Wednesday, December 21, 2011

Screen Shot in MS Windows 7

திரையில் தோன்றுவதைப் படம் பிடிப்பதற்குப் புதிய வசதிகள் ....

விண்டோஸ் இயங்கு தளத்தின் பழைய பதிப்புக்களில் இது வரை காலமும் கீபோர்டில்  PrintScreen விசையை அழுத்தி க்லிப் போர்டில் அதனை சேமித்துக் கொண்டு பின்னர் எம்.எஸ். பேண்ட் திறந்து பேஸ்ட் செய்தே திரைக் காட்சிகளைப் (screen shots) படம் பிடித்து வந்தோம். அல்லது அதற்கென  மூன்றாம் தரப்பு மென்பொருள்களைப் பயன் படுத்தினோம்

எனினும்  விண்டோஸின் அண்மைய பதிப்புக்களான  விஸ்டா மற்றும் விண்டோஸ் செவன் பதிப்புகளில் இந்த வசதி மேலும் மேம்படுத்தப் பட்டுள்ளது..  அதாவது திரைக் காட்சிகளைப் படம் பிடிப் பதற்கென்றே Snipping Tool எனும் தனியான ஒரு கருவி தரப்படுள்ளது. இதனை Start à All Programs à Accessories ஊடாக Snipping Tool திறந்து கொண்டு நீங்கள் விரும்பும் திரையின் எப்பகுதியையும் மவுஸைக் கொண்டு தெரிவு செய்து அதனை ஒரு இமேஜ் பைலாக JPG> GIF மற்றும்   PNG வடிவில் சேமித்துக் கொள்லலாம்.

அதே போன்று திரையில் தோன்றுவதைப் படம் பிடித்து உடனடியாக  அதனை உங்கள் ஆவணத்தில் சேர்க்கும் வசதி எம்.எஸ்.வர்ட் 2010  பதிப்பிலும் உள்ளடக்கப்பட்டுள்ளதுஅதன் மூலம் இலகுவாகவும் விரைவாகவும் திரைக் காட்சிகளைப் படம் பிடிதது ஒரு ஆவணத்தை உருவாக்கிக் கொள்ளலாம். இந்த வசதியை எவ்வாறு பயன் படுத்துவது?

எம் எஸ் வர்ட் 2010  திறந்து கொள்ளுங்கள். திரையில் தோன்றுவதைப் படம் பிடிக்க Insert டேபில் க்ளிக் செய்யுஙகள். தோன்றும் பட்டன்களில் Screenshot என்பதைக் க்ளிக் செய்யுங்கள்.

அப்போது திறந்திருக்கும் விண்டோக்களை சிறிய அளவில் காண்பிக்கும். நீங்கள் விரும்பும் வேறு ஒரு பகுதியைப் படம் பிடிக்க Screen Clipping.. என்பதைக் க்ளிக் செய்யுங்கள். தெரிவு செய்துள்ள விண்டோ படம் நேரடியாக ஆவனத்திற்குள் நுளைக்கப்படுவதோடு தேவைப் படின் அதனை மேலும் எடிட் செய்வதற்கான கருவிப் பட்டையும் தோன்றும்.


ஒரு விண்டோவின் குறிப்பிட்ட பகுதியைப் படம் பிடிக்க Screen Clipping. தெரிவு செய்யும் போது திரை மங்களாக மாறுவதோடு விரும்பிய பகுதியை மவுஸைக் கொண்டு ட்ரேக் செய்து தெரிவு செய்ய வேண்டும். உடனடியாக அந்தப் பகுதி உங்கள் ஆவனத்தில் நுளைக்கப்பட்டு விடும்..
-அனூப்-

Saturday, October 29, 2011

A useful windows tip

உபயோகமான ஒரு விண்டோஸ் டிப்


நீங்கள் வீட்டில் இல்லாத நேரத்தில் வேறு எவராவது உங்கள் கணியைப் பயன்படுத்தினரா என்பதை அறிந்து கொள்ளும் வசதி விண்டோஸ் இயங்கு தளத்தில் தரப்பட்டுள்ளது. அதற்குப் பின்வரும் வழிமுறையைக் கையாளுங்கள். 


 start   மெனுவில் run தெரிவு செய்து eventvwr.msc என டைப் செய்து ஓகே சொல்லுங்கள்.
அப்போது Event Viewer டயலொக் பொக்ஸ் தோன்றும். அங்கு Application, Security,System. என மூன்று பிரிவுகள் இருக்கக் காணலாம்.  நீங்கள் System  என்பதைத் தெரிவு செய்யுங்கள். அப்போது வலப் புறம் நிகழ்வுகளின் பட்டியல் ஒன்று தோன்றும். அந்தப் பட்டியலில் நீங்கள் வீட்டில் இருக்காத ஒரு திகதியையும் நேரத்தையும் தெரிவு செய்யுங்கள். குறிப்பிட்ட அந்த நேரத்தில் உங்கள் கணினி ஓய்வு நிலையில் இருந்திருக்க வேண்டும்.


