Sunday, April 25, 2010

Three useful MS Excel tips

பயனுள்ள மூன்று MS-Excel உதவிக் குறிப்புகள்

எக்சல் டூல் பாரில் கல்குலேட்டர்



கல்குலேட்டருக்கெல்லாம் ஒரு கல்குலேட்டர் எம்.எஸ்.எக்சல் என்பது நீங்கள் அறிந்த விடயம்தான். எனினும் சில வேளைகளில் எக்சலில் பணியாற்றும் போது வழமையான கல்குலேட்டரும் உங்களுக்கு அவசியப் படலாம். அப்போது விண்டோஸுடன் இணணந்து வரும் கல்குலேடரை நீங்கள் ப்ரோக்ரம்ஸ் பட்டியலிலிருந்து எடுத்துப் பயன் படுத்தியிருப்பீர்கள். அந்த கல்குலேட்டரை டூல் பாரில் நுளைத்துக் கொள்வதற்கான வசதியை எக்சல் தருகிறது.

அதனைப் பெற்றுக் கொள்ளப் பின்வரும் வழி முறையைக் கையாளுங்கள். எக்சல் விண்டோவில் Tools மெனுவில் Customize தெரிவு செய்யுங்கள். அப்போது தோன்றும் டயலொக் பொக்ஸில் Commands டேபைத் தெரிவு செய்யுங்கள். அங்கு Categories பட்டியலிலிருந்து Tools தெரிவு செய்யுங்கள். பின்னர் Commands பட்டியலிலிருந்து கல்குலேட்டர் ஐக்கன் கொண்ட Custom தெரிவு செய்யுங்கள். பின்னர் அதனை விரும்பிய டூல் பாரின் மேல் இழுத்துப் (Drag & Drop) போட்டு விட்டு டயலொக் பொக்ஸை மூடி விடுங்கள்.

உடனடி வரைபு


எம்.எஸ்.எக்ஸலில் வரைபுகளை (Chart) நுளைக்கும்போது ஒரு (Wizard) விசர்ட் தோன்றி வழி நடத்தும். அந்த விசர்டில் நான்கு கட்டங்கள் இருக்கும்.. ஆனால் அதனைவிட இலகுவாக உடனடியாக வரைபுகளை உருவாக்கக் கூடிய வசதியை எக்சல் தருகிறது. அதற்கு நீங்கள் செய்ய வேண்டியது  இதுவே.

முதலில் சார்டை உருவாக்குவதற்குத் தேவையான அட்டவணையைத் தெரிவு செய்து கொள்ளுங்கள். அடுத்து கீபோர்டில் F11 விசையை அழுத்துங்கள். அவ்வளவுதான். அடுத்த வினாடியே ஒரு சார்ட் வந்து நிற்பதைக் காணலாம்.



இன்றைய திகதியும் நேரமும்

எக்ஸலில் NOW எனும் பங்சன் (Function) இருப்பதை நீங்கள் அறிந்திருக்கலாம். இதனை செயற்படுத்தும்போது இன்றைய திகதியையும் நேரத்தையும் ஒரு செல்லில் காண்பிக்கும். உதாரணமாக =NOW( ) எனும் வடிவில் பங்சனை உள்ளீடு செய்ய விண்டொஸில் நீங்கள் தெரிவு செய்திருக்கும் திகதி மற்றும் நேர வடிவத்திற்கேற்ப திகதியையும் நேரத்தையும் காண்பிக்கும். அவ்வாறே TODAY எனும் பங்சனை செயற்படுத்தும் போது =TODAY( ) இன்றைய திகதியை மட்டும் காண்பிக்கும்.

