Friday, September 23, 2011

What are Portable Apps?

Portable Apps   என்றால் என்ன?

அடிப்படையில் போட்டபல் எப்லிகேசன் என்பது ஒரு பயன்பாட்டு மென்பொருளே (application software) . இதனை இயங்கு தளத்தில் (operating system) அதிகம் சாரா வண்ணம் ரிமூவபல் மீடியா (removable media) எனும் அவ்வப்போது கணினியில் பொருத்தி பயன் படுத்துவதும்  கையிலெடுத்துச் செல்லத்தக்கதுமான பென் ட்ரைவ், சிடி, டீவிடி போன்றவற்றிலிருந்து இயங்கக் கூடியதாக உருவாக்கப்பட்டிருப்பதையே போட்டபல் எப்ஸ் (Portable Appsஎனப்படுகிறது.
  • ஒரு போட்டபல் எப்லிகேசன் flash drive, portable hard drive, iPod> CD, DVD போன்ற எந்த ஊடகத்திலிருந்தும் இயங்கக் கூடியதாயிருக்கும்.
  • கணினியில் ஹாட் ட்ரைவ் பாட்டிசன்களுக்குரிய எழுத்தை (Drive Letterமாற்றினாலும் கூட போட்டபல் எப்ஸ் இயங்கும்.. (ஆனால் வழமையான மென்பொருள்கள் இவ்வாறு இயங்குவதில்லை என்பதை நீங்கள் அறிந்திருக்கலாம்.)
  • அவை உங்கள் கணினியில் பைல் போல்டர்களை உருவாக்குவதில்லை
  • ஒரு போட்டபில் அப் இயங்குவது விண்டோஸ் இயங்கு தளம் எனின் விண்டோஸினால் தானாக உருவாக்கப்படுபவை தவிர ரெஜிஸ்ட்ரியில் எந்த வித மாற்றத்தையும் செய்து விடாது.
  • போட்டபல் எப்ஸ் இயங்குவதற்கு மேலதிகமாக எந்தவொரு மென்பொருளும் அவசியமில்ல.
  • கணினியில் நிறுவியுள்ள வேறு மென்பொருளகளுடன் இவை முரண்படுவதில்லை.
இவ்வாறு ஒரு போட்டபில் அப்லிகேசன் பல்வேறு சிறப்பியல்புகளைக் கொண்டிருக்கும்.

இன்னும் சற்று விரிவாக விளக்குவதற்கு Firefox மென்பொருளின் வழமையான பதிப்பையும் அதன் போட்டபல் பதிப்பையும் எடுத்து நோக்குவோம்.

வழமையான Firefox மென்பொருளை நிறுவும் போது கணினியில் பல்வேறு மாற்றங்கள நிகழ்வதுண்டு. இயங்கு தளத்தில் பைல் அமைப்பில் (file structure) மாற்றம் விண்டோஸ் இயங்கு தளம் எனின் ரெஜிஸ்ட்ரியில் மாற்றம் கணினியில் ஏற்கனவெ உள்ள HTML பைல்கள் மற்றும் இணைய தள முகவரிகள் அனைத்தும் பயபொக்ஸ் மென்பொருளுடனேயே திறந்து கொள்ளும் விதமாக பிரதான இணைய உலாவியாகுதல் .என பல மாற்றங்கள் நிகழும்எனினும் போட்டபல் பதிப்பு மேலே குறிப்பிட்டது போன்று எந்த வித மாற்றத்தையும் உண்டாக்குவதில்லை. கணினியில் எவ்வித மாற்றமும் செய்ய முடியா வண்ணமே அவை  உருவாக்கப்பட்டுகின்றன. இது போட்டபில் எப்லிகேசன்களின் சிறப்பியல்பாகும்.

சரி, இந்த போட்டபல் எப்ஸ் பயன் படுத்துவது எந்த விதத்தில் உங்களுக்குப் பயனளிக்கிறதுஇந்த போட்டபல் எப்ஸ்களை உங்கள் சாவிக் கொத்தில் மாட்டியுள்ள பென் ட்ரைவிலோ, கையடக்கத் தொலைபேசியிலுள மெமரி சிப்பிலோ அல்லது ட்ரொப் பொக்ஸ் போன்ற  இணைய பைல் சேர்வர்களிலோ ஏற்றிவிட்டால் போதும். நீங்கள் எங்கு சென்றாலும் உங்கள் விருப்புக்குரிய எப்லிகேசனை தங்கு தடையின்றிப்  பயன் படுத்தலாம். உதாரணமாக  நீங்கள் பயபொக்ஸ் மென்பொருளை குறிப்பிட்ட சில நீட்சிகளோடு (நஒவநளெழைளெ) பயன் படுத்துகிறீர்களாயிருந்தால், அவற்றையும் கூடவே உங்களோடு எடுத்துச் செல்ல முடிவதோடு வேலைத்தளத்திலோ நண்பரின் கணியிலோ தேவையான  எப்லிகேசன்களைப் பயன் படுத்தவும் முடியும்.

