Sunday, February 28, 2010

ANY VIDEO CONVERTER!


ANY VIDEO CONVERTER

வீடியோ பைல்களில் MPEG, AVI, WMV, FLV, 3GP, MP4 என ஏராளமான பைல் வடிவங்கள் இருப்பதை நீங்கள் அறிந்திருக்கலாம்.. இந்த ஒவ்வொரு வீடியோ பைல் போமட்டும் தனககேயுரிய சிறப்பம்சங்களைக் கொண்டுள்ளன கணினியில் மட்டுமல்லாது கையடக்கத் தொலைபேசி, விசிடி / டிவிடி ப்லேயர் /எம்பி4 ப்லேயர், கெம்கோடர் மற்றும் இணையம் என பல்வெறு சாதனங்களில் வெவ்வேறு வகையான வீடியோ பைல் போமட்டுகள் பயன் படுத்தப்படுகின்றன.


எல்லா பைல் வீடியோ போமட்டுகளையும் எல்லா ஊடகங்களிலும் பயன் படுத்த முடிவதில்லை. உதாரணமாக நீங்கள் நேற்று டிவிடியில் பார்த்த ஒரு திரைப்படத்தை அல்லது பாடலை உங்கள் கையடக்கத் தொலைபேசியில் பதிவு செய்து கொள்ள விரும்பினால அதனை டிவிடி வீடியோவாகவே பதிந்து விட முடியாது. அந்த செல்போன் ஆதரிக்கும் ஏதொவொரு வீடியோ பைல் போமட்டில் அந்த டிவிடி வீடியோவை மாற்றியே பதிவு செய்ய வேண்டும்.

இவ்வாறு ஒரு பைல் போமட்டிலிருந்து மற்றுமொரு பைல் போமட்டுக்கு மாற்றுவதற்கென ஏராளமான மென்பொருள்கள் பாவனையிலுள்ளன. ஆனால் அவையனைத்தும் எல்லா வகையான வீடியோ பைல் மோமட்டுகளையும் ஆதரிப்பதில்லை.

அனேகமான மென்பொருள்கள் கொண்டு வீடியோ பைல் போமட்டை மாற்றும் போது வீடியோவின் தரம் குறைவதோடு அதனை மாற்றும் செயற்பாட்டிற்கு அதிக நேரமும் எடுத்துக் கொள்கின்றன..

இந்தக் குறைபாடுகளைக் கருத்தில் கொண்டு AnvSoft Inc எனும் நிறுவனம். உருவாக்கியுள்ளது எனி வீடியோ கன்வேர்ட்டர் (Any Video Converter) எனும் மென்பொருள். இது எந்த வகையான வீடியோ பைல் போமட்டையும் நீங்கள் விரும்பிய வடிவில் மாற்றிக் கொள்ளும் வசதியைத் தருகிறது. அத்தோடு வீடியோவின் தரத்தில் இழப்புகளின்றியும் விரைவாகவும் மாற்றித் தருகிறது
வீடியோ பைல் போமட்டுகளை மாற்றுவது மட்டுமன்றி YouTube போன்ற இணைய வீடியோ க்ளிப்புகளையும் டவுன்லோட் செய்து தரும் வசதியையும் இது கொண்டுள்ளது. இலகுவான இடைமுகப்பைக் கொண்டுள்ள எனி வீடியோ கன்வேட்டர் மென்பொருளை www.any-video-converter.com எனும் இணைய தளத்திலிருந்து இலவச்மாக தறவிறக்கம் செய்யலாம். இதன் பைல் அளவு 13 MB. எனி வீடியோ கன்வேட்டர் மென்பொருள் அதன் பெயருக்கேற்ற வாறு சிறப்பாகவே செயற்படுகிறது. 

 -அனூப்


How to run old programs in windows

விஸ்டாவில் பழைய மென்பொருள்களையும் இயக்கலாமே!

