Sunday, December 26, 2010

How to connect two monitors to a single PC?

ஒரே கணினியில் இரண்டு  மொனிட்டர்களை இணைப்பது எப்படி?

ஒரே கணினியில் இரண்டு மொனிட்டர்களைப் பொருத்திப் பணியாற்றுவது ஒன்றும் புதிய விடயமல்ல. ஒரே கணினியில் இரண்டுக்கு மேலும் மொனிட்டர்களைப் பொருத்திக் கொள்ளலாம். எனினும் அந்த தொழில் நுட்பம் பற்றி அனேகர் அறிந்திருப்பதில்லை. மொனிட்டர்களில் விலை சரிந்து வரும் நிலையில் இரண்டு மொனிட்டர்களைப் பொருத்திப் பயன்படுத்துவதும் அதிக செலவை ஏற்படுத்தி விடாது. அத்தோடு அதனைப் பொருத்துவதும் கூட ஒரு இலகுவான வேலைதான்.

ஒரு கணினியில் இரண்டு மொனிட்டர்களைப் பொருத்துவதனால் என்ன பயன்?

டிஜீட்டல் புகைப்படங்களை அதிக அளவில் கையாளும்போது கணினித் திரை போதியதாக இருக்காது.. அதற்குத் தீர்வாக அளவில் பெரிய திரை கொண்ட ஒரு மொனிட்டரை வாங்கிப் பொருத்தலாம். ஆனால் அதனை விட இன்னுமொரு ,மொனிட்டரை வாங்கி இரண்டு மொனிட்டர்களையும் ஒரே நேரத்தில் பயன் படுத்தலாம். அதன் மூலம் நீங்கள் பணியற்றும் டெஸ்க்டொப்;பின் அளவை இரட்டிப்பாக்கலாம்.

அதேபோல் ஒரு கண்னித் திரையில் விண்டோஸ் எக்ஸ்ப்லோரர் போன்ற ப்ரோக்ரம் கொண்டு டிஜிட்டல் படங்களை சிறிய அளவில் (thumbnail) தேடிக் கொண்டே அடுத்த மொனிட்டர் திரையில் அதே படத்தை பெரிய அளவில் தோன்றச் செயது போட்டோ ஷொப் போன்ற மென்பொருளில் அப் படங்களை எடிட் செய்யலாம்.

AutoCAD போன்ற வரை கலை மென்பொருள்களில் பணியாற்றுவதற்கு கணினித் திரையில் அதிக இடம் தேவைப்படும். இரட்டை மொனிட்டர்களைப் பயன் படுத்தும் போது டூல் பார்களை இரண்டாவது மொனிட்டருக்கு நகர்த்தி விட்டு அதிக இட வசதியுடன் கூடிய இரண்டாவது மொனிட்டரில் படங்களை வரையலாம்.

முதலாது மொனிட்டரை இணைய பயன்பாட்டிற்கும் இரண்டாவது மொனிட்டரை வீடியோ படங்களைப் பர்ர்க்கவும் பயன் படுத்தலாம் அதேபோல் தற்போது கணினி விளையாட்டுக்களும் இரண்டு மொனிட்டர்களில் விளையாடுவதற்கு ஏற்றவாறு உருவாக்கப்படுள்ளன. Unreal Tournament, Quake போன்ற கணினி விளையாட்டுக்களை இதற்கு உதாரணமாகக் குறிப்பிடலாம்.

இவ்வாறு ஒரே நேரத்தில் இரண்டு வெவ்வேறு பணிகளில் ஈடுபடும் போது அவற்றிற்குரிய இரண்டு விண்டோகளையும் இரண்டு மொனிட்டர்களில் தனியாகத் திறந்து கொண்டு கணினியில் சௌகரியமாகப் பணியாற்றக் கூடிய வசதி இரண்டு மொனிட்டர்களைப் பயன் படுத்துவதனால் கிடைக்கிறது.

தற்போது வெளிவரும் நவீன டெஸ்க் டொப் கணினிகள் இரண்டு மொனிட்டர் களைப் பொருத்தக் கூடியவாவறு உரிய வன்பொருள் சாதனங்களுடன் கிடைக்கின்றன. உங்கள் டெஸ்க்டொப் கணினியின் பின் புறம் இரண்டு மொனிட்டர்களை இணைக்கக் கூடியவாறு இரண்டு Video Graphics Array (VGA) கனெக்டர்கள், அல்லது இரண்டு Digital Visual Interface (DVI) கனெக்டர்கள் அல்லது VGA, DVI இரண்டும் சேர்ந்த கனெக்டர்கள் உள்ளனவா எனப் பாருங்கள்.

உங்கள் கணினியில் ஒரே ஒரு VGA அல்லது DVI கனெக்டர் மாத்திரமே இருப்பின் இரண்டாவது மொனிட்டரை இணைப்பதற்கு மற்றுமொரு வீடியோ அடெப்டரைப் (Video Adapter) பொருத்த வேண்டியிருக்கும். அல்லது தற்போதுள்ள் வீடியோ அடெப்டருக்குப் பதிலாக இரண்டு VGA அல்லது இரண்டு DVI கனெக்டர் இணைந்த ஒரு வீடியோ அடெப்டரைப் பொருத்திக் கொள்ளலாம்., வீடியொ அடெப்டரைப் பொருத்துவதோடு அதற்குரிய ட்ரைவர் மென்பொருளையும் நிறுவிக் கொள்ள வேண்டும். .

அண்மைக் காலங்களில் தயாரிக்கபபட்டு வெளிவரும் மடிக் கணினிகளிலும் மேலதிகமாக ஒரு மொனிட்டரை இணைப்பதற்கென ஒரு VGA அல்லது DVI கனெக்டர் இணைக்கப்படுள்ளது.. அதன் மூலம் மடிக்கணினியுன் இணைந்து வரும் திரைக்கு மேலதிகமாக இரண்டாவது மொனிட்டரைப் பயன் படுத்தலாம். மடிக் கணினிகளில் வ்ரும் மேலதிக கனெட்க்டரில் மல்டி மீடியா ப்ரோஜ்ரெக்டரும் இணைக்கப் படுவதுண்டு,

இவ்வாறு எதோ ஒரு வழியில் இரண்டு கணினித் திரைகளையும் இணைத்த் பிறகு கணினியில் சிறிய மாற்றத்தைச் செய்ய வேண்டும்.

விண்டோஸ் எக்ஸ்பீ, விஸ்டா மற்றும் விண்டோஸ் செவன் பதிப்புகள் இரண்டு மொனிட்டர்களைக் இணைக்கக் கூடிய வசதினைக் கொண்டுள்ளன. விண்டோஸ் செவன் பதிப்பில் இரண்டு மொனிட்டர்களை இல்குவகாகக் கையாளும் வகையில் மேம்பட்ட விசேட மென்பொருள் இணைக்கப்படுள்ளது.
விண்டோஸ் செவன் இயங்கு தளத்தில் இரண்டு மொனிடர்கலையும் செயற்பட வைப்பதற்கு டெஸ்கொப்பில் ரைட் க்ளிக் செய்து வரும் மெனுவில் Screen Resolution தெரிவு செய்யுங்கள். தோன்றும் டயலொக் பொக்ஸில் இரண்டு மொனிட்டர்களையும் 1, 2 என இலகக்ம் மூலம் கண்பிக்கப்படும்.

இங்கு இலக்கம் ஒன்று மற்றும் இரண்டினால் குறிகப்படுவது எந்த மொனிட்டர் என்பதை இனம் காண்பதற்கு அந்த டயலொக் பொக்ஸில் Identify பட்டனில் க்ளிக் செய்யுங்கள். பின்னர் Multiple Displays எனுமிடத்தில் கீழ் நோக்கிய அம்புக் குறியில் க்ளிக். செய்து Duplicate these Displays, Extend these Displays, Show Desktop only on 1, Show Desktop only on 2 விரும்பியதைத் தெரிவு
செய்யலாம்.


இரண்டு மொனிட்டர்களையும் காண்பிக்கா விட்டால் விண்டோஸ் ஏதோவொரு மொனிட்டரை இனம் காணவில்லை என்பதைப் புரிந்து கொள்ளுங்கள். இதற்குத் தீர்வாக உரிய வீடியோ ட்ரைவர் மென்பொருள் நிறுவப்பட்டுள்ளதா எனவும் இரண்டாவது மொனிட்டர் முறையாக இணைக்கப்பட்டுள்ளதா பொன்ற விடயங்களை உறுதி செய்து கொண்டு Detect பட்டனில் க்ளிக் செய்யுங்கள்.

இரண்டு மொனிட்டர்களிலும் ஒரே காட்சியைப் பெறுவதற்கு டிஸ்ப்லே செட்டிங்கில் Duplicate these Displays, என்பதனையும் ஒரு மொனிடரில் டெஸ்க்டொப்பையும் மற்றையதில் வேறு விண்டோக்களையும் திறப்பதற்கு Extend these Displays என்பதனையும் தெரிவு செய்ய வேண்டும். இந்த Extend நிலையில் திறக்கப்படும் ஒரு விண்டோவை டைட்டில் பாரில் க்ளிக் செய்து வலப்புறமோ இடப்புறமோ நகர்த்தும் போது இரண்டாவது மொனிட்டரில் அந்த விண்டோ தோன்றுவதைக் காணலாம்.

விண்டோஸ் செவன் பதிப்பில் வின்கீயுடன் P எழுத்தை அழுத்தும்போது படத்திலுள்ளவாறு ஒரு மெனு தோன்றும் . அதிலிருந்து விரும்பியதைத் தெரிவு செய்யலாம்.

இரண்டு மொனிட்டர்களைத் தொடர்ந்து பயன் படுத்த விரும்பினால் இரண்டிலும் அரே அளவிலான காட்சித் தெளிவினைக் கொணடதாக வைத்திருங்கள். ஏனெனில் இரண்டு மொனிட்டர்களையும் அடிக்கடி மாறி மாறிப் பார்க்கும்போது அவற்றில் சீரான காட்சி இல்லாத போது கண்களில் அழற்சியை உண்டாக்கலாம்.

எப்போதும் ஒரே மொனிட்டருடன் பணியாற்றிச் சலித்துப் போனவர்கள் ஒரு முறை வசதி கிடைத்தால் இரண்டு மொனிட்டர்களைப் பொருத்திப் பணியாற்றிப் பாருங்கள். இவ்வளவு காலம் இப்படியொரு விடயம் இருப்பதைத் தெரிந்து கொள்ளாமல் விட்டோமே என நிச்சயம் வருத்தப்படுவீர்கள்.


-அனூப்-

Sunday, December 19, 2010

Resize your images online


ஓன்லைனில் படங்களின் அளவை மாற்றலாம்.



படங்களின் அளவை ஓன்லைனில் மாற்றித் தருகிறது mypictrஎனும் இணைய தள்ம். இதன் மூலம் விரைவாகவும் இலகுவாகவும் உங்கள் டங்களின் அளவை நீங்கள் விரும்பும் வில் சிறிதாக்கியோ பெரிதாக்கியோ பெறலாம். உதாரணமாக அமெரிக்க க்ரீன் காட் வீசாவுக்கு ஓன்லைனில் விண்ணப்பிப்பதானால் 600 x 600 பிக்சலில் படம் இருக்க வேண்டும். இது போன்ற தேவைகளுக்கு உங்கள் கணினியில் போட்டோஷொப் போன்ற போட்டோ எடிட் செய்யக் கூடிய மென்பொருள்கள் இல்லாதபோது http://mypictr.com இணைய தளத்திற்குச் சென்று இலகுவாகவும் இலவசமாகவும் நீங்கள் விரும்பிய அளவில் படத்தை மாற்றிக் கொள்ளலாம். இதற்கு நீங்கள் எந்தவொரு மென்பொருளையும் நிறுவ வேண்டியதில்லை. உங்கள் படத்தை அப்லோட் செய்து விட்டு அதனனை மாற்ற வேண்டிய அளவைக் குறிப்பிட்டு உங்கள் கணினிக்கு மறுபடி டவுன்லோட் செய்து கொள்லாம்.

-அனூப்-

Sunday, December 12, 2010

Difference between Cc and Bcc ?


மின்னஞ்சல் : Cc - Bcc  என்ன வேறுபாடு?




வெப் மெயில் பொப் மெயில் என அனைத்து மின்னஞ்சல் சேவைகளிலும் மின்னஞ்சல் அனுப்பும்போது தோன்றும் விண்டோவில் Cc-Bcc என இரு பகுதிகள் இருப்பதை நீங்கள் அவதானித்திருக்கலாம். இங்கு Cc என்பது Carbon copy என்பதையும் Bcc என்பது Blind carbon copy என்பதையும் குறிக்கிறது. இந்த இரு பகுதிகளு்ம் ஒரு மின்னஞ்சலைப் பல பேருக்கு அனுப்புவதற்காகவே பயன் படுகின்றன. எனினும் இரண்டுக்குமிடையில் ஒரு சிறிய வேறு பாடு உள்ளது. என்பதை அறிவீர்களா?

ஒரு மின்னஞ்சலை அனுப்புவதற்கு To எனும் இடத்தில் மின்னஞ்சல் முகவரியை டைப் செய்து அனுப்புவோம். அதே மின்னஞ்சலைப் பல பேருக்கு அனுப்பும் போது To பகுதியிலேயே கால் புள்ளியிட்டு (,) வேறாக்கி ஏனைய முகவரிகளை டைப் செய்து அனுப்பலாம். எனினும் ஏனைய முகவரிகளை To பகுதியில் வழங்குவதை விட Cc எனுமிடத்தில் டைப் செய்வதே பொருத்தமானதாகும். இதன் மூலம் ஒரு மின்னஞ்சலைப் பெறுபவர் தனக்கு வந்த அதே மின்னஞ்சல் வேறு எவருக்கு அனுப்பப்பட்டுள்ளது எனபதை அறிந்து கொள்ள முடியும். . அதற்கு மாறாக Bcc எனுமிடத்தில் டைப் செய்யும் மின்னஞ்சல் முகவரிகள் அந்த மின்னஞ்சல் வேறு எவருக்கு அனுப்பப்பட்டுள்ளது என்பதை அதனைப் பெறும் ஒவ்வொருவரிடமிருந்தும் மறைத்து விடும். அதாவது அந்த மின்னஞ்சலைப் பெறுபவர் அது தனக்கு மட்டுமே அனுப்பப்பட்டுளது என நினைத்துக் கொள்வார்.. அடுத்தவர்களின் முகவரிகளை அவரது மின்னஞ்சலில் காண்பிக்காது.

Cc மற்றும் Bcc. என்பவற்றிற்கிடையேயுள்ள வேறுபாடு இன்னும் உங்களுக்குப் புரியாமலிருந்தால் இதனைப் பரீட்சித்திப் பார்க்கவென ஒரு வழி இருக்கிறது. முயன்று பாருங்கள். உங்களுக்கு வந்திருக்கும் பல பேருக்கு அனுப்பப்பட்ட ஒரு மின்னஞ்சலைத் திறந்து கொள்ளுங்கள். பின்னர் அதே விண்டோவில் Reply to all பட்டனில் க்ளிக் செய்யுங்கள். அப்போது அந்த மெயில் அனுப்பப்பட்ட அத்தனை பேரினதும் மின்னஞ்சல் முகவரிகளை To பகுதியினுள் காணலாம். எனினும் அந்த மெயில் Bcc பயன்படுத்தி பல பேருக்கு அனுப்பப் பட்டிருந்தால் Reply to all க்ளிக் செய்யும்போது அந்த மின்னஞ்சலை அனுப்பியவரின் முகவரியை மட்டுமே To பகுதியில் காண்பிக்கும்.