ஆனால் இந்த பங்சன்கள் அவ்வப்போது அப்டேட் செய்யப்படும் அதாவது இந்த பங்சன பயன்டுத்தப்பட்ட பைலை மறுபடி வேறொரு தினத்தில் திறக்கும் போது திகதியும் நேரமும் மாற்றத்திற்குள்ளாகியிருப்பதைக் காணலாம். உதரணமாக எக்ஸலில் =TODAY( ) எனும் பங்சன் இன்றைய திகதியைக் காண்பிக்கும். ஆனால் நாளை இதே பைலை நாளை திறக்கும் போது இன்றைய திகதிக்குப் பதிலாக நாளைய திகதியையே காண்பிக்கும். அப்படியானால் உள்ளீடு செய்யும் இன்றைய திகதியையும் நேரத்தையும் மாறாமல் பேணுவது எப்படி? அதற்குப் பின்வரும் வழி முறையைக் கையாளுங்கள்.

திகதியை மட்டும் உள்ளீடு செய்ய கீபோர்டில் கண்ட்ரோல் (Ctrl) விசையை அழுத்திய வாறு Semicolon (;) கீயை அழுத்துங்கள். அதேபோன்று நேரத்தை மட்டும் உள்ளீடு செய்வதற்கு Ctrl – Shift விசைகளை ஒரே நேரத்தில் அழுத்திய வாறு Semicolon (;) கீயை அழுத்துங்கள். இவ்வாறு உள்ளீடு செய்யப்படும் திகதியும் நேரமும் அந்த பைலை எப்போது திறந்தாலும் மாற்றமுறாமல் இருக்கும்.

-அனூப்-


Sunday, April 11, 2010

Difference between CRT and LCD ?


ஸ்பாம் (SPAM) என்றால் என்ன?


ஒரு டெஸ்க் டொப் கணினியை வாங்கும்போது நாம் அதிகமாக சிபியூவின் வேகம் ஹாட் டிஸ்க் மற்றும் நினைவகத்தின் கொள்ளளவு பற்றியே அதிகம் கருத்திற் கொள்கிறோம். அவற்றைப் போன்று அதிகம் முக்கியத்துவம் கொடுக்கப் பட வேண்டிய மற்றுமொரு வன்பொருள் சாதனமே (monitor) மொனிட்டர். மொனிட்டர்கள் கணினியில் நமது செய்ற்பாடுகளை உடனுக்குடன் வெளிப்படுத்திய வண்ணம் உள்ளன. மொனிட்டர்களை Visual Display Unit (VDU) எனவும் அழைக்கப்படும்.

தற்போது இரண்டு வகையானா மொனிட்டர்கள் பயன்பாட்டில் உள்ளன. அவை CRT மற்றும் LCD மொனிட்டர்களாகும். இந்த இரண்டு வகை மொனிட்டர்களும் சில சாதக பாதகங்களையும். கொண்டுள்ளன. இவை பற்றிச் சிறிது அறிந்து வைத்திருப்பது ஒரு மொனிட்டரை வாங்கும் போது உங்களுக்கு உதவியாக அமையும்.

இன்று வரை அதிகமாக உபயோகத்திலிருந்தது (CRT) சி.ஆர்.டி மொனிட்டர்களே. (தற்போது இதன் பாவனை குறைந்து வருகிறது) சிஆர்டி என்பது தொலைக்காட்சிப் பெட்டிக்குள் இருக்கும் கண்ணாடிக் குழாய் போன்றதே. இதனைக் CATHODE-RAY TUBE எனப்படுகிறது. பொஸ்பர் (phosphor) எனும் இரயானப் பதார்தத்திலான புள்ளிகள் இலத்திரனியல் கதிர் வீச்சின் மூலம் எரிக்கப்படுவதன் காரணமாக உருவாகும் ஒளியினால் அவை காட்சிகளை உருவாக்குகின்றன.

இவ்வகை மொனிட்டர்கள் சிறந்த தெளிவுத்திறன் (resolution) கொண்டவை. அத்தோடு பல் வேறு அளவுகளிலான ரெஸலுயூசனை உருவாக்கக் கூடியவை. மேலும் கிரபிக்ஸ் கலைஞ்ர்கள் எதிர்பார்க்கும் மிக துள்ளியமான நிற வேறுபாடுகளையும் காண்பிக்கக் கூடியவை.