புதிதாக ஒரு இயங்கு தளம் அல்லது ஒரு இயங்கு தளத்தின் புதிய பதிப்பு வெளிவரும் போது சில மென்பொருள்களை அவற்றில் இயக்க முடிவதில்லை. உதாரணமாக விண்டோஸ் எக்ஸ்பீ பதிப்பு வெளி வந்த போது அதில் எக்ஸ்பீயிற்கு முன்னைய பதிப்புகளில் இயங்கிய ப்ரோக்ரம்களை இயக்க முடியாமல் போனது. அதன் பிறகு வெளிவந்த விஸ்டா பதிப்பிலும் அதே நிலைமைதான். இவ்வாறே இப்போது வெளி வந்துள்ள விண்டோஸ் செவனிலும் அதே நிலைமை தொடர்கிறது.

ஒரு இயங்கு தளத்தை மேம்படுத்தி அதன் புதிய பதிப்பை வெளியிடும்போது பழைய எப்லிகேசன்களும் இயங்கத் தக்கதாக அதற்கு ஒத்திசையும் வண்ணம் உருவாக்கவே முயற்சிக்கப்படும். இதனை பேக்வர்ட் கம்படிபிலிட்டி (Backward Compatibility) எனப்படும் இருந்தாலும் சில எப்லிகேசன்களை இவ்வாறு இயக்க முடிவதில்லை

எனினும் இந்த சிக்கலுக்கு தீர்வாக மைக்ட்ரோஸொப்ட் நிறுவனம் தனது புதிய இயங்கு தளங்களில் பழைய ப்ரோக்ரம்களையும் இயக்கக் கூடிய வசதியை எக்ஸ்பீ, விஸ்டா மற்றும் விண்டொஸ் செவன் பதிப்புகளிலும் வழங்கி வருகிறது.

உதாரணமாக விண்டோஸ் எக்ஸ்பீயில் முறையாக இயங்கிய ஒரு ப்ரோக்ரம் விஸ்டாவிற்கு மாறிய பிறகு இயங்க மறுத்தால் அந்த குறிப்பிட்ட ப்ரோக்ரமுக்கு மட்டும் தேவையான செட்டிங்கை மாற்றி இயங்க வைக்கும் வசதி உள்ளது. அதற்குப் பின்வரும் வழி முறையைக் கையாளுங்கள்.

இயக்க விரும்பும் ப்ரோக்ரமுக்குரிய .exe பைலின் மேல் ரைட் க்ளிக் செய்து வரும் மெனுவிலிருந்து Properties தெரிவு செய்யுங்கள். அப்போது தோன்றும் டயலொக் பொக்ஸில் compatibility டேபில் க்ளிக் செய்யுங்கள். அடுத்து Run this program in compatibility mode for என்பதைத் தெரிவு செய்யுங்கள். பின்னர் விண்டோஸின் உரிய பதிப்பைத் தெரிவு செய்து விட்டு ஓகே சொல்லுங்கள்.
அப்படியும் அது இயங்காது போனால் மேலும் சில தெரிவுகளை மேற்கொள்ளலாம். உதாரணமாக அதே டயலொக் பொக்ஸில் Run this program as an administrator என்பதைத் தெரிவு செய்து இயக்கிப் பாருங்கள்.

ப்ரோக்ரம்ஸ் லிஸ்டில் உள்ள Program Compatibility Wizard மூலமாகவும் ஒரு ப்ரோக்ரம் இயங்கு தளத்துடன் ஒத்திசைகிறதா என்பதைப் பரீட்சித்துப் பார்க்கலாம்.

சரி, இந்த .exe பைலை எங்கே போய்த் தேடுவது? எங்கும் போக வேண்டாம் . (மை) கம்பியூட்டர் விண்டோவில் C ட்ரைவில் ப்ரோக்ரம் பைல்ஸ் போல்டரைத் திறந்து பாருங்கள். நீங்கள் இயக்க விரும்பும் ப்ரோக்ரமுக் குரிய போல்டரும் அங்கு காணப்படும். அந்த போல்டரில் .exe பைலைக் காணலாம்.

