Sunday, February 22, 2009

‘Google‘ search tips


‘Google‘  தேடல் ரகசியங்கள்!

இணைய தேடல் என்றாலே அனைவருக்கும் நினைவில் வருவது கூகில் எனும் (Search Engine) தேடற்பொறிதான். இணைய பயனர்களிடையே மிகப் பிரபல்யம் வாய்ந்த தேடற் பொறியாக கூகில் திகழ்கிறது. எனினும் கூகிலைப் பயன்படுத்தி மிகச் சிலரே தமது தேடலை முறையாக மேற் கொள்கிறார்கள் எனலாம். கூகில் தேடற் பொறியில் குறிப்பிட்ட ஒரு தகவலைத் தேடிப் பெற எத்தனையோ இலகு வழிகள் இருக்க நாம் ஒரு தேடற் சொல்லை (keyword) மட்டும் டைப் செய்து விட்டு பக்கம் பக்கமாகத் தேடித் தேடிக் களைத்துப் போய் விடுவதோடு நேரத்தையும் வீணாக்கி விடுகிறோம்.

இணையத்தில் தகவல்களைத் தேடுவதும் ஒரு கலை எனப்படுகிறது. கூகில் தேடற்பொறியில் பயன் படுத்தத்தக்க சில தேடல் நுட்பங்களை இன்று உங்களோடு பகிர்ந்து கொள்ளலாமென நினைக்கிறேன்.


1. '+' குறியீடு
இந்தக் குறியீட்டை அடுத்து வரும் தேடற் சொல தேடல் முடிவுகளில் நிச்சயம் இடம் பெறுவதைக் காணலாம். . உதாரணம் : +iPhone and iPod இங்கு தேடல் முடிவில் iPod எனும் சொல் இடம் பெறா விடினும் +iPhone எனும் சொல் நிச்சயம் இடம் பெறும்.

2. '-' குறியீடு
இந்தக் '-' குறியீட்டை அடுத்து வரும் சொல் தேடல் முடிவுகளில் இடம் பெறுவதில்லை. உதாரணம் : -iPhone and iPod இங்கு தேடல் முடிவில் -iPhone எனும் சொல் இடம் பெறாது.

3. ‘’ (pipeline) குறியீடு
இந்தக் குறியீடு ‘அல்லது’ எனும் கருத்தைக் கொடுக்கிறது. ஒன்றுக்கு மேற்பட்ட தேடற் சொற்களை வழங்க இதனைப் பயன் படுத்தலாம். உதாரணம் : +iPhone iPod. இங்கு தேடல் முடிவில் iPhone , iPod எனும் இரு சொற்களும் இடம் பெறும்

4. மேற்சொன்ன குறியீடுகளுக்குப் பதிலாக AND,OR,NOT போன்ற பூலியன் குறியீடுகளையும் பயன்படுத்தி சொற்களை இணைத்துத் தேடலாம்.. எனினும் இந்தக் குறியீடுகள் ஆங்கில் பெரிய எழுத்திலேயே (Capital) இருக்க வேண்டும் என்பதைக் கவனத்தில் கொள்ளவும். உதாரணம் : swim OR float எனும் தேடல் swim அல்லது float எனும் வார்த்தைகளடங்கிய தேடலைத் தரும் .

5. '~' (tilde) குறியீடு
இந்தக் '~' குறியீட்டை அடுத்து வரும் சொல்லுக்கு ஒத்த கருத்துள்ள சொற்களும் தேடல் முடிவுகளில் இடம் பெறும்.

6. குறிப்பிட்ட ஒரு இணைய தளத்தை தேடுவதற்கு site எனும் வார்த் தையை உபயோகிக்க வேண்டும். உதாரணம் : site:www.thinakaran.lk

7. ஒரு சொல்லுக்கான வரைவிலக்கணத்தைப் பெற define எனும் வார்த்தையை சேர்த்துக் கொள்ளுங்கள். . உதாரணம்: define:Computer

8. ஒரே மாதிரியான விடயங்கள் அடங்கிய இணைய தளங்களைத் தேட related எனும் வார்த்தையை உபயோகிக்க வேண்டும். உதாரணம் related: www.itvalam.blogspot.com/

9. ' * ' எனும் குறியீட்டைப் பயன்படுத்தி ஒரு சொல்லை முழுமையாகத் தெரியாத போது அதன் ஆரம்ப எழுத்துக்ளுடன் சேர்த்துத் தேடலாம். உதாரணம்: friend* . இதன் முடிவுகள், friends, friendship போன்ற சொற்களையும் கொண்டிருக்கும். இதனை wildcard என்பார்கள்..

10. ஒரு சொல்லுக்குரிய (ஆங்கில்) எழுத்துக்களை (spelling) அறியாதபோது அதற்குப் பதிலாக '?' பயன்படுத்தித் தேடலாம். உதாரணம்: fri??d . இங்கு ?? எனும் குறியீடு எந்தவொரு ஆங்கில் எழுத்துக்களையும் கொண்டிருக்கலாம்.

11. இரண்டு அல்லது இரண்டுக்கு மேற்பட்ட வார்த்தைகள் கொண்ட சொற்றொடரில் தேடல் முடிவுகளில் அந்த வார்த்தைகளை நீங்கள் வழங்கிய அதே ஒழுங்கிலேயே பெற “ “ மேற்கோள் குறியீட்டைப் பயன்படுத்த வேண்டும். உதாரணம் "contact us" . இந்த தேடல் முடிவில் contact மற்றும் us எனும் இரு வார்த்தைகளும் ஒன்றாகவே இருக்கக் காணலாம்.