சி.ஆர்.டி மொனிட்டர்களின் குறைபாடாக அதன் அளவு மற்றும் எடையைக் குறிப்பிடலாம். இதன் அளவு பெரிதாக இருப்பதனால் இவை மேசையில் அதிக இடத்தைப் பிடித்துக் கொள்ளும். எனினும் சி.ஆர்.டி மொனிட்டர்கள் சிறந்த செயற்திறனை கொண்டிருப்பதுடன் மலிவாகவும் கிடைக்கிறது.
பொதுவாக மடிக் கணினிகளிலேயே பயன் படுத்தப்பட்டு வந்த LCD (Liquid Crystal Display) மொனிட்டர்கள் தற்போது டெஸ்க்டொப் கணினிகளிலும் பயன்படுத்தப் படுகின்றன. இவற்றை Flat Panel Monitor எனவும் அழைக்கப்படும். எல்.சி.டி மொனிட்டர்களின் பாவனை தற்போது அதிகரித்திருப்பதுடன் அவை வேகமாகப் பிரபல்யமடைந்து வருகின்றன.

சி.ஆர்.டி மொனிட்டர்க்ள் போலன்றி அளவில் சிறியதாகவும் எடை குறைந்ததாகவும் இருப்பதே எல்.சி.டி மொனிட்டர்கள் பிரபல்யமடைவதற்கு முக்கிய காரணங்களாகும். சி.ஆர்.டி மொனிட்டரை விட பாதி எடையயே இவை கொண்டுள்ளன, அத்தோடு மெலிதான திரையையும் கொண்டுள்ளன. இவற்றை மேசையில் வைப்பதற்கு அதிக இடம் அவசியமில்லை.. சுவரில் கூட இதனை மாட்டி விடலாம். இவை இயங்குவதற்கு சி.ஆர்.டி யை விட குறைந்தளவு மின் சக்தியையே பயன் படுத்துவதோடு இவை வெளிப்படுத்தும் ரேடியேசன் (Radiation) எனும் கதிர் வீச்சின் அளவும் சீ.ஆர்.டி மொனிட்டர்களை விட குறைவானதே. இவை கண்களுக்கும் பாதிப்பை எற்படுத்துவதில்லை. மாறாகக் குளிர்ச்சியயே தருகிறது.

எவ்வகை மொனிட்டரானாலும் அதன் திரையின் அளவு முக்கிய இடத்தை வகிக்கிறது. திரையின் அளவு பெரிதாக இருப்பின் எழுத்துக்களை இலகுவாக வாசிக்க முடிவதோடு ஒரே நேரத்தில் ஒன்றிக்கு மேற்பட்ட விண்டோக்களையும் திறந்து பணியாற்றலாம். மொனிட்டரின் அளவானது தொலைக் காட்சிப் பெட்டிகளில் போல் திரையின் குறுக்காவே (மூலை விட்டம்) அளவிடப்படும். எனினும் மொனிட்டரின் அளவு அதில் குறிப்பிடப்படிருப்பதுபோல் உண்மையான அளவைக் கொண்டிருக்காது. ஏனெனினில் திரையின் விளிம்பிலுள்ள ப்லாஸ்டிக் சட்டம் திரையின் ஒரு சிறு பகுதியை மறைப்பதே இதற்குக் காரணமாகும்.

மொனிட்டர்களில் முக்கிய இடம் வகிக்கும் மற்றுமொரு காரணி அதன் Resolution எனும் தெளிவுத் திறனாகும். கிடையாகவும் நிலைக் குத்தாகவும் உள்ள பிக்சல்களின் எண்ணிக்கை ஒரு மொனிட்டரின் ரெஸலுயூசன் எனப்படும் சிவப்பு, பச்சை, நீல நிறத்த்திலான மிகவும் சிறிய புள்ளிகளின் சேர்க்கையையே பிக்ஸல் எனப்படுகிறது. Picture Elements என்பதன் சுருக்கமே Pixel. பிக்ஸல்களின் எண்ணிக்கை அதிகமாக இருக்கும்போது காட்சித் தெளிவும் அதிகமாக இருக்கும். எல்.சி.டி மொனிட்டரில் இந்த பிக்ஸலானது நீர்ப்படிகம். மூலம் உருவாக்கப் படுகிறது.