-அனூப்

Sunday, February 14, 2010

How to start a web radio?


நீங்களும் ஒரு இணைய வானொலியை ஆரம்பிக்கலாமே!

இணைய வானொலி என்பது வானலையூடு ஒலிபரப்பாகும் வழமையான வானொலி சேவை போன்றதே. இங்கு வானொலிப் பெட்டிக்குப் பதிலாக கணினியூடாக ஒலிபரப்புக்குச் செவி மடுக்கிறோம். இணைய வானொலி ஒலிபரப்புகளைக் கேட்பதற்குப் புதிதாக எந்த வன்பொருளோ மென்பொருளோ நிறுவ வேண்டியதில்லை. இணைய உலாவி கொண்டு (Web Browser) உரிய் இணைய தளத்தை அணுகுவதன் மூலம் இணைய வானொலிகளைச் செவி மடுக்கலாம். இந்த ஒலிபரப்பு முறையை வெப் காஸ்டிங் (Web Casting) எனப்படுகிறது.

இணையத்தில் ஒலி வடிவில் உள்ள பைல்களைப் பகிர்ந்து கொள்ள போட் காஸ்டிங் (Podcasting) எனும் ஒலிபரப்பு முறை பயன்பாட்டில் இருப்பதை நீங்கள் அறிந்திருக்கலாம். போட்காஸ்டிங் முறையில் ஒலிபரப்பைக் கேட்பதாயின் உரிய பைலை முழுமையாக் எமது கணினிக்கு டவுன்லோட் செய்து கொள்ள வேண்டும். உதாரணமாக போட்காஸ்டிங் முறையில் ஒரு பாடலைக் கேட்க விரும்பினால் அந்தப் பாடலை முழுமையாக எமது கணினிக்கு டவுன்லோட் செய்த பிறகே கேட்க முடியும்.


ஆனால் இணைய வானொலி என்பது போட்காஸ்டிங் போன்றதல்ல. இணைய வானொலி சேவையில் ஸ்ட்ரீமிங் (Streaming) எனும் தொழில் நுட்பம் பயன் படுத்தப்படுகிறது. ஸ்ட்ரீமிங் தொழில் நுட்பத்தில் ஒலி வடிவிலுள்ள ஒரு பைலானது முழுமையாக் எமது கணினியை வந்தடையு முன்னரே வந்து சேரும் அளவிற்கேற்ப ஒரு ஒலிப் பகுதியை கேட்கக் கூடியதாயிருக்கும். முழுமையாக அந்த பைல் டவுன்லோட் ஆகும் வரை காத்திருக்க வேண்டிய அவசியமில்லை. இணைய வனொலி (ஓடியோ) மட்டுமன்றி இணைய தொலைக்காட்சியும் (வீடியோ) இவ்வாறே இந்த ஸ்ட்ரீமிங் தொழில் நுட்பத்தில் ஒளிபரப்பப்படுகிறது.

இணைய வனொலி சேவைகள் நேரடியாக ஒலிபரப்பட்டாலும் ஒலிபரப்பும் சேர்வரின் (Radio Server) செயல் திறனுக்கேற்ப அதனைக் கேட்பவரை குறைந்தது 10 வினாடிகள் தாமதித்தே சென்றடையும். கணினி வலையமைப்பில் டேட்டா வானது சிறு பகுதிகளாகப் பிரிக்கப்பட்டே பயணம் செய்கிறது. தனது இலக்கை அடைந்த பின்னர் வந்து சேர்ந்த பகுதிக்ளை பிரவுசர் ஒன்று சேர்க்கும் செயற்பாடு காரணமாகவே இந்த நேர இடைவெளி ஏற்படுகிறது.