12. cache: எனும் வர்த்தையை சேர்த்துத் தேடும்போது கூகில் தேடற்பொறி குறிப்பிட்ட அந்த இணைய தளத்தை தனது தரவுத் தளத்தில் சேர்க்கும் போது இருந்த நிலையைக் காண்பிக்கும்.

13. link: எனும் வார்த்தை, கொடுக்கப்படும் ஒரு இணைய பக்கத்திலுள்ள அனைத்து இணைப்புகளையும் பட்டியலிடுகிறது.

14. info: எனும் வார்த்தை ஒரு இணைய தளம் பற்றிய விவரங்களை முடிவாகத் தருகிறது. உதாரணம்: info:www.madeena.sch.lk

15. filetype: ஒரு குறிப்பிட்ட வகை பைலை மட்டுமே தேடிப் பெற இந்த வார்த்தையைப் பயன்படுத்தலாம். உதாரணம்: internet filetype: pdf

16. Intitle: குறிப்பிட்ட ஒரு வார்த்தையை தலைபபாகக் கொண்ட இணைய பககங்களைத் தேட இந்த வர்த்தையைப் பயன்படுத்த வேண்டும். உதாரணம் Intitle: one stop எனும் சொற்களைத் தலைப்பாகக் கொண்ட இணைய பக்கங் களை வரிசைப் படுத்தும்.

17. குறிப்பிட்ட ஒரு வார்த்தையை தனது இணைய தள முகவரியில் கொண்டிருக்கும் இணைய பககங்களைத் தேட Inurl எனும் வர்த்தையைப் பயன்படுத்த வேண்டும். உதாரணம்: Inurl:nie

18. இரண்டு இலக்கங்களுக்கிடையிலான வீச்சில் தகவல்களைத் தேட #..#எனும் குறியீட்டைப் பயன்படுத்தலாம். உதாரணம்: India presidents 1947.. 2000

19. ஒரு பிரதேசத்தின் வானிலை அறிக்கைகளைப் பெற பின்வருமாறு டைப் செய்து தேடல் வேண்டும். Weather Kurunegala, Sri Lanka

20. இணையத்தில் புத்தகங்களைத் தேட Books about Health, Books about Water என வழங்கலாம்.

21. Phonebook : எனும் வார்த்தையுடன் ஒரு தொலைபேசி இலக்கத்தை வழங்கி அது யாருக்கு சொந்தமானது எனக்கூடக் கண்டு பிடிக்கலாம். எனினும் இது எல்லா நாடுகளுக்கும் பொருந்தாது.

22. நாணய மாற்றுக் கருவியாகவும் கூகில் தேடற் பொறியைப் பயன்படுத்த லாம். உதாரண்ம். . 1 Pound = ? USD 1 USD = ? Yen

23. கூகில் தேடற் பொறியை ஒரு கல்குலேட்டராக., ஒரு அலகு மாற்றியா கவும் கூட பயன் படுத்தலாம். (படங்களைப் பார்க்கவும்)

· 3+2
· 4-1
· 6*8 முடிவு 48
· 5+5*10.5
15/5 முடிவு 3
3^2 முடிவு 9 (அடுக்கு)
5%2 முடிவு 1 (மீதி)
sqrt(25) முடிவு 5

தமிழிலும் கூட கூகிலில் தேடலாம் .அதற்கு யுனிகோட் முறையிலமைந்த எழுத்துருவைப் பயன்படுத்த வேண்டும்.

மேற் சொன்னவை தவிர மேலும் பல தேடல் நுட்பங்கள் கூகிலில் உள்ளன. அவற்றை நீங்க்ளாகவே தேடுங்கள். தெரிந்து கொள்ளுங்கள்.

-அனூப்-

Thursday, February 19, 2009

What is Task Manager ?

என்ன செய்யும் இந்த Task Manager ?

சுமார் 20 வருடங்களுக்கு முன்னர் கணினிகளில் எம்.எஸ்.டொஸ் எனும் கமாண்ட் லைன் இண்டர்பேஸ் (Command Line Interface) கொண்ட இயங்கு தளமே பாவனையிலிருந்தது. அப்போது கணினியில் ஒரு நேரத்தில் ஒரு எப்லிகேசனை மட்டுமே செயற்படுத்த முடிந்தது.. எனினும் விண்டோஸ் போன்ற இயங்கு தளங்களின் வருகையின் பின்னர் கணினியில் ஒரே நேரத்தில் ஒன்றுக்கு மேற்பட்ட பயன்பாட்டு மென்பொருள்களை இயக்கிப் பணியாற்ற முடிகிறது. மல்டி டாஸ்கிங் (multi tasking) எனப்படும். இந்த வசதி தற்போதைய இயங்கு தள்ங்களின் ஒரு சிறப்பம்சம் எனலாம்.

ஒரே நேரத்தில் கணினியில் இயங்கும் அத்தனை எப்லிகேசன்களையும் நிர்வகிப்பதற்கென விண்டோஸுடன் இணைக்கப்பட்டிருக்கும் யூட்டிலிடியே விண்டோஸ் டாஸ்க் மேனேஜர். செயற்பட மறுக்கும் ஒரு பயன்பாட்டு மென்பொருளை நிறுத்துதல், .ப்ரொஸெஸ்ஸர் மற்றும் நினைவகம் என்பவற்றின் பயன்பாட்டை அறிந்து கொள்ளல், . புதிதாக ஒரு எப்லிகேசனைத் திறந்து கொள்ளல் போன்ற பல செயற்பாடுகளை டாஸ்க் மேனேஜர் மூலம் நிர்வகிக்கலாம்.

