேக்ரோ வைப் பயன்படுத்தும் வசதி இணைக்கப்பட்டுள்ளது. இந்த மென்பொருள்களில் மேக்ரோவைப் பதிவு செய்யும் வசதி, மற்றும் புதிதாக தங்கள் தேவைகளுக்கேற்ப மேக்ரோவை விசுவல் பேசிக் எனும் கணினி மொழி மூலம் வடிவமைப்பதற்கான வசதியும் இணைக்கப்பட்டுள்ளது. இவ்வாறே சில நிறுவனங்கள் பொதுவான தேவைக்கான எந்தவொரு எப்லிகேசன் மென்பொருளுடனும் பயன் படுத்தக் கூடியவாறான மேக்ரோ நிரல்களையும் வெளியயிட்டுள்ளன.

ஒரே வேலையே திரும்பத் திரும்ப உங்களால் செய்யப்படுவதாக உணர்ந்தால் அந்த செயறபாட்டுக்கென ஒரு மெக்ரோவினை உருவாக்கி வைப்பதன் மூலம் அடுத்த முறை அதே வேலையை மறுபடியும் செய்யு வேண்டிய தேவை ஏற்படும்போது ஏற்கனவே உருவாக்கி வைத்துள்ள மெக்ரோவினை இயக்கி ஒரே க்ளிக்கில் அந்த வேலையை செய்து முடிக்கலாம்.

ஒன்றுக்கு மேற்பட்ட இமெயில் கணக்குகள் வைத்திருப்பின் அவை ஒவ்வொன்றினையும் லொகின் செய்து மின்னஞ்சல்களைப் பார்த்தல், டைப் செய்த ஒரு டொகியுமென்டை போமட் செய்தல், திகதி பக்க இலக்கம் போன்றவற்றை உள்ளீடு செய்தல், அறிக்கைகளை தயாரித்தல், வெவ்வெறு எப்லிகேசன் மென்பொருள்களுக்கிடையே டேட்டாவை பிரதி செய்தல் என எண்ணிலடங்கா செயற்பாடுகளை மேக்ரோவினை உருவாக்குவதன் மூலம் இலகுவாக செய்து கொள்ளலாம்.

இப்போது எம்.எஸ். எக்ஸலில் மேக்ரோவை எவ்வாறு செயற்படுத்துவது எனப் பார்ப்போம். முதலில் எக்ஸலைத் திறந்து மெக்ரோவை செயற்படுத்த விருக்கும் பைலை அல்லது வேர்க்புக்கை திறந்து கொள்ளுங்கள். அடுத்து Tools மெனுவில் Macro தெரிவு செய்து அதிலிருந்து வரும் சப் மெனுவிலிருந்து Record New Macro தெரிவு செய்யுங்கள்.  ஒரு டயலொக் பொக்ஸ் தோன்றும் .

இங்கு Macro Name – எனுமிடத்தில் மேக்ரோவுக்குப் பொருத்தமான ஒரு பெயரை வழங்க வேண்டும்.

Shortcut Key – இங்கு ஏதேனுமொரு ஆங்கில எழுத்தை வழங்கலாம். படத்தில் S எனும் எழுத்து வழங்கப்பட்டுள்ளது. CTRL +Shift உடன் S விசையை அழுத்த மேக்ரோவை ஓட விடலாம். எனினும் இது கட்டாயமன்று.

Store macro in – இது வழமையாக நீங்கள் பணியார்றும் வேர்க்புக் ஆக இருக்கும்.. புதிதாகத் திறக்கும் ஒவ்வொரு வேர்க்புக்கிலும் இந்த மேக்ரோ வினைப் பயன்படுத்த வேண்டுமானால் New Workbook என்பதைத் தெரிவு செய்யுங்கள்.

Description – இங்கு நீங்கள் உருவாக்கும் மேக்ரோவை பற்றி சிறுது விவரிக்கலாம் இவ்வாறு விவரிப்பதன் மூலம் பிரிதொரு நேரம் பயன் படுத்தும் போது எதற்கான மேக்ரோ என்பதை எமக்கு ஞாபகமூட்டும்., இதுவும் கட்டாயமன்று.

இந்த விவரங்கள் அனைத்தையும் வழங்கிய பிறகு ஓகே சொல்ல மேக்ரோ ரெகோடர் பதிவு செய்ய ஆரம்பிக்கும். அத்தோடு Stop Recording என ஒரு சிறிய டூல்பாரும்  திரையில் தோன்றும்.

இப்போது எக்ஸலில் நீங்கள் தினமும் செய்யும் வேலைகளை வழமை போல் செய்ய ஆரம்பியுங்கள். உதாரணமாக ஒரே அட்டவணைய தினமும் டைப் செய்ய வேண்டியிருப்பதாக வைத்த்துக் கொள்ளுங்கள். அந்த அட்டவணையை மறுபடியும் இங்கு டைப் செய்யுங்கள். அடுத்து உங்கள் செயற்பாடுகள் அனைத்தும் முடிய டூல்பாரில் Stop Recording பட்டனில் க்ளிக் செய்து மெக்ரோவை நிறுத்தி விடுங்கள்.

அடுத்து பதிவு செய்த மேக்ரோவை இயக்குவதற்கு மறுபடியும் Tools மெனுவில் Macro, தெரிவு செய்து வரும் சப் மெனுவிலிருfது Macros தெரிவு செய்யுங்கள். அப்போது  ஒரு டயலொக் பொக்ஸ் தோன்றும். அங்கு உருவாக்கப்பட்டுள்ள மேக்ரோக் களின் பெயரும் காண்பிக்கப்படும். அதிலிருந்து உரிய மேக்ரோவை தெரிவு செய்து Run பட்டனில் க்ளிக் செய்யுங்கள். இப்போது அடிக்கடி நீங்கள் சிரமப்பட்டு செய்து வந்த ஒரு வேலை ஒரே க்ளிக்கில் செயற்படுத்தப்டுவதைக் காணலாம்.

-அனூப்-

Friday, October 31, 2008

Contact Us


Google Plus  -     https://plus.google.com/+ImthiyasAnoof

Twitter          -     https://twitter.com/itvalam

Face Book    -     https://www.facebook.com/itvalam/



foxyform

Monday, October 27, 2008

Difference between Hibernation and Stand by?


Hibernation  -  Stand by  என்ன வேறுபாடு?

கணினியில் எம்.எஸ்.வர்ட், எக்ஸல், மீடியா ப்ளேயர், வெப்பிரவுஸர் என ப்ல எப்லிகேசன்களை ஒரே நேரத்தில் திறந்து பணியாற்றிக் கொண்டிருக்கிறீர்கள். திடீரென உங்களுக்கு வேறொரு வேலையாக வெளியில் செல்ல வேண்டிய தேவை ஏற்படுகிறது. அப்போது திறந்திருக்கும் எல்லா எப்லிகேசன்களையும் மூடி விட்டு கணினியை நிறுத்தி விட்டுச் செல்ல முடிந்தாலும் மறுபடியும் அத்தனை எப்லிகேசன்களையும் விட்ட இடத்திலிருந்து தொடர வேண்டியிருக்கிறது. இவ்வாறான சந்தர்ப்பத்தில் கை கொடுக்கிறது விண்டோஸில் இருக்கும் ஹைபனேசன் Hibernation எனும் வசதி.

விண்டோஸ் தரும் இந்த ஹைபனேசன் வசதி மூலம் ஒரெ க்ளிக்கில் திறந்த நிலையிலுள்ள அத்தனை எப்லிகேசன்களையும் பாதுகாப்பாக ஹாட் டிஸ்கில் சேமிக்கப்படுவதோடு கணினியை நிறுத்த முன்னர் பணியாற்றிய அத்தனை எப்லிகேசன்களையும் பைல்களையும் மறுபடி யும் நீங்களாக அவற்றைத் திறக்காமலேயே டெஸ்க் டொப்பில் திறந்த நிலையில் காட்சியளிக்க வைக்கிறது

ஹைபனேசன் மடிக்கணிகள் உப்யோகிப்போருக்கு அதிகம் பயனளிக்கிறது. இதன் மூலம் லெப்டொப் கணினிகளிலுள்ள பேட்டரியின் மின் சக்தியைச் சேமிக்க முடிவதுடன் நேரத்தையும் கூட மீதப்படுத்தலாம்.

