Saturday, February 23, 2013

OnlineVNC

OnlineVNC


OnlineVNC என்பது தொலைவிலிருந்து ஒரு கணினியை நிர்வகிக்கவும் கட்டுப் படுத்தவும் என உருவாக்கப் பட்டுள்ள ஒரு மென்பொருள் கருவியாகும். இது போன்ற பல கருவிகள் பயன் பாட்டிலிருந்தாலும் ஒரு வெப் பிரவுசரைப் பயன் படுத்தி தொலைவிலுள்ள கணினியை அணுக முடியும் என்பதில் OnlineVNC மாறு பட்டு நிற்கிறது. மேலும் ஒரு கணினியை Offline இல் இயக்குவது போன்றே மிக வேகமாக ஒன்லைனில் இயங்குவது இதன் தனித்துவமான அம்சமாகும்.  

அனறாட கணினிப் பாவனையின் போது ஏற்படும் சிக்கல்களைத் தொலைவிலிருந்தே தீர்ப்பதற்கான் ஒரு சிறந்த கருவி என OnlineVNC ஐக் குறிப்பிடலாம். உங்கள் கணினியில் ஏற்படும் சிக்கலைத் தீர்க்க தொலைவிலுள்ள நண்பரின் உதவி தேவைப் படுமிடத்து அவருக்கு மின்னஞ்சலில் உங்கள் கணினிக்கான ஒரு லின்க்கை அனுப்பி விட்டால் போதுமானது. அவர் வேறு எந்த மென்பொருளும் நிறுவாமலேயே அந்த லின்க்கில் க்ளிக் செய்து பிரவுஸர் மூலம் உங்கள் கணினியின் டெஸ்க்டொப்பைக் அணுக முடியும்

மேலும் உங்கள் கணினியில் OnlineVNC மென்பொருளை நிறுவி சீரமைத்த பின்னர் கணினி இயக்கத்திலிருக்கும் போது உங்கள் கணினியிலுள்ள பைல் மற்றும் போல்டர்களை பயனர் கணக்கொன்றினுள் லொகின் செய்யாமலேயே அக் கணினியை அணுகக் கூடிய வசதியையும் தருகிறது

லினக்ஸ் மேக் போன்ற விண்டோஸ் அல்லாத இயங்கு தளம் நிறுவப் பட்ட கணினிகளிலிருந்தும் விண்டோஸ் கணினியை அணுகக் கூடியதாயிருப்பது OnlineVNC மென்பொருளின் மற்றுமொரு சிறப்பம் சமாகும்.  14.6 எம்.பீ பைல் அளவு கொண்ட இதனை www.onlinevnc.com எனும் இணைய தளத்திலிருந்து தரவிறக்கம் செய்யலாம்.

-அனூப்-

Save all files in a single click

ஒரே க்ளிக்கில் அனைத்து பைல்களும் சேமிக்க..

எம்.எஸ்.வேர்டில் பல ஆவணங்களத்  திறந்து பணியாற்றிக் கொண்டிருக் கிறீர்கள். இறுதியாக அனைத்து பைல்களையும்  மூடும்போது  ஒவ்வொன்றாக செமித்து அதன் பின்னர் அவற்றை மூட வேண்டியுள்ளது. இதற்குப் பதிலாக அனைத்தையும் மொத்தமாக சேமித்து மூட முடியும் என்றால் எவ்வளவு எளிதாயிருகும். .

இதற்கு எம்.எஸ்.வர;ட்-2003 பதிப்பில்  (Shift) கீயை அழுத்திப் பிடித்துக் கொண்டு பைல் மெனுவில் கிளிக் செய்யுங்கள். அப்போது  Save All என்ற தெரிவு கிடைக்கும். இதில் கிளிக் செய்தால் திறந்து பணியாற்றிக் கொண்டிருக்கும் அனைத்து பைல்களும் சேவ் செய்யப்பட்டு மூடப்பட்டு விடும். இதில் சிறிது கவனம் தேவை. ஏதாவது ஒரு பைலில் ஏற்படுத்திய மாற்றங்களை நீங்கள்  தேவை இல்லை என்று கருதினால் அந்த பைலை முதலில் சேவ் செய்யாமல் மூட வேண்டும். இல்லை எனில் நீங்கள் தேவை இல்லை என்று கருதும் மாற்றங்களுடன் அதுவும் சேமிக்கப்பட்டு  மூடப்பட்டு விடும்.

-அனூப்-

Friday, February 22, 2013

What is Pixel ?

Pixel என்றால் என்ன?

