Sunday, May 31, 2009

What is Resolution (2) ?


ரெஸலுயூசன் - 2


மொனிட்டர் திரையில் எழுத்துக்களும் உருவங்களும் எவ்வாறு காண்பிக்கப்பட வேண்டும், கேமராவல் எவ்வாறு படம் பிடிக்க வேண்டும், அதனை எவ்வாறு அச்சிட்டுக் கொள்ள வேண்டும் என்பவற்றை தீர்மாணிக்கும் காரணியாகாவே பிக்ஸல்கள் உள்ளன. படங்களைப் ப்ரிண்ட் செய்யும் போதும் மின்னஞ்சலில் இணைப்பாக அனுப்பும்போதும் பிக்ஸல்கள் முக்கிய பங்கு வகிக்கின்றன. மின்னஞ்சலில் பரிமாறிக் கொள்வதாயின் குறைந்த ரெஸலுயூசனுடனும், பெரிய அளவில் அச்சிட்டுக் கொளள வேண்டுமாயின் உயர் ரெஸலுயூஸனுடனும் டிஜிடல் கேமரா கொண்டு படங்களைப் பிடிக்க வேண்டும்..

டிஜிட்டல் கேமராவால் பிடிக்கப்படும் ஒரு படத்தின் தரத்தை நிர்ணயிக்கும் காரணிகளில் பிக்ஸலும் ரெஸலுயூசனும் முக்கிய பங்கு வகிக்கின்றன. ஒரு படத்தை உருவாக்க கேமரா எடுத்துக் கொள்ளும் பிக்ஸல்களின் எண்ணிக்கை அதிகமாயின் படத்தின் தரமும் உயர்ந்ததாயிருக்கும். எனினும் பிக்ஸல்களின் எண்ணிக்கை மட்டுமே படத்தின் தரத்தை நிர்ணயிப்பதில்லை என்பதையும் கவனத்திற் கொள்ளவும்.

டிஜிட்டல் கேமரா விளம்பரங்களில் மெகாபிக்ஸல் (Megapixel) எனும் வார்த்தை உபயோகிக்கப்படுவதை நீங்கள் அறிந்திருக்கலாம். ஒரு மெகா பிக்ஸல் என்பது ஒரு மில்லியன் பிக்ஸல்களுக்குச சமமானது. மெகா பிக்ஸலின் அளவு அதிகமாக இருக்குமிடத்து படத்தின் தெளிவு அதிகமாக இருப்பதுடன் கேமராவின் விலையும்கூட சற்று அதிகமாகாவே இருக்கும். தற்போது பல்வேறு மெகாபிக்ஸ்ல் அளவுகளில் டிஜிட்டல் கேமராக்கள் கிடைக்கின்றன. பெரிய அளவில் படங்களைப் ப்ரிண்ட் செய்து கொள்ள வேண்டுமானால் குறைந்தது 2 மெகா பிக்ஸல் கொண்ட கேமராவைப் பயன் படுத்த வேண்டும். சாதாரண பிலிம் கேமரா தரத்தில் படம் பிடிக்க வேண்டுமாயின் மூன்றிற்கு மேற்பட்ட மெகா பிக்ஸல் கொண்ட கேமராவைப் பயன் படுத்த வேண்டும்.

டிஜிட்டல் கேமரா மற்றும் ப்ரிண்டர்களின் தெளிவுத் திறனை dots per inch (dpi) எனும் அலகிலும் வெளிப்படுத்தப்படுகிறது. இங்கு dpi என்பது ஒரு சதுர அங்குலத்தில் உருவாக்கக் கூடிய பிக்ஸல்களின் எண்ணிக்கையைக் குறிக்கிறது. 640 x 480 dpi அளவு கொணட ஒரு கேமரா ஒரு சதுர அங்குளத்தில் கிடையாக் 640 பிக்ஸல்களையும் நிலைக்குத்தாக 480 பிக்ஸல்களையும் தோற்றுவிக்கும். மொத்தமாக ஒரு சதுர அங்குலத்தில் 307,200 பிக்ஸல்களைத் தோற்றுவிக்கும்.