அனேகர் பொதுவாக 1024x768 பிக்சல் கொண்ட ரெஸலுயூசனையே தமது அன்றாட வேலைகளில் பயன் பfடுத்துவர். சீஆர்டி மொனிட்டர்களில் பல்வேறு அளவுகளில் ரெஸ்லுயூசனை மாற்றியமைக்க முடியும் ஆனால் எல்சிடி மொனிட்டர்களில் ஒரே அளவான ரெசலுயூசனே பேணப்படும்.
சீ.ஆர்.டி மொனிட்டர் வாங்குவதானால் அதிக (Refresh Rate) ரிப்ரெஷ் ரேட் கொண்டதாக இருக்க வேண்டும். இங்கு ரிப்ரெஷ் ரேட் என்பது ஒரு வினாடியில் எத்தனை தடவைகள் காட்சிகள் மாறி மாறி புதிதாக வரையப் படுகின்றன என்பதைக் குறிக்கிறது. குறைந்த ரிப்ரெஸ் ரேட் கொண்ட மொனிட்டர்களில் அதிக நேரம் பணியற்று கண்களில் பாதிப்பை ஏற்படுத்தும். ஒரு 17 அங்குள மொனிட்டரில் 75 Hz ரிப்ரெஷ் ரேட் கொண்டதாயிருப்பது நல்லது. குறைந்த ரிப்ரெஷ் ரேட் கொண்ட மொனிட்டர்களில் திரையில் காட்சிகள் தோன்றுவதில் சீரறற நிலையைத் (flicker) தோற்றுவிக்கும். எனினும் எல்.சி.டி மொனிட்டர்களில் ப்ளிக்கர் ஏற்படாது. எனவே இவற்றில் ரிப்ரெஷ் ரேட் என்பது முக்கிய விடயமல்ல.

சிஆர்டி மொனிட்டர்களில் கருத்தில் கொள்ளப்பட வேண்டிய மற்றுமொரு விடயம் யாதெனில் டொட் பிட்ச் (Dot Pitch) . பொஸ்பர் பதரர்த்தத்திலான ஒரே நிறம் கொண்ட புள்ளிகளுக்கிடையிலான இடை வெளியே டொட் பிட்ச் எனப்படுகிறது. இந்த இடைவெளியானது மில்லிமீட்டரில் அளவிடப்படும். இந்த இடை வெளியின் அளவு குறைவாக இருப்பது சிறந்த காட்சித் தெளிவைத் தரும்.

சிஆர்டி மொனிட்டருடன் ஒப்பிடும்போது எல்சிடி மொனிட்டர்களின் பிரதான குறைபாடாக இருப்பது அதன் மட்டுப் படுத்தப்பட்ட (Viewing Angle) காட்சிக் கோணமாகும்.. சி.ஆர்.டி மொனிட்டரில் எந்த கோணத்தில் பார்வையிட்டாலும் காட்சியில் வேறுபாடு தோன்றாது. எனினும் எல்சி.டி திரையில் நேராகப் பார்க்கும்போது மட்டும் காட்சி சிறப்பாகத் தோன்றும்,. தலையை பக்க வாட்டில் சிறிது நகர்த்தி ஒரு கோணத்தில் பார்க்கும்போது அல்லது தூர நின்று பார்க்கும் போது காட்சி மங்கலாகத் தோன்றும். எனினும் தற்போதைய எல்டிசிடி மொனிட்டர்களில் TFT - Thin Film Transistor எனும் தொழில் நுட்பம் பயன் படுத்தி இந்தக் குறைபாடு நிவர்த்தி செய்யப்பட்டுள்ளது. .