விண்டோஸ் எக்ஸ்பீ பதிப்பில் டாஸ்க் மேனேஜரை கீபோர்டில் Ctrl + Alt + Delete அல்லது Ctrl+Shift+Esc விசைகளை ஒரே நேரத்தில் அழுத்துவதன் மூலம் திறந்து கொள்ளலாம். அல்லது ரன் கமாண்டாக taskmg டைப் செய்தும் திறக்கலாம். டாஸ்க் பாரில் ரைட் க்ளிக் செய்து வரும் மெனுவிலிருந்தும் இயக்கலாம். எனினும் விஸ்டா பதிப்பில் Ctrl + Alt + Del அழுத்தும் போது ஒரு மெனு தோன்றும் . அதிலிருந்து டாஸ்க் மேனேஜரைத் தெரிவு செய்து கொள்ள வேண்டும். விஸ்டாவில் டாஸ்க் மேனேஜரை நேடியாக வரவழைக்க Ctrl+Shift+Esc கீகளை ஒரே முறையில் அழுத்த வேண்டும்.

ஒரு எப்லிகேசனில் பணியாற்றும் போது சில வேளைகளில் திடீரென கணினியில் மவுஸ் இயக்கம் அற்றுப் போய் கணினி உறைந்து விடுவதை ஒவ்வொரு கணினிப் பயனரும் அறிந்திருப்பர். அவ்வாறே சில வேளைகளில் டெஸ்க்டொப் தோன்றாது விடும். ஒரு ப்ரோக்ரமை இயக்க முடியாமல் போகும். இவ்வாறான சந்தர்ப்பங்களில் கை கொடுக்கிறது டாஸ்க் மேனேஜர்.
டாஸ்க் மேனேஜர் டயலொக் பொக்ஸில் Application, Processes, Performance, Networking, Users என ஐந்து டேப் இருப்பதைக் காணலாம். செயற்பட மறுக்கும் ஒரு பயன்பாட்டு மென்பொருளை நிறுத்துவதற்கு டாஸ்க் மேனேஜரை திறந்து Application டேபில் க்ளிக் செய்யுங்கள். அங்கு தற்போது இயங்கிக் கொண்டிருக்கும் எப்லிகேசன்களையும் அவற்றின் தற்போதைய நிலைகளையும் காண்பிக்கும்,. செயற்பட மறுக்கும் எப்லிகேசனினின் பெயருக்கு எதிரே Not responding என இருக்கும். அதனைத் தெரிவு செய்து அந்த டயலொக் பொக்ஸின் கீழே End Task பட்டனில் க்ளிக் செய்து அதனை நிறுத்தலாம்.

மேற் சொன்ன முறையில் உங்களால் ஒரு எப்லிகேசனை நீறுத்த முடியாது போனால் Processes டேப் மூலம் அதனை நிறுத்தலாம். Processes டேப் உங்கள் கணினியில் தற்போது எததனை .exe பைல்கள் இயக்கத்திலுள்ளன என்பதைக் காண்பிப்பதோடு அவற்றிற்கு எவ்வளவு ப்ரோஸெஸ்ஸர் மறும் நினைவகம் பயன்படுத்தப்படுகிறது என்பதைக் காண்பிக்கும். இங்கு பிரச்சினை தரும் எப்லிகேசனுக்குரிய .exe பைலைத் தெரிவு செய்து End Process பட்டனில் க்ளிக் செய்து நிறுத்தி விடலாம்.

Performance டேபில் க்ளிக் செய்ய கணினி ப்ரோஸெஸ்ஸர் மற்றும் நினைவகத்தின் பயன்பாட்டை ஒரு வரிப்படம் மூலம் காண்பிக்கிறது. இதன் மூலம் கணினி மெதுவாக இயங்கும் சந்தர்ப்பங்களில் நினைவகம் அதிகம் பயன்பாட்டிலுள்ளதா, ப்ரோஸெஸ்ஸர் நூறு வீதம் தொடர்ச்சியாக இயங்கிக் கொண்டுள்ளதா போன்ற விவரங்களைத் தெரிந்து கொள்ளலாம்.

புதிதாக ஒரு எப்லிகேசனை திறந்து கொள்ள டாஸ்க் மேனேஜரில் பைல் மெனுவில் New Task தெரிவு செய்ய வேண்டும்.. இது ரன் கமாண்டுக்கு நிகரானது.

இவை தவிர Networking டேபில் க்ளிக் செய்து உங்கள் கணினி ஒரு வலையமைப்பில் இணந்திருப்பின் அதன் தற்போதைய நிலையை அறிந்து கொள்ளலாம். அதேபோல் Users டேபில் க்ளிக் செய்து வலையமைப்பில் இணைந்திருக்கும் ஏனைய பயனர்களையும் அவர்கள் என்ன செய்து கொண்டிருக்கிறார்கள் போன்ற விவரங்களை அறிந்து கொள்ள முடிவதோடு அவர்களுக்குச் செய்திகளை அனுப்பவும் முடியும்.

