Sunday, January 30, 2011

Team Viewer - Remote Control



விண்டோஸில் இணைந்து வரும் ரீமோட் டெஸ்க்டொப் (Remote Desktop) அறிந்திருப்பீர்கள். அதாவது வீட்டிலிருந்து கொண்டே உங்கள் அலுவலகக் கணினியுடன் இணைந்து அக்கணினியிலுள்ள ஹாட் ட்ரைவ், பைல், போல்டர் மற்றும் ஏனைய புரோக்ரம்களை திறந்து பணியாற்ற முடிவதோடு நிஜமாகவே உங்கள் காரியாலயக் கணினி முன்னால் உட்கார்ந்து பணியாற்றுவது போன்ற உணர்வை இந்த ரீமோட் டெஸ்க்டொப் தருகிறது.

தொலைவிலுள்ள கணினியை அணுகுவதற்குப் பயன்படும் ரீமோட் டெஸ்க்டொப் போன்ற மற்றுமொரு மென்பொருள் கருவியே டீம் வீவர். (Team Viewer) இது விண்டோஸ் ரீமோட் டெஸ்க்டொப்பை விட பல்வேறு வசதிகளைக் கொண்டுள்ளது.
  • டீம் வீவர் மூலம் ஒரு கணினி வலையமைப்பில் அல்லது இணையத்தில் இணைந்திருக்கும் உலகின் எப்பகுதியிலுமுள்ள ஒரு கணினியை உங்களது கணினி மூலம் அணுகலாம்.
  • உங்கள் கணினியின் டெஸ்க்டொப்பை மறு முனையில் இருப்பவருக்கும் அதேபோல் அவரது கணினியின் டெஸ்க்டொப்பை உங்கள் கணினிலும் தோன்றச் செய்யலாம்.. இதன் மூலம் கணப்பொழுதில் படங்களையோ அல்லது பிரசன்டேசன் ஒன்றையோ தொலைவிலுள்ளவருடன் பகிர்ந்து கொள்ள முடியும்.
  • தொலைவிலுள்ள நண்பரைக் கொண்டு உங்கள் கணினியில் ஏற்பட்டுள்ள வன்பொருள் மற்றும் மென்பொருள் சிக்கலை அவரிடத்திற்கு நேரில் செல்லாமல் உங்கள் வீட்டிலிருந்தபடியே சரி செய்து கொள்ளலாம்.
  • அதிக கொள்ளளவு கொண்ட பைல்களை இலகுவாகவும் விரைவாகவும் பரிமாறிக் கொள்ளலாம்.  
இது போன்ற ஏராளமான தேவைகளுக்கு துணை புரிகிறது. ரீமோட் கண்ட்ரோல் மென்பொருள் கருவியான டீம் வீவர்

விண்டோஸ் ரீமோட் டெஸ்க்டொப் வசதியைப் பயன்படுத்த இரண்டு கணினிகளிலும் பல் வேறு விதமான செட்டிங்ஸ் மாற்றியமைக்க வேண் டும்எனினும் டீம்வீவரை மிக எளிதாக எவரும் பயன் படுத்தலாம். எந்த விதமான மாற்றங்களும் கணி னியில் செய்யாமல் டீம் வீவரை நிறுவியதுமே பயன் படுத்த ஆரம் பிக்கலாம். இங்கு போட் இலக்கமோ (Port) ஐபி முகவரிகளோ வழங்க வேண்டியதில்லை..

டீம்வீவர் மென்பொருளை பயன் படுத்த இரண்டு முனைகளிலும் டீம்வீவரை நிறுவி இயக்க வேண்டும். அப்போது உங்கள் கணினிக்கென ஒரு இலக்கமும் கடவுச் சொல்லும் தரப்படும். எதிர் முனையிலும் அவ்வாறே தரப்படும். இந்த லொகின் விவரங்களை இரண்டு கணினிகளிலும் பரிமாறிக் கொண்ட பின் இனைப்பை உருவாக்கி நீங்கள் விரும்பும் வசதியை செயற்படுத்த முடியும்.