Cc அல்லது Bcc பயன் படுத்தி ஒரு மின்னஞ்சலை பல பேருக்கு அடிக்க்டி அனுப்ப வேண்டிய தேவை ஏற்படுமானால் அதற்குச் சிறந்த வழி அதற்கென ஒரு மின்னஞ்சல் குழுவை (Contacts Group) உருவாக்கிக் கொள்வதாகும். எல்லா வெப் மெயில் சேவைகளும் மின்ஞ்சல் க்ளையண்டுகளும் குரூப் ஒன்றை இலகுவாக உருவாக்கிக் கொள்ளும் வ்சதியை வழங்குகின்றன. முன் கூட்டியே ஒரு குரூப்பை உருவாக்கி வைத்துக் கொண்டு மின்னஞ்சல் அனுப்ப வேண்டிய தேவை ஏற்படும் போது Cc அல்லது Bcc எனும் நீங்கள் விரும்பிய பகுதியில் மின்னஞ்சல் முகவரிகளை ஒவ்வொன்றாக டைப் செய்யாமல் அந்த குழு பெயரை தெரிவு செய்தாலே போதுமானது. அந்தக் குழுவிலுள்ள அததனை பேருக்கும் அந்த மெயில் அனுப்பப்பட்டு விடும்.

மின்னஞ்சல் குரூப் ஒன்றை எவ்வாறு உருவாக்குவது பற்றிச் சொல்லாமல் விட்டானே என நீங்கள் சொல்லக் கூடாது என்பதற்காக அதனையும் சொல்லி விடுகிறேன்.

ஜிமெயிலில் மின்னஞ்சல் குரூப் ஒன்றை உருவாக்குவதற்கு முதலில் உங்கள் பயனர் கணக்கிற்குள் லொகின் செய்து கொள்ளுங்கள். பின்னர் அங்கு Contacts பட்டனில் க்ளிக் செய்யுங்கள். அப்போது தோன்றும் விண்டோவில் Family, Friends, Co-workers எனும் பெயர்கள் இருக்கக் காணலாம். நீங்கள் அப்பெயர்களில் க்ளிக் செய்து குடும்ப அங்கத்தினர், நண்பர்கள், சகாக்கள் போன்ற பெயர்களில் குரூப்பை உருவாகிக் கொள்ள முடியும். அவ்வாறில்லாமல் புதிதாக ஒரு குரூப்பை உருவாக்குவதற்கு New Group பட்டனில் க்ளிக் செய்யுங்கள். அப்போது உங்கள் குரூப்புக்கு பெயரிடும் வகையில் ஒரு சிறிய பெட்டி தோன்றும் . அங்கு உங்கள் குரூப்புக்குப் பொருத்தமான ஒரு பெயரை வழங்குங்கள்.

பின்னர், நீங்கள் வழங்கிய குரூப் பெயரை இடப் புறம் உள்ள Contacts எனபதன் கீழ் தோன்றுவதைக் காணலாம். பிறகு அந்த குரூப் பெயரில் க்ளிக் செய்யுங்கள். அடுத்து Add பட்டனில் க்ளிக் செய்து உங்கள் குரூப்பில் இணைக்க வேண்டிய நண்பர்களின் முகவரிகள் ஒவ்வொன்றாக சேர்த்து விடுங்கள். இனி அந்த குழுவினருக்கு மின்னஞ்சல் அனுப்பும் போது உரிய குரூப் பெயரில் க்ளிக் செய்து Cc யாகவோ Bcc யாகவோ அனுப்பலாம்.



-அனூப்-

Sunday, December 05, 2010

MS Windows - 25 years old


எம்.எஸ்.விண்டோஸ் :  வயது  25



கடந்த வாரம் (நவம்பர் 20) தனது 25 ஆவது ஆண்டில் தடம் பதித்தது மைக்ரோஸொப்ட் நிறுவனத்தின் விண்டோஸ் இயங்கு தளம். முதலாவது பதிப்பான (version) விண்டோஸ் 1 ஐ 1985 ஆம் ஆண்டு நவம்பர் 20 ஆம் திகதி முதன் முதலில் வெளியிட்டது மைக்ரோஸொப்ட். நிறுவனம். அதன் பின்னர் த்ற்போதைய விண்டோஸ் செவன் வரை கடந்த 25 ஆண்டுகளில் பல வெற்றிப் படிகளைத் தாண்டி முன்னேறி வந்திருக்கிறது விண்டோஸ்.

விண்டோஸ் இயங்கு தளம (Operating System) தற்போது உலகில் 90 வீத்மான தனி நபர் கணினிகளில் பயன் படுத்தப்படுகிறது. கணினிப் பயன் பாட்டை எவரும் இலகுவாகப் புரிந்து கொள்ளும் வண்ணம் எளிமையாக்கியதுடன் ஜன ரஞ்சகப் படுத்த்த்தியது விண்டோஸ். அத்தோடு கணினியோடு தொடர்பு பட்ட அத்தனை தொழில் நுட்பங்களையும் கணினிப் பயனரிடம் இலகுவாய் கொண்டு போய்ச் சேர்க்கிறது விண்டோஸ். ஒரு காலத்தில் படித்த பட்டதாரிகளால் மட்டுமே கணினியில் பணியாற்றலாம் என்றிருந்த நிலையை மாற்றி படிக்காத பாமரர்களையும் கணினியின் பக்கம் ஈர்க்ச் செய்தது விண்டோஸ். இன்று நானும் நீங்களும் அல்லும் பகலும் கணினியோடு ஒட்டி உறவாடுகிறோம் என்றால் அதற்கு விண்டோஸே காரணம் எனலாம். மொத்தத்தில் விண்டொஸின் வருகையானது உல்கின் போக்கையே மாற்றியது என்றால் அது மிகையல்ல.

விண்டோஸ் அறிமுகமாவதற்கு முன்பு மைக்ரொஸொப்ட் நிறுவனத்தின் MS-DOS இயங்கு தளமே பாவனையில் இருந்தது. Command Line Interface எனும் அவ்விடை முகப்பில் கணினியோடு தொடர்பாடுவதற்கும் எந்தப் பணியை நிறை வேற்றுவதற்கும் உரிய கட்டளைகளை நினைவில் வைத்திருந்து கீபோட் மூலம் டைப் செய்ய வேண்டியிருந்தது. இந்த இடை முகப்பு சாதாரண கணினிப் பயனர்களுக்குக் கடினமானதாகவே இருந்தது. ஏனவே அவர்கள் கணினியின் அருகில் செல்வதற்குக் கூட அஞ்சினர்.

எனினும் இதற்கு மாறாக விண்டோஸ் Graphical User Interface (GUI) எனும் அனைத்தையும் கிரபிக்ஸ் மூலமாகக் காட்சிப் படுத்தும் இடை முகப்புடன் வெளி வந்தது. இங்கு கட்டளைகளை டைப் செய்யாமல் மவுஸ் கொண்டு க்ளிக் செய்வதன் மூலம் தெரிவு செய்து கணினியை இயக்கி எமது பணிகளை நிறை வேற்ற முடிகிறது. .இவ்வாறான பணிச் சூழலை User friendly எனப்படுகிறது. இன்று கலவி அறிவு இல்லாதவர்களும், குழந்தைகளும் கூட கணினியில் எந்த சிரமுமின்றிப் பணியாற்றுகிறார்கள் என்றால் அதற்கு இந்த GUI இடை முகப்பே காரணம். எனினும் உலகில் முதம் முதலில் GUI இடை முகப்புடன் வெளி வந்த இயங்கு த்ளம் என விண்டோஸைக் குறிப்பிட முடியாது. ஏனேனில் அதற்கு முதலே Apple Macintosh நிறுவனம் உலகின் முதல் GUI இடை முகப்போடு கூடிய இயங்கு தளத்தை வெளியிட்டிருந்தது.


மைக்ரோஸொப்ட் நிறுவனம் ஆரம்பத்தில் விண்டோஸ் 1 இயங்கு தளத்தை இடை முகப்பு நிர்வாகியென்றே (Interface Manager) பெயரிட்டிருந்தது. இந்த விண்டோஸ் 1 இயங்கு தளம் உலகில் புரட்சிகரமான மாற்றத்திற்கு அடித்தளமாக அமையும் என மைக்ரோஸொப்ட் நிறுவனம் கூட அப்போது எதிர் பார்த்திருந்திருக்காது. .

விண்டோஸ் 1 வெளியிடப் பட்ட உடனேயே அது வரவேற்பைப் பெற்று விடவில்லை.விண்டோஸ் 1 அறிமுகமாகிப் பத்து வருடங்களின் பின்பே அது கணினிப் பயனரிடையே வரவேற்பைப் பெற ஆரம்பித்தது. இன்று நமக்குப் பரிச்சயமான விண்டோஸில் உள்ள Desktop Background, Screen Saver, Shortcuts போன்ற பல அம்சங்கள் 95 பதிப்பிலேயே அறிமுகமாகின, விணடோஸ் 1 லிருந்து விண்டோஸ் 7 வரைக்கும் பயணிக்க மைக்ரோஸொப்ட் நிறுவனத்திற்கு 25 ஆண்டுகள் கடந்துள்ளன. இந்த 25 வருட காலத்தில் விண்டோஸ் படிப்படியான மாற்றங்களுக்குட்பட்டு இன்று இமாலய வளர்ச்சியை எட்டியுள்ளது. இக்காலப் பகுதியில் பல பின்னடைவுகளைச் சந்தித்தாலும் இன்னும் விண்டோஸ் இயங்குதளமே உலகக் கணினிகள் பெரும் பாலானவற்றை ஆக்கிரமித்துள்ளது. எனினும் விண்டோஸின் ஒவ்வொரு பதிப்பும் தனது முத்திரையைப் பதித்துச் சென்றுள்ளது எனக் கூற முடியாது.


1987 ஆம் அண்டு விண்டோஸின் இரண்டாம் பதிப்பு வெளியிடப்பட்டது.. விண்டோஸ் 1 ஐ விட மேம்பட்டதாக ஒரே நேரத்தில் ஒன்றிற்கு மேற்பட்ட விண்டோக்களைத் திறக்கக் கூடியதாயும் (multitasking) அதிக கிரபிக்ஸ் மேம்பாட்டுடனும்

அதன் பின்னர் 1990 அம் ஆண்டு வெளியிடப்பட்ட விண்டோஸ் 3 பதிப்புடன் விண்டோஸ் சிறிதளவு பிரபல்யம் பெற ஆரம்பித்தது. அக்கால கட்டத்தில் மேற்குலக நாடுகளில் தனி நபர் கணினிப் பாவனை அதிகரித்த்தும் விண்டோஸின் பிரபல்யத்திற்குக் காரணம் எனலாம். விண்டோஸ் 3 வெற்றியடைந்ததன் பின்னர் அதன் மேம்பட்ட பதிப்புகளான 3.1, 3.11 என்பன அடுத்தடுத்த இரண்டு வருடங்களில் வெளியிடப்படன.

அதன் பின்னர் வணிக நிறுவனங்களை இலக்காக் கொண்டு Windows NT பதிப்பை 1993 ஆம் ஆண்டு வெளியிட்டது. பின்னர் 1995 ஆம் அண்டில் விண்டோஸ் 95 பதிப்பு வெளிவந்தது. . இது விண்டோஸ் வரலாற்றில் ஒரு திருப்பு முனையாக அமைந்தது. முதல் இரு வாரங்களிலேயே உலகளவில் விண்டோஸ் 95 பதிப்பு 7 மில்லியன் பிரதிகள் விற்றுத் தீர்ந்தன. அத்தோடு இணைய பாவனைக்கு ஏற்றதாய் உருவாக்கப்படிருந்தது அதன் சிறப்பம்சமாகும்.

விண்டோஸ் 95 இன் பின்னர் வந்த வெளியீடுகளில் விண்டோஸின் வெற்றிப் பயணம் விண்டோஸ் 98, 2000 என தொடர்ந்தது. 2000 ஆம் ஆண்டில் வெளிவந்த விண்டோஸ் 2000 பதிப்பின் பின்னர் அதே ஆண்டில் Windows Millennium Edition எனும் பதிப்பு வெளியானது. எனினும் அதிலிருந்த அதிக வழுக்கள் காரணமாகப் ME பதிப்பு பயனரிடையே வரவேற்பைப் பெறாததால் விண்டோஸ் வரலாற்றில் ஒரு பின்னடைவைச் சந்தித்தது.


அதன் பின்னர் 2001 ஆம் ஆண்டில் விண்டோஸ் எக்ஸ்பீ பதிப்பு வெளியிடப்பட்டது. இது கணினிப் ப்யனரிடையே பலத்த வரவேற்பைப் பெற்றதோடு விண்டோஸ் ME பதிப்பு பெற்றுக் கொடுத்த அவப் பெயரை இல்லாமல் செய்தது. மைக்ரோஸொப்ட் நிறுவனம் இதுவரையில் வெளியிட்டுள்ள விண்டோஸ் பதிப்புகளில் எக்ஸ்பீ பதிப்பே மிகவும் சிறந்த பதிப்பாக இன்றும் போற்றப்படுகிறது, எக்ஸ்பீயின் பின்னர் விஸ்டா , செவன் என மேலும் பதிப்புக்கள் வந்தாலும் எக்ஸ்பீயை இப்போதும் கூட பலரும் பயன் படுத்தி வருவதுடன் புதிய பதிப்புக்கு மாற்வும் தயங்குகிறார்கள்.


எக்ஸ்பி பதிப்பு வெளிவந்து ஐந்து வருடங்க்ளின் பின்னர் விண்டோஸின் விஸ்டா பதிப்பு 2006 ஆம் ஆண்டில் வெளியிடப்பட்டது. எனினும் அது எக்ஸ்பீ போன்று பயனரிடையே வரவேற்பைப் பெறவில்லை விஸ்டா கொடுத்த ஏமாற்றத்தின் பின்னர் தனது பெயரைத் தக்க வைத்துக் கொள்ளும் நோக்கில் வின்டோஸ் செவன். பதிப்பை கடந்த வருடம் இறுதிப் பகுதியில் வெளியிடட்டது. இது எக்ஸ்பீ போன்றே சிறப்பாக செயற்படுவதுடன் ஏராளமன புதிய சிறப்பம்சங்களுடன் வெளிவந்துள்ளது.

இதனிடையே சேர்வர்களுக்கான விண்டோஸ் பதிப்பையும் மைக்ரோ ஸொப்ட் அவ்வப்போது வெளியிட்டு வந்துள்ளது. விண்டோஸ் சேர்வர் பதிப்பு உலகில் 70 வீதமன சேர்வர்களிலும் நிறுவப்பட்டுள்ளது

விண்டோஸ் செவன் பதிப்பிற்குப் பின்னர் வின்டோஸ் 8 பதிப்பை அடுத்த வ்ருடம் வெளியிடுவதற்கான முயற்சியில் மும்முரமாய் ஈடு பட்டிருக்கிறது மைக்ரோ ஸொப்ட்.