விண்டோஸ் இயங்கு தளம் கணினி மற்றும் துணைச் சாதனங்க ளுக்கான மின் சக்தியை கட்டுப்படுத்தக் கூடியவாறு உருவாக்கப் பட்டுள்ளது. மின் சக்தியைக் கட்டுப் படுத்தவென் விண்டோஸ் Hibernation / Stand by என இரு வசதிகளைக் கொண்டுள்ளது. இவற்றின் மூலம் திறந்திருக்கும் அனைத்து பைல்களையும் மூடிவிட்டு கணினியை நிறுத்தி ம்றுபடியும் ஸ்டர்ட் செய்து அதே பைல்களையும் எப்லிகேசன்களையும் திறப்பதற்கு ஆகும் நேரத்தை குறைக்க முடிவதோடு மின் சக்தியையும் சேமிக்க முடிகிறது,

ஹைபனேசன் எனும் வசதி தற்போது திறந்து வைத்துப் பணியாற்றும் அத்தனை பைல்களையும் எப்லிகேசன்களையும் டெஸ்க்டொப்பின் பிரதியாக ஹாட் டிஸ்கில் சேமித்து கணினியின் இயக்கத்தை நிறுத்தி விடுகிறது. மறுபடியும் கணினியை ஓன் செய்யும் போது முன்னர் திறந்து வைத்துப் பணியாற்றிய பைல்கள் ப்ரோக்ரம்கள் அனைத்தும் ஹைபனேட் செய்வதற்கு முன்னர் இருந்த அதே நிலையில் டெஸ்க் டொப்பில் கொண்டு வந்து விடுகிறது.

ஒரு குறிப்பிட்டட நேரம் கணினியில் எந்த வித செயற்பாடுகளும் இல்லாதிருந்தால் விண்டோஸே தானாக கணினியை ஹைப்னேட் செய்து நிறுத்தி விடும். அவ்வாறே லெப்டொப் கணினிகளில் உள்ள பேட்டரியில் மின் சக்தியின் அளவு குறைந்து வருமானால் அதனை உணர்ந்து, பேட்டரி முழுமையாக செயலிழக்க முன்னர் கணினியை ஹைபனேட் நிலைகு மாற்றி பைல்களை பாதுகாப்பாக சேமிப்பதுடன் கணினியையும் நிறுத்தி விடுகிறது. சில கணினிகளில் ஹைபனேட் வசதியை பயன்படுத்த முடியாது. அக்கணினிகளில் மதர் போர்ட்டானது ஹைபனேட் வசதியை ஆதரிக்காததே அதற்குக் காரணம்.

விண்டோஸ தானாக கணினியை ஹைபனேட் செய்யப் பின்வரும் வழிமுறையைக் கையாளுங்கள். முதலில் கண்ட்ரோல் பேனலில் Power Options தெரிவு செய்யுங்கள். தோன்றும் டயலொக் பொக்ஸில் Hibernate டேபில் க்ளிக் செயுங்கள். இங்கு Enable hibernate தெரிவு செய்து Apply பட்டனில் க்ளிக் செய்யுங்கள். இந்த டயலொக் பொக்ஸில் Hibernate டேப் இல்லாதிருந்தால் உங்கள் கணினி ஹைபனேட் வசதியை ஆதரிக்கவில்லை என்பதைக் கவனத்திற் கொள்ளுங்கள். அடுத்து Power Schemes டேபில் க்ளிக் செய்து எவ்வளவு நேத்தில் ஹைபனேட் நிலைக்குச் செல்ல வேண்டும் என்பதைத் தீர்மாணிக்க System hibernates எனுமிடத்தில் பொருத்தமான ஒரு நேர இடை வெளியை தெரிவு செய்து விட்டு ஓகே செய்து விடுங்கள். நீங்கள் தெரிவு செய்யும் நேரத்திற்கேற்ப கணினி எந்த இயக்கமும் இல்லாத நிலையில் ஹைபனேட் ஆகும்.

தானாக அல்லாமல் கணினியை நீங்களாகாவே விரும்பிய நேரம் ஹைபனேட் செய்யவும் முடியும். அதற்கு நீங்கள் செய்ய வேண்டியது : முதலில் மேலே குறிப்பிட்டது போல் Enable hibernate என்பதைத் தெரிவு நிலையில் வைத்து விடுங்கள். பின்னர் Start , Turn Off Computer தெரிவு செய்யுங்கள். அப்போது தோன்றும் டயலொக் பொக்ஸில் Stand By, Turn Off, Restart எனும் மூன்று பட்டன்கள் மட்டுமே இருப்பதைக் காணலாம். அங்கு ஹைபனேட் பட்டன் தோன்றாது. அதனைத் தோன்றச் செய்ய கீபோர்டில் Shift விசையை அழுத்துங்கள். அப்போது Stand By பட்டன் Hibernate பட்டனாக மாறும் . அதனைக் க்ளிக் செய்வதன் மூலம் கணினியை ஹைபனேட் செய்து விடலாம்.

மேற் சொன்ன அதே டயலொக் பொக்ஸை டெஸ்க்டொப்பில் வெற்றிடத்தில் ரைட் க்ளிக் செய்வதன் மூலம் வரும் மெனுவிலிருந்து Properties தெரிவு செய்வதன் மூலமும் வரவழைக்கலாம்.

ஹைபனேசன் போன்றே ஸ்டேண்ட்பை என்பது மின் சக்தியைக் கட்டுப் படுத்துவதற்காக விண்டோஸ் தரும் மற்றுமொரு வசதி. ஸ்டேண்ட்பை மோடில் கணினி குறைந்தளவு மின்சாரத்தையே பயன்படுத்துகிறது. கணினி ஸ்டேண்ட்பை நிலைக்குச் செல்ல முன்னர் இருந்த நிலைக்கு மறுபடியும் வரவைக்கலாம். எனினும் நினைவகத்திலுள்ள எதுவும் ஹைபனேசனில் போன்று இங்கு ஹாட் டிஸ்கில் பதியப்படுவதில்லை.

ஸ்டேண்ட்பை நிலையில் தற்போது உபயோகத்திலில்லாத ஹாட் டிஸ்க், மொனிட்டர் போன்ற ஹாட் வெயர் சாதனங்களுக்கான மின் வழங்களை விண்டோஸ் நிறுத்தி விடும். எனினும் நினைவகத்திற்கான மின் வழங்கள் தொடர்ந்து இருந்து கொண்டேயிருக்கும். இதன் மூலம் இறுதியாக நீங்கள் பணியற்றிக் கொண்டிருந்த அதே பைலிலேயே பணியற்ற முடிகிறது. அதாவது நினைவகத்திலிருந்து எதுவும் இழக்கப் படுவதில்லை.

ஹைபனேசன் போன்றே இங்கும் கணினியில் எந்த செயற்பாடுகளும் இல்லாத நிலையில் கணினியை தானாகவே ஸ்டேண்ட்பை நிலைக்குச் செல்ல வைக்கலாம். அதற்கு மேற் சொன்ன அதே டயலொக் பொக்ஸில் Power Schemes டேபின் கீழ் System Stand by எனுமிடத்தில் பொருத்தமான ஒரு நேரத்தைத் தெரிவு செய்து ஓகே சொல்லி விடுங்கள்.

சில கீபோர்டுகளில் கணினியை ஸ்டேண்ட்பை நிலைக்கு மாற்றவும் ஸ்டேண்ட் பை மோடிலிருந்து மீளவும் Sleep / Wake என தனியாக விசைகள் காண்ப்படும். அது போன்ற விசைகள் இல்லாதிருந்தால் மவுஸை அசைப்பதன் மூலம் அல்லது கீபோர்டில் ஏதேனுமொரு கீயை அழுத்துவதன் மூலம் ஸ்டேண்ட்பை மோடிலிருந்து மீளலாம்.

- அனூப் -

How to add your folder in Send to menu.

Send to   மெனுவில்  உங்கள் போல்டர் !!

விண்டோஸ் எக்ஸ்பீயில் ஒரு பைல் மீது ரைட் க்ளிக் செய்ய வரும் மெனுவில் Send To எனும் கமாண்ட் இருப்பதை நீங்கள் அறிவீர்கள். இந்த Send To கமாண்ட் மூலம் ஒரு பைலை இலகுவாக இ-மெயில் செய்யவோ, டெஸ்க்டொப்பிற்கு ஒரு Shortcut ஐ உருவாக்கவோ, அல்லது புலொப்பி ட்ரைவ் அல்லது பென் ட்ரைவிற்குப் பிரதி செய்யவோ முடியும்.

சில வேளைகளில் அந்த பைலின் பிரதியொன்றை குறிப்பிட்ட ஒரு போல்டரில் சேர்க்க வேண்டிய தேவையும் ஏற்படலாம். உங்கள் பைல்களை நீங்கள் எப்போதும் ஒரு குறிப்பிட்ட போல்டரிலேயே சேமிப்பதானால் அந்த போல்டரின் பெயரையும் Send To மெனுவில் சேர்த்து விடலாம். இதன் மூலம் உங்கள் வேலை இலகுவாவதுடன் மேலுமொரு விண்டோஸ் எக்ஸ்ப்லோரர் விண்டோவைத் திறந்து ஒரு போல்டரிலிருந்து இன்னுமொரு போல்டருக்கு பைலைப் பிரதி செய்யும் வேலையும் தவிர்க்கப்படுகிறது.