தற்போது பாவனையிலுள்ள கேமராக்களில் ரெஸலுயூசன் அளவை மாற்றி அமைக்கும் வசதியுமுள்ளது. குறைந்த ரெசலுயூசனில் அதிக எண்ணிக்கையில் படங்களைப் பிடித்து கேமராவிலுள்ள மெமரி கார்டில் சேமிக்கலாம். மாறாக அதிக ரெஸலுயூசன் கொண்ட படங்கள் மெமரி கார்டில் அதிக இடத்தைப் பிடித்துக் கொள்ளும்.

ஒவ்வொரு பிக்ஸலையும் உருவாக்க எடுத்துக் கொள்ளும் (bit) பிட்டுகளின் எண்ணிக்கையும் கேமராவின் திறனை வெளிப்படுத்தும். கறுப்பு வெள்ளைப் படங்களை விட பல வர்ணங்களில் பிடிக்கப்படும் படங்கள் ஒரு பிக்ஸலை உருவாக்க் எடுத்துக் கொள்ளும் பிட்டுகளின் எண்ணிகை அதிகமாயிருக்கும். உயர் தரத்திலான் படங்களைப் பிடிக்கும் கேமராக்கள் குறந்தது 24 பிட் கொண்டதாயிருத்தல் வேண்டும்.

உயர் தரத்தில் படங்களை அச்சிட்டுக் கொள்ள ஒரு அங்குளத்தில் குறைந் தது 200 பிக்ஸல்களைக் கொண்டிருத்தல் வேண்டும். அதாவது 5 x 7 அங்குள அளவில் ஒரு படத்தைப் ப்ரிண்ட் செய்து கொள்ள வேண்டுமயின் 1,000 x 1,400 பிக்ஸல்களும் 8 x 10 அங்குள அளவில் அசிட்டுக் கொள்ள 1,600 x 2000 பிக்ஸல்களும் கொண்டிருத்தல் வேண்டும்.

வெவ்வேறு அளவிலான ரெசலுயூசன், மொனிட்டர் திரையில் படங்களை வெவ்வெறு அளவுகளில் காண்பிக்கும். விண்டோஸ் எக்ஸ்பீ இயங்கு தளத்தில் ரெஸலுயூசனை மாற்றப் பின் வரும் வழி முறையைக் கையாளுங்கள்,

Display Properties டயலொக் பொக்ஸைத் திறந்து கொள்ளுங்கள். அங்கு Settings செட்டிங்ஸ் டேபில் க்ளிக் செய்யுங்கள். Screen Resolution பகுதியில் நகர்த்தக் கூடிய ஒரு அம்புக்குறியைக் காணலாம், அதனை மவுஸ் மூலம் இடப்பக்கமாக நகர்த்தி (Less) குறைந்த ரெஸலுயூசன் (800 x 600) அளவில் வைத்து Apply பட்டனில் க்ளிக் செய்யுங்கள. இப்போது திரையில் படத்தின் அளவை அவதானியுங்கள்.

அதேபோல் அம்புக் குறியை வ்லப்புறம் நகர்த்தி (More) அதிக ரெசலுயூசனில் வைத்து Apply க்ளிக் செய்யுங்கள். இப்போது படத்தின் அளவு சிறிதாயிருப்பதைக் காணலாம்.

விண்டோஸில் ரெஸலுயூசனை விருப்பம்போல் மாற்றியமைக்கும் வசதியிருப்பதால் உங்கள் தேவைக்கேற்ற ரெஸலுயூசன் அளவு என்ன என்பதைத் தீர்மாணித்துக் கொள்ளலாம். ரெஸலுயூசனின் அளவைக் குறைக்கும்போது மொனிட்டர் திரையில் படங்கள் பெரிதாகத் தோன்றும். அப்போது இணைய பக்கங்கள் ம்ற்றும் வேறு ஆவனங்கள் கணினித் திரையின் அளவுகேற்ப தோன்றாது. ஒரு பக்கத்தைப் முழுமையாகப் பார்வையிட மேலும் கீழும் இடமும் வலமும ஸ்க்ரோல் செய்ய வேண்டி வரலாம். அதேபோல் ரெசலுயூசன் அளவை அதிகரிப்பதன் மூலம் படங்களின் அளவு சிறிதாகாத் தோன்றுவதுடன் தெளிவும் அதிகரிக்கும்.

