Wednesday, September 24, 2014

What is Widget?

Widget என்றால் என்ன?

எண்ட்ரொயிட் கருவிகளில் எப்ஸ் பற்றி  அறிந்திருப்பீர்கள். இது நாம் பயன் படுத்தும் எப்லிகேசன்களைக் குறிக்கின்றனஅதே எப்ஸ் எனும் டேபின் பக்கத்தில் விட்ஜட்ஸ்  எனும்  பெயரிலும் ஓர் டேப் இருப்பதை அவதானித்திருப்பீர்கள். எனினும் இதனை நீங்கள் மிக அரிதாகவே பயன் படுத்தியிருப்பீர்கள். விட்ஜட்ஸ் டேபை தட்டும்போது  clock, weather, calendar, bookmarks போன்ற வற்றிற்கான ஐக்கன்களைப் காண்பிக்கும். எப்ஸ் மற்றும் விட்ஜட்ஸ் என்பன பார்வைக்கு ஒரே மாதிரியாகத் தோற்றமளித்தாலும்  இரண்டும் வேறுபட்டவை. எப்லிகேசன்கள் போலன்றி விட்ஜட்டுகள் அவ்வப்போது தானாகவே அப்டேட் செய்யப்பட்டு விடும் என்பது இவற்றின் தனிச் சிறப்பு.

What is widget
உதாரணமாக வாநிலை தகவல்கலைச் சொல்லும் weather விட்ஜட், நாம் வழங்கியுள்ள நகரின் வானிலை பற்றிய தகவல்கலை அவ்வப்போது அப்டேட் செய்து கொண்டேயிருக்கும். நாம் விஜட்டைத் திறக்கும் நேரத்துக்குரிய சரியான வாநிலை அறிவித்தலை அது  காண்பிக்கும். அதே போன்று கலண்டர் விட்ஜட் எமது அன்றைய / அப்போதைய  நிகழ்வுகள் பற்றிய விவரங்களை எமக்கு நினைவூட்டும்.

சில விட்ஜட்டுகள் எண்ட்ரொயிட் கருவியுடன் இணைந்தே வரும். நாம் பயன் படுத்தும் சில அப்லிகேசன்களுக்கான விஜட்டுகளும் உள்ளன அவை ப்லே ஸ்டோரிலிருந்து அப்லிகேசன்களை நிறுவும் போது எமக்குத் தெரியாமலேயே  நிறுவப்பட்டு விடும்..


இந்த விட்ஜட்டுகளை எண்ட்ரொயிட் கருவியின் ஹோம் திரையில் நிறுத்தவும் முடியும். . அதற்கு ஒரு விட்ஜட் ஐக்கன் மீது விரலால் அழுத்திக் கொண்டிருக்க வேண்டும். அப்போது அதனை நகர்த்தக் கூடியவாறு மேலெழுந்து வருவதோடு ஹோம் திரையையும் காண்பிக்கும். ஹோம் திரையில் விட்ஜட் ஐக்கனை விரும்பிய இடத்தில் விட்டு விரலை தொடுகையிலிருந்து எடுக்க வேண்டும். சில வேளை ஹோம் திரையில் இடமில்லாத போது No room on this home screen எனும் செய்தியைக் காண்பிக்கும். அப்போது அந்த விஜட்டை இடப்புறமாகவோ அல்லது வலப்புறமாகவோ நகர்த்துவதன் மூலம் நிறுத்தி விடமுடியும்.


அனூப்

Tuesday, September 23, 2014

HotKeyz

HotKeyz

விசைப்பலகையில்  சுருக்கு விசைகள் உருவாக்குவதன் மூலம் இலகுவாகவும் விரைவாக வும் கணினியில் பணியாற்ற முடியும். விண்டோஸ் கணினியில் சில பணிகளுக்கு சுருக்கு விசைகள் ஏற்கனவே பயன் படுத்தப்படுவதை நீங்கள் அறிந்திருக்கலாம். அது போன்ற சுருக்கு விசைகளை உருவாக்கிப் பயன் படுத்தக் கூடிய வசதியைத் தருகிறது HotKeyz  எனும் ஒரு சிறிய மென்பொருள் கருவி. இதன் மூலம் கணினியில் வெவ்வேறு பணிகளுக்கென விசைப் பலகைச் சேர்மானங்களை இலகுவாக  நீங்களாகவே உருவாக்கிப் பயன் படுத்தலாம்.


விண்டோஸ் இயங்கு தளத்தில் ஒரு ப்ரோக்ரமை இயக்குவதற்கு ஸ்டாட் பட்டனில் க்ளிக் செய்து All Programs தெரிவு செய்து அதிலிருந்து தேவையான ப்ரோக்ரம் பெயரைக் கண்டு பிடித்து அதனை க்ளிக் செய்து திறக்க வேண்டும். இதுவும் ஒரு இலகுவான வழிதான். எனினும்அப்போது உங்கள் பார்வை கணினியிலேயே இருக்க வேண்டும். இந்த HotKeyz பயன் படுத்துவதன் மூலம் நீங்கள் திறக்க விரும்பும் ப்ரோக்ரமை நீங்களாக  நிர்ணயித்த விசைகளை அழுத்தித் திறந்து கொள்ளலாம். மேலும் உங்கள் ஹொட்கீஸ் அனைத்தையும்  வகைப்படுத்தி வைக்கவும் முடிகிறது. பயனுள்ள இந்த மென்பொருள் கருவியை http://win7dwnld.com/  எனும் இணைய தளத்திலிருந்து தறவிறக்கம் செய்யலாம்

அனூப்