விண்டோவின் வலப்புறம் Information க்ளிக் செய்ய குறித்த் அந்த நேரத்தில் கணினி இயக்கத்தில் இருந்ததா என்பதை அறிந்து கொள்ளலாம்.  இந்த Information க்ளிக் செய்வதன் மூலம் நீங்கள் வீட்டில் இல்லாத போது வேறு எவரேனும் கணினியைப் பயன் படுத்தினார்காளா என்பதோடு எவ்வளவு நேரம் பயன் படுத்தினார்கள் என்பதையும் அறிந்து கொள்ளலாம்.

-அனூப்-

Friday, October 28, 2011

A useful Windows tip

உபயோகமான ஒரு விண்டோஸ் டிப்

ஒரு போல்டரைத் திறந்த நிலையிலேயே கணினியின் இயக்கத்தை நிறுத்தி விடுகிறீர்கள். கணினியை மறுபடியும் இயக்கியதும் அந்த போல்டரை நீங்களாகத் திறக்காமலேயே தானாக்வே அந்த போல்டரை திறந்த நிலையில் வர வைக்கலாம். விண்டோஸ் எக்ஸ்பீயில் இயல்பு நிலையில் இந்த வசதி நீக்கப்படிருக்கும். இந்த வசதியைப் பெற பின்வரும் வழி முறையைக் கையாளலாம்.


ஏதேனும் ஒரு போல்டரைத் திறந்து கொள்ளுங்கள். அங்கு Tools மெனுவில் Folder Options தெரிவு செய்யுங்க்ள். அப்போது தோன்றும் டயலொக் பொக்ஸில் View டேபின் கீழ் Advanced settings பகுதியின் கீழ் Restore previous folder windows at logon என்பதைத் தெரிவு செய்து ஓகே செய்யுங்கள்.. அவ்வளவு தான். இனி ஒரு போல்டரைத் திறந்த நிலையிலேயே கணினியை ரீஸ்டார்ட் செய்து பாருங்ககள். கணினி மறு படி இயங்கியதும் அந்த போல்டர் திறந்த நிலையிலேயே வரக் காணலாம்.

-அனூப்-


Friday, September 23, 2011

What are Portable Apps?

Portable Apps   என்றால் என்ன?

அடிப்படையில் போட்டபல் எப்லிகேசன் என்பது ஒரு பயன்பாட்டு மென்பொருளே (application software) . இதனை இயங்கு தளத்தில் (operating system) அதிகம் சாரா வண்ணம் ரிமூவபல் மீடியா (removable media) எனும் அவ்வப்போது கணினியில் பொருத்தி பயன் படுத்துவதும்  கையிலெடுத்துச் செல்லத்தக்கதுமான பென் ட்ரைவ், சிடி, டீவிடி போன்றவற்றிலிருந்து இயங்கக் கூடியதாக உருவாக்கப்பட்டிருப்பதையே போட்டபல் எப்ஸ் (Portable Appsஎனப்படுகிறது.
  • ஒரு போட்டபல் எப்லிகேசன் flash drive, portable hard drive, iPod> CD, DVD போன்ற எந்த ஊடகத்திலிருந்தும் இயங்கக் கூடியதாயிருக்கும்.
  • கணினியில் ஹாட் ட்ரைவ் பாட்டிசன்களுக்குரிய எழுத்தை (Drive Letterமாற்றினாலும் கூட போட்டபல் எப்ஸ் இயங்கும்.. (ஆனால் வழமையான மென்பொருள்கள் இவ்வாறு இயங்குவதில்லை என்பதை நீங்கள் அறிந்திருக்கலாம்.)
  • அவை உங்கள் கணினியில் பைல் போல்டர்களை உருவாக்குவதில்லை
  • ஒரு போட்டபில் அப் இயங்குவது விண்டோஸ் இயங்கு தளம் எனின் விண்டோஸினால் தானாக உருவாக்கப்படுபவை தவிர ரெஜிஸ்ட்ரியில் எந்த வித மாற்றத்தையும் செய்து விடாது.
  • போட்டபல் எப்ஸ் இயங்குவதற்கு மேலதிகமாக எந்தவொரு மென்பொருளும் அவசியமில்ல.
  • கணினியில் நிறுவியுள்ள வேறு மென்பொருளகளுடன் இவை முரண்படுவதில்லை.
இவ்வாறு ஒரு போட்டபில் அப்லிகேசன் பல்வேறு சிறப்பியல்புகளைக் கொண்டிருக்கும்.