ரெஸலுயூசன் மற்றும் பிக்சல் பற்றித் தெளிவாக அறிந்திருத்தல் உங்கள் கணினிக்கேற்ற ஒரு வன் பொருள் சாதனத்தை அதாவது வீடியோ கர்ட், மொனிட்டர், வெப்கேம், ஸ்கேனர், டிஜிட்டல் கேமரா போன்றவற்றைத் தெரிவு செய்திடவும் உதவியாக இருக்கும்.


- அனூப் -

Sunday, May 24, 2009

What is Resolution -1 ?

Resolution என்றால் என்ன-1 ?

ஒரு டிஜிட்டல் கேமராவிலிருந்து படம் எடுக்குறீர்க்ள். கணினி திரையில் சிறிய அளவில் தெளிவாகத் தெரியும் அதனைப் பிறகு 8 x 10 அங்குள அளவில் பெரிதாகப் ப்ரிண்ட் செய்து பார்க்கும்போது அந்த போட்டோ தெளிவற்றுக் காணப்படுகிறது. இதற்கான காரணம் என்ன?

கேமராவில் எடுக்கும் புகைப்படங்களா யிருக்கட்டும், கணினித் திரையில் தோன்றும் காட்சிகளாயிருக்கட்டும் இவற்றின் தெளிவுத் திறனில் பிக்ஸல்களே (Pixels) முக்கிய பங்கு வகிக்கின்றன. திரையில் படங்களும் எழுத்துக்களும் பிக்ஸல் எனப்படும் புள்ளிகளின் சேர்க்கையினாலேயே உருவாக்கப் படுகின்றன. Pixel எனும் சொல் Picture Elements எனும் இரு வார்த்தைகளிலிருந்தே உருவாகியது. பிக்ஸல்களின் எண்ணிக்கையையே ரெஸலுயூசன் (Resolution) எனப்படுகிறது. கிடையாகவும் நிலைக்குத்தாகவும் உள்ள பிக்ஸல்களின் பெருக்கமாக (640 x 480) இது எடுத்துரைக்கப்படும்.

ஒரு படத்தை உருவாக்கும் பிக்ஸல்களின் எண்னிக்கை அதிகமாயிருப்பின் அந்தப் படம் திரையிலும் அச்சு வடிவிலும் தெளிவாகத் தோன்றும். அதிக என்ணிக்கையிலான் பிக்ஸல் கொண்டு ஒரு படம் உருவாக்கப்படுமாயின் அது உயர் ரெஸலுயூஸன் (High Resolution) கொண்ட படமாகக் கருதப்படும். படத்தின் தெளிவுத் திறனைக் குறிப்பதற்கே ரெஸலுயூசன் எனும் வார்த்தை பயன்படுகிறது. மொனிட்டர், டிஜிட்டல் கேமரா, ஸ்கேனர் என்பன பல தரப்பட்டட ரெசலுயூசன்களுடன் சந்தையில் கிடைக்கின்றன.

மொனிட்டரானது எழுத்துக்களையும் படங்களையும் படத்தில் காட்டியுள்ளபடி மெட்ரிக்ஸ் எனப்படும் நிரல்களும் நிரைகளும் கொண்ட ஒரு அணியில் புள்ளிகளைக் கொண்டே உருவாக்குகின்றன. இது பிட்மெப் காட்சி எனவும் அழைக்கப்படும். இங்கு ஒவ்வொரு சதுரத்தினாலும் காட்டப்படும் ஒவ்வொரு புள்ளியும் ஒரு பிக்சல் எனப்படுகிறது. படத்தில் நிழலிடப்பட்ட பகுதி ஒரு பிக்சலைக் குறிக்கிறது.