அனேகமான இணைய வானொலிகள் தரை வழி ஒலிபரப்பை நடாத்தி வரும் வானொலி நிலையங்களினாலேயே நடாத்தப்படுகின்றன. இதன் மூலம் அவை தமது வழமையான எல்லைகளைத் தாண்டி சர்வதேச அளவில் வானொலி ரசிகர்களைப் பெற்றுக் கொள்கின்றன. நமது நாட்டிலும் தென்றல், சக்தி மற்றும் பல வானொலி நிலையங்கள் இணையத்தினூடும் தமது சேவையை வழங்குகின்றன.

இணைய வானொலிகளைச் செவி மடுக்க அதிவேக ப்ரோட்பேண்ட் இணைய இணைப்பு பரிந்துரைக்கப்படுகிறது. அத்தோடு கணினியில் ஸ்ட்ரீமிங் ஒலிபரப்பைச் செவி மடுப்பதற்கான மென்பொருளும் அவசியம். இதற்கு விண்டோஸ் மீடிய ப்ளேயர் மென்பொருளே போதுமானது. எனவே அதற்குப் புதிதாக வேறு மென்பொருள்களை நிறுவ வேண்டியதில்லை.

இணைய வானொலி ஒலிபரப்பில் Encoder, Server, Player என மூன்று வெவ்வேறு விதமான மென்பொருள்கள் பயன்படுத்தப்படுகின்றன என்கோடிங் மென்பொருள் ஒலியை (டேட்டாவை) சுருக்கி சேர்வருக்கு Streaming வடிவில் அனுப்புகிறது. அதனைப் பெற்றுக் கொள்ளும் சேர்வர் மென்பொருள் அதனை பயனர் கணினியிலுள்ள ப்லேயர் மென்பொருளுக்கு (Relay) மறுபடியும் அனுப்பி வைக்கிறது. இதற்குப் பயன் படுத்தப்படும் ரேடியோ சேர்வரானது இணைப்பை ஏற்படுத்தும் ஒவ்வொருவருக்கும் ஒலிபரப்பை வழங்கக் கூடிய செயல்திறனுடையதாக கூடிய பேண்ட்வித்தைக் (Bandwidth) கொண்டிருக்க வேண்டும்.

ஒரு வானொலி நிலையம் ஆரம்பிப்பதென்பது இலகுவான விடயமல்ல. அரசிடம் முறையான அனுமதியைப் பெறுவதோடு அதற்கு அதிக மூலதனமும் அவசியம். ஆனால் உங்கள் வானொலிக் கனவை நனவாக்குகிறது இணைய வானொலி. வெறும் இரண்டோ ஆல்லது மூவாயிரம் ரூபாவை செலவிட்டு அல்லது எந்த செலவுமே இல்லாமல் இலவசமகவே ஒரு இணைய வானொலி சேவையை இரண்டொரு நிமிடங்களில் அரம்பித்து விடலாம்.

இலவசமாக ஒரு இணைய வானொலி சேவையை ஆரம்பிப்பது எப்படி? அதற்கு உங்களிடம் ப்ரோட்பேண்ட் இணைய இணைப்புடன் கூடிய ஒரு கணினியிருந்தாலே போதுமானது.

முதலில் http://www.winamp.com/ இணைய தளத்திலிருந்து WinAmp 5.5 பதிப்பை டவுன்லோட் செய்து நிறுவிக் கொள்ளுங்கள். (பைல் அளவு 10 MB)

அடுத்து http://www.shoutcast.com/ இணைய தளத்திலிருந்து வின்-ஏம்ப்பிற்கான shoutcast plugin ஐ டவுன் லோட் செய்து நிறுவிக் கொள்ளுங்கள் (பைல் அளவு 2 MB)

அடுத்து http://www.listen2myradio.com இணைய தளத்திற்குச் சென்று இலவச ரேடியோ சேர்வரில் ஒரு கணக்கொன்றை ஆரம்பித்து விடுங்கள். இலவச சேர்வரின் மூலம் குறைந்தது 10 பயனர்களுக்கு (users) மட்டுமே சேவை வழங்க முடியும் என்பதை நினைவில் கொள்ளுங்கள். இன்னும் அதிக பயனர்கள் அவசியம் எனின் அதற்குக் கட்டணம் செலுத்த வேண்டியிருக்கும்.