டீம் வீவர் மென்[பொருள் கருவியை தனிப்பட்ட பாவனைக்கு இலவசமாகப் பயன் படுத்தலாம். எனினும் வணிக நோக்கில் பயன் படுத்துவோர் அதற்குத் கட்டணம் செலுத்த வேண்டும். கட்டணம் செலுத்துவதன் மூலம் டீம் வீவரின் பிற சேவைகளையும் பெறலாம். குறிப்பாக பைல் பரிமாற்றம்., பல பேருடம் குழுவாக இணைந்து ஓன் லைனில் பணியாற்றல், ஓடியோ மற்றும் வீடியோ செட் போன்ற சேவைகளைப் பெறலாம். .

TeamViewer 6 எனும் புதிய பதிப்பு பல வசதிகளைக் கொண்டுள்ளது. 2.9 எம்பி அளவு கொண்ட இதனை www.teamviewer.com எனும் இணைய தளத்திலிருந்து டவுன்லோட் செய்து கொள்ளலாம்

டீம் வீவரைப் பயன் படுத்தி எங்கோ ஓரிடத்திலிருந்து கொண்டு உங்கள் வீட்டுக் கணினியையோ அல்லது அலுவலகக் கணினியையோ அணுகி அதனை எமது கட்டுப் பாட்டில் இயக்கும் போது ஒரு புதுமையான அனுபவத்தை உணர முடியும்.

-அனூப்-

Sunday, January 09, 2011

Download YouTube video


YouTube வீடியோவைத் தரவிறக்கம் செய்வதற்கு ..

இணைய வீடியோக்களில் கூகில் நிறுவனத்தின் YouTube அதிக பிரசித்தி பெற்றது என்பது அனைவரும் அறிந்த விடயம். எனினும் இந்த வீடியோவைப் ஒவ்வொரு முறையும் (Online) இணையத்தில் இணைந்தே பார்க்க முடியும். ஒரு முறை பார்த்த வீடியோவை மறுபடியும் பார்ப்பதற்கும் இணையத்தில் இணைய வேண்டும். ஓப்லைனில் (offline) பார்ப்பதானால் டவுன் லோட் செய்தே பார்வையிட முடியும்.

யூடியூப் வீடியோக்களை டவுன்லோட் செய்வதற்கு யூடியூப் தளத்திலோ அல்லது நாம் பயன் படுத்தும் பிரவுசரிலோ வசதிகள் இல்லை. எனவே அதற்கு மூன்றாம் தரப்பு மென்பொருள் கருவிகளைப் பயன் படுத்த வேண்டும். இதற்கென் ஏராளமான மென்பொருள் கருவிகள் பயன் பாட்டில் உள்ளன.

யூடியூப் வீடியோக்களை டவுன் லோட் செய்ய நான் இங்கு பரிந்துரைக்க விரும்புவது Real Player எனும் மீடியா ப்லேயர் மென்பொருளாகும்நான் அறிந்த வரையில் யூடியூப் வீடியோவை டவுன்லோட் செய்ய ரியல் ப்லேயர் இலகுவானதும் விரைவானதுமான ஒரு வழி முறையைத் தருகிறது.

.ரியல் ப்லேயர் மூலம் யூடியூப் வீடியோவை டவுன்லோட் செய்ய முதலில் Real Player மென்பொருளின் சமீபத்திய பதிப்பை www.real.com எனுன் இணைய தளத்திலிருந்து நிறுவிக் கொள்ளுங்கள். பின்னர் ரியல் ப்லேயர் விண்டோவில் Tools மெனுவில் Preferences தெரிவு செய்ய வரும் டயலொக் பொக்ஸில் Enable web download and recording for these installed browsers என்பதைத் தெரிவு நிலைக்கு மாற்றுங்கள்.  

மேலும்  டவுன்லோட் ஆகும் வீடியோவை எந்த போல்டரில் சேமிக்க வெண்டும் என்பதையும் குறிப்பிடுங்கள். இனி நீங்கள் பயன் படுத்தும் எந்த பிரவுஸரிலும் யூடியூப் வீடியோ அல்லது வேறு எவ்வகையான இணைய வீடியோ பார்க்கும் போது வீடியோ காட்சியின் மீது மவுஸ் பொயிண்டரை நகர்த்தும்போது வீடியோ விண்டோவின் மேல் Download This Video. எனும் பட்டன் தோன்றக் கானலாம். அந்த பட்டனில் க்ளிக் செய்ய டவுன்லோட் பணி ஆரம்பிகும். .

-அனூப்-