- அனூப் -


CamStudio - Screen Recorder


திரை அசைவுகளைப் படம் பிடிக்கும் CamStudio

கணினித் திரையில் நீங்கள் செய்யும் செயல்கள் அனைத்தையும் பதிவு செய்து அதனை ஒரு வீடியோ பைலாக உருவாக்கிக் தரக் கூடிய ஒரு மென்பொருளே கேம்ஸ்டுடியோ. இது ஒரு இலவச ஓபன் சோர்ஸ் மென்பொருள். திரை நடவடிக்கைகளை மாத்திரமன்றி கூடவே அதனுடன் ஒலியையும் பதிவு செய்து தருகிறது கேம்ஸ்டுடியோ.

கேம்ஸ்டுடியோவில் என்னென்ன வசதிகள் உள்ளன?


  • AVI வீடியோ பைலை ப்ளேஸ் ப்ளேயரில் இயங்கத்தக்க SWF பைலாக மாற்றிக் கொள்ளலாம்.
  • உருவாக்கும் வீடியோ படங்களுக்கு ஒலிவாங்கி அல்லது ஒலிபெருக்கி மூலம் ஒலியை இணைக்கலாம்.
  • வீடியோ படங்களுக்குத் தலைப்பிடலாம். குறிப்புகளை வழங்கலாம்.
  • உருவாக்கும் வீடியோ பைலை திகதி மற்றும் நேரத்தை பைல் பெயராகக் கொண்டு தானாகவே சேமித்துக் கொள்ளும்படி செய்யலாம். 
  • வீடியோ பைலின் தரத்தைக் குறைக்கவோ அல்லது அதிகரிக்கவோ செய்யலாம். வீசீடி அல்லது டீவிடியால் பதிவு செய்வதற்கான உயர் தரத்திலான வீடியோவையும் இமெயிலில் அனுப்பக் கூடிய வாறான சிறிய பைல் அளவு கொணடதாகவும் பதிவு செய்து கொள்ளலாம்.
  • திரை முழுவதையும் அல்லது திரையில் விரும்பிய ஒரு பகுதியை மாத்திரம் பதிவு செய்து கொள்ளலாம்.


கேம் ஸ்டுடியோ 2.5 எனும் பதிப்பு தற்போது வெளியிடப்பட்டுள்ளது. 1.3 மெகாபைட் அளவு கொண்ட ஒரு சின்னஞ் சிறிய மென்பொருளான கேம்ஸ்டுடியோவை விண்டோஸின் எந்தப் பதிப்புடனும் நிறுவிக் கொள்ள முடியும்.

கேம்ஸ்டுடியோவை எதற்கெல்லாம் பயன்படுத்தலாம்?


  • எந்தவொரு பயன்பாட்டு மென்பொருளுக்கான டிமோ வீடியா காட்சிகள் மற்றும் வீடியோ டியுடோரியல் உருவாக்க முடியும்.
  • பாடசாலைகளில் கற்றல் கற்பித்தல் நடவடிக்கைகளுக்குப் பயன்படுத்தலாம்.
  • கணினியில் தோன்றும் பிரச்சினகளை வீடியோவாகப் பதிவு செய்து தொழில் நுட்ப வல்லுணர்களிடம் காண்பித்து அதற்கான தீர்வைப் பெறலாம்.
  • கணினியில் அவ்வப்போது தெரிந்து கொள்ளும் புதிய விடயங்களை வீடியோவாகப் பதிவு செய்து வைக்கலாம்.
  • மிகவும் எளிமையான இடை முகப்பைக் கொண்ட கேம்ஸ்டுடியோவை இயக்கும் விதத்தை ஓரிரு நிமிடத்திலேயே கற்றுக் கொள்ளக் கூடியதாகவுள்ளது. 


கேம்ஸ்டுடியோ மென்பொருளை எனும் www.camstudio.org எனும் இணைய தளத்திலிருந்து இலவசமாக டவுன்லோட் செய்து கொள்ளலாம்.

-அனூப்-

Sunday, February 08, 2009

What is Spyware ?


Spyware என்றால் என்ன?



இணைய பயன்பாட்டின்போது வேகம் குறைந்து கணினி மெதுவாக இயங்குகிறதா? வெப் பிரவுஸரில் ஒரு முகவரியை டைப் செய்ய நீங்கள் விரும்பாத் வேறொரு தளத்தைக் பிரவுசர் காண்பிக்கிறதா? பிரவுசரில் அடிக்கடி பொப்-அப் (Pop-up) விளம்பரங்கள் தோன்றுகிறதா? உங்களை அறியாமலேயே பிரவுசரின் ஹோம்பேஜ் மாற்றப்பட்டுள்ளதா? சந்தேகமே வேண்டாம். உங்கள் கணினி ஸபைவேரால் பாதிக்கப்பட்டுள்ளது என உறுதியாகசக் கூறலாம்.

ஸ்பைவேர் என்பது நீங்கள் அறியாமலேயே அல்லது உங்கள் சம்மதம் இல்லாமலேயே கணினியில் வந்து உட்கார்ந்து கணினியில் உங்கள் நடவடிக்கைகளைப் பதிவு செய்வதோடு உங்கள் அந்தரங்க தகவல்களைச் சேகரித்து அதனை உருவாக்கியவருக்கு அவ்வப்போது அனுப்பிக் கொண்டிருக்கும் ஒரு தீங்கிழைக்கும் மென்பொருளாகும்.