உங்கள் போல்டரை Send To மெனுவில் சேர்க்க நீங்கள் செய்ய வேண்டியது :

முதலில் மை கம்பியூட்டரைத் திறந்து கொள்ளுங்கள். அங்கு Tools மெனுவில் Folder Options தெரிவு செய்யுங்கள். தோன்றும் டயலொக் பொக்ஸில் View டேபில் க்ளிக் செய்து Show hidden files and folders என்பதைத் தெரிவு நிலைக்கு மாற்றுங்கள். பின்னர் மை கம்பியூட்டர் விண்டோவில் (C:) ட்ரைவில் உள்ள Documents and Settings போல்டரைத் திறந்து உங்கள் User Account க்குரிய போல்டரையும் திறந்து கொள்ளுங்கள். அங்கு Send To எனும் போல்டரைக் காணலாம். பின்னர் Send To போல்டரைத் திறந்து அதனுள் File - New - Shortcut ஊடாக நீங்கள் Send To மெனுCல் சேர்க்க விரும்பும் போல்டருக்கு ஒரு Shortcut ஐ உருவாக்கிக் கொள்ளுங்கள். இப்போது எதேனுமொரு பைலின் மேல் ரைட் க்ளிக் செய்து Send To தெரிவு செய்ய அங்கு நீங்கள் Shortcut உருவாக்கிய போல்டரையும் காணலாம்.

-அனூப்-

Sunday, October 19, 2008

Useful tips for web users


இணையத்தில் தகவல் தேடுவோருக்கு 

ஒரே கணினியைப் பல பேர் பயன்படுத்தும் சூழலில் கூகில் அல்லது வேறு தேடல் பொறிகளைப் பயன்படுத்தி இணையத்தில் தகவல் தேடுவோர் பலருக்கும் ஒரு தலையிடியாக இருப்பது தகவல் தேடும் போது தாம் பயன்படுத்திய தேடற்சொல் (keywordஅடுத்தவர் பார்வைக்கும் போய்விடுவதே.
அதாவது கூகில் தேடுபொறியின் முகப்புப் பக்கத்திலுள்ள தேடற் சொற்களை டைப் செய்யும் கட்டத்தில் நீங்கள் முன்னர் பயன்படுத்திய சொற்கள் அனைத்தையும் திரும்பத் திரும்ப பட்டியலிட்டுக் காண்பிக்கும். எங்கள் வசதிக்காக பிரவுஸர் தரும் இந்த உதவி சில நேரங்களில் சங்கடத்தையும் ஏற்படுத்தி விடுகிறது. இதன் மூலம் இணையத்தில் என்ன தகவலைத் தேடினோம் என்பதை அடுத்தவர்களும் அறிந்து கொள்கிறார்கள். அதனால் தங்கள் அந்தரங்கம் வெளியில் தெரிந்து விடுமோ கௌரவம் பாதிக்கப்படுமோ என்ற பயம் எல்லோருக்கும் இருக்கும். அனேகமாக இணையத்தில் ஸஸஸ தளங்களைப் பார்வையிடுபவர்களுக்கே இந்தப் பயம் அதிகம் இருக்கும்.

முன்னர் தேடும் போது உபயோகித்த தேடற் சொற்கள் வராமல் செய்வது எப்படி என்ற கேள்வி பலருக்கும் இருக்கத்தான் செய்கிறது. பிரவுஸரிலுள்ள Auto Complete என்பதன் மூலமே இந்த வசதி கிடைக்கிறது. இந்த வசதி உங்களைச் சங்கடப் படுத்துமானால் அதனைத் தடுக்கப் பின்வரும் வழி முறையைக் கையாளலாம்.

நீங்கள் உபயோகிப்பது இன்டர்னெட் எக்ஸ்ப்லோரராயிருந்தால் பிரவுசர் விண்டோ வில் Tools மெனுவில் Internet Options க்ளிக் செய்யுங்கள். அப்போது தோன்றும் டயலொக் பொக்ஸில் Content டேபின் கீழ் வரும் AutoComplete எனும் பட்டனில் க்ளிக் செய்ய இன்னுமொரு சிறிய டயலொக் பொக்ஸ் தோன்றும். அதில் Clear Forms பட்டனில் க்ளிக் செய்ய முன்னர் பயன்படுத்திய தேடற் சொற்கள் அனைத்தும் அழிக்கப்பட்டு விடும். அதேபோல் இனிமேல் இந்த தேடற் சொற்கள் பதிவாகாமல் இருக்க அதே டயலொக் பொக்ஸில் Use Autocomplete for என்பதன் கீழ் Forms என்பதை தெரிவு நிலையொலிருந்து (uncheck) நீக்கி விடுங்கள்.

தேடற் சொற்கள் மட்டும்ன்றி முன்னர் பார்த்த இணைய தளங்கDன் பெயர்களும் கூட பிரவுஸரின் எட்ரஸ் பாரில் தோன்றும். முன்னர் பார்த்த இணைய தளங்களின் பெயர்களை மீண்டும் டைப் செய்யாமலேயே அத்தளங்களைப் பார்ப்பதற்கே இந்த வசதி. இங்கும் நீங்கள் பார்த்த இணைய தளங்களின் பெயர்கள் அடுத்தவர்களின் பர்வைக்கு வருவதால் அப்போதும் உங்கள் அந்தரங்கம் பாதிக்கப்படலாம். இதனைத் தடுக்க வேண்டுமானால் மேற்சொன்ன அதே டயலொக் பொக்ஸில் Web Addresses என்பதை தெரிவு நிலையிலிருந்து நீக்கி விடுங்கள்.

அவ்வாறே முன்னர் பார்த்த இணையப் பக்கங்களும்கூட உங்களை சங்கடத்தில் மாட்டி வைக்கும். அதனைத் தடுக்கவும் வழி இருக்கிறது. அதற்கு நீங்கள் செய்ய வேண்டியது இதே Internet Options டயலொக் பொக்ஸில் Genaral டேபின் கீழ் வரும் Clear History பட்டனில் க்ளிக் செய்து விடுங்கள். உங்கள் இன்டர்நெட் சரித்திரமே எந்தத் தடயமுமில்லாமல் அழிக்கப்பட்டு விடும்.

மேற் சொன்ன இதே வசதிகளை மொஸில்லா பயர்பொக்ஸ் இணைய உலாவியும் தருகிறது. பயர்பொக்ஸில் இந்த வசதிகளை இல்லாமல் செய்ய Tools மெனுவில் Options க்ளிக் செய்ய வரும் டயலொக் பொக்ஸில் Privacy டேபின் கீழ் வரும் History பகுதியில் இருக்கும் மூன்று தெரிவுகளையும் நீக்கி விடுங்கள். இணையத்தில் இனி இஷ்டம் போல் உலாவுங்கள்.

-அனூப்-

What is ISO file?

ISO  பைல் என்றால் என்ன?

ஐ.எஸ்.ஓ பைல் அல்லது ஐ.எஸ்.ஒ இமேஜ் என்பது ஒரு சிடி அல்லது டிவிடி யின் விம்பம் அல்லது பிரதி எனலாம். சிடி அல்லது டிவிடியில் அடங்கியிருக்கும் அனைத்து டேட்டாவையும் ஒரே பைலாக ஐ.எஸ்.ஒ பைலில் உள்ளடக்கி விடலாம். ISO என்பது International Organization for Standardization என்பதைக் குறிக்கிறது. இது .ISO எனும் பைல் `ட்டிப்பைக் (file extension) கொண்டிருக்கும். ஐ.எஸ்.ஓ பைல் என்பது ஒரு சிப் (zip) பைல் அல்லது கேப் (cab) பைலைப் போன்றதே. எனினும் இவை Hப் பைல் போன்று சுருங்கிய வடிவத்திலல்லாமல் சிடி அல்லது டிவிடியில் அடங்கியுள்ள மொத்த பைல்களின் கொள்ளளவில் இருக்கும்.

இந்த ஐ.எஸ்.ஓ பைலை, பகுதி பகுதியாகப் பொருத்தி ஒன்று சேர்க்கும் குழந்தைகளுக்கான விளையாட்டுப் பொருட்களைத் தாஙகி வரும் ஒரு பெட்டிக்கு ஒப்பிடலாம். எமக்கு பயன்படுவது அந்தப் பெட்டிக்குள் அடங்கிருப்பவையே தவிர அந்தப் பெட்டியல்ல. ஐ.எஸ்.ஓ பைல்களும் இதே போன்றதே.