கணினித்திரை இந்த அணியினுள்ளே பிக்ஸல்களின் வெவ்வேறு ஒழுங்குகளைப் பயன்படுத்தி எழுத்துக்களையும் படங்களையும் உருவாக்கு கிறது. கருப்பு வெள்ளையிலான ஒரு படத்தை மொனிட்டர் திரையில் உருவாக்குவதற்கு ஒவ்வொரு நிறத்திற்கும் ஒரு பிட் (0 அல்லது 1) பயன்படுத்தப்படுகிறது. இங்கு வெள்ளை நிற பிக்ஸலை பூச்சியமும் (0) கருப்பு நிற பிக்ஸலை ஒன்றும் (1) குறிக்கிறது. வேறு வர்ணங்களைச் சேர்க்கும்போது ஒரு பிக்ஸலைக் குறிக்க ஒன்றுக்கும் மேற்பட்ட பிட் அவசியப்படுகிறது. இது ஒரு படத்தின் பிட் டெப்த் (bit depth) எனப்படும். அதிக பிக்ஸல்களைத் தோற்றுவிக்கும்போது ரெஸலுயூசன் உயர் நிலையில் காணப்படும்..

உதாரணமாக ஒரு 8 பிட் அளவிளான பிட் டெப்த் கொண்ட மொனிட்டரில் ஒவ்வொரு பிக்ஸலும் 8 பிட் அளவு கொண்ட வர்ணங்களை உருவாக்கும். அதாவது இரண்டின் எட்டாம் அடுக்கு 28 அல்லது 256 வர்ணங்களை உருவாக்க முடியும். அதேபோல் 24 பிட் மொனிட்டர் மூலம் 16 மில்லியனுக்கு மேற்பட்ட வர்ண வேறுபாடுகளை உருவாக்கலாம்.

பிக்ஸல் என்பது ஒரு படத்தின் மிகவும் சிறிய பகுதியாகவிருப்பதோடு ஒவ்வொரு பிக்ஸலும் மேலும் சிறிய புள்ளிகளைக் கொண்டிருக்கும். சாதாரன ஒரு RGB மொனிட்டரில் ஒவ்வொரு பிக்ஸலும் சிவப்பு (Red), பச்சை (Green), நீல (Blue) நிறத்திலான் மூன்று புள்ளிகளைக் கொண்டிருக்கும்.

புதிதாக ஒரு மொனிட்டரை வாங்கும்போது அதன் ரெஸலுயூசனையும் கருத்தில் கொள்ள வேண்டும். ரெஸலுயூசன் அடிப்படையிலும் மொனிட்டர்கள் தரம் பிரிக்கப்படுகின்றன. அளவில் பெரிய மொனிட்டர் களில் தெளிவான் படத்தைத் தோற்றுவிக்க அவை உயர் ரெசலுயூசன் கொண்டதாயிருக்க வேண்டும்.

ஒரே அளவு ரெஸலுயுஸன் கொண்ட ஒரு படம் சிறிய மொனிட்டர்களில் தெளிவாகவும், பெரிய மொனிட்டர்களில் தெளிவற்றதாகவும் தோன்றும். திரையினளவு அதிகரிக்கும்போது அதே எண்ணிகையான பிக்ஸல்கள் மேலும் பல அங்குளங்களுக்குப் பரந்து விரியும்போது பிக்ஸல்களுக்கிடையே இடைவெளி அதிகரிப்பதே இதற்குக் காரணமாகும்.

மொனிட்டர் வகைகள்

VGA (Video Graphics Array): இவ்வகை மொனிட்டர்களின் ரெஸலுயூசன் 640 x 480 பிக்ஸல் கொண்டதாயிருக்கும். அதாவது கிடையாக் 640 பிக்ஸல்களும் நிலைக்குததாக 480 பிக்ஸல்களுடன் மொத்தமாக் 307200 பிக்சல்களையும் கொண்டிருக்கும்

SVGA (Super Video Graphics Array): இவ்வகை மொனிட்டர்களின் ரெஸலுயூசன் 800 x 600 பிக்ஸல் கொண்டதாயிருக்கும். இந்த 15 அங்குல மொனிடர்களில் இந்த தரப்படுத்தலே பயன்படுகிறது.