விண்டோஸுக்குப் போட்டியாக மேக், லினக்ஸ் என பல இயங்கு த:ளங்கள் உருவெடுத்தாலும் கால் நூற்றான்டு காலமாய் விண்டோஸ் வெற்றிப் பாதையில் பயணிக்கிறது..



-அனூப்-

Sunday, November 28, 2010

Double Driver - Back up your drivers

Device Driver - களைப் பாதுகாக்க  Double Driver!

ஒரு கணினியை வாங்கும்போது கூடவே ஒரு சீடியும் தருவார்கள். அந்த சீடியில் கணினியில் பொருத்தியுள்ள எல்லா விதமான வன்பொருள்களையும் இயங்க வைக்கும் மென்பொருள்கள் அடங்கியிருக்கும். அதனை (டீவைஸ்) ட்ரைவர் சீடி என்பார்கள்.

டீவைஸ் ட்ரைவர் மென்பொருளானது வன்பொருள் சாதனத்துக்கும் இயங்குதளத்துக்கு மிடையில் தொடர்பாடலை உருவாக் கும் ஒரு மத்தியஸ்தராகச் செயற்படுகிறது. ஒவ்வொரு வன்பொருள் சாதனமும் ஒரு டீவைஸ் ட்ரைவர் மென்பொருளைக் கொண்டிருக்கும். . அதன் மூலமா கவே இயங்கு தளம் அந்த சாதனத்தைக் கண்டு கொண்டு அதனை முறையாக இயக்குகிறது.

கணினியில் தேவையான அனைத்து டீவைஸ் ட்ரைவர்க்ளும் ஏற்கனவே நிறுவப்பட்டிருந்தாலும் ஹாட் டிஸ்கை போமட் செய்து மறுபடி இயங்கு தளத்தை நிறுவ வேண்டிய தேவை ஏற்பட்டால் ஒவ்வொரு சாதனத்துக்குமுரிய டீவைஸ் ட்ரைவரையும் மறுபட்டி நிறுவ வேண்டி இருக்கும். அதனால் எப்போதும் டீவைஸ் ட்ரைவர் சீடியை கவனமாக வைத்திருத்தல் அவசியம்.

ட்ரைவர் சீடி பழுதடைந்து விட்டால் அல்லது அதனைத் தொலைத்து விட்டால் எனன செய்வது? அதேபோன்று பழைய பாவித்த கணினிகளை வாங்கும்போது அனேகமாக அதற்குரிய ட்ரைவர் சிடிக்கள் கிடைப்பதில்லை.
தேவையான டீவைஸ் ட்ரைவரை இணையத்திலிந்து டவுன்லோட் செய்து கொள்ளலாமே என நீங்கள் நினைக்கலாம். இணயத்திலும் இல்லாதபோது ட்ரைவர் சீடியைத் தேடி எங்கே செலவது?

கணினி வன்பொருள் சாதனங்களுக்குத் தேவையான உரிய ட்ரைவர் மென்பொருளைத் தேடிப்பெறுவது எவ்வளவு கடினமான வேலை என்பதை அந்த நிலைமையை எதிர் கொண்டவர்களே அறிவார்கள்.

இது போன்ற ட்ரைவர் மென்பொருள் பிரச்சினைகளுக்குத் தீர்வு தருகிறது டபல் ட்ரைவர் (Double Driver) எனும் சிறிய மென்பொருள் கருவி. இந்த டபல் ட்ரைவர் மூலம் உங்கள் கனினியில் நிறுவப்பட்டுள்ள ட்ரைவர் மென்பொருள்கள் அனைத்தையும் தனியாக ஒரு சீடியிலோ அல்லது ஹாட் டிஸ்கிலோ பாதுகாப்பாக (Back up) சேமித்துக் கொள்ளலாம் ,

டபல் ட்ரைவர் இல்குவான இடை முகப்பைக் கொண்ட ஒரு பயனுள்ள ஒரு இலவ்ச யூட்டிலிட்டி. இதன் மூலம் கணினியில் நிறுவப்பட்டுள்ள ட்ரைவர் மென்பொருளகளைப் பார்வையிடுவதோடு, அவற்றைப் பாதுகாப்பாகவும் சேமிக்கவும், சேமித்ததிலிருந்து மறுபடி ரீஸ்டோர் (restore) செய்யவும் முடிகிறது. .

டபள் ட்ரைவர் யூட்டிலிட்டி கணினியை முழுமையாகப் பரீட்சித்து ட்ரைவர் மென்பொருள்கள் பற்றிய அனைத்து விவரங்களையும் எமக்குக் காண்பிக்கிறது. அதனை பேக்கப் செய்து விட்டு தேவையான போது பேக்கப்பிலிருந்து உரிய மென்பொருளை ரீஸ்டோர் செய்து கொள்ளலாம் ;.
விண்டோஸின் எக்ஸ்பீ, விஸ்டா மற்றும் செவன் பதிப்புகளில் சிறப்பாக இயங்குகிறது. டபல் ட்ரைவர். .exe பைலாகக் கிடைக்கும் இந்த யூட்டிலிட்டியை கணியில் நிறுவ வேண்டிய அவசியமுமில்லை,

இந்த டபல் ட்ரைவர் மென்பொருளை http://www.boozet.co.cc/ எனும் இணைய தளத்திலிருந்து இலவசமாக டவுன்லோட் செய்து கொள்ளலாம்.

-அனூப்-

Quillpad

Quillpad         http://www.quillpad.com/

கில்பேட் என்பது இந்திய மொழிகளுக்கான ஒரு ஓன்லைன் டைபிங் கருவி. இதன் மூலம் தமிழ், ஹிந்தி, மலையாளம். உட்பட 10 இந்திய மொழிகளில் ஆங்கில உச்சரிப்பு (Phonetic) முறையில் இலகுவாக டைப் செய்யலாம். உதாரணமாக ‘ammaa’ என ஆங்கிலத்தில் டைப் செய்ய தமிழில் ‘அம்மா’ என உடனே மாற்றும் . தமிழில் மின்னஞ்சல் அனுப்புவதற்கும் கூகில் போன்ற தேடற் பொறிகளிலும் தமிழில் தகவல் தேடுவதற்கும் இதனைப் பயன்படுத்தலாம். இந்த இணைய தளத்திற்கான முகவரி

Change your text file into an audio file


டெக்ஸ்ட் பைலை ஒலி வடிவில் மாற்றலாமே!


எம்.எஸ்.வர்டில் உருவாக்கப்பட்ட உங்கள் ஆவணங்களை ஒலி வடிவில் மாற்றிக் கொள்ளலாம். இதற்கென எந்தவொரு மென்பொருளையும் டவுன்லோட் செய்யவோ கணினியில் நிறுவவோ வேண்டியதில்லை. ஓன்லைனில் பைல் வடிவை மாற்றும் இந்த வசதியைத் தருகிறது Zamzar. எனும் இணையதளம்.

இதன் மூலம் டெக்ஸ்ட் வடிவிலுள்ள பைல்களை MP3 பைலாக மாற்றிக் கொள்ளலாம். இந்த பைல் மாற்றும் சேவை மூலம் எம்.எஸ்.வர்டில் உருவாக்கப்பட்ட (doc) பைல்கள் மட்டுமன்றி odt, pdf, pub, txt, wpd, wps பைல்களையும் ஒலி வடிவில் மாற்றிக் கொள்ளலாம்.

எம்.எஸ்.வர்டில் உருவாக்கப்பட்ட (doc) ஆவணமொன்றை MP3 பைலாக மாற்றும் செயற்பாடானது மிக சுலபமானது.. இந்த இனைய தளத்திற்குச் சென்று கணினியிலுள்ள ஆவணத்தை தெரிவு செய்து அதனை அப்லோட் செய்வதோடு உங்கள் மின்னஞ்சல் முகவரியையும் வழங்க வேண்டும்.. அந்த பைலை MP3 வடிவில் மாற்றியவுடன் ஓரிரு நிமிடங்களில் உங்கள் மின்னஞ்சல் முகவரிக்கு அனுப்பி வைக்கிறது சம்சார் . 

சம்சார் இணைய தளம் ஆவணங்களை ஒலி வடிவில் மாற்றித்தருவது மட்டுமன்றி, இமேஜ், வீடியோ, ஓடியோ என ஏராளமான பல்வேறு பைல் போமட்டுகளை விரும்பும் வடிவில் மாற்றக் கூடிய வசதியைத் தருகிறது. அப்லோட் செய்யக் கூடிய பைலின் உச்ச அளவு 100 எம்பி. இந்த சேவையைப் பெற நீங்கள் செல்ல வேண்டிய இணைய தளமுகவரி http://zamzar.com/

Sunday, November 21, 2010

When you use public computers..

பொது இடங்களிலுள்ள கணினியைப் பயன் படுத்துகிறீர்களா?

நீங்கள் சொந்தமாக கணினி, இணைய இணைப்பு வைத்திருந்தாலும் கூட சில வேளைகளில் இண்டர்நெட் மையம், நூல் நிலையம், விமான நிலையம். போன்ற பொது இடங்களில் காணப்படும் பலரின் பாவனைக்கென வைக்கப்பட்டிருக்கும் கணினிகளையும் பயன் படுத்தக் கூடிய சந்தர்ப்பம் உங்களுக்கும் வரலாம். இவ்வாறு பொது இடங்களிலுள்ள கணினிகளைப் பயன் படுத்தும்போது
  • மின்னஞ்சல் கணக்கிற்குரிய பயனர் பெயர் மற்றும் பாஸ்வர்ட்
  • பேஸ்புக் போன்ற தளங்களில் பயன் படுத்தக் கூடிய பயனர் பெயர் பாஸ்வர்ட்
  • கடன் அட்டை விவரங்கள்
  • அந்தரங்க தகவல்களைக் கொண்ட மின்னஞ்சல்கள்
  • நீங்கள் பரிமாறிக் கொள்ளும் பைல்க்ள்
  • நீங்கள் பார்க்கும் பார்க்கக் கூடாத தளங்களின் பெயர்கள்
போன்ற பல அந்தரங்க விடயங்களை இழக்க வேண்டி வரலாம் என்பதை நீங்கள் அறிவீர்களா?

பொது இடங்களிலுள்ள கணினிக்ளில் எமது அந்தரங்க விடயங்களைப் பாதுகாப்பதற்கு யாரும் உத்தரவாதம் தருவதில்லை. அவ்விடங்களில் பணியாற்றும் கணினி நிர்வாகிகள் எமது அந்தரங்க தகவல்களையிட்டு கவலைப்படுவார் என நாம் எதிர் பார்க்க முடியாது. சில இடங்களில் எமது அந்தரங்க தகவல்களுக்குப் பாதுகாப்பு தரலாம் எனினும் பொதுக் கணினிகளில் எமது தகவல்கள் நூறு வீதம் பாதுகாக்கப்பட வேண்டு மானால் நாமும் சில முன்னெச்சரிக்கை நடவடிக்கைகளை எடுக்க வேண்டும். பொதுக் கணினிகளைப் பயன் படுத்தும்போது எவ்வவறு நாம் அவதானமாக நடந்து கொள்வது என்பதைக் கீழே பட்டியலிடுகிறேன்.

இணையத்தில் மின்னஞ்சல் சேவையைப் பயன்படுத்தி விட்டு அந்த இணைய தளத்திலிருந்து முறையாக log out செய்து வெளியேறுங்கள். . பிரவுசர் விண்டோவை மூடிவிட்டால் அல்லது வேறொரு இணைய தள முகவரியை டைப் செய்து விட்டால் போதுமானது என நினைக்கக் கூடாது, முறையாக லொக்-அவுட் செய்யாமல் வெளியேறுவது உங்களுக்குப் பின்னர் கணினியைப் பயன் படுத்தும் நபரின் கையில் உங்கள் அந்தரங்க தகவல்கள் போய்ச் சேர்ந்து விட வாய்ப்புள்ளது. .

பொதுக் கணினிகளில் மின்னஞ்சல் அனுப்ப வேண்டிய தேவைகளேற்படும் போது வழமையான உங்கள் மின்னஞ்சல் முகவரியிலிருந்து அனுப்பாமல் அதற்கென தற்காலிகமாக ஒரு மின்னஞ்சல் கணக்கை உருவாக்கி அனுப்பலாம். அல்லது பொதுக் கணினிகளில் மின்னஞ்சல் தேவை முடிந்தவுடன் உடனடியாக உங்கள் பாஸ்வர்டை மாற்றிக் கொள்ளுங்கள்.

வெப் மெயில் சேவைகளில், பேஸ்புக் போன்ற சமூக வலைத்தளங்கள் மற்றும் இனஸ்டண்ட் மெஸ்செஞ்சர்களில் தானாகவே லொகின் செய்யும் வசதி உள்ளது. இவை எமது வசதிக்காகவே பயனர் கணக்கையும் பாஸ்வர்டையும் கணினியில் சேமித்து வைக்கும். எனவே இந்த வசதியை முடக்கி விடுங்கள்.

பின்னஞ்சல் இணைப்புகளில் வரும் பைல்களை டவுன்லோட் செய்யும் போது அவற்றை உங்கள் பென் ட்ரைவில் சேமித்துக் கொள்ளுங்கள். டவுன்லோட் செய்த பைலை ஹாட் டிஸ்கில் சேமிப்பதானால் அதனை பென் ட்ரைவில் ஏற்றி விட்டு ஹாட் டிஸ்கிலிருந்து அநத பைலை அழித்து விடுவதோடு ரீசைக்கில் பின்னையும் காளி செய்து விடுங்கள்.

டவுன் லோட் செய்த பைல்களை உங்கள் பென் ட்ரைவில் ஏற்றுமுன் வைரஸ் பரிசோதனைக்கு உட்படுத்துங்கள். அவ்வாறே அதனை உங்கள் கணினியில் மறுபடி ஏற்று முன்னரும் வைரஸ் ஸ்கேன் செய்யுங்கள்.

பொதுக் கணினிகளில் உங்கள் அந்தரங்க விடயங்களைக் கொண்ட பைல்களை படங்களை பரிமாறிக் கொள்வதைத் தவிர்த்துக் கொள்ளுங்கள்.

பொதுக் கணினிகளில் முக்கியமான தகவல்களை வழங்குவதைத் தவிர்த்துக் கொள்ளுங்கள். ஏனெனில் சில திருடர்கள் நீங்கள் கீபோர்டில் அழுத்தும் ஒவ்வொரு கீயின் அசைவுகளையும் பதிவு செய்யக் கூடிய 'keylogger' மென்பொருள்களை நிறுவியிருக்கக் கூடும். இந்த மென்பொருள் பதிவு செய்யும் தகவல்களைத் திருடர்கக்ளுகு இமெயிலில் அனுப்பி விடும். நீங்கள் முக்கிய தகவல்க்ளை கணினியில் சேமிக்காது விட்டாலும், அவற்றை முறையாக அழித்தாலும் கூட உரிய தகவல்கள் திருடரின் கையில் போய் சேர்ந்து விடும்.


சில இடங்களில் கணினிகளைக் கண்கானிப்பதற்கென பாதுகாப்புக் கேமராக்கள் பொருத்தியிருப்பர்கள். எனவே இந்த கேமராவின் பார்வையிலிருந்தும் உங்கள அந்தரங்க தகவல்களை மறைக்க மறந்து விடாதீர்கள். .