அதிக கொள்ளளவு கொண்ட மென்பொருள்களை இனையத்தின் வழியே பகிர்வதற்காகவே ஐ.எஸ்.ஓ பைல்கள் அனேகமாகப் பயன்படுத்தப்படுகின்றன. ஒரு மென்பொருளுக்குரிய அனைத்து பைல்களும் போல்டர் களும் ஒரே பைலுக்குள் அடங்கி விடுவதாலும் இதன் மூலம் பைல் இழப்புகள் ஏற்படுவதற்கான சாத்தியம் இல்லை என்பதனாலும் ஐ.எஸ்.ஓ பைலாக அவை இணையத்தில் பகிரப்படுகின்றன. உதாரணமாக 600 மெகாபைட்டுக்கு மேல் கொள்ளளவு கொண்ட லினக்ஸ் இயங்குதளத் தின் உபுண்டு பதிப்பு இணையத்தில் இருந்து டவுன் லோட் செய்து கொள்ளக் கூடியதாக ஐ.எஸ்.ஓ பைல் வடிவிலேயே கிடைக்கிறது.

ஐ.எஸ்.ஓ பைலில் என்ன அடங்கிIருக்கின்றன என நேரடியாகத் திறந்து பார்க்க விண்டோஸில் வழியில்லை. எனவே அவை வேறு வழிகளிலேயே கையாளப்படு கின்றன. அவற்றுள் முதலாவது வழி ஐ.எஸ்.ஓ பைலை கையாள்வதற்கான யூட்டிலிட்டிகளைப் பயன்படுத்துவதாகும். அதற்கென IsoBuster, CDmage ,Daemon Tools எனச் சில யூட்டிலிட்டிகலைப் பிற நிறுவனங்கள் வெளியிட்டுள்ளன. இவற்றின் மூலம் ஐ.எஸ்.ஓ பைலில் அடங்கியுள்ளவற்றை “சிப் பைல்” போல் வெறொரு போல்டருக்குள் விரியச் செய்து பார்க்கலாம்.

இரண்டாவது வழி அதனை சீடியிலோ அல்லது டிவிடியிலோ பதிவு செய்து பயன்படுத்துவதாகும். அனேகமாகப் பலரும் இந்த வழியையே கையாள்கின்றனர். எனினும் இந்த ஐ.எஸ்.ஓ பைலை சீடியில் பதிவு செய்வதென்பது வழமையான டேட்டா அல்லது வீடியோ பைலை பதிவு செய்வது போன்றதல்ல. இங்கு சீடி அல்லது டிவிடியில் பதிவு செய்வதற்குப் பயன்படுத்தும் மென்பொருள் ஐ.எஸ்.ஓ பைலை சீடியில் ஒன்று சேர்த்துப் பொருத்த வேண்டியிருக்கிறது. எனவே சீடியில் பதிவு செய்வதற்கான மென்பொருளில் ஐ.எஸ்.ஓ இமேஜ் பைலைப் பதிவு செய்வதற்கான வசதியும் (image burner ) இருந்தாலே அதனைப் பதியலாம்.

ஒரு ஐ.எஸ்.ஓ பைலை சீடியில் பதிவு செய்த பிறகு சீடியில் அந்த பைலைக் காண முடியாது. மாறாக சீடியில் வேறு சில பைல்களையும் போல்டர்களையும் மட்டுமே காணக் கூடியதாய் இருக்கும்.

ஐ.எஸ்.ஓ பைலைக் கையாளும் மூன்றாவது வL அதனை ஒரு வேர்ச்சுவல் சீடி ரொம்மில் ஏற்றிப் பார்வையிடுவதாகும். ஒரு சீடி ரொம்மிலிருந்து மட்டுமே இயங்கக் கூடியவாறு உருவாக்கப்பட்டுள்ள மென்பொருள்களை இயக்குவதற்கான ஒரு வழியே இந்த வேர்ச்சுவல் சீடி ரொம். Virtual CD-ROM Control Panel for Windows XP என்பது அவ்வாறான ஒரு இலவச யூட்டிலிட்டி.

ஐ.எஸ்.ஓ பைல்களை உருவாக்கவும் சிடி அல்லது டிவிடியில் பதிவு செய்வதற்குப் பயன்படுத்தும் மென்பொருள்களே உதவுகின்றன. ஒரு சிடி அல்லது டிவிடியில் அடங்கியிருக்கும் டேட்டாவை ஐ.எஸ்.ஓ பைல் வடிவில் சேமித்துக் கொள்வதன் மூலம் அந்த சிடி அல்லது டிவிடி இல்லாமலேயே பிரிதொரு நேரம் அதனை சிடியில் பதிவு செய்து கொள்ளும் வசதியை இந்த ஐ.எஸ்.ஓ பைல் தருகிறது.

-அனூப்-

Sunday, October 12, 2008

IPTV - tomorrow's television revolution


நாளைய உலகின் தொலைக்காட்சி - IPTV ?



செய்மதிதி தொலைக்காட்சி சேவை, கேபல் தொலைக் காட்சி சேவை, Direct-To-Home எனும் டீடிஹெச் சேவை, ஹைடெபினிசன் டிவி (High Definition TV) என்பன தொலைக்காட்சித் தொழில் நுட்பம் கண்ட முக்கிய வளர்ச்சிப் படிகள் எனலாம். தற்போது, இவற்றையெல்லம் பின்னே தள்ளி விட்டு தொலைக் காட்சி சேவை வழங்குவதில் பலமான பின்னணியுடன் அறிமுகமாகியிருக்கிறது ஐபிடிவி எனும் தொலைக் காட்சி சேவை.

தற்போது நாம் கண்டு களித்து வரும் தொலைக் காட்சி சேவை செய்மதி மூலமோ, கேபல் மூலமோ அல்லது தரை வழி ஒளிபடரப்பான சாதாரண என்டெனா மூலமோ நமது தொலைக் காட்சிப் பெட்டியை டிஜிட்டல் வடிவிலோ அல்லது எனலொக் (analogue) வடிவிலோ வந்தடைகிறது.

ஆனால் வழமையான என்டனாவோ மற்றும் சேட்டலைட் டிஸ் எதுவுமின்றி தொலைபேசி இணைப்பு வழங்கப்படும் கேபல் வழியாக வரும் தொலைக் காட்சி ஒளிபரப்பே ஐபிடிவி. IPTV என்பது Internet Protocol Television என்பதைக் குறிக்கிறது. ப்ரோட்பேண்ட் (Broadband) எனும் அதி வேக இணைய இணைப்பினைப் பயன்படுத்தி தொலைக்காட்சி சேவையை வழங்குதலை ஐபிடிவி எனப்படுகிறது. 

உங்கள் தொலைக்காட்சிப் பெட்டியை அதி வேக இணைய இணைப்பில் தொடுக்கப்படுவதன் மூலம் டிஜிட்டல் தொலைக்காட்சி சேவையை இணையத்தின் மூலம் கிடைக்கக் கூடியதாயுள்ளது. இந்த ஐபிடிவி அனேக நாடுகளில் இன்னும் ஆரம்ப நிலையிலேயே உள்ளது.

ப்ரோட்பேன்ட் எனும் அதிஉ வேக இணைய சேவை நிலத்தின் கீழ் போடப்பட் டிருக்கும் பைபர் ஒப்டிக் கேபல் (fiber optic cable) மூலமாக வழங்கப்படுகிறது. இந்த கேபல் 500 க்கும் மேற்பட்ட தொலைக்காட்சி சேனல்களை ஒரே நேரத்தில் கடத்தக் கூடிய ஆற்றல் வாய்ந்தவை.

உலBல் முதன் முதலாக ஐபிடிபவி 1994 ஆம் ஆண்டில் அறிமுகமானது. அமெரிக்காவின் தொலைக் காட்சி சேவையான ABC நிறுவனத்தின் நிகழ்ச்சிகளே இணையத்தின் மூலம் முதன் முதலில் ஒDபரப்பாகியுள்ளது.

இது வரை மேற்குலக நாடுகளில் மட்டுமே அறிமுகமாகியிருந்த ஐபிடிவிC தற்போது நமது நாட்டிலும் அKமுகமாBIருக்Bறது. இலங்கைIல் கடந்த மாதம் 22 ஆம் திகதி ஸ்ரீலங்கா டெலிகொம்மின் துணை நிறுவனமான விசன்கொம் நிறுவனத்தால் ஐபிடிவி சேவை முதன் முதலாக ஆரம்பித்து வைக்கப்பட்டுள்ளது.