சீ.ஆர்.டி மொனிட்டர்கள் எல்.சி.டி மொனிட்டரின் விலையிலும் பாதி விலைக்கே கிடைக்கிறது. எல்சிடி மொனிட்டர்கள் அறிமுகமான காலங்களில் விலை அதிகமாயிருந்த போதும் தற்போது அவற்றின் விலையில் பாரிய வீழ்ச்சி ஏற்பட்டுள்ளது. நமது நாட்டிலும் 15 அங்குள் எல்சிடி மொனிட்டர்களை ரூபா 12, 000 அளவில் வாங்கலாம்.

சி.ஆர்.டி மொனிட்டர்கள் சிறந்த செயற்திறனைக் கொண்டிருந்தாலும் தற்போது எல்.சி.டி மொனிட்டர்களின் பாவனையே அதிகரித்து வருவதால் சி.ஆர்.டி மொனிட்டர்களைத் தயாரிக்கும் பல நிறுவனங்கள் அவற்றின் உற்பத்தியை நிறுத்தி விட்டன என்பது ஒரு கவலையானா விடயமாகும்.

-அனூப்-

Sunday, April 04, 2010

MS-DOS - some known and unknown facts

MS-DOS   - அறிந்ததும் அறியாததும் !

எம்.எஸ்.டொஸ் என்பது தனிநபர் கணினிகளுக்காக ஆரம்ப காலத்தில் அறிமுகமான ஒரு இயங்கு தளமாகும். Microsoft Disk Operating System என்பதன் சுருக்கமே MS-DOS IBM மற்றும் IBM சார்ந்த கணினிகளுக்காக மைக்ரோஸொப்ட் நிறுவனத்தால் இது உருவாக்கப் பட்டது.

எம்.எஸ்.டொஸ் முதன் முதலில் 1981 ஆம் ஆண்டு அறிமுகப்படுத் தப்பட்டது இது விண்டோஸ் போன்று கிரபிக்ஸ் இடை முகப்பு கொண்ட ஒரு இயங்குதளமல்ல. தற்போது இந்த எம்.எஸ்.டொஸ் இயங்கு தளம் பாவனையில் இல்லாவிடினும் விண்டோஸ் இயங்கு தளத்துடன் இதன் கட்டமைப்பு இன்றும் பயனபடுத்தப் படுகிறது. எல்லோருக்கும் பரிச்சயமான விண்டோஸ் போலன்றி எம்.எஸ். டொஸ்ஸில் பணியாற்றுவதற்கு உரிய கட்டளைகளை கீபோர்டில் டைப் செய்ய வேண்டும். இக்கட்டளைகளை ஞாபகத்தில் வைத்திருக்க வேண்டியிருந்ததால் அனேக கணினிப் பயனர்கள் எம்.எஸ்.டொஸ் பயன் படுத்தப்பட்ட காலத்தில் கணினியில் பணியாற்றுவதில் அதிக சிரமத்தை எதிர் கொண்டனர். அத்தோடு ஒரே நேரத்தில் ஒரேயொரு பணியை மட்டுமே இந்த இயங்கு தளத்தில் நிறை வேற்றலாம் என்பது இதன் மற்றுமொரு குறையாகவிருந்தது,

விண்டோஸில் மவுஸ் பயன் படுத்துவதுபோல் கமாண்ட் லைன் இண்டர்பேஸ் (Command Line Interface) எனும் இடை முகப்பைக் கொண்ட இந்த எம்.எஸ். டொஸ் இயங்கு தளத்தில் கீபோர்டே பிரதான உள்ளிடும் சாதனமாகப் பயன் படுத்தப்பட்டது. உரிய கட்டளைகளை வாங்கிக் கொள்ளும் இடத்தை சீ ப்ரொம்ப்ட் (C:> Prompt) எனப்படுகிறது.