இன்னும் சற்று விரிவாக விளக்குவதற்கு Firefox மென்பொருளின் வழமையான பதிப்பையும் அதன் போட்டபல் பதிப்பையும் எடுத்து நோக்குவோம்.

வழமையான Firefox மென்பொருளை நிறுவும் போது கணினியில் பல்வேறு மாற்றங்கள நிகழ்வதுண்டு. இயங்கு தளத்தில் பைல் அமைப்பில் (file structure) மாற்றம் விண்டோஸ் இயங்கு தளம் எனின் ரெஜிஸ்ட்ரியில் மாற்றம் கணினியில் ஏற்கனவெ உள்ள HTML பைல்கள் மற்றும் இணைய தள முகவரிகள் அனைத்தும் பயபொக்ஸ் மென்பொருளுடனேயே திறந்து கொள்ளும் விதமாக பிரதான இணைய உலாவியாகுதல் .என பல மாற்றங்கள் நிகழும்எனினும் போட்டபல் பதிப்பு மேலே குறிப்பிட்டது போன்று எந்த வித மாற்றத்தையும் உண்டாக்குவதில்லை. கணினியில் எவ்வித மாற்றமும் செய்ய முடியா வண்ணமே அவை  உருவாக்கப்பட்டுகின்றன. இது போட்டபில் எப்லிகேசன்களின் சிறப்பியல்பாகும்.

சரி, இந்த போட்டபல் எப்ஸ் பயன் படுத்துவது எந்த விதத்தில் உங்களுக்குப் பயனளிக்கிறதுஇந்த போட்டபல் எப்ஸ்களை உங்கள் சாவிக் கொத்தில் மாட்டியுள்ள பென் ட்ரைவிலோ, கையடக்கத் தொலைபேசியிலுள மெமரி சிப்பிலோ அல்லது ட்ரொப் பொக்ஸ் போன்ற  இணைய பைல் சேர்வர்களிலோ ஏற்றிவிட்டால் போதும். நீங்கள் எங்கு சென்றாலும் உங்கள் விருப்புக்குரிய எப்லிகேசனை தங்கு தடையின்றிப்  பயன் படுத்தலாம். உதாரணமாக  நீங்கள் பயபொக்ஸ் மென்பொருளை குறிப்பிட்ட சில நீட்சிகளோடு (நஒவநளெழைளெ) பயன் படுத்துகிறீர்களாயிருந்தால், அவற்றையும் கூடவே உங்களோடு எடுத்துச் செல்ல முடிவதோடு வேலைத்தளத்திலோ நண்பரின் கணியிலோ தேவையான  எப்லிகேசன்களைப் பயன் படுத்தவும் முடியும்.

மேலும் நீங்கள் ஒரு மென் பொருளை முழுமையாகக் கணினியில் நிறுவிப் பயன் படுத்த விரும்பினால் அதனை கணினியில் நிறுவாமலேயே முன் கூட்டியே பரீட்சித்துப் பார்க்கக் கூடிய வசதியும் போட்டபல் எப்ஸ் மூலம் கிடைக்கிறது. இந்த போட்டபல் எப்ஸ்களை கணினியில் நிறுவ வேண்டிய அவசியம் இல்லை என்பதால் தற்போது இவை கணினிப் பயனரிடையே பிரபல்யமடைந்து வருகின்றன.

போட்டபல் எப்ஸ் மென்பொருள்கள் பலவேறு இணைய தளங்களில் கிடைக்கின்றன. எனினும் portableApps.com என்பது ஒரு நம்பகமான இணைய தளமாக இருப்பதோடு ஏராள்மான பயனுள்ள இலவச போட்டபல் அப்லிகேசன்களையும்  கொண்டுள்ளது

-அனூப்-