ஐபி (IP) என்பது இன்டர்நெட் ப்ரொட்டகோலைக் (Internet Protocol) குறிக்கிறது. இணையத்தில் TCP/ IP எனும் ப்ரொட்டகோல் பயன்பாட்டிலுள்ளது. ப்ரொட்டகோல் என்பது டேட்டாவை இணையத்தில் அனுப்ப பெற கடைபிடிக்கப்படும் பொதுவான சில விதி முறைகளைக் குறிக்கும். இமெயில் அனுப்பவும் பெறவும், இணைய தளங்களைப் பார்வையிடவும், தொடர்பாடவும் இந்த TCP/ IP எனும் இன்டர்னெட் ப்ரொட்டகோலே நமக்கு உதவுகிறது.

ஐFடிCIல் ஒரு தொலைக்காட்சி நிகழ்ச்சி இன்டர்னெட் புரட்டகோல் எனப்படும் இணையத்தில் அல்லது ஒரு கணினி வலையமைப்பில் பின்பற்றப் படும் விதி முறைகளுக்கமைவாக சிறு சிறு பகுதிகளாக உடைக்கப்பட்டு "பெக்கட்ஸ்" (packets) எனும் பொதிகளாக தொலைபேசி கேபல் மூலம் நமது கணினியை அல்லது தொலைக்காட்சிப் பெட்டியை வந்தடைகிறது.

ஒரு வலையமைப்பில் அல்லது இணையத்தில் இணைக்கப்படிருக்கும் ஒவ்வொரு கணினியும் அல்லது சாதனமும் தனக்குரிய (unique) ஒரு எண்ணைக் கொண்டிருக்கும். நான்கு பகுதிகளைக் கொண்டுள்ள இந்த எண் மூலமே ஒவ்வொரு கணினியும் ஒரு வலையமைப்பில் அடையாளம் காணப்படுகிறது. இந்த எண்ணையே ஐபி முகவரி எனப்படுகிறது. இந்த ஐபி முகவரி, ஐபிடீவி சேவையில் முக்கிய பங்கு வகிக்கிறது.

இணையத்தின் வழியாக ஏதெனுமொரு வீடியோ க்ளிப்பை அல்லது ஒரு சினிமா படத்தை கணினியில் பார்வையிட்டிருந்தால் ஐபிடிவியை நீங்கள் ஏற்கனவே நுகர்ந்திருக்கிறீர்கள் எனச் சொல்லலாம்.

தொலைபேசி கேபல் வழியாகாவே ஐபிடிவி சேவை வழங்கப்படுவதால் ஐபிடிவி சேவை வழங்குவதில் தொலைபேசி நிறுவனங்களே அதிக அளவில் முதலீடு செய்கின்றன. முன்னர் தொலைபேசி சேவை மட்டுமே வழங்கி வந்த இந் நிறுவனங்கள் தற்போது ஒலி (voice), ஒளி (video) , டேட்டா எனும் மூன்று துறைகளிலும் தமது ஆதிக்கத்தை செலுத்த ஆரம்பித்துள்ளன. அதாவது ஒரே கல்லில் மூன்று மாங்காய்களைப் பறித்து விடுகின்றன. இம்மூன்றும் இணைந்த சேவையை "Triple Play" எனப்படுகிறது.

ஐபிடிவி சேவையை சாதாரண தொலைக்காட்சிப் பெட்டியில் பார்த்து ரசிக்க விரும்பும் ஒருவர் முதலில் ஐபிடிவி இணைப்பை சேவை வழங்கும் ஒரு நிறுவனத்திடம் பெறுவதுடன் அதற்கான செட்-டொப்-பொக்ஸையும் (Set-Top-Box) அந்நிறுவனத்திடமிருந்தே பெற வேண்டும். அத்துடன் ADSL மோடம் மற்றும் (filter) பில்டர் என்பனவும் அவசியம்.

ஐபிடிவி எவ்வாறு செயற்படுBறது?

வெDநாட்டு மற்றும் உள் நாட்டு தொலைக் காட்சி சேனல்கள் செய்மதி மூலமோ அல்லது வேறு வழிகளிலோ தொலைபேசி நிறுவனத்தின் மத்திய நிலையத்தில் பெற்றுக் கொள்ளப்படுகிறது. வெவ்வெறு ஊடகங்கள் மூலம் பெறப்பட்ட தொலைக்காட்சி சேனல்கள் மத்திய நிலையத்தில் உள்ள சேர்வரில் (Server) சேமிக்கப்பட்டு இணையத்தின் மூலம் பெறக்கூடியதாக "பக்கட்" வடிவில் சிறு சிறு பகுதிகளாக உடைக்கப்படுவதோடு அந்த சிக்னலை அதிகாரமற்றோர் பெற முடியாவண்ணம் என்க்ரிப்ட் (encrypt) செய்து அதாவது வேறொரு வடிவில் மாற்றப்பட்டு தொலைபேசி கேபல் வழியே செலுத்தப்படுகிறது.

கேபல் வழியே பயணம் செய்யும் அந்த டேட்டா ஐபிடிவி சேவையைப் பெற்றிருக்கும் வாடிக்கையாளரை வந்தடைகிறது. வாடிக்கையாளரின் வீட்டில் பொருத்தியுள்ள ADSL மோடம் ஊடாக Fன்னர் அந்த Hக்னல் அவரது செட்-டொப்-பொக்ஸை அடைகிறது. செட்-டொப்-பொக்ஸ் எனும் சாதனம் என்க்ரிப்ட் செய்யப்பட்டு வரும் அந்த சிக்னலை (decrypt) டிக்ரிப்ட் செய்வதோடு அதாவது என்க்ரிப்ட் செய்வதற்கு முன்பிருந்த வடிவிற்கு மாற்றி "பெக்கட்" வடிவில் சிறு சிறு பகுதிகளாக வரும் டேட்டாவை மறுபடி ஒன்று சேர்த்து தொலைக்காட்சிப் பெட்டியில் காட்சிப் படுத்துகிறது. இந்த செயற்பாடுகள் அனைத்தும் கண் இமைக்கும் நேரத்தில் நடந்து முடிவதால் ஒளிபரப்பில் எந்த தாமதத்தையும் நம்மால் உணர முடிவதில்லை.

இந்த செயற்பாடு, கட்டணம் செலுத்திப் பெறும் செய்மதி தொலைக் காட்சிச் சேவை ஓரளவு ஒத்திருக்கிறது. எனினும் இங்கு நாம் எந்த ஒரு என்டனாவையும் பொருத்த வேண்டியதில்லை.

ஐபிடிவி மூலம் தொலைக்காட்சி நிகழ்ச்சிகளைப் பார்த்து ரசிக்கும் அதேவேளை ADSL மோடம் கருவியை கணினியுடன் இணைப்பதன் மூலம் இணைய சேவையையும் நம்மால் அதே நேரத்தில் பெற முடிவதோடு தொலைபேசியையும் கூட அதே நேரத்தில் உபயோகிக்கக் கூடியதாயிருக்கும்.
ஐபிடிவி ஏனைய தொலைக்காட்சி ஊடகங்களைப் போலன்றி பல வசதிககளைத் தருகிறது. ஐபிடிவி மூலம் எவ்வாறு புதிய சேவைகளையும் வசதிகளையும் வழங்கலாம் அதன் மூலம் எவ்வாறு வருவாயைப் பெருக்கலாம் என இன்னும் தொலைத் தொடர்பு நிறுவனங்கள் ஆராய்ந்து வருகின்றன. 

ஐபிடிவி இன்னும் ஒரு சில ஆண்டுகளில் தொலைக் காட்சி சேவை வழங்குவதில் முக்கிய பங்கு வகிக்கும் என எதிர்பார்க்கப்படுகிறது.
வழமையான தொலைக் காட்சி சேவை போல் ஒரு நிகழ்சியை பல பேருக்கு ஒரே நேரத்தில் ஒளிபரப்புவது (multicast) மற்றும் ஒரு நிகழ்ச்சியை குறிப்பிட்ட ஒரு வாடிக்கையாளருக்கு மட்டும் (unicast) அவர் கேட்கும் போது வழங்குவது என ஐபிடிவி சேவை இரண்டு வழிகளில் கையாளப்படுகிறது.