இணையத்தில் உலாவும் போது யாரோ ஒருவர் ஸ்பைவேரைப் பயன்படுத்தி உங்கள் கணினியிலிருந்து ஏதோ ஒரு தகவலைப் பெற முயற்சிக்கிறார் என்பதை மறந்து விடாதீர்கள்

ஸ்பைவேர் கணினியில் மறைந்திருந்து உங்கள் அந்தரங்க தகவல்களை தீய சக்திகளின் கையில் போய் சேர்த்து விடுகிறது. உதாரணமாக இணையம் வழியே ஒரு பொருளைக் கொள்வனவு செய்வதற்காக ஒரு படிவத்தை நிரப்பும்போது உங்கள் பெயர் முகவரி,
வங்கிக் கணக்கு விவரம் மற்றும் கிரடிட் காட் விவரங்களை டைப் செய்ய வேண்டியிருக்கும். அப்போது ஸ்பைவேர், கீபோர்டில் நீங்கள் டைப் செய்தவற்றைப் பதிவு செய்து தனது எஜமானருக்கு அனுப்பி வைக்கிறது.

.ஸ்பைவேர் என்பது ஒரு வைரஸ் அல்ல. அது கணினியைத் தாக்கும் நோக்கில் உருவாக்கப்படுவதுமல்ல. வைரஸ் போன்று கணினிக்கு கணினி பரவுவதுமில்லை கணினியிலிருந்து தகவல்களைத் திருடும் நோக்கிலேயே இவை உருவாக்கப்படுகின்றன. கணினியிலுள்ள முக்கிய ஆவணங்கள் படங்கள் வீடியோக்கள் போன்றவயும்கூட திருடப்படலாம்.

தினமும் ஏராளமான கணினிகள் ஸ்பைவேர்களினால் பாதிக்கப்படுகின்றன. இணையத்தில் இணைந்துள்ள 90 வீதமான கணினிகள் ஸ்பைவேரினால் பாதிக்கப் பட்டுள்ளதாக நம்பப்படுகிறது. இவை எத்தனை முறை நீக்கினாலும் திரும்பத் திரும்ப தானாவே நிறுவிக் கொள்ளும் வகையில் உருவாக்கப்படுகின்றன.

இணையத்திலிருந்து ஏதேனும் ஒரு பைலை அல்லது மென்பொருளை டவுன்லோட் செய்யும் போது உங்களை அறியாமல் ஸ்பைவேரும் அவற்றோடு சேர்த்து உமது கணினியில் வந்து சேர்ந்து விடும். அனேகமான ஸ்பைவேர்கள் இலவசமாகக்க் கிடைக்கும் (Freeware) மென்பொருள்களில் இரகசியமாக இணைக்கப்பட்டிருக்கும்.

ஸ்பைவேர் கணினியைத் தாக்கியுள்ளது என எவ்வாறு அறிந்து கொள்வது.?

  • இணைய பயன்பாட்டின் போது கணினியின் வேகம் மந்தமடைதல்.
  • நீங்கள் அறியாமலேயே இணைய உலாவியின் ஹோம்பேஜ் மாறுதல்
  • கூகில், யாஹூ மற்றும் எமசோன் போன்ற தளங்களில் அளவுக்கதிகமாக பொப்-அப் விளம்பரங்கள் தோன்றல்.
  • இணைய தளமொன்றில் ஒரு லிங்கில் க்ளிக் செய்யும்போது நீங்கள் விரும்பாத வேறொரு தளத்தை உங்கள் பிரவுஸர் காண்பித்தல். இதனை பிரவுஸர் ஹைஜெக்கிங் (Browser Hijacking) எனப்படும்.
  • புக்மார்க் (Bookmark) எனப்படும் பிடித்த தளங்கள் உங்களை அறியாமல் மாற்றப்படும்
  • சில பொப்-அப் விளம்பரங்களில் உங்கள் பெயரைக் காண்பிப்பதோடு நீங்கள் இதுவரையில் செல்லாத ஒரு இணைய தளத்தைக் காண்பித்து நீங்கள் ஏற்கனவே அந்தத் தளத்தில் பதிவு செய்திருப்பதாகவும் காட்டும்.

உங்களுக்கு அறிமுகமில்லாதோரிடமிருந்து மின்னஞ்சல் வந்து சேரும். ஸ்பைவேர் போன்றே எட்வேர் (Adware) எனும் வார்த்தையையும் நீங்கள் கேட்டிருக்கலாம். எட்வேர் என்பதை ஸ்பைவேரின் நெருங்கிய சகா எனலாம். எனினும் இவை எமது அந்தரங்க தகவல்களைக் களவெடுப்பதில்லை. எட்வேர் பிரவுஸரில் பொப்-அப் விளம்பரங்களைத் தோன்றச் செய்வதற்காக உருவாக்கப்படுகின்றன. தோன்றும் விளம்பரங்களையெல்லாம் மூடிய பிறகே நீங்கள் விரும்பும் தளங்களைப் பார்க்க அனுமதிக்கும். எட்வெயர் உங்கள் இணைய செய்ற்பாட்டைக் கண்கானிக்கிறது. இணையத்தில் நீங்கள் அதிகம் பார்வையிடும் தளம் என்ன? உங்கள இணைய தேடல் எத்தகையது போன்ற விவரங்களை எட்வெயர் மென்பொருளை உருவாக்கியவருக்கு அனுப்பி வைக்கிறது. அத்துடன் பிரவுஸர் செட்டிங்ஸ்ஸையும் கூட மாற்றி விடுகிறது.. புதிய டூல்பார்களை நீங்கள் கேட்காமலேயே பிரவுஸரில் நிறுவி விடுகிறது. எட்வெயர் கூட நமக்குத் தொல்லையே தருவதுடன் நேரத்தையும் வீணடிக்கிறது.

