Saturday, December 26, 2015

How to change the text size in Windows

விண்டோஸில் எழுத்துக்களின் அளவைப் பெரிதாக்க..

உங்கள் கணினித் திரையின் தெளிவுத்திறன் (resolution-ரெசலுயூசன்) அளவை அதிகரிக்கும் போது திரையில் தோன்றும் எழுத்துக்கள் மற்றும் ஐக்கன்களின் அளவு சிறிதாக மாறி விடுவதை நீங்கள் அவதானித்திருக்கலாம். எழுத்தின் அளவு சிறிதாகி விட்டால் அதனை வாசிப்பது கடினமாகி விடும். அதற்காக ரெசலுயூசன் அளவைக் குறைத்து விடுவது தீர்வாகாது. ரெசலுயூசன் அளவு குறையும் போது ஒரெ நேரத்தில் ஒன்றுக்கு மேற்பட்ட விண்டோக்களைத் திறந்து பணியாற முடியாது போய் விடும்.,


உயர் தெளிவுத் திறனில் எழுத்தின் அளவு குறைந்தாலும் ரெசலுயூசனைக் குறைக்காமல் எழுத்தின் அளவை அதிகரிப்பதற்கான வசதியை விண்டோஸ் தருகிறதுவிண்டோஸ் 7 மற்றும்  8 பதிப்புகளில் எழுத்தின் அளவை மாற்ற பின்வரும் வழி முறையைக் கையாளுங்கள். கண்ட்ரொல் பேணலில் Display தெரிவு செய்யுங்கள்.  தோன்றும் சிறிய விண்டோவில் மூன்று வெவ்வேறு அளவுகள் காண்பிக்கப்படும். அங்கு Larger தெரிவு செய்து எழுத்தின் அளவை (50 வீதம்) அதிகரிக்கலாம். இன்னும் அதிகரிக்க விரும்பினால் Display  விண்டோவின் இடப் புறம் தோன்றும் Set custom text size என்பதில் க்ளிக் செய்து அதிகரிக்கலாம். விண்டோஸ் 8 பதிப்பில் Larger என்பதன் கீழ் Custom sizing options  காணப்படுகிறது.  விண்டோஸ் 10 பதிப்பில் எழுத்தின் அளவை மாற்ற ஸ்டாட் பட்டனில் க்ளிக் செய்து Settings ஊடாக  System தெரிவு செய்யுங்கள்.  அங்கு Display இல் எழுத்தின் அளவை மாற்றுவதற்கன ஒரு ஸ்லைடர்  slider தோன்றும் .  அதனை விரும்பிய அளவில் இழுத்து எழுத்தின் அளவை மாற்றிக் கொள்லலாம். -அனூப்-

Saturday, December 19, 2015

How to draw a table using a keyboard

விசைப்பலகை முலம் அட்டவணை உருவாக்க..

எம்.எஸ்.வர்டில் அட்டவணையொன்றை ரிப்பனில் உள்ள கட்டளைகளை செயற்படுத்தி இலகுவாக உருவாக்கி விடலாம் என்பதை அநிந்திருப்பீர்கள். எனினும் விசைப்பலகை மூலம் அட்டவணையொன்றை எவ்வாறு உருவாக்குவது என்பதை அறிவீர்கள?

ஒரு நிரை (row) மற்றும் மூன்று நிரல்களுடன் (column)  கூடிய ஒரு அட்டவணைய உருவாக்குவதற்கு முதலில் ஒரு புதிய வரியின் ஆரம்பத்தில் கர்சரை நிறுத்துங்கள். அடுத்து விசைப்பலகையில் ”+” (சக) குறியீட்டை நான்கு தடவை (plus, space, plus, space…) இடைவெளியுடன் டைப் செய்து எண்டர் விசையை அழுத்துங்கள். இப்போது ஒரு நிரை மற்றும் மூன்று நிரல்களுடன் கூடிய ஒரு அட்டவணை உருவாகியிருப்பதை  அவதானிக்கலாம். இந்த அட்டவணையில் நிரலின் அகலம் குறுகியதாகக் காணப்படும். எனினும் நீங்கள் அட்டவனையினுள்ளே டைப் செய்யும் போது சொல்லின் அளவுக்கேற்ப நிரல் அளவு அதிகரிக்கும். டேப் விசையை அழுத்தி அட்டவணையினுள்ளே கர்சரை நகர்த்துவதன் மூலம் மேலும் நிரைகளையும்  உருவாக்கலாம்.