கணக்கொன்றை அரம்பித்ததும் உங்களுக்கு நிலையான (Static IP Address) ஒரு ஐபி முகவரி வழங்கப்படுவதோடு இணைய வானொலியைக் கேட்பதற்குப் பயனர்கள் செல்ல வேண்டிய இணைய தள முகவரியும் (URL) உங்களுக்கு வழங்கப்படும்.

அடுத்து வின்-ஏம்ப் ப்ரோக்ரமைத் திறந்து கொள்ளுங்கள். வின்-ஏம்ப் விண்டோவில் ரைட் க்ளிக் செய்து வரும் மெனுவில் Options > Preferences >DSP Effect ஊடாக Nullsoft Shoutcast தெரிவு செய்யத் தோன்றும் சவுட் காஸ்ட் சோர்ஸ் விண்டோவில் Input டேபில் க்ளிக் செய்து இன்புட் டீவைஸாக வின்-ஏம்ப் தெரிவு செய்யுங்கள். மைக் மூலம் இன்புட் செய்வதாயின் SoundCard Input தெரிவு செய்து அதன் கீழ் Microphone தெரிவு செய்யுங்கள்.

அடுத்து Encoder டேபில் க்ளிக் செய்து Encoder Type ஆக MP3 என்கோடர் தெரிவு செய்யுங்கள். என்கோடர் செட்டிங்ஸில் விரும்பிய அளவினைத் தெரிவு செய்யலாம். இணைய வேகம் மந்தமாயின் 24 Kbps தெரிவு செய்வது பொருத்தமானது.

பின்னர் Output டேபில் க்ளிக் செய்து Address எனுமிடத்தில் உங்களுக்கு வழங்கப்பட் டுள்ள ஐபி முகவரியையும் உரிய போட் (Port) இலக்கம் மற்றும் உங்கள் பயனர் கணக்குக்குரிய பாஸ்வர்டையும் வழங்கி Connect பட்டனில் க்ளிக் செய்து விட்டு வின்-ஏம்பில் பாடலையும் ஒலிக்கச் செய்யுங்கள்.

இப்போது உங்கள் இணைய வானொலி செயற்பட ஆரம்பித்திருக்கும்.அடுத்து பிர வுசரைத் திறந்து உங்கள் வனொலிக்கென வழங்கப்பட்டிருக்கும் இணைய முகவரியூடாக அதனைப் பரீட்சித்துப் பாருங்கள்.

இணைப்பு சரிவர இயங்காவிட்டால் listen2myradio.com தளத்தின் உங்கள் கணக்குக்குரிய கண்ட்ரோல் பேண்லுக்குள் நுளைந்து ரேடியோவை ஓன் செய்து விட்டு மறுபடி முயற்சியுங்கள்.

இறுதியாக ஒரு வார்த்தை. தொழில் ரீதியாக ஒரு வானொலி சேவையை ஆரம்பிக்க வேண்டுமாயின் அதற்கு அரசிடம் முறையான அனுமதி பெற வேண்டும் என்பதை மற்ந்து விடாதீர்கள்.

-அனூப்-

 

Difference between WEB MAIL and POP3 MAIL?

WEB MAIL /  POP3  MAIL என்ன வேறுபாடு?


