Wednesday, December 24, 2014

What is MAC Address?

MAC Address எனறால் என்ன?

MAC  என்பதை Apple Macintosh கணினியாக எண்ணி விடாதீர்கள். Media Access Control Address என்பதன் சுருக்கமே MAC ஆகும். இது ஒரு கணினி வலையமைப்பில் இணைந்துள்ள ஒவ்வொரு கணினியையும் வேறு படுத்தும் ஒரு நிரந்தர இலக்கமாகும். வலையமைப்பில் உள்ள கணினிகளை வேறு படுத்தும் ஐபி முகவரி என்பது தற்காலிகமானது. கணினி வலையமைப்பில் இணையும் போது  மாத்திரம் ஐபி முகவரியானது வழங்கப்படும். இந்த மேக் முகவரி என்பது வலயமைப்பு இடைமுக அட்டையில் அதன் தயாரிப்பு நிறுவனத்தால் அதனைத் தாயாரிக்கும் போதே பதிக்கப்படுகிறது. எனவே இந்த மேக் முகவரியை  ஒருபோதும் மாற்ற முடியாது.


மேலும்  உலகில் பல கோடி கணினி சார் கருவிகள் உள்ளன. ஒவ்வொரு சாதனமும் தனித்துவமான மேக் முகவரியைக் கொண்டிருத்தல் அவசியம். எனவே அதற்கேற்றார் போல் ஒரு சாத்தியமான மேக் முகவரி வழங்கும் முறையும் இருத்தல் அவசியம். இதற்காக ஆறு இரண்டு இலக்கம் கொண்ட பதினறும எண் முறைமை பயன் படுத்தப்படுகின்றது. இங்கு ஒவ்வொரு இலக்கமும் (:) கொண்டு பிரிக்கப் படுகிறது.  உதாரணம் 00:0d:83:b1:c0:8e  எனினும் ஒவ்வொரு கணினி வலையமைப்பும் இந்த மேக் முகவரியை இனம் காணக் கூடியதென்பதால் இந்த இலக்கங்களை நினைவில் கொள்ள வேண்டியதில்லை என்பது ஆறுதலான விடயம்.

அனூப்

Tuesday, December 23, 2014

Is the internal memory full in your Android device?

Android கருவி நினைவகம் நிரம்பி விட்டதா?

அன்ரொயிட் கருவிகளில் அதிகளவு அப்லிகேசன்களை நிறுவும் போதும் அதன் உள்ளக நினைவகத்தில் (internal memory) வெற்றிடம் குறைந்து புதிதாக அப்லிகேசன்களை நிறுவுவதற்கோ அல்லது பைல்களை சேமிப்பதற்கோ முடியாமல் போய் விடும்.

இவ்வாறான நிலையில் அண்ட்ரொயிட் கருவிகளில் உள்ளக நினைவகம் மற்றும் மற்றும் SD கார்ட் என்பவற்றில்  காளியிடத்தை பெறுவதற்கான சில வழிமுறைகள். கிழே தரப்படுகின்றன.

1. பொதுவாக உள்ளக நினைவகத்திலேயே எப்லிகேசன்கள் நிறுவப் படுவதோடு SD card இல் பைல்கள் மற்றும்  கேமராவில் எடுக்கப் படும் போட்டோ வீடியோ என்பன சேமிக்கப் படுவதுண்டு. எனவே உள்ளக நினைவகத்திலிருந்து SD card ற்கு அப்லிகேசன்களை நகர்த்துவதன் மூலம். காளியிடத்தைப் பெறலாம். சில அப்லிக்கேசன்கள் உள்ளக நினைவகத்திலிருந்து நகர்த்த முடியாதவாறு உருவாக்கப் பட்டிருக்கும். என்பதையும் நினைவில் கொள்ளவும். எனினும் அவ்வாறான எப்லிகேசன்களையும் நகர்த்துவதற்கு வழியுண்டு. அது சற்று சிக்கலான வழி முறை என்பதால் அதனைப் பற்றி விவரிக்க வில்லை