எட்வேர் ப்ரோக்ரம்கள் சிறந்த முறையில் வடிவமைக்கப்படாதிருந்தால் கணினியின் ஸ்திரத்தன்மையையும் பாதிக்கும்.. சில எட்வேர்கள் ந்மது அனுமதியுடனேயே கணினியில் நிறுவப்படும். உதாரணமாக இலவசமாகக் கிடைக்கும் சில மென்பொருள்களைப் பயன்படுத்தும்போது அதன் விண்டோவில் ஒரு சிறு பகுதியில் விளம்பரங்களைத் தோன்றச் செய்வார்கள். அந்த மென்பொருளை விலை கொடுத்து வாங்கியதும் விளம்பரத்தை நீக்கி விடுவார்கள்.

ஸ்பைவேரும் எட்வேரும் கணினிப் பயனர்களுக்கு குறிப்பாக இணைய பயனர்களுக்கு மிகப் பெரிய தலையிடிகளாகவுள்ளன. கணினியின் செயற்பாட்டில் ஒரு பகுதி இவ்வாறான மென்பொருள்களால் வீணடிக்கப்படுகின்றது. இணைய வேகத்தையும் குறைந்து விடுகின்றன. அத்தோடு மூன்றாவது நபரால் நமது கணினி பயன்படுத்தப்படுகிறது. இவ்வாறு நூற்றுக்கணக்கான எட்வேரோ அல்லது ஸ்பைவேரோ எமது கணினியை ஆக்கிரமிக்குமானால் கணினியின் நிலையை எண்ணிப் பாருங்கள்.

ஸ்பைவேரை எவ்வாறு தடுப்பது?


  • பயர்வோல் மென்பொருள் ஒன்றை நிறுவிக் கொள்ளுங்கள். இவை எம்மை அறியாமால் அல்லது எமது அனுமதியில்லாமல் இணையத்தின் வழியே கணினியில் நுழைய முயற்சிக்கும் தீய நோகம் கொண்ட மென்பொருள்களைத் தடுத்து நிறுத்தும். விண்டோஸ் இயங்கு தளத்துடனும் பயர்வோல் மென்பொருள் இணைக்கப்பட்டுள்ளது. அதனை செயற்படுத்தி விடுங்கள்.
  • இயங்கு தளத்தை அடிக்கடி அப்டேட் செய்து கொள்ளுங்கள். மைக்ரோஸொப்ட் நிறுவனம் தனது விண்டோஸ் இயங்கு தளத்திற்குப் பாதுகாப்பை வழங்கும் அப்டேட் பைல்களை அவ்வப்போது வெளியிடுகின்றது. அவற்றை டவுன்லோட் செய்து நிறுவிக்கொள்ளுங்கள்.
  • உங்கள் வெப் பிரவுஸரின் பாதுகாப்பு அளவை (Security Level) உயர்த்திக் கொள்ளுங்கள்.
  • ஸ்பைவேர் அகற்றும் கருவிகளை டவுன் லோட் செய்து நிறுவிக் கொள்ளுங்கள். ஏராளமான ஸ்பைவேர் கண்டறிந்து நீக்கக் கூடிய மென்பொருள் கருவிகள் இணையத்தில் கொட்டிக் கிடக்கின்றன. வைரஸ், ஸ்பாம், எதிர்ப்பு மென்பொருள் ஸ்பைவேர் நீக்கும் மென்பொருள் மற்றும் பயர்வோல் என அனைத்துமடங்கிய முழுமையான கணினிப் பாதுகாப்பை வழங்கக் கூடிய மென்பொருள் பொதிகளை நோட்டன், மெகாபே போன்ற நிறுவனங்கள் வெளியிடுகின்றன. இவற்றை விலை கொடுத்து வாங்கி கணினியில் நிறுவிக் கொள்ளுங்க:ள். இந்தக் கருவிகளை நிறுவிக் கொண்டால் மட்டும் போதாது. அதனை அடிக்கடி இயக்கி ஸபைவேர்களை முடிந்தளவு நீக்கிக் கொள்ள வேண்டும். ஸ்பைவேர்கள் கணினியிலிருக்குமெனெ சந்தேகித்தால் கிரடிட் கார்ட் விவரங்களை இணையம் வழியே வழங்க வேண்டாம்.  .
  • இலவசமாகக் கிடைக்கும் மென்பொருள்களை டவுன்லோட் செய்யும்போது அவதானமாகச் செயற்படுங்கள். அவற்றை நிறுவ முன்னர் நன்கு பரிசோதித்துக் கொள்ளுங்கள். நம்பிக்கையான தளங்களிலிருந்து மட்டும் மென்பொருள்களை டவுன்லோட் செய்யுங்கள்.
  • பொப்-அப் விண்டோக்களில் தோன்றும் ‘Yes’, ‘No’, ‘OK’ போன்ற பட்டன்களில் க்ளிக் செய்யாதீர்கள்.
  • அறிமுகமீல்லாத நபர்களிடமிருந்து வரும் ஸ்பாம் மின்னஞ்சல்களைத் திறந்து பார்க்கவோ  அவற்றிற்குப் பதிலளிக்கவோ வேண்டாம். 



-அனூப்-

Sunday, February 01, 2009

Why do you want to Backup your PC?

கணினியை எதற்கு Backup  செய்ய வேண்டும்?