மின்னஞ்சலில் வெப் மெயில், பொப் மெயில் என இரு வகைகளுள்ளன. வெப் மெயில் (web mail) எனப்படுவது எல்லோரும் அறிந்ததுதான். இந்த இமெயில் சேவையானது இணைய தளம் (web server) சார்ந்தது,. இமெயில் சேவை வழங்கும் நிறுவனத்தின் வெப் தளத்தை இணைய உலாவி (web browser) மூலம் அணுகி எமது அடையாளத்தை நிறூபித்து (log in) எமக்கு வந்திருக்கும் இமெயிலைப் பார்ப்பதும் புதிதாக இமெயில் அனுப்புவதும் வெப் மெயில் எனப்படும்.வெப் மெயிலை / அனுப்பும் பெறும் செயற்பாடு வழமையான ஒரு இணைய பக்கத்திலேயே (web page) நடைபெறும். உங்களுக்குப் புதிதாக வந்திருக்கும் மெயில்களையும் முன்னர் வந்த மெயில்களையும் இணையத்தில் இணைவதன்மூலம் மட்டுமே (online) பார்வையிட முடியும்., இணைய இணைப்பின்றி (offline) மெயில்களைப் பார்வையிட முடியாது.

இலவச இமெயில் சேவை வழங்கும் நீறுவனங்கள் அனேகமாக வெப் மெயில் சேவையே வழங்குகின்றன. அதற்கு உதாரணமாக yahoo, Google போன்றவற்றைக் குறிப்பிடலாம் அனேகர் தங்கள் இமெயில் தொடர்பாடலுக்கு இந்த வெப் மெயிலையே பயன் படுத்துகின்றனர்மாறாக எமது இமெயில் கணக்கை நிர்வகிப்பதற்கென வடிவமைக்கப்பட்ட விசேட மென்பொருள் மூலம் மெயில் சேர்வரை அணுகி செய்திகளை அனுப்புவதும் பெறுவதும் பொப் மெயில் எனப்படும். Post Office Protocol என்பதன் சுருக்கமே POP. இது ஒரு தொடர்பாடல் (protocol) விதி முறையாகும். அதாவது இமெயில் ப்ரோக்ரம் அல்லது பொப் களையண்டுக்கும் (POP Client) மின்னஞ்சல் சேவை வழங்கும் நிறுவன சேர்வர் கணினிக்கும் (POP Server) இடையிலான ஒரு தொடர்பாடல் மொழி எனலாம்.

POP3 எனபதில் 3 என்பது அதன் பதிப்பிலக்கத்தைக் (version) குறிக்கிறது. தற்போது பயன் பாட்டிலுள்ள POP3 விதிமுறை பயன் பாட்டுக்கு வருவதற்கு முன்னர் அது சில மாற்றங்களுக்குள்ளானது, அதன் பிறகே POP3 விதி முறை நிர்ணயிக்கப்படுகிறது.

பொப் மெயிலில் இமெயில் அனுப்ப பெற உதவும் மென்பொருளை இமெயில் க்ளையன்ட் (e-mail client அல்லது POP client) எனப்படுகிறது. Outlook, Outlook Express, Eudora, Thunderbird என்பவற்றை இதற்கு உதாரணமாகக் குறிப்பிடலாம்.இமெயில் க்ளையன்ட் கொண்டு ஒரு நேரத்தில் ஒரு இமெயில் கணக்கு மட்டுமன்றி ஒன்றிற்கு மேற்பட்ட இமெயில் கணக்குகளையும் நிர்வகிக்க முடியும். அதன் மூலம் எமது அனைத்து இமெயில் கணக்குகளுக்கும் வந்து சேரும் இமெயில்களை ஒரே நேரத்தில் பார்வையிட முடியும். அத்தோடு மின்னஞ்சல்களை எமது கணினிக்கு டவுன்லோட் செய்து விட்டு நாம் விரும்பிய நேரத்தில் படிக்க முடிவதுடன் அனுப்புகின்ற மெயிலை அழகாக format செய்து கொள்ளவும் முடியும். இதன் மூலம் இணையத்தில் இணைந்திருக்கும் நேரத்தையும் குறைத் திடலாம். இது போன்ற பல வசதிகளைப் பொப் மெயில் தருகிறது.