அப்லிகேசனை நகர்த்துவதற்கு முன்னர் ஒவ்வொரு அப்லிகேசனும் நினைவகத்தில் எவ்வளவு இடத்தைப் பிடித்துள்ளன என்பதை Settings ---   Applications Manager ----  Sort by size ஊடாகத் தெரிந்து கொள்ள முடியும். அதிக இடத்தைப் பிடித்துள்ள எப்லிகேசன் பட்டியலின் மேல் பகுதில் காட்டப்படும்அந்த எப்லிகேசனில் தட்டும் போது அது பற்றிய மேலும் விவரங்களைக் காண்பிக்கும். அங்கு Move to SD card என்பதில் தட்டும் போது உள்ளக நினைவகத்திலிருந்து SD card ற்கு அது நகர்த்தப் படும்.

2. அண்ட்ரொயிடிட் கருவியின் பதுக்கு  Cache நினைவகத்தில்  ஒவ்வொரு எப்லிகேசனும்  சேமித்து வைத்துள்ள  தற்காலிக பைல்களை அழிப்பதன் மூலமும் சிறிதளவு வெற்றிடத்தைப் பெறலாம். அதற்கு மேற் சொன்ன அதே இடத்திற்குச் சென்று  Clear Data என்பதை தெரிவு செய்ய வேண்டும்.

3. எண்ட்ரொயிட் கருவியில் காளியிடத்தை உருவாக்க மிகச் சிறந்த வழி எப்லிகேசனை நீக்கி விடுவதாகும். அடிக்கடி பயன் படுத்தாத எப்லிகேசன்கள் ஏதுமிருப்பின் அதனை நீங்கள் விலை கொடுத்து வாங்கியிருந்தாலும் கூட கருவியிலிருந்து முற்றாக நீக்கி விடலாம்ஏனெனில்ம் மறுபடி அதனை கூகில் ப்லே ஸ்டோரிலிருந்து இலகுவாக நிறுவிக் கொள்ளலாம்.  

4. போட்டோ மற்றும் வீடியோ போன்றவற்றை கருவியிலேயே விட்டு வைக்காமல் அவற்றை அவ்வப்போது கணினியிற்கு மாற்றிவிடுங்கள். அல்லது ட்ரொப்பொக்ஸ், வன் ட்ரிவ், Google+ போன்ற  க்ளவுட் சேர்வர்களுக்கு தானாகவே அப்லோட் ஆகுமாறு செய்து விட்டால் அண்ட்ரொயிட் கருவியிலிருந்து போட்டோ மற்றும் வீடியோக்களை அழித்து வெற்றிடத்தைப் பெறலாம்

அனூப்

Saturday, December 20, 2014

A useful MS Word tip

எம். எஸ். வர்ட் பயன்படுத்துபவர்களுக்கு

எம்.எஸ்.வர்ட் 2003 பதிப்பில் Format மெனுவின் கீழுள்ள Change Caseகட்டளையைத் தெரிவு செய்வதன் மூலம்   ஆங்கில பெரிய எழுத்தில்(Upper Case) டைப் செய்ததை சிறிய எழுத்தாகவும் சிறிய எழுத்தில் (Lower Case) டைப் செய்ததை பெரிய எழுத்தாகவும்  மாற்றலாம் என்பதை நீங்கள் அறிந்திருக்கலாம். ஆனால் அதே வேலையை  விசைப் பலகை  மூலமாகவும் செய்யலாம் என்பதை அறிவீர்களா?


ஆங்கிலத்தில் ஒரு வாக்கியத்தை  சிறிய எழுத்தில் டைப் செய்து விட்டு டைப் செய்த பகுதியைத் தெரிவு செய்யுங்கள். அடுத்து கீபோர்டில் Shiftவிசையுடன் F3 அழுத்துங்கள். முதலாம் முறை அழுத்தும் போது அந்தப் பகுதி முழுவதும் பெரிய எழுத்தாக மாறுவதையும் . இரண்டாவது முறை அழுத்தும்போது மீண்டும் சிறிய எழுத்தாக மாறுவதையும் மூன்றாவது தடவை அழுத்தும் போது அந்த வாக்கியத்தில் உள்ள ஒவ்வொரு சொல்லினதும் ஆரம்ப எழுத்து பெரிய எழுத்தாக (Title Case) மாறுவதையும் அவதானிக்கலாம்.

