Wednesday, October 22, 2014

404 Not Found - explained

404 Not Found  எதற்கு இந்தப் பிழைச் செய்தி

ஒரு இணைய தளத்தை பார்வையிடுகையில் அவ்வப்போது சில பிழைச் செய்திகளையும் பிரவுஸர் காண்பிப்பதைப் பார்த்திருப்பீர்கள். அவற்றுள் பொதுவான ஒரு பிழைச் செய்திதான் 404 Not Found. என்பதாகும். வெப் சேர்வரில் இல்லாத ஒரு இணைய பக்கத்தைப் பார்வையிட முயற்சிக்கும் போதே  இந்தப் பிழைச் செய்தி யைக் காண்பிக்கும். அதாவது அந்தப் பக்கம் சேர்வரிலிருந்து அகற்றப் பட்டிருக்கலாம் அல்லது எட்ரஸ் பாரில் தவறான முகவரி டைப் செய்திருக்கலாம். இந்த பிழைச் செய்தி சேர்வரினால் பிரவுஸருக்கு அனுப்பப் படுகிறது. இப்பிழைச் செய்தி தோன்றும் போது எட்ரஸ் பாரில் நீங்கள் டைப் செய்திருக்கும் முகவரி சரியானதா என உறுதி செய்து கொள்ளுங்கள். முகவரி சரியாயிருப்பின் அந்தப் பக்கம் அகற்றப் பட்டிருப்பது உறுதி.


சரி.. காரணம் எதுவாகவும் இருக்கட்டும். எதற்கு இந்த 404 எனும் பெயர்? ”வெப் பக்கத்தைக் காணவில்லைஎனும் செய்தி மட்டும் போதாதா எனக் கேட்கத் தோன்றுகிறதா? 404 என்பது ஒரு இணைய பக்கம் காணப்படாத விடத்து வெப் சேர்வரினால் உருவாக்கப் படும் ஒரு  சங்கேதக் குறியீடு. இந்தக் குறியீட்டை சேர்ச் என்ஜின் எனும் தேடற் பொறிகள் இனம் கண்டு தவறான அந்தப் பக்கம்  தமது தரவுத் தளத்தில் இடம் பெறா வண்ணம் பாதுகாக்கின்றன. மேலும் இனைய தள வடிவமைப்பாளர்களுக்கும் தமது இணைய தளத்திலுள்ள தவறான இணைப்புக்களைச் சரி செய்யவும்  இந்தப் பிழைச் செய்தி உதவுகின்றது.

அனூப் 

Open programs using Address Bar

Address Bar -  லும் முடியுமே..!


விண்டோஸ் இயங்கு தளத்தில் ரன் கொமாண்ட் பற்றி அறிந்திருப்பீர்கள். அதனூடாக எந்த ஒரு எப்லிகேசனையோ பைலையோ உரிய கட்டளை மூலம் திறந்து கொள்ள முடியும். லாம். ரன் பொக்ஸில் வழங்கும் அதே கட்டளையை நீங்கள் திறந்திருக்கும் ஒரு போல்டரின் (Windows Explorer).எட்ரஸ் பார் பகுதியில் டைப் செய்தும் எந்தவொரு எப்லிகேசனையும் திறக்கலாம். உதாரணமாக அட்ரஸ் பாரில் mspaint என டைப் செய்ய பெயிண்ட் ப்ரொக்ரம் திறந்து கொள்ளும். cmd என டைப் செய்ய கமாண்ட் ப்ரொம்ப்ட் (command prompt) விண்டோ திறந்து கொள்ளும்.  

அனூப்

What is the use of Fn Key?

Fn Key பயன்பாடு என்ன?

கணினி விசைப் பலகையில் F1 முதல் F12 வரை இலக்கமிடப் பட்டிருக்கும். Function விசைகளை எல்லோரும் அறிந்திருப்பீர்கள். இவ் விசைகள் ஒவ்வொன்றும் வெவ்வேறு பயன் பாட்டு மென்பொருள்களில் வெவ் வேறு பணிகளைச்செய்யும். அதே போன்று மடிக் கணினி விசைப் பலகையில் Fn எனும் ஒரு விசை,  விசைப் பலகையின் கீழ்ப் பகுதியில் இடது புறம் இருப்பதை அவதானித்திருப்பீர்கள்.  ஆனால் இந்த பயன் பாடு பற்றிப் பலரும் அறிந்திருப்பதில்லை.