அகன்ற நிரல்களுடன் கூடிய அட்டவணைய உருவாக்க வேண்டுமாயின் + குறியீட்டுக்குப் பதிலாக ”-” (dash) குறியீட்டைத் தேவையான அளவு அழுத்துங்கள்.


உங்கள் கணினியில் சில வேளை இந்தக் கட்டளை இயங்காதிருந்தால் கீழே குறிப்பிடுவதுபோல் எம்.எஸ்.வர்டில் செட்டிங்ஸ் மாற்றி விடுங்கள். ஒபிஸ் பட்டனில் (2007 பதிப்பு) அல்லது பைல் டேபில் (2010 பதிப்பு) க்ளிக் செய்து வரும் மெனுவில் Word Options அல்லது Options  தெரிவு செய்யுங்கள். தோன்றும் டயலொக் பொக்ஸில் Proofing தெரிவு செய்து அங்கு AutoCorrect options பட்டனில் க்ளிக் செய்யுங்கள்அப்போது தோன்றும் டயலொக் பொக்ஸில் AutoFormat As You Type எனும் டேபில் க்ளிக் செய்து Apply as you type  எனும் பகுதியில் Tables என்பதைத் தெரிவு நிலைக்கு மாற்றி ஓகே சொல்லிவிடுங்கள் .-அனூப்-

True Caller -

True Caller - அழைத்தது யாரோ?

கையடகத் தொலைபேசிகளில் கிடைக்கும் கோலர் ஐடி (Caller ID) வசதி மூலம் எங்களுக்கு அழைப்பை எடுக்கும் நபர் யார் என்பதை நாம் அறிந்து கொள்கிறோம். எனினும் அழைப்பவரின் தொலைபேசி இலக்கமும் பெயரும் எமது தொலைபேசியின் தொடர்பாளர் பட்டியலில் (contact list)  பதியப்பட்டிருந்தால் மட்டுமே அழைப்பவர் யார் என்பதை அறிந்து கொள்ளலாம். எமது தொலைபேசில் சேமிக்கபடாத ஒரு இலக்கத்திலிருந்து அழைப்பு வரும்போது அழைப்பவர் யார் என்பதை நம்மால் அறிந்து கொள்ள முடியாததுடன் அவ்வாறான அழைப்புக்களுக்கு பதில் சொல்லவும் தயங்குவோம்

எமக்கு அறிமுகமில்லாத அனாமதேய அழைப்புக்களின் தொலைபேசிகளுக்கு உரிமையாளர் யார் என்பதைக் காட்டிக் கொடுக்கிறது ஒரு எண்ட்ரொயிட் அப்லிகேசன். TrueCaller எனும் இந்த அப்லிகேஸன் உங்களுக்கு  உலகின் எப்பகுயிலிருந்து அழைப்புக்கள் வந்தாலும் அவரின் பெயரோடு புகைப் படத்தையும் காட்டி விடுகிறது.

இந்த எண்ட்ரொயிட் எப் ஆனது உலகிலுள்ள 2 பில்லியன் தொலைபேசிகளின் உரிமையாளர்களின் விவரங்கள் அடங்கிய  தரவுத்தளம் ஒன்றைப் பேணி வருகிறது. இந்த அண்ட்ரொயிட் கருவியை உங்கள் கையடக்கத் தொலைபேசியில் நிறுவும் போதே உங்கள் தொலைபேசியில் உள்ள தொடர்பாளர் பட்டியலுக்குள் ஊடுறுவி அதிலுள்ள தரவுகளை தனது தனது தரவுத் தளத்துக்கு  அனுப்பி விடுகிறது.

இவ்வாறு இந்த எண்ட்ரொயிட் கருவியை நிறுவிக் கொள்ளும் ஒவ்வொரு பயனர்களிடமிருந்தும் தரவுகளைப் பெற்றே மிகப் பெரிய ஒரு தொலைபேசித் தரவுத் தளத்தைக் உருவாக்கியிருக்கிறது ட்ரூ கோலர்.