பொதுக் கணினிகளைப் பயன் படுத்தும்போது அருகில் நடமாடும் ஆசாமிகளை இட்டும் கவனமாயிருங்கள். அவர்கள் உங்கள் பின்புறமிருந்து தோளிற்கு மேலாக நீங்கள் அறியாமலேயே உங்கள் கணினித் திரையைப் நோட்டமிடலாம்.

இணையத்தில் பொருட்கள் வாங்குதல் (Online Shopping), வங்கி நடவடிக்கை களை மேற்கொள்ளுதல் (Online Banking) போன்ற செயற்பாடுகளுக்குப் பொதுக் கணினிகள் பொருத்தமானதல்ல. எனவே அக்கண்னிக்ளில் கிரடிட் காட் விவரங்களை வழங்காது தவிர்த்துக் கொள்ளுங்கள்.

உங்கள் முக்கியமான அந்தரங்க தகவல்களை கணினியில் டைப் செய்து விட்டு வேறு வேலையாக ஒரு போதும் எழுந்து செல்லாதீர்கள் இவ்வாறு நகர்ந்து செல்வதனால் அடுத்தவர்கள் உங்கள் அந்தரங்க தகவல்களைப் பார்ப்பதற்கு வசதியாக. அமைந்து விடும்.

பிரவுஸரிலுள்ள 'Auto complete' வசதியானது எமது டைப்பிங் வேலைகளைக் குறைத்து விடக் கூடிய பயனுள்ள வசதி. எனினும் பொதுக் கணினிகளில் இநத் வசதியைப் பயன் படுத்துவது ஏற்ற செயலல்ல. இந்த வசதியை முடக்குவதற்கு இண்டர்நெட் எக்ஸ்ப்லோரரில் Tools மெனுவில் Internet Options. தெரிவு செய்யுங்கள் தோன்றும் டயலொக் பொக்ஸில் Content டேபில் AutoComplete பட்டனில் க்ளிக் செய்ய வரும் பெட்டியில் பாஸ்வர்ட் சம்பந்தப்பட்ட தெரிவுகளை நீக்கி விடுங்கள்.

அதேபோல் உங்கள் இணைய பயன்பாட்டை பிரவுசர் Temporary Internet files எனும் போல்டரில் சேமித்து விடும்.. அவற்றை அழிப்பதற்க்கு இதே Internet Options டயலொக் பொக்ஸில் General டேபில் Temporary Internet files என்பதன் கீழ் Delete cookies, Delete Files பட்டன்களில் க்ளிக் செய்து விடுங்கள்.

பயபொக்ஸ் பிரவுஸரில் Tools > Options > Privacy க்ளிக் செய்யுங்கள். அங்கு Clear History When Firefox Closes என்பதைத் தெரிவு நிலைக்கு மாற்றுங்கள். இதன் மூலம் பய பொக்ஸ் பிரவுஸரில் உங்கள் இணைய நடவடிக்கைகள் அனைத்தையும் அழித்து விடலாம்.

பொதுக் கணினி பயன்பாட்டில் மேற்சொன்ன விடயங்களுக்கு மேலாக சமயோசித புத்தியும் உங்களிடம் இருக்க வேண்டும் என்பதை மறந்து விடாதீர்கள்.

-அனூப்-

Wednesday, November 17, 2010

இணையத்தில் குர்-ஆன்


இன்று ஹஜ் பெருநாளைக் கொண்டாடும் முஸ்லிம் வாசகர்களுக்கு ஐடி வலம் சார்பாக பெருநாள் வாழ்துக்களைத் தெரிவித்துக் கொள்வதோடு பயனுள்ள ஒரு இணைய தளத்தையும் அவர்களுக்காக அறிமுகம் செய்ய நினைக்கிறேன். தளத்தின் பெயர் தன்ஸீல். இந்த இணைய தளத்தில் முஸ்லிம்களின் புனித நூலான அல் குர்-ஆன் முழுமையாக எழுத்து வடிவிலும் ஒலி வடிவிலும் தரப்பட்டுள்ளது. இதன் மூலம் அல் குர்-ஆனின் எந்த ஒரு அத்தியாயத்தையும் விரும்பிய ஒழுங்கில் பார்வையிடவோ ஒலிக்க வைக்கவோ முடியும். அத்தோடு அல்குரானை முறையாகவும் அழகாகவும் ஓதுவதில் தேர்ச்சி பெற்ற (காரிகள்) பலரின் குரலில் கேட்கவும் முடிகிறது. அல்குரானின் மொழி பெயர்ப்பையும் கூட தமிழ் உட்பட ஏராளமான மொழிகளில் பெறக்கூடியதாகவும் இருப்பது இந்த தளத்தின் மற்றுமொரு சிறப்பம்சமாகும். இந்த இணைய தளத்தைப் பார்வையிட நீங்கள் செல்ல வேண்டிய முகவரி www.tanzil.info

-அனூப்-

Sunday, October 31, 2010

What is Chipset?


Chipset  என்றால் என்ன?


கணினியின் மூளையாகச் செயற்படுவது சிபியூ (CPU) என்பதை நீங்கள் அறிவீர்கள்.. அதேபோன்று கணினியின் இதயமாகச் செயற்படுவது எது என்பதை அறிவீர்களா? அதுதான் மதர்போர்டில் சிபியூவிற்கு அருகே பொருத்தப்பட் டிருக்கும். (Chipset) சிப்செட். எனும் மைக்ரோ சிப் ஆகும். கணினியில் சிபியூ, மெமரி, ஹாட் டிஸ்க் என்பன எவ்வகையான பணிகளை மேற்கொள்கின்றன என்பதைப் பலரும் அறிந்திருப்பர். எனினும் இந்த சிப்செட் என்றால் என்ன அதன் முக்கியத்துவம் என்ன என்பதை அனேகர் அறிந்திருப்பதில்லை. (சிப்செட் என்பதில் உள்ள ‘சி’ யிற்கு முன்னாள் ஒரு ‘ச்’ சேர்த்து உச்சரியுங்கள்)..,

சிப்செட் என்பது அதன் பெயருக்கேற்றவாறு பல மைக்ரோசிப்ஸ்களை ஒன்றிணைத்து உருவாக்கப்பட்ட தனியொரு (Microchip அல்லது IC-Integrated Circuit) சிப்பாகும்.. இது மத்ர்போர்ட் இயங்குவதற்கான அனைத்து மின்சுற்றுக்களையும் தன்னகத்தே கொண்டுள்ளது. மத்ர்போடில் சிப்செட் என்பது இல்லாவிட்டடல் அதன் பாகங்களிடையே தொடர்பாடலை மேற்கொள்ள முடியாது போய்விடும். .

ஆரம்ப கால தனி நபர் கணினி மதர்போர்டுகளில் ஒவ்வொரு செயற்பாட்டிற்க்குமென தனியான சிப்ஸ்கள பொருத்தப்பட்டு வெளிவந்தன. எனவே கணினியை இயங்க வைப்பதற்குத் தேவையான மின்சுற்றை உருவாக்குவதற்கு ஏராளமான சிப்ஸ்கள் தேவைப்பட்டதோடு மதர்போர்டின் அளவும்கூட பெரிதாக இருந்தது..

பின்னர் சிப் தயாரிப்பாளார்கள் பல சிப்ஸ்களை ஒரு பெரிய சிப்பாக ஒன்றிணைத்து வடிவமைத்தனர். பல சிறிய சிப்ஸ்களுக்குப் பதிலாக ஒரு சில பெரிய சிப்ஸ்களைக் கொண்டு மத்ர்போர்டை உருவாக்கினர். இவ்வாறு பல சிப்புகளை ஒன்றி ணைக்கும் தொழிற் நுட்பம் படிப்படியாக வளர ஆரம்பித்ததும் பல சிப்புகளுக்குப் பதிலாக இரண்டு பெரிய சிப்ஸ் அல்லது ஒரே ஒரு பெரிய சிப்பைக் கொண்டு மத்ர்போர்டுகள் அறிமுகமாகின.

சிப்செட்டுகளை Intel, VIA, SiS, ATI, NVIDIA, OPTi என பல நிறுவனங்கள் தயாரிக்கின்றன. Intel நிறுவனம் தயாரிக்கும் ப்ரோஸெஸ்ஸர் போன்று அதன் சிப்செட்டும் அதிக பிரசித்தம் பெற்றது. மத்ர்போட் தயாரிக்கும் நிறுவனங்களே சிப்செட்டுகளையும் தயாரிப்பதாக நீங்கள் எண்ணக் கூடாது.. உதாரண்மாக ஒரு மதர்போட் தயாரிக்குக் நிறுவனம் இண்டெல் நிறுவனத்தின் சிப்செட்டை தமது மதர்போர்டில் பயன்படுத்தியிருக்கலாம். இதற்காக அந்த மத்ர்போர்டை இண்டெல் நிறுவனமே தயாரித்ததாக தவறான எண்ணி விடாதீர்கள்.

மத்ர்போட் தயாரிக்கும் நிறுவனங்களில் ASUS, Gigabyte, MSI, Shuttle, Intel என்பன சில முக்கியமானவையாகும். இவற்றுள் Intel தவிர ஏனைய நிறுவனங்கள் சிப் செட் தயாரிப்பாளர்களிடமிருந்து சிப்செட்டை வாங்கி தமது மத்ர்போர்டை உருவாக்குகின்றன.

கணினியின் செயற் திறனில் சிப்ட்செட் என்பதன் பங்குதான் என்ன?

ஒரு கணினி வாங்கும்போது நாம் ப்ரோஸெஸ்ஸர், மெமரி, ஹாட் டிஸ்க் என்பவற்றிற்கு மாத்திரமே முக்கியத்துவம் கொடுக்கிறோம். கணினியில் பொருத்தப்பட்டுள்ள மதர்போட் என்ன, அதிலுள்ள சிப் செட் ரகம் என்ன, அது எவ்வகையான ப்ரோஸெஸ்சர்கலை ஆதரிக்கும்., எந்த அளவிலான நினைவகத்தை ஆதரிக்கும் என்பன போன்ற விடயங்களையிட்டு நாம் கவலைப் படுவதில்லை. ஆனால் இந்த சிப்செட்டே நாம் பயன் படுத்தக் கூடிய ப்ரோஸெஸ்ஸர், மெமரி, ஹாட் டிஸ்க் என்பவற்றின் வேகம் கொள்ளளவு என்பவற்றைத் தீர்மானிக்கிறது என்பதை நினைவில் கொள்ளுங்கள்.

ப்ரோஸெஸ்ஸர், நினைவகம், உள்ளீடு மற்றும் வெளியீடு செய்யும் சாதனங்கள் போன்றவற்றினிடையே தொடர்பாடலை மேற்கொள்வதிலும் டேட்டா பரிமாற்ற வேகத்தைத் தீர்மானிப்பதிலும் கட்டுப்படுத்துவதிலும் சிப்செட்டுகள் பிரதான பங்கு வகிக்கின்றன.

கணினியில் ஒவ்வொரு பாகங்களிடையே டேட்டா செல்லும் பாதையானது பஸ் (Bus) எனப்படுகிறது,. இந்தப் பாதையில் நெருக்கடி நிகழாமல் சிப் செட்டிலுள்ள பிரிட்ஜ் (Bridge) எனும் பகுதி கவனிக்கிறது. இந்த Bridge இரண்டு பிரதான சிப்புகளைக் கொண்டுள்ளது. இவை North Bridge, South Bridge என அழைக்கப்படுகின்றன. சில சிப் தயாரிக்கும் நிறுவனங்கள் இரண்டு பிரிட்ஜுகளையும் ஒரே ஒரு பெரிய சிப்பாகவும் உருவாக்கி விடுவார்கள். இநத இரண்டு சிப்புகளின் செயற்பாடும் ஒரு கணினியியை இயங்க வைக்க அத்தியாவசியமானவையாகும் இவை இரண்டிலும் ஒரு கணினியின் செயற்பாட்டில் North Bridge மிக முக்கிய பங்காற்றுகிறது. இது சிபியுவுடன் நேரடியாக இணைக்கப் பட்டிருக்கும். சிபியு மற்றும் நினைவகத்தினிடையே தொடர்பாடலை மேற்கொள்ள North Bridge உதவுகிறது. சிபியூ வானது பிரதான நினைவகத்தையோ அல்லது வீடியோ கார்டைடோ நேரடியாக அணுகுவதில்லை. நோத் பிரிட்ஜே மூலமாகவே அப்பகுதிகளை அணுகுகிறது. ப்ரோஸெஸ்ஸசரின் வகை, அதன் வேகம், நினைவகத்தின் வகை, அதன் அள்வு போன்றவற்றையும் North Bridge தீர்மானிக்கிறது.

South Bridge ஆனது சிபியுவுடன் நேரடியாக இணைக்கப்படுவதில்லை. இது North Bridge உடன் தொடர்புற்றிருக்கும் அதே வேளை கணினியில் உள்ளீடு மற்றும் வெளியீட்டு சாதனங்களுக்குப் பொறுப்பாகப் பணியாற்றுகிறது.

உங்கள் கணினியில் பொருத்தப்பட்டுள்ள சிப்செட்டின் வகையென்ன என்பதை அறிந்து கொள்ள விரும்புகிறீர்களா? விண்டோஸ் எக்ஸ்பீ இயங்கு தளத்தில் சிப்செட் விவரங்களைப் பார்வையிடுவதற்கு மை கம்பியூட்ட்ர் ஐக்கன் மேல் ரைட் க்ளிக் செய்து வரும் மெனுவில் Properties தெரிவு செய்யுங்கள். தோன்றும் டயலொக் பொக்ஸில் ஹாட்வெயார் டேபின் கீழ் Device Manager தெரிவு செய்து அங்கு System devices என்பதற்கு இடப்புறம் உள்ள (+) குறியீட்டில் க்ளிக் செய்து அதனை விரித்தால் அங்கு ALI, AMD, Intel, NVidia, VIA, SIS என ஏதேனும் ஒரு சிப்செட் வகையின் பெயரைக் காண்லாம். சிப்செட் ட்ரைவர் முறைப்படி நிறுவியிருந்தால் மாத்திரமே இந்த விவரங்களைக் காண்பிக்கும் என்பதையும் நினைவில் கொள்ளுங்கள்.

-அனூப்-

Sunday, October 24, 2010

Gmail tips


GMAIL  - சில உதவிக் குறிப்புகள்



கூகில் நிறுவனத்தின் இலவச வெப் மெயில் (Web Mail) சேவையான ஜிமெயில் குறுகிய காலத்தில் மின்னஞ்சல் பயனரிடையே அதிக பிரபல்யம் பெற்று விளங்குகிறது. பயனர்களுக்கு அதிக அளவிலான (7 GB) வெற்றிடத்தை தனது சேர்வரில் ஒதுக்கியிருப்பது மட்டுமல்லாது அவ்வப்போது புதுப்புது வசதிகளையும் அறிமுகப்படுத்துவதே இதற்குக் காரணம் எனலாம். ஜிமெயில் வழமையான மின்னஞ்சலோடு ஏராளமான் வசதிகளைகத் த்ருகிறது. குறிப்பாக கூகில் தேடற்பொறியும் ஜிமெயிலில் இணைக்கப்பட்டுள்ளதன் மூலம் மின்னஞ்சல்களை இலகுவாக படிக்கவும் பழைய மெயில்களை தேடவும் நிர்வகிக்கவும் முடிகிறது. இங்கு ஜிமெயில் தரும் நான்கு வசதிகளை உங்களுடன் பகிரலாம் என நினைக்கிறேன்.