ஐபிடிவி வழமையான டிவி சேனல்களையோ அல்லது களஞ்சியப்படுத் தப்பட்டுள்ள வீடியோ படங்களிலிருந்து நமக்குத் தேவையானதைத் தெரிவு செய்து பார்ப்பதற்கான வசதியை அளிக்கிறது. அதனை வீடியோ ஒன் டிமாண்ட் (Video On Demand) என அழைக்கப்படும். ஐபிடிவியின் முக்கிய அம்சமாக இந்த வீடியோ ஒன் டிமான்ட் எனும் வசதியைக் குறிப்பிடலாம். பாவனையாளர் தொலைக்காட்சிப் பெட்டியில் தோன்றும் ஒரு மெனுவிலிருந்து என்னென்ன படங்கள் வீடியோ க்ளிப்புகள் உள்ளன என ரீமோட் கன்ட்ரோலை அழுத்துவதன் மூலம் தெரிந்து கொண்டு தமக்கு தேவையான வீடியாவை தெரிவு செய்து கண்டு களிக்கலாம்.

இந்த வீடீயோ பட்டியலில் சினிமாப் படங்கள் மட்டுமன்றி பாடல்கள், முக்கிய நிகழ்வுகள், தொலைக் காட்சி நிகழ்ச்சிகள், தொலைக் காட்சித் தொடர்களின் வேவ்வேறு அங்கங்கள் என எதுவாகவும் இருக்கலாம். இவை தொலைபேசி நிறுனத்தின் மத்திய நிலையத்திலுள்ள வீடியோ செர்வரில் (server) சேமிக்கப்படிருக்கும். அவற்றை வாடிக்கையாளர் தாம் விரும்பிய நேரத்தில் கேட்டுப் பெறலாம். எனினும் இந்த சேவையைப் பெற அதற்குத் தனி கட்டணம் செலுத்த வேண்டியிருக்கும்.

ஐபிடிவியில் சாதாரண வீடியோ கேசட் ப்லேயரில் போன்று தொலைக்காட்சி நிகழ்ச்சி ஒளிபரப்பாகிக் கொண்டிருக்கும் போது அதனை தற்காலிகமாக நிறுத்தி விட்டு (Pause) மீண்டும் விட்ட இடத்திலிருந்து தொடருதல்,ரீவைண்ட் (rewind) செய்து ஆரம்பத்திலிருந்து பார்த்தல், ஸ்லோ மோசனில் (slow-motion) மெதுவாக ஓட விடல், பாஸ்ட் போர்வர்ட் (fast-forward) செய்து விரைவாக ஓட வைத்தல் போன்ற வசதிகளையும் பெறலாம்.

ஐபிடிவியில் நிகழ்ச்சிகளைக் கண்டு களிப்பது வழமையான டிவியில் போலன்றி ஒரு புதிய அனுபவத்தைத் தரும். தமக்கு தேவையானதை மட்டும் தேர்ந்தெடுத்து, தமக்கு விருப்பமான நேரத்தில் (Time Shift TV) தமது பூரண கட்டுப்பாட்டின் கீழ் தமக்கு

சௌகரியமான முறையில் பார்த்து ரசிக்கலாம். நீங்கள் பார்க்கத் தவற விட்ட ஒரு நிகழ்ச்சியை அல்லது சீரியலைக் கூட பிரிதொரு நேரம் பார்க்கலாம். வழமையான தொலைக்காட்சி ஒளிபரப்பு போன்றே உயர் தரத்திலான வீடியோ மற்றும் ஓடியோவை ஐபிடீவியில் பெறலாம்.

கேபல் டிவி செய்மதி தொலைக்காட்சி சேவை போலன்றி ஐபிடிவியில் Interactivity எனும் வசதியும் கிடைக்கிறது. இதன் முலம் நேரடி போட்டி நிகழ்ச்சிகள் (Game Shows) ஒளிபரப்பகும்போது அந்த ஸ்டுடியோவில் இருக்கும் பார்வையாளர்கள் போல் வீட்டில் தொலைக் காட்சி பார்த்துக் கொண்டிருப் போரும் பங்கு பெறலாம். தொலைக் காட்சி விளம்பரத்தில் வரும் ஒரு பொருளை டிவியிலிருந்தே ஓடர் செய்து வாங்க முடியும்.

டிவி சேவை வழங்கும் நிறுவனமும் நிகழ்ச்சிகளை வீட்டில் பார்த்து ரசித்துக் கொண்டிருப்பவரும் நிகழ் நேரத்தில் (real time) தொடர்பாடும் வாய்ப்பு ஐபிடிவியில் கிடைக்கிறது. இன்டர்னெட் ப்ரொட்டகோலைப் பயன் படுத்துவதனால் தொலைக்காட்சி நிறுவனத்திலிருந்து வீட்டுக்கும், வீட்டிலிருந்து தொலைக் காட்சி நிறுவனத்திற்கு மென இரு வழித் தொடர்பாடலை மேற்கொள்ள முடியும்.

ஐபிடிவி நிகழ்ச்சிகளைப் பார்த்துக் கொண்டிருக்கும்போதே தொலைக்காட்சித் திரையில் உங்கள் இமெயில் கணக்கிற்கு மின்னஞ்சல் வந்திருந்தால் அது பற்றி அறிவிக்கும். அதேபோல் தொலைபேசி அழைப்புகள் வரும்போது அழைப்பபின் இலக்கம் (Caller ID அல்லது CLI எனும் Caller Line Identification வசதி) தொலைக் காட்சித் திரையில் மின்னுவதையும் காணலாம்.

மேற் சொன்னவை போன்ற பல வசதிகளை ஐபிடிவி மூலம் பெறக்கூடிய சாத்தியம் உள்ளது எனினும் தற்போது ஐபிடிவி சேவை வழங்கும் நிறுவனங்கள் இவையனைத்தையும் வழங்கி வருகின்றன என நான் சொல்லவில்லை.

அதிவேக இணைய இணைப்பு மற்றும், சவீடியோவை சுருக்கும் தொLல் நுட்பத்தில் கண்டிருக்கும் வளர்ச்சி என்பவற்றால் தெளிவான உயர் தரத்திலான வீடியோ மற்றும் ஓடியோ கலந்த தொலைக் காட்சி சேவையை ஐபிடிவி மூலம் வாடிக்கையாளரிடம் கொண்டு சேர்க்க முடியுமாயுள்ளது. இணையத்தைப் பயன்படுத்தி தொலைக் காட்சி சேவையை வழங்குவது என்பது மற்றுமொரு கவர்ச்சியான அதேவேளை எல்லையற்ற சேனல்களை வழங்கக் கூடிய ஊடகமாகவே கொள்ளலாம்.

இன்னும் சில வருடங்களில் தொலைபேசி, இணையம், தொலைக்காட்சி, வனொலி என அனைத்து வசதிகளையும் ஒரே ஒரு கேபலே நம் வீட்டுக்கு அள்ளிக் கொண்டு வரும் என எதிர் பார்க்கலாம்.

நாளைய உலகில் ஐபிடிவியே ஒரே ஒளிபரப்பு ஊடகமாக இருக்கப் போகிறது என பில் கேட்ஸ் கூட எதிர்வு கூறியிருந்தாலும் தொலைக் காட்சி சேவைகளை வழங்குவய்ஜில் தற்போதுள்ள தரை வழிஒDபரப்பு (terrestrial transmission), கேபல் டிவி, டீடிஹெச் எனும் செய்மதி ஒளிபரப்பு போல் மற்றுமொரு ஊடகமாகவே ஐபிடிவியும் இருக்கப் போகின்றது என்பதே எனது கருத்தாகும்.

- அனூப்

Tuesday, September 30, 2008

What is System Restore ?


எதற்கு இந்த System Restore  ?


புதிதாக ஒரு பயன்பாட்டு மென்பொருளை நிறுவும்போது (install) அல்லது அதனை புதுப்பிக்கும் (update) போது உங்கள் கணினியை ஒரு மாற்றத்யதிற்கு உட்படுத்துகிறீர்கள். இந்த மாற்றம் சில வேளைகளில் கணினியின் இயக்கத்தில் பாதிப்பை உண்டாக்கி கணினி முன்னர் போல் செயற்பாடாமல் போகவும் இடமுண்டு. இது போன்ற நிலைமைகளில் உங்களுக்குக் கை கொடுக்கிறது விண்டோஸிலுள்ள சிஸ்டம் ரீஸ்டோர் எனும் வசதி. இதன் மூலம் கணினியில் மாற்றத்தை ஏற்படுத்த முன்னர் இருந்த நிலைக்கு கணினியை மறுபடியும் மாற்றி கணினியை சீராக்கி விடலாம்.

சிஸ்டம் ரீஸ்டோர் என்பது மைக்ரோஸொப்ட் வர்ட், எக்ஸல் மற்றும் ஏனைய பயன்பாட்டு மென்பொருள்களில் உள்ள Undo எனும் கட்டளை போன்றதே. கணினியில் செய்த மாற்றத்தை இல்லாமல் செய்து கடைசியாக கணினி முறையாக இயங்கிக் கொண்டிருந்த நிலைக்கு மறுபடியும் சீரமைத்து விடுகிறது இந்த சிஸ்டம் ரீஸ்டோர் எனும் வசதி.