அனூப்

Friday, November 21, 2014

What is Megapixel?

மெகாபிக்ஸல் என்றால் என்ன?

மெகாபிக்ஸல் என்பது டிஜிட்டல் கேமராக்களின் தெளிவுத் திறனைக் (resolutionகுறிக்கப் பயன்படும் ஒரு சொல்லாகும். இங்கு பிக்ஸல் என்பது ஒரு படத்தை உருவாக்க உதவும் புள்ளிகளைக் குறிக்கிறது. பிக்ஸல்களின் எண்ணிக்கையையே ரெஸலுயூசன் எனப்படுகிறது. கிடையாகவும் நிலைக்குத்தாகவும் உள்ள பிக்ஸல்களின் பெருக்கமாக (640x480) இது எடுத்துரைக்கப்படும்.

ஒரு மில்லியன் (10 இலட்சம்) பிக்ஸல்களின் (pixelsஎண்ணிக்கையையே மெகா பிக்ஸல் எனப்படுகிறது. உதாரணமாக 7.2 மெகா பிக்ஸல் கேமரா என்பது அண்ணளவாக 7,200,000  பிக்ஸல்கள் கொண்டு ஒரு படத்தை உருவாக்கக் கூடியது. மெகாபிக்ஸல்களின் எண்ணிக்கை அதிகரிக்கும் போது கேமரா மேலும் தெளிவான படங்களை உருவாக்கும். எனவே ஒரு கேமராவைக் கொள்வனவு செய்யும் போது கவனத்திற் கொள்ள வேண்டிய ஒரு முக்கிய சிறப்பியல்பாக  மெகாபிக்ஸல்களின் எண்ணிக்கையும் கருதலாம்.

ஒரு கேமராவின் மெகாபிக்ஸல் எண்ணிக்கையானது கேமராவில் பொருத்தியுள்ள உணரியின் மூலம் பெறப்படும் நிலைக்குத்தான பிக்ஸல்களின் எண்னிக்கையினதும் கிடையாகவுள்ள பிக்ஸல்களின் எண்ணிக்கையினதும் பெருக்கத்தின் மூலம் அளவிடப் படுகிறதுஉதாரணமாக ஒரு டிஜிட்டல் கேமரா நிலைக்குத்தாக 2048 பிக்ஸல்களையும் கிடையாக  3072 பிக்ஸல்களையும் உருவாக்குகிறது. அதாவது மொத்தம் 6,291,456 (2048x3072) பிக்ஸல்களை உருவாக்கிகிறது. எனவே அதன் தெளிவுத் திறன் 6.3 மெகாபிக்ஸல் என நிர்ணயிக்கப் படுகிறது.

டிஜிட்டல் கேமராக்களை சந்தைப்படுத்தும் போது  மெகாபிக்ஸல் எனும் பதமே பயன்படுத்தப் படுகிறது6,291,456 பிக்ஸல்கள் என்பதை விட 6.3 மெகாபிக்ஸல் என்பதை  இலகுவாக உச்சரிக்கவும் நினைவில் கொள்ளவும் முடிகிறது.

ஒரு கேமராவில் மெகா பிக்ஸலின் அளவு முக்கியமானதாயிருந்தாலும் சட்டர் வேகம் ((shutter speed) படம் பிடிக்கும் முறை (shooting modes) ஆரம்பிக்கும் நேரம் (start-up time)  ஒளியின்  தரம் (flash quality) நிறங்களின் திருத்தம் (color accuracyஆகிய விடயங்களையும் கவனத்தில் கொள்ள வேண்டும்)

மெகாபிக்ஸலின் அளவு மிக அதிகமாயிருந்தாலும் படம் மங்களாகவும் நிறத்தின் அளவு குறைந்ததாகவுமிருப்பின் படம் தரமற்றுப் போய் விடும். எனவே உயர்ந்த தரத்துடன் படம் ஒன்றை எடுக்க மேற் சொன்ன ஏனைய காரணிகளிலும் அதிக கவனம் செலுத்தல் அவசியம்.

அனூப்