ஜிமெயிலிலிருந்து பிற மின்னஞ்சல்களைப் பார்வையிட...

பொதுவாக மின்னஞ்சல் பாவனையாளர்கள் அனைவரும் ஒன்றுக்கு மேற்பட்ட மின்னஞ்சல் கண்க்குகளை வைத்திருப்பது வழக்கம். நான் கூட ஜிமெயில், யாகூ, ஹொட் மெயில் என பல மின்னஞ்சல் கணக்குகளை வைத்திருக்கிறேன். இந்த மின்ன்ஞ்சல்களை நான் Outlook Express எனும் மெயில் க்ளையண்டைப் பயன் படுத்தி பார்வையிடுவதும் அனுப்புவதும் வழக்கம். Outlook, Outlook Express போன்ற இமெயில் க்ளையண்டுகள் பல மின்னஞ்சல் கணக்குகளை ஒரே நேரத்தில் நிர்வகிப்பதற்கான வசதியை வழங்குகின்றன. ஒரே கணியைப் பயன் படுத்துபவர்களுக்கு இந்த இமெயில் க்ளையண்ட் சிறந்த தெரிவுதான். எனினும் மின்னஞ்சல்களைப் பார்வையிட நிரந்தரமாக ஒரு கணினியைப் பயன் படுத்தாதவர்கள் தாம் பயன் படுத்தும் ஒவ்வொரு கணினியிலும் இந்த மெயில் க்ளையண்டுக்கான செட்டிங்க்ஸ் மாற்ற வேண்டியிருக்கும்.

இமெயில் க்ளையண்டுகள் போன்று பல மின்னஞ்சல் கணக்குகளை பார்வையிடவும் நிர்வகிக்கவும் கூடிய வசதியை ஜிமெயில் தருகிறது. இதன் மூலம் உங்கள் பிரவுசரிலேயே ஜிமெயில் மட்டுமல்லாது பிற நிறுவனங்களின் கண்க்குகளுக்கு வரும் மின்னஞ்சல்கலையும் பார்வையிடலாம்.

அதற்குப் பின்வரும் வழி முறையைக் கையாளுங்கள். முதலில் உங்கள் ஜிமெயில் கண்க்கிற்குள் லொகின் செய்து நுளையுங்கள்.. அங்கு Settings க்ளிக் செய்யுங்கள். தோன்றும் விண்டோவில் Accounts டேபில் க்ளிக் செய்து Get mail from other accounts என்பத்ன் கீழுள்ள Add another email account என்பதைக் க்ளிக் செய்யுங்கள். அப்போது ஒரு பொப் அப் விண்டோ தோன்றும்அங்கு பிற மின்னஞ்சல் கணக்கிற்குரிய முகவரியை வழங்கி அடுத்த கட்டம் செல்லுங்கள். அப்போது அதற்குரிய பாஸ்வர்டை வழங்குமாறு கேட்கும். அதனை வழங்கி கீழுள்ள Add Account பட்டனில் க்ளிக் செய்து விடுங்கள்.

ஜிமெயிலில் Signature சேர்ப்பதற்கு....

பொதுவாக நாங்கள் ஒரு கடிதம் அனுப்பும்போது கடிதத்தின் இறுதியில் எங்கள் கையொப்பத்தையும் (signature) இடுவது வழக்கம். அதே போன்று நாம் அனுப்பும் ஒவ்வொரு மின்னஞ்சலிலும் எங்கள் கையொப்பத்தைச் சேர்க்கலாம் என்பதை அறிவீர்களா? ஆனால் கையொப்பமாக எங்கள் பெயரைக் கிறுக்குவதற்குப் பதிலாக பெயர், பதவி, முகவரி, தொலைபேசி இலக்கம், மின்னஞ்சல் முகவரி, இணைய தள முகவரி போன்ற விவரங்களே “மின்னஞ்சல் கையொப்பமாக” சேர்க்கப்படும். இந்த கையொப்பம் நாம் அனுப்பும் ஒவ்வொரு மின்னஞ்சலிலும் தானாக ஒட்டிக் கொள்ளும்.

ஜிமெயிலில் இயல்பு நிலையில் (default) இந்த கையொப்பம் இடும் வசதி செயற்படாது. அதனைச் செயற்பட வைப்பதற்கு முதலில் உங்கள் ஜிமெயில் கணக்கிற்குள் நுளையுங்க்ள். அங்கு Settings க்ளிக் செய்து தோன்றும் விண்டோவில் General டேபின் கீழ் Signature என்பதற்கு எதிரேயுள்ள பெட்டியில் நீங்கள் விரும்பிய விவரங்களை கையொப்பமாக் டைப் செய்து விட்டு அதன் கீழுள்ள Save Changes பட்டனில் க்ளிக் செய்யுங்கள்.

இப்போது நீங்கள் ஒவ்வொரு மின்னஞ்சலிலும் உங்கள் கையொப்ப்ம் தோன்றும். எனினும் நீங்கள் அனுப்பும் சில மெயில்களுக்கு சிக்னேச்சர் சேர்க்க விரும்பாத போது அதனை அனுப்பும் முன்னர் டெலீட் கீயை அழுத்தி அகற்றிக் கொள்ளலாம்.

செய்தியின் நடுவே படத்தை இணைப்பதற்கு....

ஏதேனுமொரு ஆவனத்தை மின்னஞ்சல் இனைப்பாக அனுப்ப முடியும் எனபது நீங்கள் அறிந்ததே. குறிப்பாக ஒரு படத்தை இணைப்பாக அனுப்பும் போது அதனைப் பெறுபவர் அந்த படத்தை டவுன்லோட் செய்தே பார்வையிட வேண்டும். ஆனால் தற்போது ஜிமெயில் அறிமுகப்படுத்தி யுள்ள வசதி மூலம் ஒரு படத்தை ஹாட் டிஸ்கிலிருந்தோ அல்லது ஒரு இணைய தளத்திலிருந்தோ COPY - PASTE செய்யாமலேயே நேரடியாக செய்திக்கு நடுவே Embed செய்து இணைத்து விடலாம்.

அதற்கென Insert Image எனும் பட்டனை மின்னஞ்சலை உருவாக்கும் விண்டோவில் புதிதாக அறிமுகப்படுத்தியுள்ளது. எனினும் இந்த பட்டன் ஜிமெயிலின் வழமையான இடை முகப்பில் தோன்றாது. இந்த வசதியைப் பெற Gmail Labs சென்று அந்த வசதியை செயற்படுத்த வேண்டும்.
Gmail Labs எனப்படுவது புதிய வசதிகளைப் பரீட்சிப்பதற்கான ஜிமெயிலின் ஆய்வு கூடமாகும். இந்த ஜிமெயில் லேப்ஸில் பரீசிக்கப்படுபவை முழுமையாக செயற்பட. ஆரம்பிக்க சிறிது காலம் செல்லலாம் அல்லது எந்நேரத்திலும் கைவிடப்படலாம்.

படத்தை இணைப்பதற்கான வசதியைப் பெற முதலில் உங்கள் ஜிமெயில் கணக்கிற்குள் லொகின் (login) செய்து நுளையுங்கள். அங்கு Settings க்ளிக் செய்யுங்கள். தோன்றும் விண்டோவில் Labs தெரிவு செய்யுங்கள். அங்கு கூகில் எதிர் காலத்தில் அறிமுகப்படுத்தவுள்ள ஏராளமான புதிய வசதிகள் பரிசோதனை நிலையில் இருப்பதைக் காணலாம். (Labs பட்டன் தோன்ற வில்லையானால் உங்கள் பிரவுசரைப் புதுப்பித்துக் . -Update கொள்ளுங்கள்)
Labs க்ளிக் செய்யத் தோன்றும் விண்டோவில் Inserting Images என்பதற்கு எதிரேயுள்ள Enable என்பதைத் தெரிவு செய்து விட்டு கீழுள்ள Save Changes பட்டனில் க்ளிக் செய்யுங்கள். . இப்போது புதிய மின்ன்ஞ்சல உருவாக்கும் (Compose) விண்டோவில் படத்தை இணைப்பதற்கான ஒரு சிறிய பட்டன் தோன்றியிருக்கக் காண்லாம். அந்த பட்டனில் க்ளிக் செய்து உங்கள் படத்தை செய்திக்கு நடுவே சேர்த்து விடலாம்.

அனுப்பிய மெயிலைத் திரும்பப் பெறலாம்


ஒரு இமெயில் அனுப்பிய பிறகு அந்த இமெயிலில் சேர்க்க வேண்டிய சில முக்கியமான விடயங்களை சேர்க்க மறந்து விட்டதை நீங்கள் உணர்ந்து கொள்கிறீர்கள். . இவ்வாறான சந்தர்ப்பத்தில் நீங்கள் அனுப்பிய மெயிலை திரும்பப் பெறக் கூடிய வசதியை ஜிமெயில் அறிமுகப்படுத்தியுள்ளது. ஆனால் அந்த மெயிலை அனுப்பி ஐந்து வினாடிக்குள்ளேயே திரும்பப் பெற வேண்டும். அதற்கு மேல் தாமதிக்கும்போது உரிய இலக்கை உங்கள் மெயில் சென்றடைந்து விடும். இந்த வசதி இன்னும் ஜிமெயில் லேப்ஸில் பரீட்சார்த்த நிலையிலேயே உள்ளது. அதனைச் செயற்படுத்திப் பார்ப்பதற்கு உங்கள் ஜிமெயில் கணக்கிற்குள் லொகின் (login) செய்து Settings க்ளிக் செய்யுங்கள். தோன்றும் விண்டோவில் Labs தெரிவு செய்யுங்கள். அங்கு Undo Send என்பதற்கு எதிரேயுள்ள Enable என்பதைத் தெரிவு செய்து கீழுள்ள Save Changes பட்டனில் க்ளிக் செய்யுங்கள். இப்போது நீங்கள் ஒரு மின்னஞ்ச்ல் அனுப்பியவுடன் வழமையாகத் தோன்றும் Your message has been sent எனும் செய்திக்கு அருகே Undo எனும் பட்டனும் தோன்றக் காணலாம். அந்த பட்டனில் க்ளிக் செய்து அனுப்பிய மெயிலை ரத்துச் செய்து விடலாம்.
-அனூப்-

Sunday, October 10, 2010

Password Secrets


பாஸ்வர்ட் (கடவுச் சொல்) என்பது ஏதேனுமொரு வளத்தை அணுகுவதற் கான அனுமதி பெறுவதற்காக எமது அடையாளத்தை உறுதிப்படுத்த நாம் வழங்கும் எண், எழுத்து, குறியீடு என்பவற்றைக் கொண்ட ஒரு ரகசிய வார்த்தையாகும். ஒரு பாஸ்வர்ட், அதிகாரமற்றவர்கள் எவரும் அவ்வளத்தை அணுக முடியாதவாறு பாதுகாப்பளிக்கிறது.

பாஸ்வர்ட் என்பது உங்கள் உங்கள் பணப் பெட்டிக்குரிய சாவி போன்றது, அது எப்போதும் நீங்கள் மட்டுமே அறிந்த ரகசியமாக இருக்க வேண்டும். அதனைப் பாதுகாக்க வேண்டியது உங்கள் கடமை. உங்கள் பாஸ்வர்டை அறிந்த ஒருவர் உங்கள் கணினியின் பயனர் கணக்கிற்குள் நுளையலாம். உங்கள் பைல்களைப் பார்வையிடலாம். உங்கள் வங்கிக் கணக்கு விவரங்கள், மின்னஞ்சல் விவரங்கள் போன்ற அந்தரங்க விடயங்களைப் பார்வையிடலாம். களவாடலாம். உங்கள் பாஸ்வர்டை அறிந்தவர் உங்களைப் போன்றே செயற்பட முடியும். அதனைப் பயன் படுத்தி சட்ட விரோத செயல்களிலும் கூட ஈடுபடலாம். எனவே யாரோ செய்த குற்றத்திற்காக நீங்கள் தண்டிக்கப்படக் கூடிய சாத்தியமும் உண்டு.

பாஸ்வர்ட் என்பது இன்றைய கணினி யுகத்தில் பரவலாகப் பயன் படுத்தப்படும் ஒரு வார்த்தையாயிருந்தாலும் இந்த வார்த்தைக்கு நீண்ட கால வரலாறு உண்டு. அன்றைய அரசர்களின் காலத்தில் பாதுகாபுப் பணியிலீடுபடும் காவலர்கள் அரசரின் அரண்மனையில் பணியாற்றிய ஊழியர்களுக்குப் பாஸ்வர்ட் வழங்கியிருந்தார்கள். அந்தப் பாஸ்வர்டை அறிந்தவர்கள் மாத்திரமே அரண்மனைப் பிரதேசத்தினுள் நுளைய முடியும். அப்போது அதனை Watchword என்றழைத்தார்கள்.


‘ஆயிரத்தோர் இரவுகள்’ எனும் அரேபியக் கதைகளில் வரும் அலிபாபாவும் நாற்பது திருடர்களும் கதையை நீங்கள் படித்திருக்கலாம். அக்கதையில் வரும் அலிபாபா, திருடர்களின் குகை வாசலைத் திறப்பதற்கு “திற சிம் சிம்” எனும் மந்திரத்தை உச்சரிக்க குகை வாசல் திறந்து கொள்ளும். அவ்வாறே “மூடு சிம் சிம்” எனச் சொல்ல மூடிக் கொள்ளும். இங்கு அலிபாபா பயன் படுத்தியதும் பாஸ்வர்ட்தான். சிறு வயதில் இக்கதைகளை வாசிக்கும் போது இப்படியெல்லாம். கூட நடக்குமா என நான் எண்னியதுண்டு. இக்கதையில் வரும் பாஸ்வர்ட் அப்போதைய கற்பனையாயிருந்தாலும் இன்று அதனை நிஜத்திலும் பார்க்கிறோம்.

சமூக விரோதச் செயல்களில் ஈடுபடும் கும்பல்களிலும் கடவுச் சொற்கள் பயன் படுத்தப்படுவதுண்டு. தங்கள் கூட்டாளிகளிடையே ரகசிய வர்த்தை களையும் அடையாளங்களையும் அவர்கள் பயன்படுத்துவர். . ‘குரு’ படத்தில் கமலஹாசன் கொள்ளைக் காரியிடம் சிகப்பு ரோஜவைக் காண்பித்து தனது அடையாளத்தை நிறூபிப்பார். .

ஒரு பாஸ்வர்ட் எழுத்து வடிவில் மட்டுமின்றி ஒலி வடிவிலோ அல்லது படமாகவோகூட இருக்கலாம். சிவாஜி படத்தில் வரும் ரஜினி தன் கம்பி யூட்டருக்கு குரல் வழி பாஸ்வர்ட் போட்டிருப்பார். அவர் போல் ‘மிமிக்ரி’ செய்தாலும் அது அது ஏற்றுக் கொள்ளாது. அவர் குரலை மட்டுமே அது அடையாளம் (Voice Recognition) கண்டு கொள்ளும்.