மேலும் நீங்கள் ஒரு மென் பொருளை முழுமையாகக் கணினியில் நிறுவிப் பயன் படுத்த விரும்பினால் அதனை கணினியில் நிறுவாமலேயே முன் கூட்டியே பரீட்சித்துப் பார்க்கக் கூடிய வசதியும் போட்டபல் எப்ஸ் மூலம் கிடைக்கிறது. இந்த போட்டபல் எப்ஸ்களை கணினியில் நிறுவ வேண்டிய அவசியம் இல்லை என்பதால் தற்போது இவை கணினிப் பயனரிடையே பிரபல்யமடைந்து வருகின்றன.

போட்டபல் எப்ஸ் மென்பொருள்கள் பலவேறு இணைய தளங்களில் கிடைக்கின்றன. எனினும் portableApps.com என்பது ஒரு நம்பகமான இணைய தளமாக இருப்பதோடு ஏராள்மான பயனுள்ள இலவச போட்டபல் அப்லிகேசன்களையும்  கொண்டுள்ளது

-அனூப்-

PC Decrapifier

அவசியமற்ற மென்பொருள்களை அகற்றுவதற்கு..

புதிதாக ஒரு கணினியை வாங்கும்போது கூடவே சில எப்லிகேசன் மென்பொருள்களும் கணினி விளையாட்டுக்களும் நாங்கள் கேட்காமலேயே நிறுவப்படிருக்கும். அவற்றுள் எங்களுக்குப் பிடித்த அப்லிகேசன்களும் இருக்கும். பிடிக்காத மென்பொருள்களும் நிறுவப்பட்டிருக்கும். இந்த அவசியமற்ற மென்பொருள்கள் ஹாட் டிஸ்கிலும் நினைவகத்திலும் அதிக இடத்தைப் பிடித்துக் கொள்வதோடு கணினியின் இயக்கத்திலும் பாதிப்பை ஏற்படுத்தும். எனவே இவற்றை கணினியிலிருந்து அகற்றி விடுவதே நல்லது .

இது போன்ற உங்களுக்கு அவசியமற்ற மென்பொருள்களை அகற்றுவதற்கு விண்டோஸ் இயங்கு தளத்தில் Add/Remove Programs எனும் வசதியுள்ளது. எனினும் இதன் மூலம் ஒவ்வொரு ப்ரோக்ரமாக் அகறற வேண்டும். அவ்வாறு அகற்றுவதற்கு அதிக நேரம் விரயமாவதோடு  அதற்கு பொறுமையும் அவசியம். எனவே இது பொன்ற மென்பொருள்களைக் கணினியிலிருந்து இலகுவாகவும் ஒரே தடவையிலும் அகற்றுவதற்கு  PC Decrapifier எனும் மென்பொருள் கருவி உங்களுக்கு உதவுகிறதுஇந்த PC Decrapifier  எனும் மென்பொருள் கருவியை நீங்கள் www.pcdecrapifier.com எனும் இணைய தளத்திலிருந்து இலவசமாக டவுன் லோட் செய்து கொள்ளலாம்.

-அனூப்-

Thursday, September 22, 2011

Video Wallpaper

வீடியோ வோல்பேப்பர் 

விண்டோஸ் டெஸ்க் டொப்பில்  முகப்புப் படமாக (wallpaper) இதுவரை காலமும் வித விதமன நிழற் படங்களை இட்டே மகிழ்ந்திருப்பீர்கள். எனினும் முகப்புப் படமாக வீடியோ காட்சியொன்றை வரவழைக்கலாம் என்பதை நீங்கள் அறிவீர்களா?

அதற்கு உங்கள் கனினியில்  ஓபன் சோர்ஸ் மீடியா ப்லேயர் மென்பொருளான  VLC player நிறுவியிருத்தல்  அவசியம். அதனை நீங்கள் videolan.org எனும் இணைய தளத்திலிருந்து டவுன்லோட் செய்து நிறுவிக் கொள்ளலாம்.

முதலில் VLC player இயக்குங்கள். அடுத்து Tools மெனுவில்  Preference தெரிவு செய்யுங்கள். தோன்றும் விண்டோவில் video   பட்டனை க்ளிக் செய்யுங்கள். அங்கு Output எனுமிடத்தில் ட்ரொப்டவுன் பட்டனில் க்ளிக் செய்து DirectX video output என்பதைத் தெரிவு செய்து Save பட்டனில் க்ளிக் செய்யுங்கள்

அடுத்து VLC player  ஊடாக ஒரு வீடியோ பைலைத் திறந்து கொள்ளுங்கள். வீடியோ இயங்கும் பொது அதன் மீது ரைட் க்ளிக் செய்து DirectX Wallpaper என்பதைத் தெரிவு செய்யுங்கள். இபோது டெஸ்க்டொப்பைப் பாருங்கள். டெஸ்க்டொப் ஐக்கன்களுக்கு பின்னே வீடியோ காட்சி தெரிவதைப் பார்த்து வியந்து போவீர்கள்.


இவ்வாறு வீடியோ காட்சி ஒன்றை டெஸ்க்டொப் வோல் பேப்பராக மாற்றுவது ரசிக்கக் கூடியதாயிருந்தாலும் அது கணினியின் இயக்கத்தில் பாதிப்பை உண்டாக்கலாம்
-அனூப்-