கணினி வைரஸ் தாக்குதலுக்குட்படும் சந்தர்ப்பங்கDலும் கூட இந்த சிஸ்டம் ரீஸ்டோர் மூலம் சில வேளைகளில் வைரஸை விரட்டி விடலாம். எனினும் சில கணினி வைரஸ் இந்த சிஸ்டம் ரீஸ்டோரயே இயங்காமல் (disable) செய்து விடுவதுமுண்டு.

சிஸ்டம் ரீஸ்டோர், விண்டோஸ் இயங்கு தளத்தில் செய்த மாற்றத்தையே இல்லாமல் செய்து விடுகிறது தவிர நீங்கள் முன்னர் பணியாற்றி சேமித்த எந்த ஒரு பைலையும் பாயதிப்பதில்லை. உதாரணமாக எம்.எஸ்.வர்ட் கொண்டு உருவாக்கிய ஒரு ஆவணம், இண்டநெட் எக்ஸ்ப்லோரர் கொண்டு பார்த்த இணைய தளங்கள், உங்களுக்கு வந்த மின்னஞ்சல் என எதனையும் இல்லாமல் செய்து விடாது. அதாவது சிஸ்டம் ரீஸ்டோர் செய்வதனால் உங்கள் தனிப்பட்ட பைல்களுக்கு எந்த வித ஆபத்தும் நேர்ந்து விடாது.

விண்டோஸ் எக்ஸ்பீ இயங்கு தளம், கணினியில் நீங்கள் செய்யும் மாற்றங்களை முறையாக அவதானித்து அவ்வப்போது அவை பற்றிய விவரங்களை அதாவது என்ன திகதியில் என்ன நேரத்தில் என்ன மாற்றம் செய்யப்பட்டது போன்ற விவரங்களை பதிந்து வைக்கிறது. எடுத்துக் காட்டாக ஒரு பயன்பாட்டு மென்பொருளை நிறுவுதல் அல்லது ஒரு ட்ரைவர் மென்பொருளை நிறுவுதல் போன்ற கணினியில் ஒரு முக்கிய மாற்றத்தைச் செய்யும்போது அவை பற்றிய விவரங்களைப் பதிவு செய்து விடுகிறது. இந்த விவரங்கள் அடங்கிய குறிப்புகளை ரீஸ்டோர் பொயின்ட் (Restore Point) எனப்படும்.

இந்த ரீஸ்டோர் பொIன்டை நீங்களாகவே கூட கணினியில் ஏதும் மாற்றத்தை செய்வதற்கு முன்னர் உருவாக்கிக் கொள்ளலாம்.

நீங்கள் நிறுவிய ஒரு மென்பொருள் கணினியில் பாதிப்பை உண்டாக்கியிருந்தால் சிஸ்டம் ரீஸ்டோரை இயக்கி அதிலிருந்து ஒரு ரீஸ்டோர் பொயின்டைத் தெரிவு செய்து கணினியை மறுபடியும் முன்னர் இருந்தவாறு சீராக இயங்கிய நிலைக்குக் கொண்டு வரலாம். சிஸ்டம் ரீஸ்டோரை இயக்கியதும் ஒரு கலண்டர் தோன்றுகிறது. அதிலிருந்து ரீஸ்டோர் பொயின்ட் எனப்படும் நிலைகளைத் தெரிவு செய்யலாம். தினமும் கணினியை உபயோகிக்காமலிருந்தால் சில தினங்களில் ரீஸ்டோர் பொயின்ட் உருவாகியிருக்காது. மாறாக கணினியை அடிக்கடி உபயோகித்திருந்தால் அனேகமாக தினமும் ரீஸ்டோர் பொயின்ட் உருவாவதோடு ஒரே தினத்தில் ஒன்றுக்கு மேற்பட்ட ரீஸ்டோர் பொயின்டுகளும் உருவாகியிருப்பதைக் காணலாம்.

ரீஸ்டோர் செய்யும் பணி முடிந்ததும் கணினி ரீஸ்டார்ட் ஆக ஆரம்பித்து விடுவ தால் சிஸ்டம் ரீஸ்டோரை இயக்குவதற்கு முன்னர் கணினியில் திறந்து வைத்துப் பணியாற்றிக் கொண்டிருக்கும் அனைத்து எப்லிகேசன்களையும் மூடி விடுதல் வேண்டும்.

கணினியில் நீங்கள் செய்யவிருக்கும் ஒரு மாற்றம் கணினியில் ஸ்திரத்த தன்மையைப் பாதிக்கும் என நினைத்தால் அந்த மாற்றத்தைச் செய்வதற்கு முன்னர் ஒரு ரீஸ்டோர் பொயின்டை உருவாக்கிக் கொள்வது உங்களுக்கு நன்மை யளிக்கும்.

இந்த சிஸ்டம் ரீஸ்டோரை Start / All Programs / Accessories / System Tools மற்றும் Start / Help and Support / Pick a Task / Undo changes to your computer with System Restore என இரண்டு வழிகளில் அணுகலாம்.

ரீஸ்டோர் செய்வது எப்படி?

சிஸ்டம் ரீஸ்டோர் செய்வது ஒரு எளிமையான செயற்பாடு. சிஸ்டம் ரீஸ்டோரை இயக்கிய பின்னர் ஒரு விசர்ட் தோன்றும். இங்கு Restore your computer to an earlier time (படம்-1) தெரிவு செய்து அடுத்த கட்டத்திற்குச் செல்ல (படம்-2) ல் உள்ளது போல் ஒரு விண்டோ தோன்றும். இங்கு நீங்கள் விரும்பும் ரீஸ்டோர் பொயின்டைத் தெரிவு செய்யுங்கள். தேவையானால் இடப் பக்கமுள்ள கலண்டரில் க்ளிக் செய்து ரீஸ்டோர் பொயின்டைத் தெரிவு செய்து கொள்ளலாம். அடுத்து ரீஸ்டோர் பட்டனில் க்ளிக் செய்ய ரீஸ்டோர் செய்யும் பணி ஆரம்பித்து விடும்.

ஒரு சிஸ்டம் ரீஸ்டோர் பொயின்டை உருவாக்குவது எப்படி?

அவ்வாறே புதிதாக ஒரு ரீஸ்டோர் பொயின்டை உருவாக்கிக் கொள்ள ரீஸ்டோர் விசர்டில் வரும் முதல் கட்டத்தில் Create a restore point (படம்-1) தெரிவு செய்து Next க்ளிக் செய்ய வரும் திரையில் (படம்-3) உருவாக்கயிருக்கும் ரீஸ்டோர் பொயின்டுக்கு ஒரு பொருத்தமான ஒரு பெயரை டைப் செய்து Create பட்டனில் க்ளிக் செய்ய புதிதாக ஒரு ரீஸ்டோர் பொயின்ட் உருவாக்கப்பட்டு விடும்.

அதேபோல் சிஸ்டம் ரீஸ்டோர் விசர்டில் முதல் திரையில் System Restore Settings எனும் இணைப்பில் க்ளிக் செய்ய படம்-4 ல் உள்ளது போல் ஒரு டயலொக் பொக்ஸ் தோன்றும். (இதனை வேறு வழி முறைகளிலும் வரவைக்கலாம்) இதன் மூலம் ஹாட் டிஸ்கில் எந்த ட்ரைவிலும் சிஸ்டம் ரீஸ்டோர் வசதியை இல்லாமல் செய்யவும், ஏற்கனவே இல்லாமல் செய்திருந்தால் அதனை மீள அமைக்கவும் முடியும். அத்துடன் இந்த டயலொக் பொக்ஸில் Settings பட்டனில் க்ளிக் செய்து ஒவ்வொரு ட்ரைவவிலும் சிஸ்டம் ரீஸ்டோர் செய்வதற்கென ஒதுக்கப்பட்டிருக்கும் வெற்றிடத்தை அதிகரித்துக் கொள்ளவும் குறைத்துக் கொள்ளவும் முடியும்.


-அனூப்

Sunday, September 21, 2008

Virtual PC – Part 2


சென்ற வாரம் வேர்ச்சுவல் கணினி என்றால் என்ன எனப் பார்த்தோம். இன்று வேர்ச்சுவல் கணினியில் ஒரு இயங்கு தளத்தை எவ்வாறு நிறுவு வது எனப் பார்ப்போம்.