இதுவே மைக்ரொஸொப்ட் நிறுவனம் முதன் முதலில் உருவாக்கிய இயங்கு தளமாகும். தனி நபர் கணினிகளுக்காக முதன் முதலில் உருவாகப்பட இயங்கு தளமே எம்.எஸ்.டொஸ் என நீங்கள் கருதினால் அது தவறானது. ஏனெனில் அதற்கு முதலே CP/M, QDOS எனும் பெயர்களில் இயங்கு தளங்கள் பாவனையிலிருந்தன்..

எம்.எஸ்.டொஸ்ஸின் வரலாற்றை சிறிது நோக்குவோமானால், 1980 ஆம் ஆண்டின் நடுப் பகுதியில் IBM நிறுவனம் தனது தனி நபர் கணினிகளுக்கான 16 பிட் கொண்ட ஒரு இயங்கு தளத்தை வடிவமைத்துத் தரும் பொறுப்பை மைக்ரோஸொப்ட் நிறுவனத்திடம் ஒப்படைத்தது. மைக்ரோஸொப்ட் நிறுவனம் அது நாள் வரை ஒரு இயங்கு தளத்தை உருவாக்கியிருக்கவில்லை அதே நேரத்தில் டிஜிடல் ரிசேர்ச் எனும் நிறுவனம் 16 பிட்டிலலான ஒரு இயங்கு தளதை ஏற்கனவே CP/M 86 எனும் பெயரில் உருவாக்கியிருந்த்து, எனினும் அந் நிறுவனம் IBM நிறுவனத்துடன் எந்த ஒப்பந்தங்களையும் செய்திருக்கவில்லை. டிஜிட்டல் ரிசேர்ச் நிறுவனத்திடம் CP/M எனும் இயங்கு தளதிற்கான அதிகாரத்தை ஏற்கனவே பெற்றிருந்தது மைக்ரோஸொப்ட். எனினும் வேறொரு நிறுவனத்திற்கு அதனை விற்பனை செய்வதற்கான அதிகாரம் இருக்கவில்லை.

அதேவேளை Seattle நிறுவனத்தினர் CP/M லிருந்து QDOS எனும் 16 பிட் கொண்ட ஒரு இயங்கு தளத்தை வடிவமைத்திருந்தனர். ஐபிஎம் நிறுவனத்துடனான ஒப்பந்தத்தின் பின்னர் QDOS இயங்கு தளத்தை Seattle நிறுவனத்திடமிருந்து விலைக்கு வாங்கி விடுகிறது மைக்ரோஸொப்ட். பின்னர் QDOS இல் சில மாற்றங்களைச் செய்து MS-DOS என பெயரையும் மாற்றி ஐபிஎம் நிறுவனத்திற்கு வழங்குகியது. ஐபிஎம் நிறுவனம் தனது தனி நபர்க் கணினிகளில் அதனை PC-DOS எனும் பெயரில் அறிமுகப்படுத்தியது.

ஐபிஎம் நிறுவனத்திற்கு அதனை வழங்கினாலும் தனியாக MS-DOS எனும் பெயரில் விற்பனை செய்யக் கூடிய அதிகாரத்தை தன்னிடமே வைத்துக் கொள்கிறது மைக்ரோஸொப்ட். அத்தோடு ஐபிஎம் உடனான தனது ஒப்பந்தத்தை Seattle நிறுவனத்திற்குத் தெரிய வராமல் ரகசியாமகப் பதுகாக்கிறது.

QDOS இயங்கு தளத்தை தனதாக்கிக் கொள்ளும் வரை மைக்ரோஸொப்ட் நிறுவனம் Microsoft BASIC எனும் கணினி மொழியையே விறபனை செய்து கொண்டிருந்த்தது,

தனி நபர் கணினிகளின் விறபனை 80 ஆம் ஆண்டுகளில் அதிகரிக்க MS-DOS இயங்கு தளமும் பிரபல்யமடைய ஆரம்பித்தது. மைக்ரோஸொப்ட் நிறுவனத்தின் அதிசயிக்கத்தக்க துரித வளர்ச்சிக்கும் உலகில் முன்னனி மென்பொருள் தயாரிக்கும் நிறுவனமாக மாறுவதற்கும் MS-DOS இயங்கு தளமே காரணம் எனலாம்.