இன்றைய கணினி யுகத்தில் பயனர் பெயரும் (User Name & Password) பாஸ்வர்டும் பொதுவாகாப் பயன்படுத்தப்படும் வார்த்தைகளாகி யுள்ளன. கணினி மட்டுமன்றி செல்லிடத் தொலைபேசி, தன்னியக் கப் பண மாற்று இயந்திரம் என (Automated Teller Machine - ATM) பல சாதனங்கள் அதிகாரமற்றவர்கள் எவரும் அணுக முடியாதபடி பாஸ்வர்ட் கொண்டு பாதுகாக்கப்படுகின்றன.


ஒரு சாதாரண கணினிப் பயனர் கணினியைப் பயன் படுத்ததுவதற்கு, மின்னஞ்சல் அனுப்புவதற்கு பெறுவதற்கு, தரவுத் தளங்களை அணுகுவ தற்கு, வலயமைப்பிலுள்ள மற்றுமொரு கணினியை அணுகுவதற்கு. இணைய தளங்களைப் பார்வையிடுவதற்கு என பல தேவைகளுக்காகப் பாஸ் வர்ட்டுகளைப் பயன் படுத்துவார்.

பாஸ்வர்ட் கொண்டு பாதுக்காக்கப்படும் ஒரு சூழலில் பயனர் பெயரையும் உரிய பாஸ்வர்டையும் வழங்கி எமது அடையாளத்தை உறுதிப்படுத்தும் செயற்பாட்டை (log in process) லொகின் எனப்படுகிறது.
பாஸ்வர்டுகளை டைப் செய்யும்போது பக்கத்திலிருப்பவர்கள் அறிந்து கொள்ளாதவாறு உரிய எழுத்துக்களுக்குப் பதிலாக நட்சத்திரக் குறியிடுகளை (asterisk) அல்லது புள்ளிகளையே திரையில் காண்பிக்கப்படும்.

ஒரு பாஸ்வர்ட் எப்போதும் அர்த்தம் கொடுக்கக் கூடிய ஒரு சொல்லாக இருக்க வேண்டிய கட்டாயம் இல்லை. பாஸ்வர்டிலுள்ள எழுத்துக்கள் எந்த ஒழுங்கிலும் இருக்கலாம். எண், எழுத்து மற்றும் குறியீடுகளின் கலவையாக உருவாக்கப்படும் பாஸ்வர்டுகளை இலகுவில் பிறரால் யூகிக்க முடியாததுடன் இவ்வாறு உருவாக்கப்படும் பாஸ்வர்டுகள் வலிமை மிக்கவையாகவும் கருதப்படுகின்றன். .

சில பாஸ்வர்டுகள் பல சொற்களைக் கொண்டதாயுமிருக்கும். இதன கடவுச் சொற் தொடர் (Passphrase) எனப்படும். இலக்கங்கள் மட்டும் கொண்ட இரகசிய வார்த்தைகளும் உண்டு, இதனைப் பாஸ் கோட் (Passcode) அல்லது Personal Identification Number (PIN) எனப்படும்.

ஒரு பாஸ்வர்ட் எங்கள் அந்தரங்கத்துக்கும் தனித்துவத்துக்கும் பாதுகாப்பை வழங்கினாலும் இந்தப் பாஸ்வர்ட் எமது பலவீனத்தால் எங்களை அறியாமலேயே களவாடப்படுவதாலும் மறந்து போவதாலும் எம்மைச் சில வேளைகளில் சிக்கலில் மாட்டி விடுவதுண்டு.

ஒரு சிறந்த பாஸ்வர்டைத் தெரிவு செய்வதும் சற்றே சிரமமான விடயம்தான். இன்றைய கணினி உலகில் பல விதமான தேவைகளுக்குப் பாஸ்வர்டுகளை உருவாக்க வேண்டிய அவசியம் ஏற்படுகிறது, ஒவ்வொரு தேவைக்கும் வெவ்வேறு பாஸ்வர்டுகளை உருவாக்கி விட்டு அவற்றை நினவில் வைத்திருப்பதும் சிரமமான விடயம்தான். . இதனாலேயே பலரும் மோசமான பாஸ்வர்டுகளைத் தெரிவு செய்து விடுகிறார்கள்.

சிறந்த பாஸ்வர்டைத் தெரிவு செய்வதற்கு ....

  • பொதுவாக பாஸ்வர்ட் என்பது சுலபமாக ஞாபகத்தில் வைக்கக் கூடியதாகவும் டைப் செய்யக் கூடியதாகவும் சுருக்கமாகவும் இருப்பது நல்லது.
  • பாஸ்வர்டில் ஆங்கில் எழுத்துக்கள் மட்டுமல்லாது இலக்கங்களையும் குறியீடுகளையும் சேர்த்துக் கொள்ளுங்கள்.
  • ஆங்கில பெரிய எழுத்து (Uppercase) சிறிய எழுத்து (Lowercase ) இரண்டையும் கலந்து உருவாக்குங்கள்
  • குறைந்தது எட்டு எழுத்துக்கள் கொண்டதாக நீளமாக உருவாக்கிக் கொள்ளுங்கள்.
  • இரண்டு சொற்களுக்கிடையே ஒரு கீபோர்ட் குறியீட்டை நுளைத்துக் கொளளுங்கள். உதாரணம் rama%seetha
  • ஒரு சொல்லுக்கான எழுத்துகளைப் பிழையான ஒழுங்கில் சேர்த்தும் (misspelling) உருவாக்கலாம். உதாரண்மாக braekfast, copmuter
  • இலகுவில் நினவில் வைக்கக் கூடியதாகவும் டைப் செய்யக் கூடியதாகவும் உருவாக்கிக் கொள்ளுங்கள். @G7x.m^l என்பது ஒரு சிறந்த பாஸ்வர்டாகத் தோன்றினாலும் இதனை நினைவில் வைத்திப்பது கடினமாகும்.
  • இலகுவாகவும் விரைவாகவும் டைப் செய்யக் கூடியவாறு பாஸ்வர்டை உருவாக்குங்கள். இதன் மூலம் பக்கத்திலிருப்பவர் பார்த்து விடுவதைத் தவிர்க்கலாம். எனினும் சிலர் உங்கள் விரலசைவைக் கொண்டும் பாஸ்வர்டை யூகித்து விடுவார்கள.
  • நினைவில் வைக்க இலகுவாக ஒரு பழமொழி அல்லது உங்களுக்குப் பிடித்த ஒரு பாடலின் முதல் வரியிலுள்ள சொற்களின் முதல் எழுத்துக்களைக் கொண்டும் ஒரு பாஸ்வர்டை உருவாக்கிக் கொள்ளலாம்.
  • சிறந்த பாஸ்வர்டுகளை உருவாக்குவது சிரமம் என நினைப்பவர்கள் அதற்கென மென்பொருள் கருவிகளைப் பயன் படுத்தலாம்.

பாஸ்வர்டைப் பாதுகாப்பதற்கு...

  • பாஸ்வர்டை எப்போதும் ரகசியமாகவே வைத்திருங்கள். சில வேளை அவசர தேவையாக பாஸ்வர்டை பிறரிடம் சொல்ல வேண்டி நேரிட்டால் அந்த தேவை முடிந்த பிறகு உடனடியாக அதனை மாற்றி விடுங்கள்.
  • மின்னஞ்சல் அனுப்ப பெற பிறர் கணினியைப் பயன் படுத்தும்போது உங்கள் பாஸ்வர்ட் அக்கணினியில் சேமிக்ப்படாதவாறு பார்த்துக் கொள்ளுங்கள். ஏனெனில் அவ்வாறு சேமிக்கப்பட்டு விட்டால் அதனைக் கொண்டு உங்கள் மின்னஞசல் கணக்கிற்குள் பிறறால் இலகுவாக நுளைந்து விடலாம். அதிலிருக்கும் இன்னொரு அபாயம் அதனைக் கொண்டு உங்கள் பாஸ்வர்ட் என்ன என்பதை கொஞ்சம் விஷயம் தெரிந்தவர்களால் க்ரேக் (Crack) செய்து கண்டு பிடிக்கவும் முடியும். எவ்வகையான பாஸ்வர்டையும் க்ரேக் செய்து கண்டு பிடிக்கலாம் என்பதை நினைவில் கொள்ளுங்கள். அதற்கென மென்பொருள் கருவிகளும் ஏராளம் உள்ளன.
  • மின்னஞ்சல் அனுப்ப பெற பிறர் கணினியைப் பயன் படுத்தினால் லொகின் செயற்பாட்டின்போது உங்கள் பாஸ்வர்டைக் கணினியில் சேமிக்க வேண்டுமா எனக் கேட்கும் போது அதற்கு ‘நோ’ சொல்லி விடுங்கள்
  • பாஸ்வர்டை கணியில் டெக்ஸ் பைலாக சேமித்து வைக்காதீர்கள். கணினியில் சேமிப்பதனால் அந்த பைலை என்கிரிப்ட் (Encrypt) செய்து சேமியுங்கள். என்கிரிப்ட் எனப்படுவது பாதுகாப்புக்காக ஒரு பைலை வேறொரு வடிவிற்கு மாற்றுவதாகும்.
  • கீபோர்டின் கீழோ, சுவரிலோ, கணினி மேசையிலோ பாஸ்வர்டை எழுதி வைக்காதீர்கள். காகிதத்தில் எழுதி வைக்க வேண்டிய தேவை ஏற்பட்டால் அதனை பாதுகாப்பான இடத்தில் வையுங்கள்,
  • பிறறால் யூகிக்க முடியாதவாறு பாஸ்வர்டை உருவாக்கிக் கொள்ளுங்கள். பிறரால் யூகிக்கக் கூடியவாறு உங்கள் பெயர், தொலைபேசி இலக்கம், வாகன் இலக்கம், பிறந்த திகதி, போன்ற உங்கள் சுய விவரங்களைப் பாஸ்வர்டாகப் பயன் படுத்துவதைத் த்விர்த்துக் கொள்ளுங்கள்..உங்கள் பெயரின் ஒரு பகுதியை இலகுவாக நினைவில் வைத்திருக்கலாம். ஆனால் அதனை பிறரால் இலகுவாக யூகித்து விடமுடியும்..
  • பாஸ்வர்டை இரண்டு அல்லது மூன்று மாதங்களுக்கொருமுறை மாற்றிக் கொள்ளுங்கள்.
  • முன்னர் பயன் படுத்திய பாஸ்வர்டுகளை மறுபடியும் பயன் படுத்தாதீர்கள்.
  • பிறர் பார்த்துக் கொண்டிருக்கும் போது பாஸ்வர்டை டைப் செய்யாதீர்கள்
  • உங்கள் பாஸ்வர்டை யாரும் பார்த்து விட்டதாக சந்தேகித்தால் உடனடியாக அதனை மாற்றி விடுங்கள்.
  • ஒரே பாஸ்வர்டை பல்வேறு தேவைகளுக்காகப் பயன் படுத்தாதீர்கள்.
  • பாஸ்வர்டை மின்னஞ்சலில் அனுப்பி விடாதீர்கள்

நீங்கள் செய்யக் கூடாதவை.

  • நீங்கள் வழங்கும் எந்த ஒரு பாஸ்வர்டையும் க்ரேக் செய்து கண்டு பிடிக்கலாம். எனினும் கீழுள்ளவாறு பாஸ்வர்டுகளை உருவாக்குவது க்ரேக் செய்ய நினைப்பவர்களுக்கு அவர்களின் வேலையை மேலும் இலகுவாக்கிவிடலாம்.
  • கீபோர்டில் உள்ள ஒழுங்கில் எழுத்துக்களை வரிசையாகவோ வலமிருந்து இடமாகவோ வருமாறு பாஸ்வர்டை உருவாக்காதீர்கள். உதாரணம் qwerty, 12345, 54321 god, love, admin, qwerty, secret, password போன்ற சொற்களைப் பாஸ்வர்டாகப் பயன் படுத்துவதைத் தவிருங்கள்
  • ஒரே எழுத்தை மீண்டும் மீண்டும் பயன்படுத்தாதீர்கள்.. zzzzz
  • ஆங்கில அகராதியிலுள்ள சொற்களைத் தவிர்த்துக் கொள்ளுங்கள்.


இந்தக் ஆக்கத்தை எழுதிக் கொண்டிருக்கும் போது ஒரு நண்பர் என்னைத் தொலைபேசியில் அழைத்தார். ஏன் என்று கேட்டேன். நேற்றுத்தான் முதன் முதலாக மின்னஞ்சல் கணக்கொன்றை ஆரம்பித்தாராம். அந்த மின்னஞ்சல் கணற்றிற்குள் செல்வதற்கு பாஸ்வர்டை எத்தனை முறை டைப் செய்தாலும் புள்ளிகளாகவே காண்பிக்கிறதாம். கீபோர்டை மாற்ற வேண்டுமா எனக் கேட்டார்.

-அனூப்-

Sunday, September 26, 2010

When you scan an image..


ஒரு படத்தை Scan செய்திட முன்னர்


புகைப்படம் ஒன்றை ஸ்கேன் செய்வதன் மூலம் அப்படத்தின் டிஜிட்டல் பிரதியொன்றைப் பெறுவது மாத்திரமல்லாமல் அதனை மேலும் மெருகூட்டல், தேவையற்ற பகுதிகளை நீக்குதல், மின்னஞ்சலில் பறிமாறிக் கொள்ளல், அந்தப் படத்திலிருந்து மேலும் பிரதிகளைப் பெறல், அல்லது அளவில் பெரிதாகவோ சிறிதாகவோ அச்சிட்டுக் கொள்ளல் என பல வசதிக்ள் கிடைக்கப் பெறுகின்றன.

ஸ்கேனர் மூலம் அச்சிட்ட படங்களை மட்டுமன்றி நெகடிவ் (Film Negative) மற்றும் ஸ்லைடுகளையும் (Slides) கூட ஸ்கேன் செய்யலாம். எனினும் அதற்கு ஸ்கேனரில் TMA எனும் Transparent Materials Adapter பொருத்தப்பட்டிருத்தல் வேண்டும்..

ஸ்கேனர் கொண்டு ஒரு படத்தை ஸ்கேன் செய்வதொன்றும் கடினமான வேலையல்ல என்பதை நீங்கள் அறிவீர்கள். எனினும் சிறந்த முறையில் ஸ்கேன் செய்வதற்கு ஸ்கேனர் ரெசலுயூசன், பைல் படிவம் போன்றவற்றை பொருத்தமான முறையில் மாற்றியமைக்கவும் அறிந்திருத்தல் அவசியம்

ஒரு படத்தை ஸ்கேன் செய்வதற்கு முன்னர் அதனை என்ன தேவைக்காகப் பயன் படுத்தப் போகிறீர்கள் என்பதனை முதலில் தீர்மானித்துக் கொள்ள வேண்டும். அதன் பிறகு ஸ்கேன் செய்வதற்குப் பொருத்தமான ஸ்கேனர் ரெசலுயூசனையும் பைல் வடிவத்தையும் மாற்றியமைக்க வேண்டும். .