மைக்ரோஸொப்ட் வேர்ச்சுவல் பீசி மென்பொருள் கொண்டு விண்டோ ஸின் எப்பதிப்பையும் வேர்ச்சுவல் கணினியில் இயங்கு தளமாக நிறுவிக் கொள்ளலாம். விண்டோஸ் மட்டுமன்றி விண்டோஸ் அல்லாத லினக்ஸ் போன்ற வேறு இயங்கு தளங்களையும் கூட நிறுவிக் கொள்ளலாம்.

இங்கு பிரதான இயங்கு தளமான விண்டோஸ் எக்ஸ்பீயில் லினக்ஸின் Ubuntu பதிப்பை வேர்ச்சுவல் கணினியில் எவ்வாறு நிறுவுவது எனச் சொல்லலாம் என நினைக்கிறேன்.

வேர்சுவல் கணினியை உருவாக்குவதற்கு முதலில் உங்கள் கணினி ஆகக் குறைந்த தேவைகளைப் பூர்த்தி செய்வதாயிருத்தல் வேண்டும். உங்கள் கணினியில் நிறுவியிருக்கும் பிரதான இயங்கு தளம் சிக்கலின்றி இயங்கவும் நிறுவவிருக்கும் ஏனைய வேர்ச்சுவல் இயங்கு தளங்களை சிறப்பாக செயற்படவும் போதிய அளவு நினைவகமும் ஹாட் டிஸ்கில் காலியிடமும் இருத்தல் அவசியம். நினைவகத்தின் அளவு அதிகமிருப் பின் ஒன்றுக்கு மேற்பட்ட வேர்சுவல் கணினிகளை உருவாக்Bக் கொள்ளலாம்.

வேர்ச்சுவல் கணினியில் இயங்கு தளமொன்றை நிறுவத் தேவையான நினைவகத்தின் அளவு ஹாட் டிஸ்க் காலியிடம் என்பவற்றினை அறிந்து கொள்ள பின்வரும் அட்டவணை உதவியாயிருக்கும் என நம்பு கிறேன்.

Operating System Memory Hard Disk Space
Windows 98 Second Edition 64 MB 500 MB
Windows 2000 Professional 128 MB 2 GB
Windows XP Professional 256 MB 2 GB
Windows Server 2003 256 MB 4 GB
Windows Vista Ultimate 512 MB 15 GB

முதலில் வேர்சுவல் பீசீ மென்பொருளை கணினியில் நிறுவிக் கொள்ளுங்கள். நிறுவிய பிறகு ஸ்டாட் மெனுவிலிருந்து அதனைத் இயக்குங்கள். அப்போது ஒரு விசர்ட் தோன்றும். இங்கு Use default settings to create a virtual machine தெரிவு செய்வதன் மூலம் வேர்ச்சுவல் ஹாட் டிஸ்க் தவிர எல்லா செட்டிங்ஸையும் வேர்ச்சுவல் கணினியே நிர்ணயித்துக் கொள்ளும். இதன் மூலம் இலகுவாக இரண்டாவது கட்டத்திற்கு வந்து சேரலாம். எல்லா செட்டிங்ஸையும் நீங்களாகக் குறிப்பிட Create a Virtual Machine என்பதை க்ளிக் செய்யுங்கள்.

அப்போது தோன்றும் பெட்டியில் வேர்ச்சுவல் மெசீன் பெயரையும் அதனை உருவாக்க வேண்டிய இடத்தையும் குறிப்பிடல் வேண்டும். இங்கு Ubuntu என டைப் செய்து அடுத்த கட்டத்திற்கு தாவுங்கள். வேர்ச்சுவல் மெசீனை உருவாக்க வேண்டிய இடத்தைக் குறிப்பிடா விட்டால் டிபோல்டாக My Virtual Machines போல்டரில் உருவாக்கப்படும்.

அடுத்து நிறுவவிருக்கும் இயங்கு தளத்தைத் தெரிவு செய்யுங்கள். Ubuntu என்பது விண்டோஸ் அல்லாத இயங்குதளமாதலால் இங்கு Other தெரிவு செய்யுங்கள்.

அடுத்து நினைவகத்தின் அளவைக் குறிப்பிடல் வேண்டும் இங்கு வேர்ச்சுவல் கணினி சிறப்பாக இயங்குவதற்கும் அதன் மேல் மேலும் பல பயன்பாட்டு மென்பொருள்களை நிறுவவும் அதிக நினைவகத்தை ஒதுக்க வேண்டும். அதற்கு நீங்கள் Adjusting RAM க்ளிக் செய்து நினைவகத்தின் அளவைக் கூட்டிக் கொள்ளலாம். நினைவகத்தின் அளவைக் கூட்ட அவசிய மில்லை எனின் Using the recommended RAM தெரிவு செய்து அடுத்த கட்டத்திற்குச் செல்லலாம்.

அடுத்த கட்டத்தில் வேர்ச்சுவல் ஹாட் டிஸ்கை குறிப்பிட வேண்டும். இங்கு A new virtual hard disk என்பதைத் தெரிவு செய்து அடுத்த கட்டத்திற்குச் செல்லுங்கள். இங்கு வேர்ச்சுவல் ஹாட் டிஸ்காக rowse பட்டனில் க்ளிக் செய்து ஒரு இடத்தையும் அதற்கான பெயரையும் குறிப்பிடலாம். அவ்வாறு குறிப்பிடா விட்டால் டிபோல்டாக My Virtual Machines போல்டரில் ஒரு பைலை உருவாக்கிக் கொள்ளும். வேர்ச்சுவல் ஹாட் டிஸ்க் என்பது நிஜக் கணினியில் ஒரு பைலையே குறிக்கிறது.
அடுத்து Next க்ளிக் செய்து அடுத்த கட்டத்திற்குத் தாவி Finish க்ளிக் செய்து முடிவுக்கு வரலாம்.

இப்போது வேர்ச்சுவல் மெசீனை உருவாக்குவதில் முதல் கட்டம் முடிவுக்கு வருகிறது. ஆனால் இன்னும் வேர்ச்சுவல் கணினியில் இயங்கு தளத்தை நிறுவும் பணி பூர்த்தியாகவில்லை.
இரண்டாவது கட்டமாக புதிய ஒரு இயங்கு தளத்தை வேர்சுவல் மெசீனில் நிறுவ வேண்டும். இங்கு நாங்கள் Ubuntu பதிப்பை நிறுவப் போகிறோம். இதற்கு உங்களிடம் Ubuntu சீடி இருத்தல் வேண்டும். (இந்த Ubuntu சீடீயை Ubuntu நிறுவன இணையதளத்திற்குச் சென்று விண்ணப்ப்ப்பதன் மூலம் இலவசமாக வீடு தேடி வர வைக்கலாம்) சீடீ இல்லா விடின் இணையத்திலிருந்தும் டவுன்லோட் செய்து கொள்ளலாம். எனினும் அதன் பைல் அளவு 600 எம்பீயிற்கு மேல் இருப்பதால் அதிவேக இணைய இ¨ணைப்பிருந்தால் மட்டுமே சாத்தியம். இணையத் திலிருந்து டவுன்லோட் செய்த பைலாயின் அது .ISO இமேஜ் பைல் வடிவிலிருக்கும். எனினும் அதனை சீடியில் பதிவு செய்து கொள்ள வேண்டிய அவசியமில்லை.

இப்போது Virtual PC Console விண்டோவில் ஸ்டார்ட் பட்டனில் க்ளிக் செய்யுங்கள். அப்போது ஒரு விண்டோ தோன்றி சுவல் மெசீன் பூட் ஆக ஆரம்பிக்கும். ஒரு இயங்கு தளத்தை கணினியில் நிறுவும் போது எவ்வாறு காண்பீர்களோ அத்தனை படி முறைகளையும் இந்த விண்டோவிலும் காணலாம்.

வழமையான சிஸ்டம் சோதனைக்குப் பின்னர் பூட்டபல் சீடியை தேட ஆரம்பிக்கும். இங்கு வேர்ச்சுவல் மெசீன் விண்டோவில் CD க்ளிக் செய்து பின்னர் Capture ISO Image என்பதைக் க்ளிக் செய்து .ISO பைலை சேமிக்கப் பட்டிருக்குமிடத்தைக் காட்டி விட வேண்டும்.

.ISO பைல் அல்லாது சீடியிலிருந்தே நிறுவ வேண்டுமாயின் சீடீயை ட்ரைவிலிட்டு சீடீ மெனுவில் Use Physical Drive க்ளிக் செய்து பின்னர் Action மெனுவில் Reset க்ளிக் செய்து விடுங்கள். இப்போது சீடி ட்ரைவிலிருந்து பூட் ஆக ஆரம்பிக்கும்.

இனி வரும் ஒவ்வொரு கட்டமும் வழமையான ஒரு இயங்கு தளத்தை நிறுவுவது போன்றதே.