XGA (Extended Graphics Array): 1,024 x 768 pixels வரையான ரெஸலுயூ சனைக் கொண்டிருக்கும். இது 17 முதல் 19 அங்குல மொனிட்டர்க ளுக்குப் பொருந்தும்.
SXGA (Super Extended Graphics Array): 1,280 x 1,024 pixels வரையிலான் ரெஸலுயூசனைக் கொண்டிருக்கும். 19-21 அங்குல மொனிட்டர்க ளுக்குப் பொருந்தும்.

UXGA (Ultra Extended Graphics Array): 1,600 x 1,200 pixels வரையிலான் ரெஸலுயூசனைக் கொண்டிருக்கும். 21 அங்குல மொனிட்டர்களுக்குப் பொருந்தும்.

மொனிட்டரில் போன்றே டிஜிட்டல் கேமராவிலும் பிக்ஸல் கொண்டே படங்கள் உருவாக்கப்படுகின்றன. குறைந்தளவு ரெஸலுயூசன் கொண்ட கேமராவால் பிடிக்கப்பட்ட படத்தைப் பெரிதாக்கி ப்ரிண்ட் செய்யும்போது அது தெளிவற்றதாகவே தோன்றும். இப்போது முதற் பந்தியை மீண்டும் ஒரு முறை வாசித்துக் கொள்ளுங்கள்.

-அனூப்-

-



Sunday, May 17, 2009

A useful Windows Registry tip


பயனுள்ள ஒரு ரெஜிஸ்ட்ரி உதவிக் குறிப்பு..


இன்று ரெஜிஸ்ட்ரியில் மாற்றம் செய்து பார்க்க ஒரு சிறிய உதவிக் குறிப்பை வழங்கலாம் என நினைக்கிறேன். இது ஒரு உபயோகமான குறிப்பு. இதன் மூலம் எந்த ஒரு பைல் அல்லது போலடர் மீதும் ரைட் க்ளிக் செய்யும் போது தோன்றும் கன்டெக்ஸ்ட் மெனுவில் Copy To Folder மற்றும் Move To Folder எனும் கட்டளைகளை தோன்றச் செய்யலாம். அதன் மூலம் பைல், போல்டர்களை விரும்பிய இடத்திற்குப் இலகுவாகப் பிரதி செய்து கொள்ளவோ அல்லது நகர்த்த்வோ முடியும். அதற்குப் பின்வரும் வழி முறையைக் கையாளுங்கள்.

முதலில் ரெஜிஸ்ட்ரி எடிட்டரைத் திறந்து கொள்ளுங்கள். அடுத்து (+) குறியீட்டில் க்ளிக் செய்து HKEY_CLASSES_ROOT என்பதை விரித்துக் கொள்ளுங்கள். இவ்வாறு (+) குறியீட்டில் க்ளிக் செய்து AllFilesystemObjects → shellex → ContextMenuHandlers வரை விரித்துக் கொள்ளுங்கள். அடுத்து ContextMenuHandlers மேல் ரைட் க்ளிக் செய்து New → Key தெரிவு செய்யுங்கள். அப்போது போல்டர் அமைப்பில் ஒரு புதிய கீ தோன்றக் காணலாம். அதற்கு Copy To Folder என பெயரிட்டுக் கொள்ளுங்கள். பின்னர் அதனைத் தெரிவு செய்து விண்டோவின் வலப் புறம் உள்ள default எனும் ஐக்கன் மேல் ரைட் க்ளிக் செய்து Modify தெரிவு செய்யுங்கள். அப்போது தோன்றும் பெட்டியில் Value Data எனும் பகுதியில் {C2FBB630-2971-11D1-A18C-00C04FD75D13} எனும் பெறுமானத்தை டைப் செய்து ஓகெ சொல்லி ரெஜிஸ்ட்ரி எடிட்டரை மூடி விடுங்கள். அவ்வளவு தான். இப்போது ஒரு பைல் அல்லது போல்டர் மேல் ரைட் க்ளிக் செய்ய Copy To Folder எனும் கட்டளையும் தோன்றக் காணலாம். இதே வழியிலேயே Move To Folder எனும் கட்டளையை உருவாக்கலாம். அதற்கு Move To Folder எனும் புதிய கீயை உருவாக்கி அதன் டிபோல்ட் பெறுமானமாக {C2FBB630-2971-11D1-A18C-00C04FD75D13} என வழங்குங்கள்.