வீட்டிலோ அல்லது அலுவலகத்திலோ கணினியைப் பயன்படுத்தும் போது முக்கிய பைல்களைப் பிரதி செய்து வேறொரு ஊடகத்தில் பாதுகாப்பாக களஞ்சியப்படுத்திக் கொள்வதை (Backup) பேக்கப் எனப்படும். எதிர்பராத விதமாக கணினி செயலிழக்கும்போது தகவல் இழப்பு ஏற்படவும் வாய்ப்புள்ளது. எனவே பைல்களை பேக்கப் செய்து கொள்வதும் அதனை அவ்வப்போது புதுப்பித்துக் (update) கொள்வதும் அவசியம். முக்கிய பைல்களை பேக்கப் செய்து வைத்திருந்தால் அதிலிருந்து பைல்களை மீளப் பெற்றுக் கொள்ளக் கூடிய வாய்ப்பு கிடைக்கிறது.

கணினியை ஏன் பேக்கப் செய்ய வேண்டும் என்பதற்ககான சில காரணங்களைப் பார்க்கலாம்.

முக்கிய ஆவணங்கள் மற்றும் பைல்களை ஹாட் டிஸ்கில் சேமித்து வைப்பதே சௌகரியமாது என அனேகமான கணினிப் பயனர் கருதுகின்றனர். தேவை ஏற்படின் ஆவணங்களை இலகுவாக அச்சிட்டுக் கொள்ளவும். அவற்றில் மாற்றங்கள் செய்து புதுப்பித்துக் கொள்ளவும் முடியும் எனப் பலரும் கருதுவதால் ஹாட் டிஸ்கிலேயே அவற்றை சேமித்து வைப்பர். ஹாட் டிஸ்கில் பைல்களை சேமித்து வைப்பது உண்மையிலேயே சௌகரியமானதுதான். எனினும் அது பாதுகாப்பான வழிமுறையல்ல என்பதைப் புரிந்து கொள்ளுங்கள். காகித ஆவணங்களைப் போலவே கணினியிலுள்ள பைல்களின் பிரதியொண்றை வேறோரு ஊடகத்தில் களஞ்சியப்படுத்தி வைப்பதே சிறந்த வழி முறையாகும்.

ஹாட் டிஸ்க் ஏதோ ஒரு காரணத்தால் பழுதடையும் போது அதில் சேமிக்கப்பட்டுள்ள பைல்களுக்கும் உத்தரவாதம் கிடைக்காமல் போகும்.. நமது பைல்களைக் கணினி காண்பிக்காது விடும். சில வேளை அவற்றைத் திறந்து பார்க்க முடியாமலிருக்கும் இவ்வாறான சந்தர்ப்பத்தில் இந்த பைகளின் பேக்கப் பிரதியொன்று இருக்குமானால் அதனை வேறொரு கணினியில் ஏற்றியோ அல்லது ஹாட் டிஸ்கை மாற்றிக் கணினியை சரி செய்த பிறகோ பயன்படுத்தக் கூடியதாயிருக்கும். எனினும் பேக்-அப் பிரதி இல்லையெனின் அவற்றை நிரந்தரமாகவே இழக்க நேரிடும் அல்லது. . அதிக நேரத்தைச் செலவிட்டு அந்த ஆவணங்களை மறுபடியும் உருவாக்க வேண்டியிருக்கும்

டெஸ்க்டொப் கணினியை நீங்கள் செல்லுமிடமெல்லாம் தூக்கிச் செல்ல முடியாது. எனவே முக்கியமான பைல்களை ஒரு சீடியிலோ அல்லது பென்ட்ரைவிலோ பேக்கப் செய்து விட்டால் அதன நீங்கள் செல்லுமிடத்திள்ள ஒரு கணினியில் இட்டுப் பயன்படுத்தலாம். இதனை பேக்கப செய்வதனால் பெறக் கூடிய மற்றொரு பயனாகக் கொள்ளலாம்.

ஒரு ரீமோட் சேர்வரின் உதவியுடன் இணையத்திலும் பைல்களையோ அவற்றை இயக்கக கூடிய மென்பொருள்களையோ பேக்கப் செய்து வைக்க லாம். இதனை ஓன்லைன் பேக்கப் என்பர். இணையத்தில் இவ்வாறான சேவை வழங்கும் ஏராளமான நிறுவனங்கள் உள்ளன. சில நிறுவனங்கள் இந்த சேவையை இலவசமாகவும் சில சிறிய தொகையை கட்டணமாகப் பெற்றும் வழங்குகின்றன. ஓன்லைன் பேக்கப் மூலம் நீங்கள் உலகின் எந்த மூலையிலிருந்தாலும் உங்கள் பைல்களை அணுக முடியும்.

கணினியை குறிப்பிட்ட கால இடை வெளியில் பேக்கப் செய்து கொள்ள வேண்டும். பேக்கப் செய்ய மறந்து விடுமானால் பேக் அப் செய்யும் செயற்பாட்டை நீங்கள் குறிப்பிடும் கால இடை வெளியில் விண்டோஸ் தானாகவே பேக்கப் செய்வதற்கும் வசதியுள்ளது.. குறைந்தது மாதமொருமுறையேனும் பேக்கப் செய்து கொள்வது சிறந்த நடை முறையெனப் பரிந்துரைக்கப்படுகிறது எனினும் உங்கள் கணினியில் தினசரி டேட்டா சேக்கப்படுமாயின் வாரமொரு முறையேனும் பேக்கப் செய்து கொள்ளல் நல்லது.