உங்களுக்கு அடிக்கடி அனாமதேய அழைப்புக்கள் வருமாயின் அவ்வாறான தொலைபேசி இலக்கங்களை தடுக்கவும் வசதி செய்கிறது இந்த எண்ட்ரொயிட் கருவி. மேலும் ஒரு  தொலைபேசி இலக்கத்துக்கு உரிமையாளர் யார் என்பதைத் தேடிக் கண்டறியும் வசதியை www.truecaller.com/ இணைய தளத்திலும் வழங்கியுள்ளது.

உங்களை அழைப்பவர் யார் என்பதை சில வேலைகளில் காண்பிக்காமல் விட்டால் truecaller தரவுத்தளத்தில் அவ்விலக்கம் இன்னும் சேர்க்கப் படவில்லை என்பதே காரணமாகும்.

எமக்கு வரும் அழைப்புக்களுக்கு சொந்தக்காரர் யார் என்பதைக் காட்டிவிட்டாலும் எமது தொடர்பாடல் பட்டியலை உலகறியச் செய்வது என்பது எமது அந்தரங்கத்தை கேள்விக்குறியாக்குகிறது என்பதால் இந்த ட்ரூ கோலர் எண்ட்ரொயிட் கருவியை உங்கள் கையடக்கத் தொலைபேசியில் நிறுவிக் கொள்வதா இல்லையா என்பதை நீங்களே தீர்மானித்துக் கொள்ளுங்கள். -அனுப்-

Saturday, December 05, 2015

What is Chromecast?

Gadgets

Chromecast என்றால் என்ன?

இணையத்தில் நீங்கள் பார்வையிடும் யூடியூப்  விடியோ மற்றும் இசைக் கோப்புக்களை  தொலைக்காட்சி வழியே பார்கும் வசதியை அளிக்கும் ஓரு சிறிய கருவியே ”க்ரோம் காஸ்ட்”. கூகில் நிறுவனத்தின் தயாரிப்பான க்ரோம் காஸ்ட் இணையத்தில் இணைய உதவும் ”டொங்கில்” போன்ற அமைப்பில் இருக்கும்.

இந்த க்ரோன்ம் காஸ்ட் கருவியைத் தொலைக் காட்சிப் பெட்டியிலுள்ள HDMI போர்டில் செருகி விட்டு எண்ட்ரொயிட் ஸ்மாட் போன் மற்றும் டேப்லட் பீசியை  வைபை ( )  இணைப்பின் மூலம்  இந்த க்ரோம் காஸ்ட் கருவியுடன் இணைக்க வேண்டும். மேலும் ப்லே ஸ்டோரிலிருந்து எண்ட்ரொயிட் கருவிக்கான க்ரோம்காஸ்ட் அப்லிகேசனையும் நிறுவிக் கொள்ள வேண்டும்.

கையடக்கக் கருவிகளில் அடிக்கடி வீடியோ காட்சிகளைப் பார்ப்பவர்களுக்கும், கையடக்கக் கருவியின் திரை சிறிதாக நிருப்பதால் அவற்றில் வீடியோ பார்க்க விரும்பாதவர்களுக்கும் தொலைக் காட்சிப் பெட்டியில் பெரிய அளவில் வீடியோக்களைப் பார்க்கும் வசதியை அளிக்கிறது க்ரோம் காஸ்ட்.

க்ரோம்காஸ்ட் மூலம் ஓன்லைன் விடியோக்கள் மட்டுமன்றி உங்கள் அண்ட்ரொயிட் கருவியின் திரையையும் ஒரு விம்பம் போல் தொலைக் காட்சிப்பெட்டியிலும் பார்க்கலாம். மேலும் எண்ட்ரொயிட் கருவியிலுள்ள் போட்டோக்கள், வீடியோ போன்றவற்றையும் பார்க்கும் வசதியை அழிக்கிறது  க்ரோம்

காஸ்ட். க்ரோம் காஸ்ட் கருவி e-bay தளத்தில் 30 டாலர் அளவில் கிடைக்கிறது.  -அனூப்-