1983 ஆம் ஆண்டில் Apple Macintosh நிறுவனத்தின் GUI (Graphical User Interface) இடை முகப்புடன் கூடிய இயங்கு தளத்தை அறிமுகம் செய்ததும் மைக்ரோஸொப்டும் அவ்வாறன இயங்கு தளத்தை உருவாக்க வேண்டிய கட்டாயத்திற்குள்ளாகியது.

எம்.எஸ்.டொஸ்ஸில் இயங்கக் கூடியவாறு பல நிறுவனங்கள் GUI இடை முகப்புடன் கூடிய எப்லிகெசன்கள் உருவக்கியிருந்த போதும் அவற்றிற்கிடையே பொதுவான ஒரு தோற்றப்பாடு இருக்கவில்லை யாதலால் புதிய எப்லிகேசன்களைக் கற்றுக் கொள்வதில் கணினிப் பயனர்கள் சிரமத்தை எதிர் நோக்கினர். Apple Macintosh போன்று மைக்ரோஸொப்டும் தனது GUI இடை முகப்புடன் கூடிய இயங்கு தளத்தை விண்டோஸ் எனும் பெயரில் வெளியிட்டது.. ஆரம்ப கால விண்டோஸ் பதிப்புகள் MS-DOS இயங்கு த்ளத்தின் மீது ஒரு சாதாரண பயன்பாட்டு மென்பொருள் போன்றே இயங்கியது எனினும் 1995 ஆண்டிலேயே முழுமையான தரமான ஒரு GUI இயங்கு தளமாக விண்டோஸ் 95 ஐ வெளியிட்டது மைக்ரோஸொப்ட்.

தற்போதைய விண்டோஸ் பதிப்புகளில் எம்.எஸ்.டொஸ் பயன்படுத்து வதில்லை. எனினும் எம்.எஸ்.டொஸ்ஸில் இயங்கிய எப்லிகேசன்களை இயக்கக கூடியதாக எம்.எஸ்.டொஸ் கட்டமைப்பை தற்போதைய விண்டோஸ் பதிப்புக்ள் கொண்டுள்ளன.

1981 ஆம் ஆண்டில் எம்.எஸ்.டொஸ் முதற் பதிப்பை வெளியிட்ட மைக்ரோ ஸொப்ட் 1995 ஆம் ஆண்டுவரை பல பதிப்புகளை வெளியிட்டது. எம்..எஸ்.டொஸ் 7 என்பதே அதன் இறுதிப் பதிப்பாகும். எம்.எஸ்.டொஸ் ஏராளமான கட்டளைகளைக் கொண்டிருந்தாலும் அவறில் அடிக்கடி பயன் படும் சில பொதுவான கட்டளைகளை இங்கு பட்டியலிடுகிறேன்.

இந்த கட்டளைகளை விண்டோஸில் இணைந்து வரும் கமாண்ட் ப்ரொம்டிலும் செயற்படுத்திப் பார்க்கலாம். அதற்கு ஸ்டாட் மெனுவில் ரன் பொக்க்ஸில் cmd என டைப் செய்து வரும் விண்டோவில் இந்த கட்டளைகளை டைப் செய்து பாருங்கள்.

எம்.எஸ்.டொஸ் இயங்கு தள்த்தில் பணியாற்ற வாய்ப்புக் கிடைக்காதவர்கள் விண்டோஸ் கமாண்ட் ப்ரொம்டில் அந்த அனுபவத்தைப் பெறலாம். எம்.எஸ்.டொஸ் விண்டோவானது விண்டோஸில் வரும் கமாண்ட் ப்ரொம்ப்ட் விண்டோவுக்கு நிகரானதே.

-அனூப்