இவ்வாறு பேக்கப் செய்து கொண்டால் ஹாட் டிஸ்கில் பாதிப்பு ஏற்படினும் தகவல், இழப்பைக் குறைத்துக் கொள்ள முடிவதோடு குறைந்த நேரத்திலேயே அதனை மீட்டுக் கொள்ளவும் முடியும்.

விண்டோஸ் எக்ஸ்பீ பதிப்பில் பேக்கப் செய்வதற்கான யூட்டிலிட்டியும் இணைந்து வருகிறது. எந்த பைல்களை பேக்கப் செய்ய வேண்டும், பேக்கப் செய்த பைல்களை எந்த ஊடகத்தில் சேமிக்கப்பட வேண்டும் என்பதைத் தீர்மானித்த் பிறகு பின்வரும் வழிகளில் பேக்கப் செய்ய ஆரம்பிக்கலாம்.

விண்டோஸ் எக்ஸ்பீ இயங்கு தளத்தில் Start →Programs →Accessories →System Tools ஊடாக Backup தெரிவு செய்யுங்கள். அப்போது Backup and Restore விசர்ட் தோன்றும். அங்கு வரும் மூன்றாவது கட்டத்தில் நான்கு தெரிவுகள் உள்ளன.

All information on this computer என்பதைத் தெரிவு செய்வதன் மூலம் கணினியிலுள்ள அனைத்து பைல்களையும் பேக்கப் செய்யலாம். எனினும் இதற்கு அதிக கொள்ளளவு கொண்ட ஒரு ஊடகம் தேவைப்படும் என்பதை நினைவில் கொள்ளுங்கள்.

My documents and settings என்பதைத் தெரிவு செய்வது சிறந்த தெரிவாகும். பயனர் கணக்குக்குரிய மை டொகுயுமண்ட்ஸ் போல்டரானது, அவுட்லுக் எக்ஸ்பிரஸ் மூலம் பெற்ற மின்னஞ்சல்கள், இண்டர்நெட் எக்ஸ்ப்லோரர் பயன்படுத்திய குக்கீஸ் மற்றும் விருப்பமான இணைய தளங்களின் பட்டியல் என்பவற்றுடன் விண்டோஸ் ரெஜிஸ்ட்ரி செட்டிங்ஸ் என்பவற்றைக் கொண்டிருக்கும். பேக்கப் செய்ய வேண்டிய பைல்கள் கணினியில் வேறொரிடத்தில் இருப்பின் அவற்றையும் மை டொகுயுமண்ட்ஸ் போல்டருக்கே நகர்த்திக் கொள்வது பேக் அப் செயற்பாட்டை இலகு படுத்தும்
.
ஒரே கணினியைப் பல பேர் பயன்படுத்தும் சூழலில் Everyone's documents and settings என்பதைத் தெரிவு செய்வதன் மூலம் அனைத்து பயனர் கணக்குகளுக்குரிய ஆவணங்கள் மற்றும் விண்டோஸ் ரெஜிஸ்ட்ரி செட்டிங்ஸ் அனைத்தும் பேக்கப் செய்யப்படும்.

உங்கள் ஆவணங்கள் மைடொகுயுமெண்ட்ஸ் போல்டருக்கு வெளியே வேறொரு இடத்தில் சேமிக்கப்பட்டிருப்பின், Let me choose what to back up
என்பதைத் தெரிவு செய்ய வேண்டும். இதனைத் தெரிவு செய்வதன் மூலம் உங்களுக்கு பேக் அப் செய்ய அவசியமற்ற பைல்களைக் நீக்க முடியும்.

பேக்கப் செய்யும் பைல்களை எந்த ஊடகத்தில் சேமிப்பது என்பதை விண்டோஸ் அடுத்து வினவும். மெக்னடிக் டேப் எனும் காந்த நாடா, ப்லொப்பி டிஸ்க், சிப் டிஸ்க், ஹாட் டிஸ்க், சீடி, டீவிடி, பென் ட்ரைவ் என எவற்றிலும் சேமித்துக் கொள்ளலாம். உங்கள் கணினி ஒரு வலையமைப்பிலிருந்தால் வெறொரு கணினியிலும் கூட சேமித்துக் கொள்ளலாம். ஹாட் டிஸ்கில் பேக்கப் செய்கையில் C - ட்ரைவ் அல்லாத வேறொரு பாட்டிசனில் பேக்கப் செய்தல் நல்லது.

பேக்கப் செய்ததும் அனைத்து பைல்களும் ஒரே பைலாக சேமிக்கப்படும். பேக்கப் பைல் . bkf என்ற பைல் நீட்டிப்பைக் கொண்டிருக்கும். ஒரு பேக்கப் பைலைப் பயன்படுத்த முன்னர் ஒரு (Zip) சிப் பைலை (extract) விரித்துக் கொள்வது போல் அதனை ரீஸ்டோர் (restore) செய்து கொள்ள வேண்டும்..

விண்டோஸ் விஸ்டா பதிப்பபில் பேக்க்ப் செய்வதற்கு Backup and Restore Center ஐ அணுக வேண்டும் அதற்கு கண்ட்ரோல் பேனலில் System and Maintenance தெரிவு செய்யுங்கள். அங்கு Backup your computer. தெரிவு செய்யுங்கள். அங்கு Backup files, தெரிவு செய்வதன் மூலம் உங்களுக்குத் தேவையான பைல்களை பேக்கப் செய்யலாம்.

-அனூப்-