ஒரு படத்தின் தரமானது dpi (dots per inch) அல்லது pixels per inch (ppi) இல் அளவிடப்படுகிறது. ஒரு படத்தை ஸ்கேன் செய்யும்போது இந்த பிக்சல் எனும் புள்ளிகள் முக்கிய பங்கு வகிக்கின்றன. இதனை ஸ்கேனர் ரெசலுயூசன் Scanner resolution எனவும் அழைக்கப்படும்.


படத்தின் தெளிவுத் திறனைக் குறிப்பதற்கே ரெசலுயூசன் எனும் வார்த்தை பயன்படுகிறது திரையில் படங்களும் எழுத்துக்களும் பிக்ஸல் (Pixel) எனப்படும் புள்ளிகளின் சேர்க்கையினாலேயே உருவாக்கப் படுகின்றன. Pixel எனும் சொல் Picture Elements எனும் இரு வார்த்தைகளிலிருந்து உருவானது. பிக்ஸல்களின் எண்ணிக்கையையே ரெசலுயூசன் (Resolution) எனப்படுகிறது. ஒரு சதுர அங்குலத்திலுள்ள புள்ளிகளின் அல்லது பிக்சல்களின் எண்ணிக்கையை dpi அல்லது ppi குறிக்கிறது

ஒரு படத்தை உருவாக்கும் பிக்ஸல்களின் எண்ணிக்கை அதிகமாயிருப்பின் அந்தப் படம் திரையிலும் அச்சு வடிவிலும் தெளிவாகத் தோன்றும். அதிக என்ணிக்கையிலான் பிக்சல் கொண்டு ஒரு படம் உருவாக்கப்படுமாயின் அது உயர் ரெசலுயூஸன் (High Resolution) கொண்ட படமாகக் கருதப்படும்..

அதற்காக அதிக ரெசலுயூசனில்தான் ஒரு படத்தை ஸ்கேன் செய்ய வேண்டும் என்பது அர்த்தமல்ல். ரெசலுயூசன் அதிகரிக்கும்போது பைல் அளவும் கணிசமான அளவு அதிகரிக்கும். இவ்வாறு அதிக எண்ணிக்கையிலான படங்களை ஸ்கேன் செய்யும்போது ஹாட் டிஸ்கிலும் அதிக இடத்தை அவை நிரப்பி விடும். எனவே பைல் அளவு சிறிதாக இருக்கும்போது அதிக எண்ணிக்கையிலான படங்களை கணினியில் சேமிக்க முடியும். அத்தோடு குறைந்த பைல் அளவு கொண்ட பைல்களை மின்னஞ்சலிலும் விரைவாகப் பரிமாறிக் கொள்ளளாம்.

படத்தை கணினித் திரையில் மட்டும் பார்வையிடுவதாயின் குறைந்த ரெசலுயூசனில் ஸ்கேன் செய்து கொள்ளுங்கள். மின்னஞ்சல் இணைப்பாக அனுப்புதல், இணைய தளங்களில் பயன் படுத்துதல், டெஸ்க்டொப்பை அலங்கரித்தல் போன்ற தேவைகளுக்கு 75 முதல் 100 வரையிலான DPI கொண்ட ரெசலுயூசனும் அச்சிடும் தேவைகளுக்கு 300 DPI கொண்ட ரெசலுயூசனும் ஸ்கேன் செய்வதில் பின்பற்றப்படும் பொதுவான அளவீடுகளாகும்.

அடுத்து ஸ்கேன் செய்த படங்களை கணினியில் என்ன வடிவத்தில் (File format) சேமிக்க வேண்டும் என்பதிலும் கவனம் செலுத்த வேண்டும். ஸ்கேன் செய்த படத்தை பல பைல் போமட்டுகளில் சேமித்துக் கொள்ள முடியும். படங்களை சேமிக்கவென .jpeg, gif, .png, .bmp, .tiff என ஏராளமான பைல் வகைகள் பயன் பாட்டில் உள்ளன. ஒரு பைல் போமட்டை அதன் நீட்டிப்பிலிருந்து (File Extension) அறிந்து கொள்ளலாம். ஒரு பைல் பெயருக்கு பின்னால் இணைந்து வரும் மூன்று அல்லது நான்கு எழுத்துக்கள் கொண்ட பகுதியே (.jpeg, .gif, .tiff) பைல் எக்ஸ்டென்சன் எனப்படுகிறது.

எந்த பைல் போமட்டில் சேமிப்பதென்பதைத் தீர்மாணிக்க முடியாதபோது முதலில் .tiff (Tagged Image File Format ) வடிவிலும் பின்னர் .jpeg (Joint Photographic Experts Group) வடிவிலும். சேமித்துக் கொள்ளுங்கள். படத்தை எதற்காகப் பயன் படுத்தப் போகிறீர்கள் என்பதிலேயே பைல் வடிவமும் சர்ந்துள்ளது. .tiff பைலின் அளவு .jpeg பைல் அளவிலும் அதிகமா யிருக்கும். அதனால் அவை ஹாட் டிஸ்கில் அதிக இடத்தைப் பிடித்துக் கொள்ளும். எனினும் .tiff பைல்கள் .jpeg பைல்களை விடவும் அதிக தெளிவுத்திறன் கொண்டதாயிருக்கும் அத்தோடு பட்த்தைப் பெரிதாக்கி (Enlarge) சிற்ந்த தரத்தில் அச்சிட்டுக் கொள்வதாயின் ..tiff பைல் வடிவம் பொருத்தமாகும். , படத்தை அச்சிட வேண்டிய தேவையிருப்பின் அதனை அதிக ரெசலுயூசனில் ஸ்கேன் செய்ய வேண்டும். உதாரண்மாக 4 x 6 சதுர அங்குல அளவு கொண்ட ஒரு படத்தை 8.5 x 11 சதுர அங்குல அளவில் பெரிதாக்கி அச்சிட வேண்டுமாயின் 600 DPI இல் ஸ்கேன் செய்து .tiff வடிவில் சேமிக்க வேண்டும்.

படத்தை பெரிதாக்காமல் அச்சிடவேண்டுமெனின் 300 DPI பொருத்தமான அளவாகும். அத்தோடு அதனை சேமிப்பதற்கு .jpeg பைல் வடிவமும் பொருத்தமாகும்.
ஸ்கேனர்களை உயிர்ப்பிப்பதற்கான மென்பொருள் TWAIN (Technology Without An Interesting Name) எனப்படுகிற்து. இது ஸ்கேனர் ட்ரைவர் மென்பொருளுக் கும் ஸ்கேன் செய்யும் எப்லிகேசனுக்கு மிடையேயிலிருந்து செயற்படுகிறது. ஸ்கேனர் தயாரிக் கும் நிறுவனம் வழங்கும் எப்லிகேசனிலிரிந்து மட்டுமல்லாது ஸ்கேன் செய்யும் வசதியுள்ள எந்தவொரு எப்லிகேசனிலிருந்தும் ஸ்கேனரை இயக்குவதற்கான வசதியை TWAIN வழங்குகிறது.. அனேகமான கிரபிக்ஸ் மென்பொருள்களில் ஸ்கேன் செய்யும் வசதி இணைக்கப் பட்டுள்ளது. எம்.எஸ்.வர்டிலும் ஸ்கேனரிலிருந்து நேரடியாகவே ஒரு படத்தை ஆவணத்தில் நுளைக்கலாம். விண்டோஸ் இயங்கு தளத்தில் கூட இந்த வசதி இணைந்து வருகிறது,

விண்டோஸ் எக்ஸ்பீயில் ஒரு படத்தை ஸ்கேன் செய்வதற்குப் பின்வரும் வழிமுறையைக் கையாளுங்கள். ஸ்கேன் செய்ய வேண்டிய படத்தை ஸ்கேனரில் வைத்து விட்டு மை கம்பியூட்டர் திறந்து கொள்ளுங்கள். அங்கு உங்கள் கணினியில் நிறுவியுள்ள ஸ்கேனரைக் காண்பிக்கும். அதன் மேல் ரைட் க்ளிக் செய்து வரும் மெனுவில் Get picture using scanner wizard தெரிவு செய்யுங்கள். அல்ல்து Start à Programs à Accessories ஊடாக Scanner and Camera wizard தெரிவு செய்யுங்கள். அப்போது ஒரு விஷர்ட் தோன்றி உங்களை வழி ந்டாத்தும்.

முதல் விண்டோவில் Next பட்டனில் க்ளிக் செய்யுங்கள். அடுத்து தோன்றும் விண்டோவில் Custom Settings பட்டனில் க்ளிக் செய்து தேவையான அளவு ரெசலுயூசனை மாற்றியமைத்து விட்டு Preview பட்டனில் க்ளிக் செய்யுங்கள். அப்போது படத்தை ஸ்கேன் செய்த பிறகு எவ்வாறு தோன்றும் என காண்பிக்கும்.. அங்கு. படத்தில் ஸ்கேன் செய்ய வேண்டிய பகுதியைத் தெரிவு செய்து விட்டு Next க்ளிக் செய்யுங்கள். இவ்வாறு தெரிவு செய்யாதவிடத்து படம் முழுமையாக ஸ்கேன் செய்யப்படும். அடுத்து தோன்றும் விண்டோவில் ஸ்கேன் செய்த படத்தை சேமிக்க வேண்டிய இடம், பைல் பெயர் மற்றும் பைல் வடிவம் என்பவற்றை வழங்கி நெக்ஸ்ட் பட்டனில் க்ளிக் செய்ய ஸ்கேனிங் செயற்பாடு ஆரம்பிக்கும்.

-அனூப்-

Sunday, September 19, 2010

How to recover folder options ?


Folder Options   மீளப்பெறுவது எப்படி?

விண்டோஸ் இயங்கு தளத்தில் ஒரு போல்டரைத் திறந்ததும் அதன் மெனு பாரில் Tools மெனுவின் கீழ் Folder Options எனும் கட்டளை இருப்பதை அவதானித்திருப்பீர்கள். சில வேளை கணினி வைரஸ் தாக்குதலுக்குட்பட்டிருந்தால் இந்தக் கட்டளையை காண முடியாதிருக்கும். இதனால் போல்டரில் மாற்றங்கள் செய்ய முடியாது திண்டாடிய அனுபவம் உங்களுக்கும் ஏற்பட்டிருக்கலாம்.

இந்த Folder Options கட்டளையை மீளப் பெற வேண்டுமானால் முதலில் ரன் பொக்ஸில் gpedit.msc என டைப் செய்து ஓகே சொல்லுங்கள். அப்போது தோன்றும் Group Policy விண்டோவின் இடது புறம் user configuration - Administrative Templates - windows components - ஊடாக Windows Explorer தெரிவு செய்யுங்கள். அப்போது அந்த விண்டோவின் வலப்புறம் Removes the Folder Options menu item from the Tools menu எனும் கட்டளையைக் காணலாம். அதன் மேல் ரைட் க்ளிக் செய்து properties தெரிவு செய்யுங்கள். அப்போது தோன்றும் டயலொக் பொக்ஸில் செட்டிங்ஸ் டேபின் கீழ் Disabled என்பதைத் தெரிவு செய்து ஓகே சொல்லி விடுங்கள்.

-அனூப்-

How to recover MS-Office Settings ?

MS-Office  இல் Settings  மீளப்பெறுவது எப்படி?

மைக்ரோஸொப்ட் ஒபிஸ் மென்பொருள் பொதியைப் பயன் படுத்தும் நீங்கள் வர்ட், எக்ஸல் போன்ற மென்பொருள்களில் பல மாற்றங்களை அவ்வப்போது உங்கள் வசதிக்கேற்ப செய்திருப்பீர்கள். உதாரணமாக நீங்கள் எம்.எஸ்.வர்டில் Auto Correct, Themes, Toolbars, Dictionaries, Signatures, Email Account Profiles, Security Preferences போன்ற வற்றில் பல மாற்றங்களைச் செய்திருக்கலாம். . இவ்வாறு செட்டிங்ஸில் பல மாற்றங்களைச் செய்து பணியாற்றி வரும் வேளையில் திடீரென உங்கள் கணினி பழுதடைந்து விட்டாலோ அல்லது ஒபிஸ் மென்பொருளை மறுபடி நிறுவ வேண்டி ஏற்பட்டாலோ அல்லது புதிய கணினிக்கு மாறிவிட்டாலோ நீங்கள் செய்த செட்டிங்ஸ் அனைத்தையும் மறுபடியும் உருவாக்க வேண்டியிருக்கும்.

இது போன்ற சந்தர்ப்பங்களில் நீங்கள் செய்த செட்டிங்ஸ் அனைத்தையும் மீளப்பெறும் வசதி எம்.எஸ்.ஒபிஸ் மென்பொருளில் இணைக்கப்பட் டுள்ளது.  இதன் மூலம் நீங்கள் செய்த மாற்றங்களை முன்கூட்டியே ஒரு பைலில் சேமித்து விட்டு அந்த பைலிருந்து அதே கணினியிலிலோ அல்லது வேறொரு கணினியிலோ செட்டிங்ஸை மீளப்பெறலாம். அதற்குப் பின்வரும் வழிமுறையைக் கையாளுங்கள்.

முதலில் Start \ Programs \ Microsoft Office \ Microsoft Office Tools ஊடாக Microsoft Office 2003 Save My Settings Wizard தெரிவு செய்யுங்கள்.

அப்போது ஒரு விசர்ட் தோன்றி உங்களை வழி நடாத்தும். அதில் Next க்ளிக் செய்து வரும் விண்டோவில் Save the settings from this machine என்பதைத் தெரிவு செய்து அடுத்த கட்டத்திற்குச் செல்லுங்கள்.

அப்போது தோன்றும் விண்டோவில் உங்கள் செட்டிங்ஸ் அனைத்தையும் ஒரு பைலாக சேமிக்க வெண்டியு இடத்தைக் காண்பித்து விட்டு Finish பட்டனில் க்ளிக் செய்யுங்கள்.

இந்த பைல் சேமிக்கப்படும் இடத்தை நினைவில் வைத்திருங்கள். ஏனெனில் மறுபடி இதே விசர்ட் மூலம் செட்டிங்ஸை மீளப் பெற அந்த பைல் இருக்கும் இடத்தைக் காண்பிக்க வேண்டியிருக்கும்.

செட்டிங்ஸ் அனைத்தும் சேமிக்கப்படும் செயற்பாடு முடிவடைந்ததும் Exit பட்டனில் க்ளிக் செய்யுங்கள். .எஸ்.ஒபிஸ் செட்டிங்ஸ் அனைத்தையும் ஒரு புதிய கணினிக்கு மாற்றுவதாயின் அந்த பைலை ஒரு பென் ட்ரைவில் ஏற்றிக் கொள்ளுங்கள். புதிய கணினியில் உங்கள் செட்டிங்ஸை மீளப்பெறுவதற்கு முன்னர் மேற் சொன்ன அதே வழியில் சென்று அதே விஷ்ர்டைத் திறந்து அங்கு Restore previously saved settings to this machine என்பதைத் தெரிவு செய்து அடுத்த கட்டங்களுகுச் செல்லுங்கள். சில வினாடிகளில் எம்.எஸ்.ஒபிஸ் மீள ஒழுங்கமைக்கப்படும்.

Friday, August 27, 2010

Computer Jobs

இவர்கள் என்ன ‘வேலை’ செய்கிறார்கள்?