ஒரு டிஜிட்டல் படத்தை உருவாக்கும் சிறிய வண்ணப் புள்ளிகளே பிக்சல் எனப்படுகிறது. Picture Elements எனும் இரு வார்த்தைகளிலிருந்தே (Pixel) பிக்சல் என்பது உருவானது. திரையில் படங்களும் எழுத்துக்களும் பிக்ஸல் எனப்படும் புள்ளிகளின் சேர்க்கையினாலேயே உருவாக்கப் படுகின்றன ஒரு புகைப் படக் கருவி அல்லது ஸ்கேனர் கொண்டு உருவாக்கப் படும் டிஜிட்டல் படங்களில் ஆயிரக் கணக்கான பிக்சல்கள் அடங்கியிருக்கும். 

கேமராவில் எடுக்கும் புகைப்படங்க ளாயிருக்கட்டும் கணினித் திரையில் தோன்றும் காட்சிகளாயிருக்கட்டும் இவற்றின் தெளிவுத் திறனில் பிக்ஸல்களே முக்கிய பங்கு வகிக்கின்றன. பிக்ஸல்களின் எண்ணிக்கையையே ரெஸலுயூசன் (Resolution) எனப்படு கிறது. ஒரு படத்தின் தெளிவுத் திறனைக் குறிப்பதற்கே ரெஸலுயூசன் எனும் வார்த்தை பயன்படுகிறது.. ஒரு டிஜிட்டல் படத்தின் அளவானது பொதுவாக அப் படத்தின் நீளம் மற்றும் அகலத்தின் பெருக்கமாக எடுத்துரைக்கப்படும் (உதாரணம் : 640 x 480 பிக்சஸ்) ஒரு மெகா பிக்சல் (Megapixel) என்பது ஒரு மில்லியன் பிக்சல்களைக் குறிக்கும். ஒரு டிஜிட்டல் கேமராவின் தெளிவுத் திறன் மெகா பிக்சலிலேயே எடுத்துரைக் கப் படும்.

ஒரு டிஜிட்டல் படத்தை உருவாக்கும் பிக்சல்களின் எண்னிக்கை அதிகமாயிருப்பின் அந்தப் படம் திரையிலும் அச்சு வடிவிலும் தெளிவாகத் தோன்றும். அதிக என்ணிக்கையிலான் பிக்ஸல் கொண்டு ஒரு படம் உருவாக்கப்படுமாயின் அது உயர் ரெஸலுயூஸன் (High Resolution) கொண்ட படமாகக் கருதப்படும்.

-அனூப்-

Thursday, February 21, 2013

How to protect your Wi-Fi connection

Wi-Fi   திருட்டைத் தடுப்பது எப்படி?

தற்போது Wi-Fi   எனும் கம்பியில்லா வலைப் பின்னலூடாக வரும் இணைய இணைபபு  நமது நாட்டிலும்  பரவலாகப் பயன் பாட்டி;லுள்ளது. நாம் பணம் செலுத்திப் பெறும் இணைய இணைப்பை  Wi-Fi   வலையமைப்பூடாகச் செலுத்தும் போது அது நமது கணினியில் மாத்திரமன்றி  அயலவர்களின் கணினிகளையும் எட்டிப் பார்க்கிறது;. அதனால் எமது அயலவர்கள்  எந்தக் கட்டணமும் செலுத்தாமல் இலவசமாக எமது அனுமதியின்றி இந்த வைபை இணைப்பு மூலம் இணையத்தை அணுக முடிகிறது.

உங்கள்  வீட்டில் தற்போது இணையத்தைப் எவரும்  பயன் படுத்தவில்லை. எனினும் நீங்கள் பயன் படுத்தும் ரூட்டரில் (Router) Internet LED உள்ள Internet LED விளக்கு விட்டு விட்டு எரிந்து கொண்டிருக்கிறது. ரூட்டரில் நீங்கள் காணும் இந்த அறிகுறி வைபை இணைப்பை உங்கள் வீட்டுக்கு அருகாமையிலிலுள்ள யரோ அனுமதியின்றிப் பயன் படுத்துகிறார்கள் என்பதை  நிச்சயமாகக் கூறலாம்.

அதனை இன்னும் உறுதி செய்து கொள்ள விரும்பினால் முதலில் ஒரு பிரவுசரைத் திறந்து கொள்ளுங்கள். பின்னர் ரூட்டரின் ஐபி முகவரியை பிரவுசரின் முகவரிப் பட்டையில் டைப் செய்யுங்கள். அனேகமான ரூட்டர்களின் பொதுவான ஐபி முகவரியாக 192.168.1.1. என்பதே பாவனையில் இருக்கும்பின்னர் ரூட்டரை அணுகுவதற்கான பயனர் பெயரையும் கடவுச் சொல்லையும் வழங்கி ரூட்டரின் நிர்வகிப்பதற்கான பக்கத்தினுள் நுளையுங்கள். பொதுவான ரூட்டரின் பயனர் பெயராகவும் கடவுச் சொல்லாகவும் யனஅin என்பதே பயன் பாட்டில் உள்ளது. .