மெயில்களை அனுப்புவதற்கென மற்றுமொரு ப்ரொட்டோகோல் பயன்படுகிறது., அதனை SMTP (Simple Mail Transfer Protocol) எனப்படும்.. மெயிலை அனுப்பும் SMTP க்லையண்டுக்கும் மெயிலை அனுப்பும் SMTP சேர்வருக்கும் இடையிலான தொடர்பாடல் விதிமுறைகளைக் இது கொண்டுள்ளது பொதுவாக இரண்டு ப்ரொட்டகோல்களிலும் SMTP (server) சேர்வர் ஆகவும் POP3 சேர்வர் ஆகவும் ஒரே கணினியே தொழிற்படுகிறது. , ஒரு பொப் க்ணக்கை உருவாக்குவதற்கு இமெயில்களை சேமித்து வைக்கும் சேர்வர் கணினியின் (POP3 சேர்வர்) பெயர், மெயில்களை அனுப்ப பெற உதவு சேர்வர் கணினியின் பெயர் (SMTP சேர்வர்) மெயில் சேர்வர் நிறுவனத்தால் உங்கள் கணக்கிற்கென வழங்கப்பட்டிருக்கும் பயனர் பெயர் மற்றும் பாஸ்வர்ட் என்பன அவசியம்

பொப் மெயில் போன்று மற்றுமொரு இமெயில் சேவையே IMAP (Internet Message Access Protocol) எனப்படுகிறது. இது பொப் மெயிலை விட அதிக வசதியைத் தருகிறது. இதனையும் பொப் மெயில்களை நிர்வகிக்கும் ப்ரோக்ரம் கொண்டே நிர்வகிக்கலாம். இது எமக்கு வந்து சேர்ந்திருக்கும் மெயில்களை அனைத்தையும் நமது கணினிக்கு டவுன்லோட் செய்து விடாமால் அதன் தலைப்புகளை மட்டும் பார்வையிட்டு தேவையான மெயில்களை மட்டும் பதிவிறக்கம் செய்து கொள்ளும் வசதியைத் தருகிறது. IMAP சேவையில் அனைத்து மெயில்களும் சேர்வரிலேயே தங்குகின்றன. அதனால் வெப் மெயில் போன்றே இணையம் ஊடாக எங்கிருந்தும் அணுகலாம்.

எப்போதும் ஒரே கணினியிலிருந்து மாத்திரம் மெயில்களை அணுகுவதாயின் பொப் மெயில்கள் சிறந்தது. மாறாக உங்கள் மெயில்களை பல்வெறு இடங்களிலிருந்து அணுக வேண்டுமயின் IMAP சிறந்தது எனலாம். .உங்கள் கணினியில் டேட்டா இழப்புகள் ஏற்பட்டாலும் உங்களுக்கு வந்து சேர்ந்த இமெயில்களை இழக்க வேண்டியேற்படாது. ஏனெனில் உங்கள் மெயில் சேர்வரில் அவை பாதுகாப்பாக இருக்கும்.

-அனூப்-

Convert

கன்வர்ட் - Convert

கன்வர்ட் (Convert) என்பது அலகு மாற்றம் செய்யும் ஒரு சிறிய கருவி. இதன் முலம் பல வகையான அலகுகளை ஒன்றிலிருந்து மற்றொன்றிற்கு மாற்றிக் கொள்ளலாம். அதாவது தூரம், வெப்பம், கனவளவு, நேரம்,வேகம், திணிவு, வலு, அடர்த்தி, அமுக்கம், சக்தி போன்ற பல வகையான .அலகுகளை இலகுவாக மாற்றிக் கொள்ளும் வசதியை இது தருகிறது.

மாணவர்கள், ஆசிரியர்கள் மாத்திரமன்றி அனைவருக்கும் பயன் படக் கூடிய பல வகையான அலகு மாற்றிகளை இது கொண்டுள்ளது.

கன்வர்ட் எனும் இந்த இலவச மென்பொருள் கருவியை www.joshmadison.com எனும் இணைய தளத்திலிருந்து இலவசமாக தரவிறக்கம் செய்து கொள்ளலாம். Zip பைலாகக் கிடைக்கும் இது 152 கிலோ பைட் பைல் அளவைக் கொண்டுள்ளது.