இன்றைய நவீன உலகில் கணினியின் பயன்பாடு பாரிய வளர்ச்சி கண்டு வருகிறது. . அரசு மற்றும் தனியார் நிறுவனங்ளில் நடை பெறும் கருமங்கள் யாவும் கணினியையே முற்று முழுதாய் சார்ந்திருக்கின்றன. சுய தொழில் முயற்சிகளிலும் கணினி அளப்பரிய சேவையாற்றுகிறது. .

கணினித் துறையில் ஏற்பட்டு வரும் வளர்ச்சியானது ஏராளமான தொழில் வாய்ப்புக்களையும் கணினித் துறையில் உருவாக்கி வருகிறது. . கணினியின் வருகையினால் பல பேர் தங்கள் வேலைகளை இழக்க நேரிடும் என கணினி கண்டு பிடிக்கப்பட்ட காலத்தில் அஞ்சப்பட்டது. ஆனால் அந்த அச்சம் ஒரு மாயை இப்போது நிறூபிக்கப்பட்டுள்ளது,. ஏனெனில் இந்தக் கணினியே இப்போது பலவேறு பட்ட தொழில் வாய்ப்புக்களை வழங்கி வருகிறது,

கனினித் துறையில் System analyst, Programmer, Network Administrator. என ஏராளமான தொழில் வாய்ப்புகள் இருக்கின்றன. இங்கு ஒரு சில முக்கிய கணினிசார் தொழில்களை இங்கு விவரிக்கலாம் என நினைக்கிறேன். இங்கு நான் கணினி சார் தொழிலாளர்கள் மேற்கொள்ளும் சில பொதுவான பணிகளையே குறிப்பிடுகிறேன், நான் சொல்லியிருப்பவை தவிர அவர்கள் பணியாற்றும் நிறுவனங்களுக்கேற்ப மேலதிக பொறுப்புக்களையும் அவர்கள் வகிக்கக் கூடும் என்பதையும் நினைவில் கொள்ளுங்கள். உதாரணமாக ஆசிரியராகப் பணியாற்றும் நான் வகுப்பறைக் கற்பித்தலுக்கு மேலதிகமாக சில வேலை துடைப்பங் கட்டையையும் கையிலெடுக்க வேண்டி ஏற்படுவதுண்டு.

System Analyst
ஒரு நிறுவனம் தனது தகவல் முறைமையை மாற்றியமைக்கும் போதோ அல்லது புதிதாக ஒரு தகவல் முறைமையை உருவாக்கும் பொதோ அப்பொறுப்பை சிஸ்டம் எனலிஸ்டிடமே கையளிக்கும். சிஸ்டம் எனலிஸ்ட் என்பவர் அந்நிறுவனத்திற்கு எவ்வாறான ஒரு தகவல் முறைமை அவசியம் என்பதை பல் வேறு பட்ட ஆய்வுகளை நடாத்தி ஒரு தீமானத்திற்கு வருவார். கணினிக்கு எவ்வாறு டேட்டா வந்தடையும், .அந்த டேட்டவை எவ்வாறன செயற்பாடுகளுக்குட் படுத்தவேண்டும் தகவல் எவ்வாறு நிறுவன வாடிக்கையாளர்களையோ அல்லது நிறுவன ஊழியர்களையோ சென்றடையும் போன்ற பல விடயங்களைத் திட்டமிடுவார். இறுதித் தீர்மானத்திற்கு வந்த பின்னர் அதற்கு ஏற்றவாறு ஒரு மென்பொருளை உருவாக்கும் பொறுப்பை கனினி ப்ரோக்ரமர்களிடம் கையளிப்பார்.. கணினித் துறையில் உச்ச நிலையில் இருப்பர்வர்கள் இந்த சிஸ்டம் எனலிஸ்ட் என்பது குறிப்பிடத் தக்கது. Programmerகணினி நிரல்களை (Programs) உருவாக்குபவரே ப்ரோக்ரமர் எனப்படுகிறார். கணினி நிரல்களை உருவாக்குவதோடு அவற்றைப் பரீட்சித்தல் பராமரித்தல், மேம்படுத்தல் போன்ற பல பொறுப்புக்களைக் கொண்டிருப்பர். ஒரு ப்ரோக்ரமர் ஜாவா, விஷுவல் பேசிக் , சீ போன்ற கணினி மொழிகளில் தேர்ச்சி பெற்றவராக இருப்பர். ப்ரோக்ரமர்

Software Developer
ஸொப்ட்வெயர் டெவலப்பரும் கணினி நிரல்களை உருவாக்கும் ப்ரோக்ரமர் போன்றவரே. எனினும் டெவலப்பரின் பணி இன்னும் அதிகமாகும். ஒரு ப்ரோக்ரமர் என்பவர் ஒரு பாரிய பிரச்சினையின் ஒரு பகுதிக்குரிய ப்ரோக்ரமை உருவாக்குவார். எனினும் டெவலப்பர் என்பவர் அந்தப் பாரிய பிரச்சினையின் ஒவ்வொரு பகுதிக்கும் என உருவாக்கப்பட ப்ரொக்மகளை ஒன்று சேர்த்து ஒரு முழுமையான மென்பொருளை உருவாக்கும் ஆற்றலைக் கொண்டிருப்பார். அத்தோடு அந்த மென்பொருளைப் பரீட்சித்தல் பராமரித்தல், மேம்படுத்தல் போன்ற பல பொறுப்புக்களையும் கொண்டிருப்பர்

Database administrators
ஒரு நிறுவனம் வெற்றிகரமாக இயங்குவதற்குத் தேவையான தகவல்களை நிர்வகிப்பது இவரின் கடமையாகும். தரவுத் தள நிர்வாகிகள் தரவுத்தள நிர்வாக மென்பொருளொன்றுடன் பணியாற்றுவர். தரவுத் தளமொன்றை உருவாக்குதல், தரவுகளை சேமித்தல், ஒழுங்கமைத்தல், பகுப்பாய்வு செய்தல் மற்றும் தரவுகளை முன் வைத்தல், பாதுகாத்தல் போன்ற பல செயற்பாடுகளை நிர்வகிக்கும் பொறுப்பைக் கொண்டிருப்ப்ர்.

Systems Administrators
ஒரு நிறுவனத்தின் கணினி முறைமை திறம்பட செயலாற்றுவதைக கண்காணிப்பது Systems administrators களின் பணியாகும். அதாவது கணினி மற்றும் கணினியோடு இனைந்த துணைச் சாதனங்கள், கணினி வலையமைப்பு, மென்பொருள், போன்றன முறையாக இயங்குவதை உறுதி செய்வது போன்ற கடமைகள் இவருக்குரியது. கணினி முறைமையில் சிக்கல் தோன்றும்போது அவற்றை கண்டறிந்து உரிய நடவடிக்கை யெடுப்பதுடன் சில வேளைகளில் வலையமைப்புக்களைக் கண்காணிப்பதோடு அவற்றின் பாதுகாப்புக்கும் பொறுப்பாக இருப்பார்.

Network Administrator
ஒரு நிறுவனத்தின் கணினி வலையமைப்பை நிர்வகிப்பது இவரின் பணியாகும். கணினி வலையமைப்பு முறையாக இயங்குவதைக் கண்காணிப்பதோடு வலையமைப்பில் பயன் படுத்தப்படும் வன்பொருள்கள் மற்றும் மென்பொருள்களைக் கண்கானிப்பதோடு அதிகாரமற்ற எவரும் தமது கனினி வலையமைப்பினுள் உட்புகா வன்ணம் பாதுகாப்பதும் இவரின் கடமையாகும்.. வலையமைப்பு நிர்வாகிகளுக்கு வலையமைப்புச் சாதனக்கள், வலையமைப்பு மென்பொருள், மற்றும் வலையமைப்பு நியதிகள் (பபுரட்டகோல்) போன்ற வற்றில் போதிய தேர்ச்சியிருத்தல் வேண்டும்.

Network Engineer
ஒரு நிறுவனத்திற்குரிய உள்ளக வலையமைப்பு (LAN), பரந்த வலையமைப்பு (WAN), இணையம், அக இணையம் (intranets) போன்ற கணினி வலையமைப்புக்களையும் மற்றும் தொடர்பாடல் முறைகளையும் உருவாக்குபவரே வலையமைப்புப் பொறியியலாளர் ஆவார். நிறுவனத்தின் தேவைக் கேற்றவாறு வலையமைப்பை உருவாககத் தேவையான சாதனக்களையும் மென்பொருள்களையும் தெரிவு செய்வதோடு அவற்றை நிறுவுதலை மேற்பார்வை செய்வதோடு அந்த வலையமைப்பை முறையாக இயங்க வைப்பதற்கான அனைத்து நடவடிக்கைகளையும் மேற்கொள்ளல் நெட்வர்க் என்ஜினியரின் கடமைகளாகும்.

Computer Hardware Engineers
கணினி வன்பொருள் பொறியியலாளர் எனப்படுபவர் கணினி உதிரிப்பாகங்களை ஆராய்ந்து வடிவமைத்தல், பரீட்சித்தல், அவற்றை த்யாரித்தல், நிறுவுதல் போன்ற பல பொறுப்புக்களை ஏற்பார். கணினித் தொழில் நுட்பத்தில் ஏற்பட்டு வரும் பாரிய வளர்ச்சிக்கு இந்த கணினி வன்பொருள் பொறியியலாளர்களின் பங்கு அளப்பரியது எனலாம்.






Webmasters
இணைய தளங்க்ளைப் நிர்வகிக்கும் பொர்றுப்பு வெப் மாஸ்டர்களைச் சாரும். இணைய தளங்கள் பயனர்களின் பார்வைக்கு உட்படுகிறதா, இணைய தளங்கள் வேகமாக பயனர் கணினிகளை அடைகிறதா போன்ற விடயங்களைக் கண்காணிப்பதோடு இணைய தளங்களில் உள்ளடக்கத்தைத் தீர்மாணிப்பதும் இவர் கடமைகளாகும். மேலும் இணய தள பயன்பாடு பற்றிய தரவுகளச் சேகரித்து அவற்றைப் பகுப்பாய்வு செய்வதோடு பயன்ர்களின் முறைப்பாடுகளுக்கு பதிலளிப்பதும் இவர் கடமைகளில் அடங்கும். .


Web developers
இனையதள உருவாக்கத்தில் உள்ள பல் வேறு பட்ட தொழில்நுடப திறன்களை இவர் கொண்டிருப்பார். இணைய தளங்களில் பயன்படுத்ததக்க எப்லிகேசன்களை உருவாக்குதல், இனைய தளங்களின் பயனர்களை இனங் காணல், இணைய தளங்களின் உள்ளடக்கம் மற்றும் அவை எவ்வாறு ஒழுங்கு படுத்த வேண்டும் என்பதையும் தீர்மாணித்தல், இணைய தளங்களைத் தரவுத் தளங்களோடு ஒன்றினைத்தல், நிறுவனத்தின் தேவைக்கேற்றவாறு இணைய தளங்கள் செயற்படுவதை உறுதி செய்தல். போன்றன இவர் பணிகளாகும்.. அத்தோடு இணைய தளத்தின் தரத்தைப் பேணுவதுடன் அது போதிய தகவல்களை உள்ளடக்கியதாகவும் இருப்பதற்கு வழி வகை செய்வது வெப் டெவலப்பன் கடமையாகும்.

வெப் டெவலபர் மற்றும் வெம் டிசைனரின் பணிகள் சில வேளைகளில் ஒன்றாக இருப்பினும் வெப் டெவலப்பர் வெப் டிசைனரிலிருந்து சற்று வேறுபடுகிறார். வெப் டெவலபர் எனபவர் அதிகமாக சேர்வர் கணினி சார்ந்த பணிகளிலேயே ஈடுபடுவார்.

Web Designer
இணைய தளங்களை வடிவமைப்பவர்களே வெப் டிசைனர் எனப்படுகிறார்,. வெப் மாஸ்டரின் அறிவுறைக்கேற்ப இணைய தளங்களைக் கவர்ச்சியாகவும் இலகுவாக அணுகக் கூடியதாகவும் வடிவமைத்தல் இவர் பணியாகும்..

Data Entry Operator
ஒரு நிறுவனத்தில் தகவல்களைத திற்ன்படக் கையாள்வதில் Data Entry Operator பங்காற்றுகின்றனர், தரவுகளைக் கணினிக்கு உள்ளீடு செய்வதோடு காரியாலய உபகரணங்களைக் கையாள்வதும் இவரது பணிகளாகும்.

Computer Operator
கணினி இயக்குனர்கள் என்போர், தாம் கடமையாற்றும் நிறுவனத்திற்கேற்ப கணினி சார்ந்த பல் வேறு பணிகளைக் கொண்டிருப்பர். வழமையான கணினிசார் செயற்பாடுகளள மேற்கொள்வார். அனேகமாக எம்..எஸ்.ஒபிஸ் போன்ற எப்லிகேசன் மென்பொருளைப் பயன் படுத்துவார். அத்தோடு கணினியில் சிக்கல்கள் ஏற்படும்போது அவற்றைக் கண்டறிந்து நிவர்த்தி செய்தல் கணினி இயக்குனர்களின் பணிகளாகும்.

Computer security specialists
ஒரு நிறுவனத்தின் தகவல் பாதுகாப்பைத் திட்டமிடுதலிலும் உறுதி செய்வதிலும் Computer security specialists பங்காற்றுகின்றனர். நிறுவனத்திலுள்ள கணினி பயன்ர்களை கணினி பாதுகாப்பு பற்றி அறிவூட்டுதல், பதுகாப்பு மென்பொருள்களை நிறுவுதல் வலையமைப்புக்களிள் ஏற்படக கூடிய வழுக்களைக் கண்டறிந்து உரிய பாதுகாப்பு நடவடிக்க எடுத்தல், அனுமதியின்றி எவரேனும் வலையமைப்பினுள் பிரவேசிக்கும்போது உரிய பதில் நடவடிக்கை எடுத்தல் கணினி குற்றச் செயல்களில் ஈடுபடுவோருக்ககெதிராக சட்ட நடவடிக்கை எடுப்பதற்குத் தெவையான சாட்சியங்களைத் திரட்டல் போன்றன இவர்களின் பணிகளாகும்.,

Graphic Designer / Desktop Publisherவிளம்பரத்துறை, பதிப்புத் துறை மற்றும் இணைய தளங்களில் பயன் படுத்தக் கூடியவாறான எழுத்துக்கள், உருவங்கள் படங்களைக் கொண்டு அழகிய வடிவங்களை உருவாக்குவது கிரபிக் டிசைனரின் பணியாகும். போட்டோ ஷொப், இலஸ்ட்ரேட்டர்., கோரல் ட்ரோ போன்ற கிரபிக் டிசைனிங் மென்பொருள்களில் தேர்ச்சியும் அதிக கற்பனைத் திறனும் இவரிடம் எதிர்பார்க்கப்படும். இவரை ஒரு கணினி ஓவியர் என்றும் சொல்லலாம். கிரபிக் டிசைனரின் பணிகளையே டெஸ்க்டொப் பப்லிஷரும் மேற்கொள்வார். எனினும் இவரரின் பணி புத்தகங்கள், சஞ்சிகைகள் போன்ற பதிப்புத் துறை சார்ந்தாயிருக்கும்.

-அனூப்-