இந்த Fn விசையும் ஒரு Function விசைதான்.. Fn  விசை ஒரு Shift மற்றும் Ctrl விசைகள் போன்றே செயற்படுகிறது.  அதாவ்து இந்த விசை தனித்து இயங்காமல் பிற விசைகளுடன் சேர்த்தே இயக்கப் படுகிறது. இவ்வாறான விசைகளை modifier விசை எனப்படுகிறது. . மேலும் இது  சில விசேட பயன் பாடுகளுக்கெ பயன் படுத்த்ப் படுகின்றது

இது கனினித் திரையின் பிரகாசத்தை அதிகரித்தல், குறைத்தல், கனினி ஒலிக் கட்டுப் பாடு, மல்டி மீடியா ப்ரோஜெகட்ர் இணைத்தல், வைபை இணைப்பை இயங்க வைத்தல் போன்ற விசேட பணிகளுக்காகப் பயன் படுத்தப் படும். இந்த Fn விசையுடன் இணைந்து இயங்கும் விசைகளை, மேலுள்ள Function விசைக்ளின் மீது கீழுப் பகுதியில்  அச்சிடப் பட்டிருப்பதைக் காணலாம். இந்த Fn விசையை அழுத்திய வாறே அவ்விசைகளை இயக்க வேண்டும்.  

-அனூப்-

Monday, October 20, 2014

What is IPv6?

IPv6 என்றால் என்ன?

இணையத்தில் இணையும் அனைத்து கணினிகளும் கையடக்கக் கருவிகளும் ஐபி முகவரி எனும் தனித்துவமான இலக்கத்தினால் இனம் காணப்படுகின்றன. கணினிகளுக்கு ஐபி முகவரியைப் பங்கீடு செய்யும் தற்போது  பயன் பாட்டிலுள்ள முறையானது  IPv4 என அழைக்கப் படுகிறது. IPv4 முறையில் ஒவ்வொரு கணினிக்கும் 32 பிட் கொண்ட ஒரு ஐபி முகவரி (உதாரணம் 120.121.123) வழங்கப் படுகிறது. எனினும் இணையத்தில் இணையும் கணினிகளின் எண்ணிக்கை தினமும் அதிகரிப்பதனால் IPv4 முறையில் வழங்கப்படும் ஐபி முகவரியானது இன்னும் சில வருடங்களில் தீர்ந்து போகும் நிலை வரலாம் என எதிர்பார்க்கப் படுகிறது. இதன் காரணமாகவே தற்போது IPv6 எனும் முறை அறிமுகப் படுத்தப்பட்டுள்ளது. IPv4  முறைமையில் 32 பிட் பயன் படுத்தப்படும் அதே வேளை IPv6 இல் 128 பிட் பயன் படுத்தப்படுகிறது. இதன் காரணமாக ஒரே நேரத்தில் கணினிகளுக்குப் பங்கீடு செய்யக் கூடிய ஐபி முகவரியின் எண்ணிக்கை கணிசமான அளவு அதிகரிக்கிறது. எடுத்துக் காட்டாக IPv4  முறையில் (2^32) =  4,294,967,296  ஐபி முகவரிகள் வழங்கக் கூடியதயிருப்பதோடு IPv6 இல் (2^128) = 340282366920938000000000000000000000000 ஐபி முகவரிகள் வழங்க அனுமதிக்கிறது. .

IPv6 இல் ஐபி முகவரிகளின் எண்ணிக்கை அதிகரித்தாலும் அவை சற்று சிக்கலானவைதான். IPv6 இல் ஒவ்வொரு ஐபி முகவரியும் hhhh:hhhh:hhhh:hhhh:hhhh:hhhh:hhhh:hhhh எனும் வடிவில் இருக்கும். இங்கு ஒவ்வொரு  hhhh பகுதியும் நான்கு இலக்கத்திலான ஒரு பதினறும என்ணைக் (hexadecimal) குறிக்கின்றன. அதாவது இங்கு ஒவ்வொரு h எழுத்தும் 0 முதல் 9 வரையிலும்  A முதல்  F   வரையிலும் அமையப் பெற்றிருக்கும்(உதாரணம் F704:0000:0000:0000:3458:79A2:D08B:4320)

IPv6 கொண்ட ஐபி முகவரிகள் சிக்கலான வடிவில் இருந்தாலும் இம்முறையானது கணினிகளுக்கு சிறந்த பாதுகாப்பை வழங்குகின்றது. மேலும் அதிக எண்ணிக்கையிலான ஐபி முகவரிகள் வழங்க முடிவதால் மற்றுமொரு கணினியின் ஐபி முகவரியை யூகிப்பது அசாத்தியம்.

தற்போது பயன் பாட்டிலுள்ள அனேக கணினிகள் IPv6 முறையை ஆதரிப்பதால் விரைவில் புதிய இணைய நியதிகள் அமுலுக்கு வரலாம் என எதிர்பார்க்கப் படுகிறது. மேலும் IPv6 ற்கு இன்னும்  கணினிகள் முழுமையாக மாறவில்லையாயினும் தற்போது இரண்டு முறைகளையும் பின்பற்றி கணினிகளுக்கு ஐபி முகவரிகள் வழங்கும் முறை பயன் பாட்டில் உள்ளது. இது ஒரு தற்காலிக நடவடிக்கையாகும். இன்னும் ஒரு சில வருடங்களில் IPv6  மட்டுமே பயன் பாட்டில் இருக்கும்.
அனூப்