ரூட்டரின் நிர்வகிப்பதற்கான பக்கத்தில் DHCP Client Table என்பதை Status - > Local Network - > DHCP Server ஊடாக அடையுங்கள். இந்த வழி முறை ஒவ்வொரு ரூட்டர் தயாரிப்பு நிறுவனத்தைப் பொறுத்து வேறு படலாம். . இந்த அட்டவனையில் தற்போது உங்கள் ரூட்டரில் இணைந்திருக்கும் கணினிகள் மற்றும் பிற கையடக்கடச சாதனங்கள் அனைத்தினதும் பெயர்களைப் பட்டியலிடும். இதிலிருந்து அயலவர்கள் எவரேனும் உங்கள் வைபை இணைப்பில் உள்ளார்களா என்பதைப் பர்த்துத் தெரிந்து கொள்ளலாம்.

உங்கள் அயலவர்கள் பலரும் வைபை இணைப்பை உங்கள் அனுமதியின்றிப் பயன் படுத்துவதன் காரணம் பாதுகாப்பு முறைகள் எதுவும் பின்பற்றப் படாமல்  திறந்த நிலையில் (Open) அவர்கள் கணினியை அடைவதே காரணமாகும்

வைபை சமிக்ஞைகள் அயல் வீடுகளைச் சென்றடைவதை உங்களால் தடுக்க முடியாது. எனினும் அவர்களைச் சென்றடையும் சமிக்ஞைகளை; அனுமதியின்றிப் பயன் படுத்துவதைத் தடுக்கலாம். இவ்வாறு திருட்டுத் தனமாகப் இணைய இணைப்பைப் பயன் படுத்துவதைத் தடுப்பதற்குப் பல எளிய வழிமுறைகள் உள்ளன. இந்தப் பாதுகாப்புச் செயற்பாட்டை மேற்கொள்ள, முன்னர் குறிப்பிட்டது போல் இதற்கும்  ரூட்டரின் நிர்வாக பக்கத்தில் நுளைய வேண்டும்.

1.உங்கள் வைபை இணைப்புக்கான பெயரை (SSID)   பிறர் கண்டு கொள்ளாதபடி  Broadcast SSID என்பதை No என மாற்றுவதன் மூலம் மறைத்து வைக்க முடியும். இவ்வாறு செய்வதன் மூலம் அயலவர்களின் கணினியை வைபை இணைப்பு அடைந்தாலும் அதனைப் பயன் படுத்துவதற்கு அதன் பெயரைக் (SSID)   அறிந்திருத்தல் வெண்டும்.. எனினும் கொஞ்சம் விசயம் தெரிந்தவர்களால் இந்தப் பாதுகாப்பை மீற முடியும்.

2. உங்கள் வைபை இனைப்பைப் பிறர் பயன் படுத்தத் தயங்கும் வகையில் அதன் SSID பெயராக  c:\virus.exe ,  Police,  Network Unavailable போன்ற சொற்களை வழங்கி அவர்களை எமாற்றலாம்.

3.உங்கள் வைபை இணைப்புக்கு ஒரு கடவுச் சொல் வழ்ங்கிப் பாதுகாக்கலாம்இதற்கு ரூட்டரின் நிர்வாகப் பக்கத்தில் நுளைந்து  வைபை பாதுகாப்பு முறைகளான (Authentication Type) என்பதில் WPA,  WPA2 மற்றும் WEP போன்ற ஏதோவொன்றைத் தெரிவு செய்து அதற்குக் கடவுச் சொல் ஒன்றையும் வழங்குங்கள். எனவே வைபை இணைப்பில் இணைவதற்குக் கடவுச் சொல்லை அறிந்திருத்தல் வெண்டும். பலரும் இந்த முறையையே கையாளுகின்றனர்.


4. உங்கள் கணினி கையடக்கத் தொலைபேசி மற்றும் டேப்லட பீசி போன்ற அனைத்து சாதனங்களுக்கும் MAC Address எனும் தனிப்பட்ட அடையாள இலக்கம் வழங்கப் பட்டுள்ளதுஇது ஐபி முகவரியிலிருந்து வேறு பட்டது. ரூட்டரின் நிர்வாகப் பக்கத்தில் MAC Address Filte எனும் பகுதியில் நீங்கள் பயன் படுத்தும் கணினிகள் அனைத்தினதும் மேக் முகவரியை வழங்கி விடுங்கள். மேக் முகவரி வடிகட்டல் MAC Address Filtering  எனும் இந்த முறை மூலம் இந்தப் பட்டியலில் உள்ளவர்களால் மட்டுமேவைபை இணைப்பைப் பயன் படுத்தக் கூடியதாய் இருக்கும். மேலே குறிப்பிட்ட  DHCP Client Table மூலம் உங்கள் சாதங்களுக்குரிய MAC முகவரியை அறிந்து கொள்ளலாம்.

-அனூப்-