- அனூப் –

Sunday, May 10, 2009

What is Registry?


Registry  என்றால் என்ன?

விண்டோஸ் இயங்கு தளத்தில் ரெஜிஸ்ட்ரி (பதிவகம்) என்பது ஒரு தரவுத் தளம். புதிதாக ஒரு வன்பொருளை அல்லது மென்பொருளை கணினியில் நிறுவும்போது அல்லது நீக்கும்போது அவை பற்றிய விவரங்களை தொடர்ச்சியாகப் பதியப்படும் ஒரு தரவுத் தளமே இந்த ரெஜிஸ்ட்ரி. கணினியில் நிறுவப்பட்டுள்ள அனைத்து வன்பொருள் மற்றும் மென்பொருள் பற்றிய விவரங்கள் ரெஜிஸ்ட்ரியிலேயே பதியப்படுகின்றன.

விண்டோஸில் என்னென்ன செட்டிங்ஸ் செய்யப்பட்டுள்ளன, கணினியை இயக்கியதும் எந்த எப்லிகேசன்களை ஆரம்பிக்க வேண்டும், ஒவ்வொரு பயனரும் என்ன செட்டிங்ஸ் வைத்திருக்கிறார், பல்வேறு எப்லிகேசன்களாலும் உருவாக்கப்படும் பைல் வகைகள் என்ன போன்ற் பல்வேறு தகவல்களை ரெஜிஸ்ட்ரி பதிந்து கொள்கிறது.

டெஸ்க்டொப்பில் நீங்கள் காண்பவற்றையும், ஸ்டார் மெனு மற்றும் டாஸ்க் பார் என்பன எவ்வாறு இயங்குகின்றன, இயங்கு தளம் எவ்வாறு ஆரம்பிக்கின்றது என்பதனையும் ரெஜிஸ்ட்ரியே தீர்மாணிக்கின்ற்து.
விண்டோஸ் 95 ற்கு முந்திய பதிப்புகளில் .ini (initialization) எனும் பைல் இந்த செயற்பாடுகளைத் தீர்மாணித்தன. இதற்கு மாற்றீடாகவே இந்த ரெஜிஸ்ட்ரி உருவாக்கப்பட்டுள்ளது.

விண்டோஸ் கண்ட்ரோல் பேனலில் ஒருவர் மாற்றங்கள் செய்யும்போது தன்னையறியாமலேயே ரெஜிஸ்ட்ரியில் மாற்றம் செய்கிறார். ரெஜிஸ்ட்ரியில் நாமாகவும் மாற்றங்கள் செய்யலாம்.

ரெஜிஸ்ட்ரியில் மாற்றங்கள் செய்வதில் மிகுந்த அவதானம் தேவை. சராசரி கணினிப் பயனர்கள் ரெஜிஸ்ட்ரியில் மாற்றங்கள் செய்யாமலிருப்பதே நல்லது. ஏனெனில் நீங்கள் விடும் ஒரு சிறிய தவறும் கணினியில் இயக்கத்தில் பாதிப்பை ஏற்படுத்தும் ரெஜிஸ்ட்ரியில் மாற்றம் செய்வதற்கு முன்னர் ஒரு முன்னேற்பாடாக அதனை பேக்கப் (Backup) செய்து கொள்ள வேண்டும் அல்லது ஒரு ரீஸ்டோர் பொயிண்டை (Restore Point) உருவாக்கிக் கொள்ள வேண்டும். (பேக்கப், ரீஸ்டோர் பற்றி ஏற்கனவே இந்தப் பகுதியில் சொல்லியிருக்கிறேன்)

எப்லிகேசன்களை முறையாக நீக்கப்படாதபோது ரெஜிஸ்ட்ரியில் அது பற்றிய தகவல்கள் சிதறலாக தேங்கியிருக்கும். இதனால் கணினியின் இயக்கத்தில் மந்த நிலை தோன்றும். அல்லது அடிக்கடி பிழைச் செய்திகளைக் (Error Messages) காண்பித்து எரிச்சலூட்டும். சில வேளை கனினி இயக்கமற்று முடங்கிப் போகவும் கூடும்.

ரெஜிஸ்ட்ரியில் ஏற்படும் வழுக்களை நாமாக சரி செய்யவும் முடியும். அவற்றைக் கண்டறிந்து நிவர்த்தி செய்ய வென (Registry Cleaners) ரெஜிஸ்ட்ட்ரி க்ளீனர்ஸ் எனும் ஏராளமான மென்பொருள் கருவிகளும் பாவனையில் உள்ளன.

மாதத்தில் ஒரு முறையேனும் இந்த ரெஜிஸ்ட்ரி க்ளீனரை இயக்கி ரெஜிஸ்ட்ரியில் ஏற்படும் பிழைகளை நீக்கிக் கொள்வதை வழக்கமாக்கிக் கொள்ளுங்கள். அடிக்கடி மென்பொருள்களை நிறுவுதல், நீக்குதல், பிழைச் செய்திகள் அடிக்கடி தோன்றுதல், கணினியின் வேகத்தில் மந்த நிலை ஏற்படல் போன்ற சந்தர்ப்பங்களில் ரெஜிஸ்ட்ரி க்ளீனரை அடிக்கடி இய்க்கிக் கொள்ளுதல் நல்லது. சில ரெஜிஸ்ட்ரி க்ளீனர்களில் உரிய கால இடைவெளிகளில் தானாகவே இயங்கும் வசதியும் இணைக்கபட்டிருக்கும். இந்த வசதி இல்லையாயின் விண்டோஸிலுள்ள ஸ்கெடியூல்ட் டாஸ்க் (Scheduled task) எனும் வசதியைப் பயன் படுத்தலாம்.

ரெஜிஸ்ட்ரி கட்டமைப்பு

ரெஜிஸ்ட்ரியானது ஐந்து தனியான கட்டமைப்புகளைக் கொண்டது. இவை ரெஜிஸ்ட்ரி தரவுத் தளத்தை முழுமையாகாப் பிரதி நிதித்துவப் படுத்துகின்றன. இந்த ஐந்து பிரிவுகளும் கீஸ் (Keys) எனப்படுகின்றன. ஒவ்வொரு கீயும் பல உப பிரிவுகளையும், உப பிரிவிகள மேலும் பல உட் பிரிவுகளையும் உள்ளடக்கியிருக்கும். அத்தோடு ஒவ்வொரு கீயும் பல்வேறு பெறுமானங்களையும் கொண்டிருக்கும்.. இங்கு HKEY என்பது Handle to a Key என்பதைக் குறிக்கிறது.


1) HKEY_CURRENT_USER
இந்த ரெஜிஸ்ட்ரி கீயானது தற்போது கணினியில் லொக்-இன் செய்துள்ள பயனருக்குரிய தகவல்களைக் கொண்டுள்ளது.
2) HKEY_USERSஇந்த கீயானது விண்டோஸில் பயனர் கணக்கு உருவாக்கியிருக்கும் அனைத்து பயனர் பற்றிய விவரங்களைக் கொண்டிருக்கும்.
3) HKEY_LOCAL_MACHINEஇது கணினி பற்றிய அனைத்து விவரங்களையும் கொண்டிருக்கும்
4) HKEY_CLASSES_ROOT
இங்கு பதியப்படும் தகவல்கள், ஒரு பைலை திறக்கும்போது அதனை எந்த எப்லிகேசனுடன் ஆரம்பிக்க வேண்டும் என்பது போன்ற விவரங்களைக் கொண்டுள்ளது..
5) HKEY_CURRENT_CONFIG
டீவைஸ் ட்ரைவர். டிஸ்ப்லே ரெஸ்லுயூசன் மற்றும் எப்லிகேசன்கள் பற்றிய விவரங்களைக் கொண்டுள்ளது.

ரெஜிஸ்ட்ரியில் மாற்றம் செய்ய ரெஜிஸ்ட்ரி எடிட்டரை அணுக வேண்டும். அதற்கு ஸ்டாட் மெனுவில் ரன் தெரிவு செய்து Regedit என டைப் செய்யுங்கள் அப்போது Registry Editor விண்டோ தோன்றக் காணலாம்..

-அனூப்-